影片
土耳其菜特色小店😍土耳其小店位置有啲隱蔽，唔知老闆係咪土耳其人，都好nice，店內仲有幾隻貓貓🐱每樣嘢老闆都親手整，都幾正宗，仲有驚喜！店內環境裝修非常有民族氣息，包括充滿民族風同色彩繽紛嘅餐枱、餐碟，菜式叫左羊肉doner kebab，老闆一路整一路都聞到好香燒肉味，即叫即整，即場削旋轉烤肉落嚟，肉質夠晒嫩又唔會好乾！另外如果怕辣嘅朋友，可以落單嗰時同老闆講走辣，亦都可以跟白飯或者薯條，分量剛剛好，好滿足！😛 望住七彩色嘅磚牆，同店內掛嘅土耳其馬賽克燈，完全覺得自己去咗土耳其啊！
繼續閱讀
小店位於人流好少嘅角落，打開門裏面只有三張枱，但就好有特色掛滿色彩鮮艷嘅裝飾，梳化位仲鋪滿土耳其風地毯，另外仲可以買土耳其調味料、零食、飲品，散發出當地風情好似去咗旅行咁！唔同國家嘅kebab(烤肉)都會有啲唔一樣，香港好多kebab店係印度人開，而呢間土耳其人開嘅雖然無得另外叫咖喱，但就有好多款傳統土耳其kebab揀啦！▫️ 烤雞肉卡巴卷｜$48食過卡巴卷就知食起上嚟會好哩啡，但呢到會自動幫你切開一半再每人遞上一隻碟，完全唔怕食到周圍係～卷皮偏薄而且卷得好實，雞肉同蕃茄、洋蔥、生菜比例差不多，每一啖都可以食到全部食材，夾埋啲garlic sauce好正，屬於唔重口味嘅卡巴卷，雞肉同卷皮口感都係偏腍身。▫️ 烤雞肉沙律｜$58雞肉份量超多，口感比起卡巴卷雞肉硬，應該係雞肉位置唔同。底層鋪滿生菜同洋蔥墊住，面層大量garlic sauce同小小辣粉，基本上唔似食緊沙律，相比起卡巴卷無咁驚喜。▫️ 亞丹娜串燒配薄麵包｜$98亞丹娜串燒食落口感有啲似漢堡扒，佢係羊肉同牛肉，加上唔同香料混合而成，牛同羊嘅羶味唔重，帶點微辣，配合底層嘅薄麵包、醬料同配菜食味道都幾特別。▫️ 土耳其傳統茶(熱)｜$18、蜜桃茶(凍)｜$35比起咖啡我更鍾意飲茶，傳統茶茶味濃郁得嚟易入口；蜜桃茶好甜好甜⋯雖然地方較細，但呢一帶較寧靜，老闆好nice係一間好有人情味又地道嘅餐廳，下次再嚟試埋佢啲甜品同埋薄餅！
繼續閱讀
最近去咗一間極隱世土耳其小店，如果唔係咁啱經過，應該都唔會發現到佢嘅存在😌小店位於炮台山京華道富利來商場地舖，位置幾隱蔽，人流唔多特別冷清。門面相當顯眼，有色彩繽紛嘅土耳其花磚牆，掛著土耳其馬賽克燈，甚有特色！入到店內面積唔大，有一張二人枱同一張梳化位，四周圍都係土耳其花紋嘅傢俱，牆上掛著土耳其風地氈，都幾適合打卡📸 店內更有一個貨架放置土耳其零食、食品及飲品，價錢唔算貴，可以買返啲零食返去止吓旅行嘅癮😂❤️ Turkish Coffee $45之前去過飲馬灣嘅熱沙咖啡，估唔到炮台山都有得飲土耳其咖啡喎😲 杯嘅造型比較普通，係簡單嘅白色小杯☕️如果飲過土耳其咖啡應該都知道，土耳其咖啡嘅特色就係唔會過濾咖啡渣，佢啲咖啡會研磨得非常幼細，飲用嘅時候啲咖啡渣就會沉澱到底部，所以飲到少量咖啡渣係正常㗎～ 聽聞土耳其人係會根據飲完咖啡渣所形成嘅圖案去進行咖啡占卜🔮製作咖啡前，外藉店主會問你需唔需要落糖，我今次就無落糖👀 一上枱咖啡係滾燙嘅狀態，咖啡濃郁香醇，呷第一口已經品嚐到其苦澀同微酸，第一次飲嘅話可能會唔習慣💁🏻♀️ 店主亦有附上一杯清水，可以幫助清走嘴巴內殘餘嘅咖啡粉👅❤️ Chicken Doner Kebab $68店主好貼心將doner kebab切成兩份，仲分開兩個碟載住☺️ 個卷係即叫即整，即場削旋轉烤雞肉落嚟！😛 雞肉同菜嘅量夠多，個雞肉帶少少辣，肉質濕潤夠嫩唔會燒得太乾💦 入面仲有洋蔥，佢嘅香料味唔算好重，啲醬仲多到咇哂出嚟😜 卷皮就偏腍，如果可以烘到微脆，口感會更好！ 餐廳推薦度：⭐️⭐️⭐️✨ (3.5/5)得閒嚟吓呢啲特色店舖都唔錯，估唔到喺炮台山都飲到土耳其咖啡🤭 雖然店舖細細，但咁有土耳其風情嘅小店都可以一試！支持一吓小店🙌🏻
繼續閱讀
The boss use his heart to make each food . The food is delicious, the boss is nice and the environment is comfortable , like it and recommend . I like the chicken kebab and the tea.The restaurant decorated with Turkish style and let me know more about the country. Will come
繼續閱讀
Really kind owners, delicious taste and meat was nicely marinated and soft. We ordered chickpea salad, chicken doner salad and mixed doner with rice. All the veggies tasted fresh and the meat was also nicely flavoured.We will definitely be back!!
繼續閱讀