影片
開飯介紹
美式餐廳，除了有隨口也懂叫的牛扒、燒排骨、洋蔥圈之類的食物外，這裡的凱撒沙律及藍莓批也不俗。精選的甜品如各款芝士蛋糕、雪糕新地也可以一試。
繼續閱讀
特色
適合大夥人
營業時間
今日營業
11:00 - 22:30
星期一至四
11:00 - 22:30
星期五至六
11:00 - 23:00
星期日
11:00 - 22:30
公眾假期
11:00 - 23:00
公眾假期前夕
11:00 - 23:00
*星期日至四：11:00 - 22:30 (最後食物下單 21:30 | 最後飲品下單 22:00)
星期五至六及公眾假期：11:00 - 23:00 (最後食物下單 22:00 | 最後飲品下單 22:30)
以上資料只供參考, 請與餐廳確認詳情
有關獎賞計劃
放工約咗食肉獸老公去食好西🍴喺公司附近又一城嘅美式扒房餐廳🥩裝潢走芝加哥復古風🎰美式風特色打卡好似置身於荷里活電影劇情之中！老公仔喺我打卡嘅同時已經order好自選dinner set食乜野啦！🍲周打蜆肉湯 一上枱就知「好多料」無誇張！濃稠嘅忌廉湯底撈到滿滿蜆肉、薯粒同紅蘿蔔粒！每啖都好creamy仲有粒粒口感驚喜✨老公仔講笑話「呢碗根本係蜆肉撈湯」😂配埋熱烘烘嘅酸種包點蘸🥰暖胃又滿足！🍅番茄肉眼牛柳寬麵 原本以為美式餐廳意粉好普通？呢碟即刻狠狠打臉👋🏻！寬麵掛滿濃郁茄醬🍝酸甜平衡得剛剛好😋仲有嫩滑嘅牛柳粒同車厘茄🍅麵條彈牙有咬口仲有啲似手工麵嘅質感😋我哋瞬間清碟無難度～ 🥩炭烤封門牛柳 肉食控必點‼️ 牛柳外層烤到微焦脆身👍🏻切開粉嫩得嚟肉汁爆瀉💦炭烤香氣直衝鼻腔👃🏻簡單配海鹽已經帶出肉味層次✨仲有我問鐘意嘅熱辣辣炸起嘅粗薯條真係冇得頂呀！👍🏻🍨美式雪糕新地 vs 🍫自家製布朗尼蛋糕 甜品控表示兩個都要試！新地係經典美式風格💁🏻♀️用雲呢拿雪糕上層唧滿幼滑忌廉！兩者滑漏嘅交融邪惡度爆燈🔥布朗尼外脆內濕潤😋濃郁脆皮朱古力醬配搭布朗尼蛋糕🍫酸甜士多啤梨可以解膩！係個唔錯既配搭！整體份量十足👍🏻食肉獸都捧住肚返屋企～侍應哥哥仲好貼心介紹菜式！聽到我哋掛住影相仲主動問：使唔使幫你哋揸機📸️！以美式扒房嚟講性價比唔錯🥩可以再encore！
繼續閱讀
位於九龍塘又一城的Dan Ryan’s Chicago Grill，一直以地道美式風味聞名。這次品嚐的兩款個人自選套餐，從前菜到甜點，每一道都充滿驚喜，讓人回味無窮。 餐廳附贈的朱古力Muffin外層微脆，內裡鬆軟濕潤，濃郁的可可香氣配上微微的甜度，讓人胃口大開。而周打蜆肉湯更是誠意十足，奶香濃郁卻不膩口，湯中蜆肉鮮甜，搭配酥脆的麵包粒，每一口都充滿層次感。 若想平衡味蕾，**凱撒沙律** 是不二之選。新鮮羅馬生菜爽脆，帕瑪森芝士鹹香，加上煙肉碎和麵包粒，再淋上濃郁的凱撒醬，簡單卻經典。 德州大漢堡絕對是肉食愛好者的最愛——厚實多汁的牛肉漢堡排，搭配煙燻培根、融化的芝士和微辣的醬汁，咬下去的瞬間肉香四溢，配上酥脆的薯條，滿足感爆棚！而蕃茄肉眼牛柳寬麵則展現了美式料理的細膩，寬麵彈牙有嚼勁，蕃茄醬汁酸甜開胃，牛柳肉質軟嫩，整體風味濃郁卻不厚重。 套餐的甜點同樣精彩！美式雪糕新地以香草雪糕為基底，唧上邪惡忌廉，冰涼香甜。而布朗尼蛋糕外層微脆，內裡濕潤綿密，兩款甜品搭配食用，有種在吃心太軟的感覺。 總的來說，Dan Ryan’s 的套餐選擇豐富，份量十足，無論是經典美式漢堡還是意式風味寬麵，都展現出餐廳對食材和烹調的用心。若想體驗正宗美式風情，這裡絕對值得一試！
繼續閱讀
今次喺又一城嘅「DAN RYAN'S CHICAGO GRILL」嚟咗一個二人晚餐，整體嚟講呢次嘅用餐體驗幾得意。餐廳嘅環境算係幾舒適，燈光唔會太暗，又帶啲美式休閒嘅感覺，好適合朋友聚會或者家庭聚餐。我哋點咗一啲經典嘅前菜同主菜。首先係周打蜆湯，呢個蜆湯味道濃郁，蜆肉新鮮，湯底用咗啲香草同少少酒調味，唔會太鹹，入口鮮甜，令人食完都覺得暖胃舒服。跟住係木瓜沙律，呢個沙律做得幾清新，木瓜切得細細粒，配上少少柚子醋同啲脆脆嘅堅果，酸酸甜甜，好開胃，亦都幫助平衡咗前面嘅濃郁湯底。主菜方面，我哋點咗炭燒肉眼扒，火候掌握得幾好，7成熟嘅肉質嫩滑多汁，外層微微焦香，配底嘅醬汁亦都唔會過於油膩，令到整體口感非常滿意。配菜方面薯條就係穩陣正確嘅材料，恰到好處。最後當然唔少得朱古力切餅，呢個甜品真係完美結束。朱古力濃郁，但又唔會過於膩，配埋粒士多啤梨咁就又健康番喇，係一個值得回味嘅甜品。整體嚟講，呢次喺「DAN RYAN'S」嘅晚餐係食得開心，食物質素高，價錢都幾合理。係一個適合放鬆享受美式牛排嘅好地方，下次有機會一定會再嚟。有樣嘢減少少分，4次飲哂杯水都係無人加，要舉好幾次手先加水，建議可擺放水樽在枱讓食客自己加或自助加水。番番架車要飲水呀，口喝！
繼續閱讀
週末同朋友去咗九龍塘又一城嘅Dan Ryan's Chicago Grill食飯。呢間主打芝加哥風味嘅美式餐廳，裝修充滿美國復古元素，美式酒吧、木質桌椅，營造出輕鬆休閒嘅用餐氛圍。一坐低，侍應就好熱情咁送上餐牌同面包籃。餐前麵包籃好有誠意，面包都係熱嘅。有鬆餅、法包同黑麥麵包唔同款式。鬆餅同法包外脆內軟，黑麥麵包麥香十足。香烤味噌比目魚係一個東西合璧嘅fusion主菜。厚實的比目魚排經味噌醃漬，烤至表皮金黃酥脆，魚肉卻保持細嫩多汁。特製薯泥又綿又滑，烤南瓜同西蘭花、焦糖韭蔥，配搭得好好。鮮蝦牛油果沙拉，彈牙的大蝦與牛油果完美配搭，配上特製沙律汁，清新爽口。經典卡邦尼意粉，意粉掛汁，現磨帕瑪森芝士增添層次，煙肉煎得好香脆，簡單得黎但好好味。朱古力布朗尼外酥內軟，切開時濃郁巧克力緩緩流出。搭配香草冰淇淋與新鮮士多啤梨，好正。
繼續閱讀
Dan Ryan's Chicago Grill (九龍塘).係好經典又具特色嘅美國菜餐廳。坐低冇幾耐就會即刻上熱辣辣嘅餐包籃。幾款包點都好好食，好鍾意佢個士多啤梨牛油，細滑香甜，用嚟搽麵包，好夾！.睇我攤牌之後覺得佢個自選好生好抵，有晒前菜(周打蜆肉湯/Caesar salad) 主菜 甜品(新地雪糕/布朗尼)，而價錢就係跟你揀個主菜。 .8oz Hanger Steak $358炭烤封門牛柳配薯條，揀咗五成熟，而佢嘅屬性亦都符合要求，外皮燒到焦脆，內裏軟綿，好香牛肉味，點少少鹽嚟食牛肉味係最出，如果點芥末籽道就會多啲層次，個人嚟講鍾意鹽調味。.Three-Cheese Mac n Cheese $168三重芝士焗通粉,用上瑞士芝士、車打芝士、古也芝士、魚露、是拉差、法式芥末醬。食落口就係滿滿嘅芝士香氣。可能以為會好漏，但兩個人食又啱啱好食得晒。.加咗$28有雞肉。本身以為係一啲雞肉粒撈落個通粉度。點知係一舊切好片嘅大雞肉🍗，而且有肉味得嚟幾軟滑，加得好抵。.甜品方面，揀咗布朗尼。焗熱咗嘅布朗尼特別軟滑，而且唔會太甜。.Beetroot Orange Yogurt Drink $88紅寶香橙乳酪果昔裏面有紅菜頭橙汁蜜糖同乳酪，甜度適中，都係一啲天然嘅生果甜味，主要味道係橙汁夾雜淡淡嘅紅菜頭味，橙汁有效地cover到甜菜頭嗰種草青味。好fresh同埋好健康嘅嘢飲。.
繼續閱讀