Délifrance Bistro

營業中

休息中

今日去咗一間法式西餐廳、開到屯門這間Délifrance、整間店舖環境好有意大利風格🤔、由餐廳門外入去以淺黃色感覺舒適悠閒感、周邊以深紅藍色為主調、係以不同色澤配搭令到整間都幾特別、坐著感覺寬敞舒適😚、同時又望到餐牌又出咗新嘢食就要試吓啦🤭！意大利流心布袋芝士•乾蕃茄•香草茄醬意粉 $133呢一款新產品配搭都幾特別🤔、香草茄醬意粉賣相都唔錯😍、整碟意粉色澤味道都幾好、意粉軟硬適中沾滿醬汁酸甜味道都好醒胃😚、尤其是流心布袋包裏滿滿芝士入口香而軟滑😋！套餐有指定飲品送，或跟餐升級其他飲品都得法式丹麥吐司配鮮果及雪糕 $59呢一份係下午茶法式丹麥吐司、層層叠擺相加配埋鮮果睇得吓、甘香脆口吐司入口外脆內鬆軟、加埋牛油忌廉咸咸甜甜口感😋、再食埋鮮果清香甜口又解膩雪糕冰凍香甜！白汁碎蛋法國牛角酥 $62呢一份都係下午茶法國牛角酥都好健康又有營養😚、牛角酥香脆酥軟夾住香滑白汁碎蛋味道特別😋、加埋青瓜同蕃茄令到整件牛角酥別一般的味道、食埋沙律菜新鮮爽口又健康！熱法式焦糖爆谷朱古力 +$12呢一杯法式焦糖朱古力、望見都幾靚睇得又飲得、飲到入口濃濃朱古味又帶點甜香味道😋、加埋脆卜卜爆谷一啖朱古力一啖爆谷都

相約好耐冇見既好友，我哋一齊去屯門市中心，行商場搵餐廳食下嘢，就係 Delifrance Bistro 食個lunch先啦 ~入去餐廳，地方闊落，以歐式風格設計，配搭柔和燈光效果，感覺令人心情放鬆！ 大蝦羅勒青醬意粉       $102之前試過依度啲意粉有質素，今次一定要再食。意粉非常彈牙，口感煙韌，唔會偏淋，仍然保持水準！蝦好大隻，嫩滑爽口，蝦味香濃，羅勒青醬與意粉撈得好均勻，好美味。匈牙利牛肋條意粉       $92牛肋條大大粒且厚身，入口十分juicy，肉質嫩滑，牛味濃郁，意粉爽口，煙韌彈牙，唔會煮得過淋，與爽甜嘅紅蘿蔔及自家製醬汁拌勻後，口感十分豐富，太喜歡。焗法國軟心朱古力蛋糕配雪糕       (+$49)點左我地鍾意嘅軟心朱古力蛋糕配雪糕，蛋糕外皮焗至熱熱，鬆脆可口，切開後擁出朱古力漿，整個朱古力蛋糕味道濃厚，配搭雲呢拿雪糕同幼滑忌廉，一冷一熱，一齊食層次感更多。法國軟心冬甩        (+$12)另一個甜品係冬甩，有幾款口味選擇，揀左朱古力，軟心質地，啖啖濃郁香味，朱古力軟心餡料，香濃幼滑，甜度啱啱好，麵包散發天然香味。跟餐送熱飲，有即磨咖啡、錫蘭奶茶、檸檬茶及

錦薈坊三樓的Delifrance Bistro，以法式悠閒混搭亞洲風味俘虜味蕾！ 馬來海鮮炒意粉（$99）鑊氣十足——彈牙大蝦、鮮魷與香辣醬汁纏繞意粉，南洋風情滿溢；加配的 黑松露白汁薯條（+$38）更是邪惡之選，松露香氣×綿密白汁碰撞脆薯，停不了口！ 匈牙利牛肋條意粉（$94）燉肉軟嫩入味，濃香茄醬點亮整碟。暖胃湯品 蘑菇湯（+$18）綿滑濃郁，雜菜湯清爽平衡。餐後 熱檸檬柚子蜜酸甜醒神，經典 熱檸茶 亦沖得夠濃。重點推薦 Cuisine Rewards會員計畫！免費登記即享總值$400迎新禮：$25優惠券＋ 免費法國貴族牛角酥（原價$24），堂食外賣皆可用，掃碼入會超划算！

早前與居住在屯門的朋友gathering，朋友帶我到Delifrance用餐，說那裡環境氣氛不俗，食物亦頗有水準，令我都幾期待!!餐廳樓底相當高，空間感十足，配上柔和燈光，頗有情調，很適合與朋友/ 情人慢慢用餐~來到餐廳時已經是下午2時多，我們先選了一客午餐享用，再另叫了2客下午茶餐share!!友人本想叫期間限定的流心布袋芝士系列，但原來已經暫停供應，故選了別的午餐~大蝦羅勒青醬意粉 (跟餐配熱飲) (凍飲另加$5) ($104)這客意粉顏色配搭相當出色，除了有4隻爽口大蝦，還有酸甜的車厘茄以及菇菌，意粉亦很有嚼勁，調味亦合宜，個人覺得相當好吃!炸阿拉斯加魚柳配薯條 ($72) (下午茶餐)炸得金黃香脆的阿拉斯加魚柳，外脆內嫩，配以香脆熱辣的薯條，喜歡吃炸物的我很滿意呢~法式丹麥吐司配鮮果及雪糕($59) (下午茶餐)一客三件的丹麥吐司，酥脆又富牛油香，配搭蜜糖更為美味; 當然不能錯過幼滑的雲呢嗱雪糕，為這客吐司更添色彩!凍檸檬柚子蜜 (跟餐加$5)酸甜又透心涼的柚子蜜，實在有助消膩呢!P.S. 結帳時見到原來餐廳推出Cuisine Rewards 全新會員計劃

Delifrance食野真係好舒服，同好味。煙三文魚溫泉蛋卡邦尼意粉卡邦尼醬汁濃而不膩，掛晒喺啲意粉上面，加埋煙三文魚同溫泉蛋，每啖都令人滿足。海陸燒烤拼盤有豬扒，蝦、燒豬骨和腸，我覺得係一個高級版嘅雜扒餐，肉質鮮嫩多汁，蝦彈牙鮮甜，配上烤新薯同雜菜，簡單嘅調味突顯食材原味，份量亦夠足。法式龍蝦湯龍蝦湯濃郁，入口充滿海鮮嘅鮮味，值得加錢叫😋黑松露薯條黑松露醬汁好香，加埋佢係粗糙條，整件事都覺得好好食🤤最後飲咗凍檸檬柚子蜜，清新嘅柚子味同微微嘅甜度好解膩，為整餐畫上完美句號。佢而家期間限定有意大利流心布袋芝士系列，見到隔籬枱點呢個好似幾好食，下次都可以試。今次我仲登記咗做Cuisine Rewards 全新會員計劃，免費登記又有超過$400迎新優惠牛角酥優惠券、$25蚊券！下次再食！

屯門Delifrance 食評位於屯門市廣場嘅 Delifrance 餐廳，一直都係我心目中一個小清新嘅角落，簡簡單單，絕對係一場視覺同味覺嘅享受，真係食得超滿足。吉列豬扒芝士拿玻里焗飯係我嘅心頭好。芝士香濃拉絲，加埋酸甜焗飯醬汁，令我每一啖都食得停唔到口。豬扒炸得酥脆又厚肉，完全唔油膩，好有誠意。甜品方面，法式焦糖燉蛋真係完美收尾，蛋滑香甜，焦糖微苦帶脆，好有層次感。朋友叫咗草飼牛柳藜麥飯，牛柳煎得恰到好處，咬落口感juicy唔老，藜麥飯煙煙韌韌，健康之餘仲好開胃，成個配搭出奇地夾。之後嘅法國朱古力布朗尼配雪糕就真係甜品控福音，朱古力味濃又唔膩，配上冰凍香草雪糕，冷熱交錯嘅口感令人好有驚喜。食完真係心情大好，好有放假嘅感覺。Delifrance 一方面保留咗法式浪漫，另一方面又唔失香港人口味，好好

對法餐的印象一般是頗貴上菜速度也較慢，但晚飯時間來Delifrance沒想到Dinner Set 價錢相宜，套餐送飲品，食物味道也相當有質素。🍔照燒醬吉列豬扒漢堡第一口咬下去是真是眼冒心心🥰😍太美味。吉列豬扒脆卜卜，充滿油香又厚肉，鮮蕃茄和沙律菜提升整個包的爽脆度，不得了。🍟薯條夠香脆。🥘鱈魚柳照燒汁意粉深海鱈魚柳煎香🐟、蜆肉🐚、洋蔥炒香意粉。照燒汁甜味突出，很上頭，小朋友非常Buy呀！🐃🍛草飼牛柳藜麥飯忌廉香菇燉藜麥飯，口感Creamy又健康。草飼牛柳鮮味，肉質鬆化，目測至少有200gram的份量。整體味道較為清淡，沒有過多調味，十分健康。

今晚同老公去咗屯門Delifrance撐枱腳，叫咗個Superior Set for 2，$378兩位，性價比幾高，環境好舒服又唔會太嘈，啱晒拍拖慢慢食！ 頭盤有沙律同蘑菇湯，沙律菜好新鮮爽脆，配埋黑醋汁好開胃。蘑菇湯香濃creamy，飲到粒粒蘑菇碎。主菜1：新西蘭草飼牛柳牛柳煎得啱啱好，職員冇問幾多成熟，似有7成，切開仲係粉紅色，肉質軟嫩冇筋，草飼牛果然天然啲，牛味濃但唔會羶。配菜嘅薯仔仲有烤雜菜，健康得嚟又好味！ 主菜2：招牌海鮮飯材料夠晒豐富：藍青口、鱈魚柳、海蝦、魷魚同蜆，全部鮮味十足。個飯吸晒海鮮精華，仲有少少蒜香同蕃茄甜，好開胃。甜品法式蝴蝶酥配雪糕——蝴蝶酥脆卜卜，焦糖香濃，夾住雲呢拿雪糕，口感好正。+$29焗法國軟心朱古力蛋糕——一切開朱古力醬湧出嚟，濃郁唔會太甜，配埋凍冰冰嘅雪糕，完美。呢個set份量足，味道有驚喜，服務又唔錯。會再encore!

今次去屯門K-Point嘅Délifrance用餐，成個體驗好開心，服務員非常有禮貌，落單快，笑容滿面，主動幫手加水同解答問題，令人感覺好舒服。推薦黑松露薯條，香氣十足，外脆內軟，埋單$378，真心推介！🍟逐個菜式介紹如下：1. *草飼牛柳藜麥飯*：牛柳用新西蘭草飼牛，肉質嫩滑，藜麥飯健康又有咬口，唔油膩。2. *蘑菇忌廉湯*:湯底香濃滑溜，蘑菇味濃郁，飲落暖胃。3. *焦糖爆谷朱古力*:甜品有焦糖香同爆谷脆口，朱古力味道香甜，幾有驚喜。4. *煙三文魚溫泉蛋卡邦尼意粉*：意粉creamy，煙三文魚新鮮，溫泉蛋令口感更滑。5. *黑松露薯條*:外脆內軟，黑松露香氣十足，超級推介！6. *法式軟包配雪糕*：軟包鬆軟，配雪糕一齊食好清新。整體味道有驚喜，配搭豐富，服務又好，值得再去！😋

依日去左 Delifrance Bistro，見到有喜歡既意大利流心布袋芝士系列同埋其他食品都好吸引，那就入去品嚐一下先 ~入到餐廳以歐式風格裝修，地方好闊落，燈光色調柔和，坐得好舒服，感覺好relax！仲有見到 Cuisine Rewards 全新會員計劃，免費登記，有超過$400迎新優惠，包括$25優惠卷及免費法國貴族牛角酥優惠卷，你地都快啲下載啦 (Download link : https://ccg.member-booster.com/downloadapp.php )意大利流心布袋芝士-乾蕃茄-香草茄醬意粉        $133新出既期間限定-意大利流心布袋芝士系列。我就選擇乾蕃茄香草茄醬意粉，擺盤很精美很吸引。選用意大利既布袋芝士，薄薄一層既外皮，芝士幼滑、香醇，包住濃郁既軟心芝士，將芝士切開後與其他材料拌勻一齊食，乾蕃茄香味道特別濃郁，呢度既意粉值得一讚，彈牙爽口又有煙韌度，散發陣陣香草茄醬氣味，食完唔會滯，值得推介給大家。炸亞拉斯加魚柳。薯條          $69魚柳炸至金黃，都好大塊，炸粉亦唔會太厚，外皮香脆，內裡結實有嚼口，用上亞拉斯加魚柳，肉質比較嫩滑，

Delifrance係有歷史既西餐廳，由細細個開始食佢嘅法包，而家做西餐都keep到水準。好，坐低睇吓有咩好食先。蘑菇忌廉湯，加$15有餐湯和包包，有蘑菇粒粒，湯夠濃稠，包包好香脆。法式香草檸檬烤雞半隻配烤新薯雜菜，係雞烤得好靚，食落皮脆肉嫩，性價比超高，有高級餐廳水準。溫泉蛋牛油果青醬意粉，刺穿溫泉蛋拌黎食，好正！牛油果同青醬味道好夾，意粉掛到醬汁！餐飲叫左有機蘋果茶，凍檸水。法式焦糖燉蛋，焦糖薄薄一片，甜甜蜜蜜加上滑溜燉蛋，又有蛋香，好味味！

Delifrance係有歷史既西餐廳，由細細個開始食佢嘅法包，而家做西餐都keep到水準。好，坐低睇吓有咩好食先。蘑菇忌廉湯，加$15有餐湯和包包，有蘑菇粒粒，湯夠濃稠，包包好香脆。法式香草檸檬烤雞半隻配烤新薯雜菜，係雞烤得好靚，食落皮脆肉嫩，性價比超高，有高級餐廳水準。溫泉蛋牛油果青醬意粉，刺穿溫泉蛋拌黎食，好正！牛油果同青醬味道好夾，意粉掛到醬汁！餐飲叫左有機蘋果茶，凍檸水。法式焦糖燉蛋，焦糖薄薄一片，甜甜蜜蜜加上滑溜燉蛋，又有蛋香，好味味！

同老婆今晚去咗屯門K-Point三樓嘅Delifrance Bistro撐枱腳呢間餐廳裝修幾有法國小餐館feel燈光暗暗哋幾啱兩個人靜靜哋傾偈我哋叫咗半隻「法式香草檸檬烤雞」雞皮烤到脆卜卜檸檬味好出食落啲肉仲好juicy配埋熱牛奶暖笠笠老婆直頭話有種喺巴黎街頭食飯嘅錯覺！ 另外點咗「馬來海鮮炒意粉」鑊氣夠又唔會太油蝦同魷魚都幾彈牙味道非常之濃郁士多啤梨拿破崙🍰酥皮脆到「索索聲」夾住啲士多啤梨同吉士醬甜度啱啱好兩個人分嚟食簡直完美收尾以呢個份量同環境性價比很高總括嚟講，呢度幾啱拍拖仔女嚟hea下下次可能會試埋佢哋嘅其他甜品📍屯門屯隆街1號錦薈坊3樓316號舖

早排公司party曾叫過delifrance外賣到會，好食到令人好想食堂食😋適逢近日有網上堂要同老best一齊上，就有機會約埋一齊去食左個dinner先😚然後再一齊上堂1830明明對晚餐來說都還是好早，場內已經有幾張枱full了🫨所以都唔洗睇餐牌就決定入去‼️去到去見裝飾和音樂都好舒服我同老best一人一個dinner+飲品，另叫左小食和甜品share小食：香脆洋蔥圈正常發揮，有脆和醬，共有八件，搭配起沙律菜令人在小食上可以清新一下，感覺不錯，讓怕肥的美美都可以先食菜後食脆脆。主菜：老best點了大蝦羅勒青醬意粉，大蝦似新鮮蝦的鮮美🦐，搭配濃郁的蒜味，青醬的香氣和蝦的鮮味完美融合，上到枱香噴噴令人忍不住都想食。主菜：我就點了煙三文魚法式芝士焗薯批🧀，上面舖了煙三文魚和新鮮的綠葉蔬菜，芝士香濃四溢，薯仔片的口感更是熱騰騰，讓人一口接一口。飲料和甜品：煥光養顏菜的清新口感為整體餐點增添了健康的選擇，而三重朱古力脆脆蛋糕的巧克力威化餅的脆感與甜甜的巧克力蛋糕完美結合，令整體甜品都不會只有甜絲絲。整體而言，這裡的服務非常周到，音樂氛圍也很高級，讓用餐體驗加分👍🏻👍🏻👍🏻👍🏻👍🏻

今晚同老公去咗Delifrance Bistro 食dinner，用openrise book咗枱，去到唔使等位，原來星期一至五Supreme set 第二客有半價，超開心囉👍🏽👏🏽👏🏽👏🏽我們選咗法式香草烤羊架$249，法式烤鱈魚柳$165（第二客半價即$82.5），羊架好嫩、魚柳略嫌過熟，但我老公話魚柳好味，甜品叫咗蜜桃撻、法式蝴蝶酥加雪糕、蝴蝶酥好鬆脆配雪糕一流，蜜桃撻都好好味，仲叫咗凍咖啡同錫蘭奶茶，埋單$443，下次可以再試埋Supreme set其他菜