-
招牌甜辣芝士無骨烤雞
-
韓式海鮮煎餅
-
芝士雞蛋卷
-
韓式手抓飯
-
原味烤雞+21
457
25
15
電話號碼
23338365
開飯介紹
地道口味的韓國炸雞專門店，招牌菜有各款韓式烤焗雞及招牌薄餅。
繼續閱讀
營業時間
今日營業
11:30 - 23:30
有關餐廳
有關獎賞計劃
優惠
食家推介
好多人都迷韓國🇰🇷，有d就鍾意韓國美女，有d就喜歡韓國oppa，而我就鐘情韓國食物啦！韓國炸雞都食唔少，今次我同男朋友就想食下韓國烤雞。原味烤雞Original chicken 🍗 ᴴᴷ$180呢度除左平時食開既炸雞外，仲有幾款烤雞可選。原味烤雞，少了一份油膩熱氣感，外皮烤得香口小脆，裡面肉質嫩滑依然，肉汁飽滿。蘸上少許台式辣醬，甜甜酸酸的，更惹味。吃完一塊烤雞，再食兩粒白蘿蔔，立刻refresh。 除左烤雞，我地仲點左牛排湯Small beef Galbi Tangᴴᴷ$178老實講個賣相就好一般，試下個湯，味道唔錯，雖然唔算好濃郁，但飲落肉香味出，仲有微微紅棗甜，再食口牛肉，好香軟，應該煮左好一段時間。牛肉配菇類唔知點解就係好夾，呢個鍋裡有三種唔同既菇。另一個令人驚喜既係牛肉份量一d都唔少，起碼有8-10塊！炸雞既最佳拍檔一定係啤酒🍻，食烤雞都一樣！男友叫左一杯普通既coronaᴴᴷ$40。呢個就正常，無咩特別好講😂😂。而我就想飲d特別d既，於是就order左杯以韓國啤酒Hite為主既特飲，叫Hite Bloody OMGᴴᴷ$88。OMG可能就係因為飲一口就會忍唔住講出黎！真係冰涼透心，韓啤微微既麥苦味，襯係甜既水果甜飲，好好味啊！
繼續閱讀
朋友話想食炸雞， 本身食咩都冇所謂。 不過韓國炸雞店通常都坐得幾舒服， 食吓飲吓計又坐得舒舒服服都不失為一個好提議。今晚去了喺銅鑼灣利舞臺上面嘅人氣炸雞店。 店鋪地方好闊落， 坐得好舒服。 地方係乾淨企理。韓式手抓飯$78先來地道一吓叫一個韓式手抓飯。 手套已經備上。 有齊地道 材料， 蟹子，紫菜碎和蟹柳肉。 底下亦加入了芝味嘅沙律醬。 上枱時已經聞到陣陣嘅麻油香。 將所有材料撈勻就開始 戴上手套做飯糰。 可惜太過濕潤， 飯團未能成型， 最後當然用番匙羹就咁食。 飯仍微微暖， 撈入了好香嘅麻油和沙律醬， 入口飯香軟糯， 三款材料亦富有口感， 啖啖豐富滋味!可口可樂$22夠凍!招牌甜辣芝士無骨烤雞$198我見好多人都order呢個， 網上評價都唔錯決定一試。個鐵板熱辣辣咁上， 烤雞香氣噴鼻。 見到鋪上嘅芝士非常期待。 一定要趁熱食， 唔係嘅話芝士溶咗就變硬唔香。 無骨雞啖啖肉， 配上特製甜甜酸酸嘅醬汁，好惹味! 無骨烤雞還有 韓國年糕，蔬菜和芝士獅子狗， 好豐富呀! 附設嘅酸蘿蔔非常清新爽脆! 菜色份量都頗大， 而且坐得好舒服， 極近地鐵站， 放工約齊朋友冇難度。
繼續閱讀
香港開左唔少韓國炸雞餐廳, 其中一間我經常光顧既, 就係位於銅鑼灣既Dodam chicken, 全港只有一間分店, 主打炸雞同烤雞, 味道款式選擇多, 另外仲有pizza、韓國小食等...基本上每次黎都係食唔停口, 絕對要將減肥計劃放埋一邊! 因為份量都幾多, 所以約埋三五之己share就最好不過!【芝士雞蛋卷】HK$128雞蛋卷表面支上沙律醬汁, 加上大量蟹籽, 色彩配搭令賣相非常吸引。切開雞蛋卷, 極邪惡既流心芝士慢慢流出, 趁熱時夾起, 仲可以拉出長長既芝士絲, 雞蛋卷口感滑, 烹調溫度掌握得岩岩好!雞蛋卷跟軟棉棉既芝士在口中mix-up, 蛋香跟芝士香很平均, 值得一試!【韓式魚片湯】HK$178湯底很濃, 不過稍為有d偏鹹, 有大量一片片魚糕、丸類、雞蛋、蔬菜, 雖然丸類唔算彈牙, 跟魚糕一樣吸左湯底, 變得入味, 唔洗額外再調味。 呢間韓國餐廳有多款烤雞、炸雞選擇, 特別係炸雞, 款式味道令人花多眼亂, 每次係選擇時都要花d時間, 今次就決定揀雙併! 一次過滿足兩種口味!【白雪芝士雞+原味焗烤雞】HK$228 (雙併)份量唔少! 炸雞同烤雞表面同樣不帶油膩, 很乾身; 焗烤雞外樣帶略脆, 有BBQ香, 味道唔算太驚喜。而最令我食後一直回味就係白雪芝士雞! 芝士粉灑於炸雞表面, 賣相就好似落雪一樣, 鹹鹹地又甜甜地既芝士粉, 令炸雞味道更加昇華! 炸雞皮脆肉嫩(除左部分雞胸位置冇咁嫩滑之外) 內裡係非常juicy! 喜歡味濃既朋友, 不防一試! 同行喜歡食清淡既朋友反而偏愛食烤雞, 兩款雞都各有所長, 再一次冇令我地失望啊!
繼續閱讀
位於銅鑼灣利舞臺廣場18樓A舖的Dodam Chicken, 主打正宗韓國菜及韓式炸雞。餐廳的老闆和老闆娘是正宗韓國人，而餐廳內也播著節奏明快的K-pop。餐廳正提供午市套餐，加一後價錢約為八十元，有不少打工仔來這裡用餐。點了一客三款雞套餐，約十分鐘後，食物便上桌了。三款雞包括焗豉油雞 、 脆香雞、雞翼，焗雞還可以選擇豉油或辣醬口味。個人覺得這個組合十分豐富，可以多試不同煮法的雞。豉油口味的焗雞味道濃郁，而且切成一粒粒，容易入口。焗雞和炸雞粒選用了雞柳肉，肉質滑溜。當中還加了少許椰菜和洋蔥，令味道更清新。炸雞粒的味道也十分不錯，新鮮熱辣脆卜卜，而且炸得乾身。雞翼也醃得頗為入味，不會炸得過老而變得嚡口。而且，中間還有少許沙津菜平衡一下。雞的份量十足，男士吃也足夠。😛套餐還會包一碗白飯及一碗韓式魚片湯。湯的味道略嫌重了一點點，最好襯熱享用。午市還可以在自助吧拿取韓式前菜，是日前菜為韓式粉絲及泡菜。兩款味道都十分正宗，特別喜愛辛辣醒胃的泡菜。午市套餐還會包一盒紙包飲品或一杯柚子蜜。額外點了一杯士多啤梨奶昔，嚐到士多啤梨的質感，味道天然，甜度剛剛好。
繼續閱讀
隔一段時間就想去食韓國菜， 今晚興之所至， 就走咗去銅鑼灣利舞臺嘅Dodam Chicken.呢間炸雞好出名， 唔係食傳統韓國菜， 生日月份去好似仲有九折。 正la同行兩位都有係10月生日。 餐廳面積都好大， 裝修簡單而型格， 都好整齊好新淨， LCD TV仲不時播放住k pop， 氣氛襯曬。牛排骨湯$178 次次食韓國嘢都鍾意飲牛骨湯，牛尾，牛排骨湯等之類， 皆因自己無論如何都煲唔到嗰種效果。排骨湯放在熱辣辣嘅煲上， keep住滾熱辣嘅狀態， 正呀! 牛骨湯充滿 牛味， 湯底濃而不膩， 材料超豐富， 差不多有八，九件牛排骨， 仲有金菇同韓國粉絲。 側面睇原來個鍋都好深， 所以份量超大， 二人飲完食埋啲排骨好鬼滿足。招牌甜辣芝士無骨烤雞$198芝士和無骨雞在鐵板盛載上枱 。 賣相非常吸引， 濃濃的芝士放滿無骨雞上面， 再加上橙紅色嘅韓式甜辣醬， 滋味到極， 只係帶少少嘅辣， 咁樣就唔會食到好膩。 甜辣醬就好似韓式炒年糕嗰種醬， 加咗芝士味道更有層次， 更惹味更有口感。更驚喜係原來仲有韓國年糕， 選用比較瘦長，唔會中間好似未熟咁， 而是煙韌軟熟， 仲有幾顆芝士獅子狗， 超豐富堅好味!繼續韓风，忌廉溝鮮奶蜜桃味$22。最後加多一壺花茶， 中和膩感。 有淡淡嘅花香，非常適合，因接近晚上都唔會再飲茶業提神。 值得一提嗰套杯碟唔知點解會係預熱， 沖花茶嘅水又夠滾， 成件事覺得好窩心好有誠意~如果餐牌還有甜品 就真係perfect la~~
繼續閱讀