192
14
8
港鐵觀塘站 B2 出口, 步行約5分鐘 繼續閱讀
電話號碼
37065298
開飯介紹
以鹿為裝修主題的工廈西餐廳,前菜、沙律、小食、薄餅、主菜等選擇一應俱全。 繼續閱讀
營業時間
今日營業
11:30 - 22:30
星期一至五
11:30 - 22:30
星期六至日
12:00 - 22:30
付款方式
Visa Master 現金
座位數目
80
其他資料
網上訂座
Wi-Fi
酒精飲品
支持減塑 詳細介紹
電話訂座
賞訂座積分
獨家網上訂座
有關獎賞計劃
食評 (231)
等級4 2019-08-07
1949 瀏覽
觀塘真係有好多唔同的餐廳可以選擇,今晚友人又係觀塘放工,所以就上網睇下有咩好野食!今次黎到呢間位於一所大廈內的餐廳,一出電梯就已經到餐廳,是一個開放式的餐廳。門口有一綠色牆和小鹿,而且餐廳牆上或是燈也是鹿的佈置。餐廳燈光柔和,每枱都有一小蠟燭,帶有點浪漫的感覺。餐廳上有set dinner也有單點的食物,我們最後決定散叫。點餐後店員為我們送上餐前麵包,麵包是香草麵包,很鬆軟,附有橄欖油和黑醋。生蠔($60/半打),這裡有$10一隻的生蠔,我們落單時店員還跟我們督還有最後一打,所以我們決定點半打試試。生蠔是不算是很大隻的生蠔,都幾厚肉,食落鮮甜,可以唔駛落任何調味已經好好食!芝士薯條配黑松露醬($78),薯條是粗身的薯條,外脆內軟,芝士雖然不是流心那種,但是也能做到拉絲的效果。黑松露沙律醬是跟薯條分開的,如果有朋友不喜歡黑松露也不怕。薯條本身鹽份也很足,食到停唔到口!馬里諾凍肉薄餅($178),這款薄餅其實就是有Parma Ham、辣肉腸、煙肉等醃製過的肉類,所以非常香及惹味!雖然是肉類,但也有車厘茄來中和一下咸度。薄餅是好似餅乾的那款,烤到好脆口,非常惹味!香濃三重芝士煙肉火腿煙斗粉($138),這款煙斗粉味道十足,由於有三重芝士,所以味道很濃,加上煙肉和火腿,帶出了整個粉的味道。荔枝菠蘿藍蝶花梳打($40),這杯飲品顏色很美,黃色加藍色形成漸變色,非常漂亮。味道以菠蘿味為主,唔會好甜!芒果香橙沙冰($48),飲落橙味夠出,夠哂消暑解渴! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-20
1407 瀏覽
還記得大約半年前,我挑選了這間餐廳和好友慶祝生日,想不到今晚另一位好友同樣選了在此跟我慶祝我生日,真有緣……跟餐廳有緣,亦跟朋友有緣。餐廳裝潢沒有大改變,地方寬敞,燈光柔和,蠻有情調。鹿子四處“走”,牆上的鹿頭模型、鹿角吊燈等,最搶眼當然仍是一入門草披中的白色大鹿。正方形格局,預設多張二至六人,靠牆是一排長沙發配四人座,還有吧枱,枱與枱之間有一定的距離,舒適寫意。翻開餐牌,有Dinner Set Menu、Salad、Soup、Appetizers / Snack、Pizza、Pasta and Risotto、Main Course和Homemade Dessert,揀咩好呢?好友當然問我......******************************還未點好菜,服務員隨即送上餐前包($0),熱烘烘,散發陣陣香草香。包身軟熟,啖啖香草味,簡簡單單蘸些黑醋已挺美味。******************************Dinner Set配有前菜、是日餐湯、主菜和咖啡/茶。三選一前菜中,揀了一客水果藜麥沙律 Fresh Fruit & Quinoa Salad,選材健康有益。有清新爽口的雜沙律菜、清甜多汁的車厘茄,配上清甜的蘋果粒,面頭舖滿有咬口的藜麥,拌着酸咪咪的黑橄欖醋汁,份量剛好,沒有嗆喉之感,味道令人開胃。******************************是日餐湯 Soup Of the Day是南瓜忌廉湯,質感略為杰身,不夠香滑,南瓜味較薄弱,有待改善。******************************主菜方面,我當然揀慢煮比目魚柳伴馬拉蜆白酒牛油汁 Slow-cooked Flounder & Clam with White Wine & Butter Sauce ($268)。比目魚扒大小中等,魚皮滑溜,肉質雖不算油潤,但鮮味嫩口,伴着白酒牛油汁同吃就較好味。還有多隻馬拉蜆,細細隻好嫩口,味道鮮甜。配菜有豆角、車厘茄和小甘筍,煮得剛好,保持色澤和爽口,不錯!******************還記得上次吃了一個西日crossover的和風鰻魚牛油果薄餅,大家都讚不絕口,今次就點好友喜歡的北京風味薄餅Duck Breast Hoisin Sauce Chili Cucumber Garlic Onion ($145),中西crossover又唔知點呢?長方形的薄餅舖滿食材,份量十足,睇到都好滿足。薄餅已預切了六大件,餅邊又薄又香脆,非常可口,極討我喜歡!餅面放滿鹹香的鴨胸和爽口的青瓜片,灑上京蔥絲,塗上甜甜地的海鮮醬,的確好有北京風味,配搭特別,好味!友人還捲起來吃,真是好似吃北京片皮鴨,有趣! ******************************謝謝好友給我準備驚喜,先為我挑選了一客焦糖燉蛋 Creme Brûlée ($50)作為生日甜品,還安排寫上Happy Birthday。指定動作,許願吹蠟燭吧!燉蛋口感極之幼滑,啖啖充滿蛋奶香和忌廉香,香甜美味,若然面層的焦糖片薄身一點,相當口感會更佳。******************************最後餐飲點了杯凍檸茶Cold Lemon Tea,茶底濃郁,有多片檸檬, 酸度十足,解膩消滯,是餐後最佳的選擇。而好友就另點一杯荔枝菠蘿藍蝶花梳打 Butterfly Pea Flower & Pineapple ($40),並非因為它營養價值高,而是貪它顏色靚,哈!賣相又的確很美,仲分層次,上紫下黃。試啜數口,冰涼透心,滿有荔枝香甜,味道酸酸甜甜,甜度合宜,消滯解渴,好選擇!------------------------------雖然舊地重遊,但今晚輪到我當主角,謝謝好友的挑選和安排,一切在心中。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-11
1212 瀏覽
今日打完拳係觀塘工業區附近覓食去到呢個好新淨嘅商場 上到5樓見到佢個門面好靚 所以同朋友就試一試我地見到有$10一隻生蠔 但好可惜我地太夜黎到已經賣晒😭建議大家早少少嚟食 就有機會食到我哋叫咗一個set dinner 包左個湯同兩塊餐包個包熱辣辣 仲可以點橄欖汁 好開胃個餐有個前菜同主菜前菜我哋要咗黑松露意大利雲吞好入味 食完之後又唔會好飽 一人一舊啱啱好主菜要咗牛柳鵝肝 個鵝肝都幾厚牛柳都煮得岩岩好 唔會過熟搞到好韌好難咬切開仲係紅色架 好食下面仲有紫薯墊底 仲有啲蔬菜 飽飽地可以消濟另外我哋仲叫咗個黑松露蝦春卷個蝦春卷份量都幾多 有五條 都幾長每一啖都有蝦 再點埋啲黑松露醬 如果係黑松露嘅fans真係覺得好滿足嘢飲叫咗一杯hazelnut latte同埋荔枝菠蘿藍碟梳打個藍碟梳打 又靚又好飲 可以打卡用最後我哋叫咗一個焦糖燉蛋睇得出餐廳都擺咗好多心機整甜品個碟仲沈粉沈左隻鹿同佢地餐廳個名下次一定要早啲啲黎試下佢既生蠔 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-20
1600 瀏覽
今晚同朋友在觀塘上完堂之後,順便在附近找個地方食完晚飯先至返屋企,見到呢個商場未行過行入去望吓,見有d易拉架介紹呢間有生蠔和見其他介紹幾吸引我就和朋友決定入去尋食一番先呢間餐廳環境裝修幾靚感覺幾舒服我哋叫左個一個套餐、主廚特色小食拼盤、三文魚籽海鮮墨汁意大利飯、生蠔半打和芒果香橙沙冰。待應送上兩片麵包等我哋開吓胃先$10/1pc生蠔:洗得幾乾淨冇殼碎,入口幾爽甜,帶d金屬味主廚特色小食拼盤:炸雞翼外脆內嫩、炸魚柳質結實,鹹鹹味味、炸魷魚圈外脆內裏彈牙嫩滑、炸芝士條鹹香煙韌、炸黑松露蝦春卷好香黑松露味三文魚籽海鮮墨汁意大利飯:青囗和蜆肉鮮甜美味,海蝦和墨魚美味彈牙,墨汁意大利飯入囗煙煙韌韌,加埋個三文魚籽一齊食鹹鹹地好惹味套餐選左燒西班牙黑毛豬鞍拌香濃燒汁餐湯係:燒蕃茄忌廉湯,入囗幾濃蕃茄味,酸酸尾尾頭盤:黑松露意大利雲吞,黑松露味好香濃,雲吞加埋炸脆絲一齊食有雙重囗感主菜:燒西班牙黑毛豬鞍拌香濃燒汁,肉質軟軟腍腍,豬味濃郁,墊底既紫薯香甜可口另外,朋友叫左杯芒果香橙沙冰:賣相幾吸引,飲落口一飲同時感覺到芒果和香橙既香甜同清新 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-03
1098 瀏覽
放工和同事到了官塘興業街The Wave 6/F的《Deer Kitchen》食晚飯。餐廳裝修雅緻舒服,到處到有鹿的裝飾。一坐低侍應先送上鬆軟麵包,加有香草的麵包配上黑醋,味道不錯。先點了些正在做優惠的生蠔 ($10/each)嚐嚐 - 美國生蠔蠔味及海水味鮮明,礦物味溫和,新鮮爽甜。烤焗有機蘋果木煙燻燒雞伴蜜糖汁 ($188) - 燒雞的皮及肉有明顯的煙燻香味,當中帶有點點蘋果木的芳香。雞皮燒得香口,伴以法邊豆、甘筍及香甜紫薯蓉,滋味不俗。馬里諾凍肉薄餅 ($178) - 薄薄的pizza餅底外圍烤得香脆,上面舖滿salami肉腸、意大利風乾牛肉、三色椒、芝士、辣肉醬及巴馬火腿,在香濃芝士及肉味中帶有巴馬火腿的咸香味,味道豐富好食。法式焦糖燉蛋 ($50) - 燉蛋質感香滑,焦糖味香濃又沒有過甜,水準之作。焦糖咖啡 ($38) - 咖啡味道香濃,焦糖味適中。榛子鮮奶咖啡 ($38) - 棒子味與咖啡味平均,口感順滑。 繼續閱讀
(以上食評乃用戶個人意見 , 並不代表OpenRice之觀點。)