143
9
4
電話號碼
31058114
附加資料
包場服務:
最低消費: （最少兩小時）
全場: 60-70人
半場: 30-35人
星期一至五:
全場:
10:00-16:00 - $5,000/hr
16:00-22:00 - $4,000/hr
半場:
10:00-16:00 - $3,500/hr
16:00-22:00 - $3,000/hr
另加包場服務：
音樂，場景佈置，private調酒師等
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有關獎賞計劃
l-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-🥢窩貼蝦多士 $68 🆙蝦多士炸得金黃，蝦肉彈牙鮮甜，加埋沙律醬夠哂懷舊😋！🥢焗叉燒包 $38 🆙叉燒包新鮮焗起熱辣辣，外皮皮脆帶軟，包體軟熟。叉燒內餡偏瘦，食落唔會好油膩🤩。🥢鵪鶉蛋松露燒賣 $55 🆗燒賣加埋鵪鶉蛋非常飽滿，咬落彈牙紮實，食落仲有陣陣松露香👍🏻。🥢蒜蓉粉絲蒸鮮魷 $48 🆙鮮魷爽口彈牙，配埋索曬湯汁嘅粉絲，蒜香味盡出🤤。🥢XO醬炒腸粉 $78 🆗腸粉加蛋同XO醬炒得夠香亦唔會好油膩，調味重手偏咸咗少少。🥢蘿蔔絲酥餅 $42 🆙酥皮外層好酥化，有陣陣嘅牛油香，加埋入面嘅飽滿嘅蘿蔔絲，口感軟綿😋。🥢懷舊灌湯餃 $68 🆗灌湯餃湯頭散發出濃郁嘅海鮮味，湯餃皮薄餡靚，餃邊包得好細緻，口感煙韌。餃餡非常足料👍🏻。🥢牛肉球 $38 🆗牛肉球比起平時喺酒樓食到嘅更扎實，青蔥味好出，牛肉味算濃郁，配埋喼汁更惹味。🥢桂花苦蕎 $9 🆗🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 8.5/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7.37/10-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-🗺 DHYC Dimsum Restaurant (將軍澳)將軍澳澳南海岸唐俊街23號Monterey Place 1樓2A號舖-#bakdiu中式 #bakdiu將軍澳 #bakdiu中西區#bakdiu點心
繼續閱讀
傳統嘅酒樓飲茶只有早茶、午茶、下午茶夜晚想食點心我就會去新式茶居位於將軍澳海濱嘅得閒飲茶日頭去可以望到海景夜晚去就可以望到跨海大橋嘅夜景而晚市除左有點心，仲有小菜一次過滿足晒兩個願望！我地叫左人參烏龍用上雙層玻璃隔熱杯盛載安全又美觀人參烏龍又甘又香濃😍點心選擇同早市一樣小籠包呢款真係必點睇得出咁皮薄饀靚滿滿湯汁比得上小籠包專門店👍鵪鶉蛋松露燒賣鵪鶉蛋燒賣而家都比較少見鵪鶉蛋比肉饀份量多所以無咁膩而鵪鶉蛋嘅蛋黃亦為燒賣加入另一份甘香窩貼蝦多士又係好傳統嘅點心蝦多士炸得通透完完全全成了薄脆什果沙律分開上咁就唔怕整淋左多士亦方便自行調整份量焗叉燒包叉燒包酥皮做得唔錯入口先是甜脆皮再來就是蜜叉燒食完點心點都想食少少飯先飽肚西檸雞呢度個西檸雞以煎炸雞扒形式上碟檸汁都係自行淋上同樣唔會令到所有雞件都浸到淋晒保持到外皮香脆檸汁唔會太酸得檸檬味雞肉嫩滑雞皮脆就算我地已經食左點心都可以清到一碗白飯👍
繼續閱讀
餐廳飽覽跨灣大橋海景🌊仲有Outdoor位置帶埋寵物嚟飲茶🫖好正仲可望住海景食飯 特別Chill🔸鍋貼蝦多士 $68蝦多士煎至金黃酥脆，中間嘅蝦膠彈牙鮮甜。🔸焗叉燒包 $38睇落勁似菠蘿包，因為面層有菠蘿脆皮，內裡係鬆軟嘅叉燒肉。叉燒肉質嫩滑，好滋味！🔸小籠包 $48小籠包外皮軟薄，內裡包住滿滿嘅湯汁同肉餡。一口咬落去，湯汁爆開，令肉質更嫩滑。🔸鵪鶉蛋松露燒賣 $55松露醬好香濃，令燒賣味道昇華，配以鵪鶉蛋，絕對係一種奢華嘅享受！🔸蘿蔔絲酥餅 $42蘿蔔絲酥餅外層炸至金黃酥脆，內裡有著細軟嘅蘿蔔絲。蘿蔔絲嘅清甜味道更加增添食物嘅香味。🔸牛肉球 $38一口咬入，係鮮嫩多汁嘅牛肉，絕對係肉食愛好者嘅最愛！🔸蝦餃 $42蝦餃皮薄透亮，內裡包住豐滿嘅蝦肉。一口咬落去，蝦肉鮮甜多汁，口感彈牙又滑嫩。🔸蟹肉大良炒鮮奶 $148蟹肉鮮甜，配以濃郁嘅鮮奶汁。入口滑嫩嘅鮮奶同鮮甜嘅蟹肉完美結合，口感絲滑細膩，當仲混合左金華火腿蓉，有鹹香味。
繼續閱讀
好耐無飲茶啦，這次我久違地和朋友吃點心。餐廳名為DHYC，原來是「得閒飲茶」的意思，希望可以在優雅的空間內結合傳統點心和提供一個良好的用餐體驗。由於個日下大雨，我和朋友被安排坐在室內位置，如果坐室外位置仲可以望住海景嘆茶呢！<鍋貼蝦多士> $684件蝦多士炸得香脆，蝦滑彈牙，點附上的沙律醬汁更加滋味<小籠包> $48小籠包一共3件，薄薄的外皮包裹住湯汁，趁熱點上薑絲醋同醋，令人回味無窮。<鵪鶉蛋松露燒賣> $55很少看到餐廳有提供鵪鶉蛋燒賣了。這次一於點來試試，一籠共有3粒，火候剛好，鵪鶉蛋呈現流心狀，加上黑松露，味道香濃。<焗叉燒包> $38叉燒包有3個，外皮似香港常見的菠蘿包酥皮，內裡包裹住香甜叉燒，叉燒份量都好夠，不會皮多餡少<蘿蔔絲酥餅> $42一共有3件，外層酥脆，入面的蘿蔔絲軟淋香甜，層次分明。<蒜蓉粉絲蒸鮮魷> $48魷魚煙韌彈牙，容易咬開，粉絲吸收魷魚鮮味同蒜蓉醬汁，好惹味。<蝦餃> $42蝦餃有4件，蝦餃皮尚算通透，餡料飽滿，蝦肉餡料帶有鮮味。<牛肉球> $38牛肉球有3大件，份量十足。牛肉球加上芫茜和香蔥粒，增添香氣和口感<鐵觀音> $15<桂花苦蕎> $9我和朋友分別點了鐵觀音熱茶和冷泡茶中的桂花苦蕎。茶味香濃，食點心點可以少咗杯茶呢！
繼續閱讀
今次黎到將軍澳搵食，去左一間食點心嘅專門店，可能係因為夜晚嚟，加上入邊嘅冷氣吹到出嚟，而且旁邊都有風扇吹住，所以坐外面都唔覺得太熱，仲可以睇到將軍澳大橋嘅夜景添鍋貼蝦多士 $68炸嘅時間啱啱好，keep到麵包唔會一咬就碎晒，每一啖都食到爽口彈牙嘅蝦膠，份量一啲都唔吝嗇，一份有四塊，每一塊都大大塊，呢個都算抵食呢蘿蔔絲酥餅 $42呢個外層好酥脆，入面嘅蘿蔔絲都做得好細緻，食落去嘅口感好輕盈，一啲都唔油膩，唔係太鍾意食蘿蔔絲酥餅嘅Emi都覺得有驚喜鵪鶉蛋松露燒賣 $55平時啲鵪鶉蛋燒賣都係擺粒蛋喺上邊，然後蒸到老晒，呢粒鵪鶉蛋真係做到蒸完都依然軟心嘅效果話說曾經喺Mott32食過一款差唔多樣嘅鵪鶉蛋燒賣，要價接近$90/2粒，呢度呢個價錢已經有3粒，性價比高之餘個味道同質感都好接近，必食推介蛋散 $38食到最後叫咗個蛋散諗住當甜品食，本身都仲驚食唔晒，點知佢係好輕薄好鬆脆果款，好似都好多年冇食過好食嘅蛋散啦除左以上果幾款印象特別深刻嘅點心，Emi今次仲食左幾樣，全部都唔錯，可以比大家參考番- 焗叉燒包 $38- 蝦餃 $42- 牛肉球 $38- 蒜蓉粉絲蒸鮮魷 $48- XO醬炒蘿蔔糕 $88- 鮮蝦脆米網腸粉 $48整體黎講佢呢度啲煎炸點心都幾好食，冇將軍澳海景高質點心專門店油淋淋食到好膩果啲，呢度除左有海景，其實仲係寵物友善嘅餐廳，可以帶埋寵物黎食野，不過當然要坐室外啦，下面就係海濱公園食飽飽仲可以帶毛孩散步添🐕
繼續閱讀