影片
以上資料只供參考, 請與餐廳確認詳情
要係元朗搵一間fine dining都唔係咁易，座落於一個唔太顯眼既地方，如果冇上網做功課都真係好易miss左佢。一間唔算大既舖頭，冇好華麗既裝修，只有一個waitress and chef,小舖經營，但就更顯佢既用心同顧客之間既inter-action。我同老婆兩個人6：30到，當時仲未有其他客人，waitress好耐心咁介紹有咩食，選擇唔算多，但其實只係香港人慣左太多選擇吧，所以都冇乜太大問題。我地叫左個set for two （four course），先黎一個焗麵包，佢係用nuts加埋少少jam做餡既包，焗得外脆內軟，香味十足，配埋自家製桂花牛油，yummy yummy~~~之後黎到第一度菜， 生牛肉他他醃製過後既他他做得好好，冇任何腥味，應該係用左少少青辣椒去僻腥佢既多士估唔到有驚喜，以為都係一般既硬脆感，但估唔到脆得黎係鬆脆個種，食落唔會食到牙都痛，更加可以令d牛肉味入到多士內如果可以多一塊會更perfect~ 老婆個份就有dd筋，但整體都算好好第二度菜就係碳燒熟𢦓馬友（另+$138）佢係醃製3日再以碳燒既方法去做冇諗過會有法國餐廳用本地既材料去做呢個菜魚皮燒得好脆，魚肉並冇因為overlook而變得乾身，仍然keep到佢既水份，一如普通既馬友，魚味好出，加埋個檸檬做既sauce,配搭得好出色～亦令到成道菜冇咁heavy~第三道係威靈頓牛柳呢個菜要提前預訂，試做過既人都一定知道佢既繁複（當日我overall整左超過5個鐘。。。。）而滿心期待既呢道菜冇令人失望之餘更加有驚喜佢唔似普通既做法，用angus既牛柳（prime grade）取代傳統既封門柳，牛味好出，焗到中間係嫩嫩既粉紅色，火喉掌握得好好，而佢個酥皮亦都冇傳統做法咁厚身，做到薄而酥脆sauce就係用松露做既汁，不過就唔算好重松露味整體黎講係十分出色對我呢個truffle lover黎講入面只係用白菌等菇類而唔加松露係有d失望，但都明白如果加左既話會搶左個牛味，所以都放過佢啦～最後一個ending由甜品作結佢地好好，如果唔鍾意set dinner既甜品可以轉其他甜品而唔洗加錢我老婆係tiramisu lover所以佢轉左做tiramisu我就食返佢原本個桃甜品tiramisu,好傳統既做法，滑而不太甜，咖啡味濃，同埋佢手指餅有浸過咖啡酒既，亦有純手指餅既，食得出係即整既（唔係既話冇浸酒既手指餅應該已經淋晒），對於鍾意食傳統版既值得回味～～～～而我個個（唔記得全名）就包含左新鮮桃肉，白酒醃過既水欖同杏仁，而個base我都唔記得左係咩，但一食真心有驚喜，比main course更有surprise!桃味好出，白酒味都食得到，唔太嗆（不過本身唔鍾意水欖既我都係接受唔到水欖，我老婆熟話水欖好好食）而個base出面似係pudding既質感，中間係少少似雪芭既感覺，少少冰感，味道濃郁幼滑，食一啖已經停唔到!我都唔sure係vanilla 定係杏仁既味道，但真心好食！配埋個桃雪芭，成件事好match! waitress話正值夏天，chef想整d消暑又唔太膩既甜品，呢個真係一絕！最後配個hot chocolate作結，成件事滿足晒！成餐飯由6：30食到10點，真係好有法國菜既節奏對於食慣快餐既香港人未必習慣得到，但真心值得同三五知己慢慢enjoy，一路傾計一路慢慢食（咁樣慢食就唔會咁易肥～）waitress真心好，每道菜都好細心咁解釋，到走既時候仲會送到出門口，問返feedback,務求改進，值得一讚～而原本我地都冇book到set, waitress都特登同chef溝通，最後可以offer set比我地，appreciated~而且本身諗住法國菜都係好睇好食但未必食得飽，冇諗過佢每道菜都比想像中大份，以一個男仔黎講都可以食得飽，呢個價錢黎講真心高cp值！真心推介！
繼續閱讀
第一次食，純粹路過想搵餐廳，餐廳12點開門12:10入座12:12分落單等左大概20分鐘上沙律12:58上我碟意粉13:28 上我老公碟魚（即係足足一個鐘無野食）味道係唔錯，工作人員都好斯文用心，仲會每碟介紹，但食物上菜時間實在係不合理地慢，而中間無任何小食/麵包，你只可以純乾等，令人耗盡耐性發現廚房只能一次過出同款菜式，唔同款式就要等下一輪。所以如果同枱客人點唔同菜式，大家就需要前後腳咁食，唔可以等埋一齊食如果係唔趕時間唔肚餓、配杯紅酒慢慢飲、上籃麵包俾人食住先，呢個速度都勉強可接受，不過普通lunch 黎講呢個速度實在慢得難以想像。發現隔離枱客人都係忍唔住要追（都係已等超過1個鐘），原來佢之前兩次黎都係遇到同樣問題，不過工作人員態度好好所以繼續俾機會。如果我下次全日都無野做，純想hea，都可以再黎，但請預2個鐘食lunch。第一次openrice留言，唔係想投訴，係真心希望餐廳可以處理呢個問題
繼續閱讀
全部菜都好好食😍無嘢可以挑剔！每道菜嘅味道都好有層次，可見大廚嘅用心～❤️個自制桂花牛油配合桃麵包真係好有驚喜🥹😍估唔到桂花同牛油嘅味道咁夾！炭烤馬友魚都超正，啲魚油超香，魚皮烤得脆脆的！個醬汁係用檸檬整嘅，酸酸地可以中和魚嘅油膩感🥰
繼續閱讀
和「老」聚會，經過這一所平時不什起眼的餐廳，原來是走法式路線。在沒有心理準備下，食物好好味及服務非常有heart。必須要試有「馬友」魚及「三黃鷄」。我的「老」友們食到嗔嗔稱奇。馬友入味兼魚皮好似薯片，成碟－掃而空。我這個唔食魚之人仍忍唔住試吓，果然非常入味。「三黃雞」更加係拍案叫絕。整件雞原隻上，雞味濃及嫩滑，儘顯法國精箤。其他配菜及封門柳亦十分驚喜。服務態度十分之認真体貼。吹下吹下已經過咗最後點餐，但廚師仍然為我們弄甜品。摘星指日可待。
繼續閱讀
這天與一班喜好美酒佳餚的友人,在元朗區內想來一個精緻點的飯局,我很快就想起了Double Dip;問及眾人意見,大家都同意後馬上打電話去訂位;晚上7點多大家到齊就一起進場;室內裝潢走高冷精緻路線,牆壁甚有線條感,配合著燈光與餐枱椅擺設,加上偌高的樓底,充滿時尚主義!當置身其中,令人感覺相當舒適!據餐廳美女經理介紹,餐廳主廚每隔一段時間就會根據時令食材研究新菜式來轉換餐牌,所以每段時期的餐牌會有適量菜式選擇;經一番商議後,點了一個四道菜的二人套餐,然後添加了沙律前菜,意粉及小食;率先登場的法包及桂花牛油,是餐廳自家出品;法包本身質地厚而鬆軟,帶著香濃麥味,塗上牛油後,桂花的香氣及牛油的鹹味令麵包的味道更複雜,牛油質地帶來的潤滑感令整體口感更覺滋潤!隨後遞來我們另外點上的沙律前菜--瑞士芝士風乾火腿及鮮桃沙律;不但賣相吸引,而且給予味蕾相當的層次感:新鮮的沙律菜尤其火箭菜有鮮桃肉的點綴,和諧又甜美;瑞士芝士的鹹香令果菜的甜味更突出,西班牙風乾火腿帶來的油香肉香,與火箭菜及桃肉十分匹配,意大利黑醋及橄欖油有著平衡作用;再喝上一口我們自帶的布根地白酒,在味蕾上,白酒活潑的酸度令此沙律前菜更錦上添花!(因餐廳現時仍免開瓶費,所以當美食配上醇酒時更讓人享受!)四道菜二人套餐選取的前菜是油甘魚及牛肉他他各一;油甘魚擺碟精美,猶如幾抹胭脂降臨白雪之上,辣根及香草以及鮮桃醬額外提供了繽紛色彩及特別的味道!油甘魚經煙燻過後,依然保持本身鮮味,而且肉質嫩滑,配上鮮桃醬,鹹鮮與香甜融為一體,無論配上白酒抑或清酒都十分美味!另一前菜--牛肉他他,附上了焗到香脆可口的小多士;小多士作為盛載牛肉他他的器具之用,更可增加味道與層次,實屬聰明做法!混調了多款香料在牛肉他他內,可褪去其肉羶味,尤其既香且辣的黑胡椒粒更能提升牛肉討喜的本味;配上來自法國波爾多的紅酒,更突出香料氣息,從而令本身嫩滑的牛肉他他的美味更好地衝擊味蕾!法式洋蔥湯做法很正宗,炒至熟透的洋蔥與牛肉湯底已融合彼此,焗過的芝士及法包,吸收了湯汁的精華,細品之下,湯中透出的香料味與洋蔥味十分突出!另外點上的意粉十分出色,無論是黑松露忌廉雜菌意粉,抑或是阿根廷紅蝦意粉;黑松露忌廉雜菌意粉的醬汁調味細緻又恰到好處,黑松露作為主導之味,與忌廉汁滲入到有點煙韌口感的意粉當中,偶爾嚼上爽滑的雜菌,無論味道及質感皆屬上乘,配上波爾多紅酒令黑松露的香氣更潤美!阿根廷紅蝦意粉,一樣的意粉質感,但換成用蝦膏打成的醬汁烹調,既鮮且濃的蝦汁賦予意粉另一種美味,輕柔的辣度更加提鮮,配上清酒令整體美味再添一城!然後美女經理贈送了一份配酒小食,來自主廚最新自家製新品小食--法式果醬撻;酥脆的外皮裡面有帶點甜美的果醬,口感很有趣又特別,配上清酒帶來意料之外的好!主菜是威靈頓牛扒,點了半熟程度;外皮焗得酥脆,牛扒中間呈現胭脂色調,每一碟分成三份,蘸上醬汁與滑溜的薯蓉,口感美妙;配上佐牛扒妙品的波爾多紅酒,牛肉本味益加突出,饒有滋味!再點上一個小食辣肉腸燒汁薯泥來配白酒,滑溜的薯泥有辣肉腸及香料的加持,層次感十足,咀嚼著辣肉腸帶來的美味,再配上布根地白酒,有如在味蕾上點起了煙火般的場景!至於一向不嗜甜的我也不禁盛讚其朱古力甜品;當中黑朱力批有適中的甜度又有滑溜的口感,濃郁的可可豆氣味再配上烤過的香蕉,其美味值得拍手稱好!朱古力雪糕蘸上鮮桃醬,既過癮又滋味!最後,點了跟餐的飲品後,美女經理再贈送了我們每人一客的鮮桃雪葩;在這種悶熱天氣裡吃著如此沁人心肺的雪葩,有鮮桃肉的點綴令雪葩更清新,而黑欖獨特的鹹香令整體味道顯得平衡又複雜!一個如此精緻的晚宴酒局,在美食,佳釀與笑聲中渡過,實在讓大家很滿足!
繼續閱讀