D.E.A.R

營業中

休息中

一向支持小店，今日去下午茶，已幫襯過幾次， 覺得服務好好，價錢便宜，食物好味 巨型湯烏冬 - 大塊吉列豬扒拼湯烏冬，超好味豬扒juicy，炸得剛剛好，唔會厚粉 豬肋骨配薯角 - 賣相不錯，薯角炸得剛剛好，豬肋骨食落去沒有騷味，值得一讚， 出面好多時都會食到有騷味總括嚟講，幫襯個午餐、下午茶同埋晚餐，每个時段食品都唔錯，價錢好合理，環境不錯，服務好好， 每次去到，員工都超有禮貌，又有笑容，食物質素亦好好，一定支持小店希望可以繼續努力，保持水準！

今日同屋企人嚟慶祝生日,環境好舒服,好啱聚會.食物都好靚同埋好好味！連唔鍾意食西餐嘅爸爸都好捧場.食物好新鮮好多樣化,口味fusion.啲侍應好好笑容,幫我哋切蛋糕切得好鬼靚,哈哈...最後叫佐好多食物,食到捧住肚走,仲送coupon畀我哋下次嚟食,下次要再黎食過！

最初因為朋友 推介話呢度平靚正所以過嚟試午餐，五六十蚊已經有餐湯餐包 主菜同餐飲。久違了的滿足感。 今晚過嚟試晚餐 原先叫咗個煙肉意粉 點知芝士味太 強烈 原先 以為上錯餐， 點知佢話係咁的啲員工好有禮貌立即話幫我換， 態度有礼。 換了牛扒。蒜蓉多士好好味比中午吃嘅餐包不知好吃」多少倍。牛扒伴菜不是薯条而是紫薯蓉。下次会再來

同女朋友去食呢個2人餐。環境幾舒適，座位闊落。沙律嘅汁幾合我哋胃口，頭盤比較值得一提係個XO醬炸蠔，鬆脆多汁，生菜同XO醬定位有少少輔助感覺，增加咗層次感。主菜我哋要咗個腸同牛小排，腸就正常水準，牛小排外脆內軟，油份同肉汁好豐富，肉味較平時食用開嘅肉眼位置淡d。蕃茄天使麵茄味充足，清新嘅蕃茄平衡一下d肉食嘅油膩感剛剛好。整體上覺得幾抵食，因為食物質素都穩妥，有少少驚喜。可能新開優惠所以呢個套餐唔太貴，當日都見未坐滿場。

同屋企人星期日經過見佢開左一排諗住去試下個lunch！一行四人專登叫四款唔同既餐試下，每個lunch 都包餐湯加飲品～ 上完餐湯仲有麵包上！餐湯size 適中唔會好飽 但味道都唔錯。等左一陣就開始上主食1. XO醬炒豚肉意粉味道唔錯，份量十足，辣辣地岩曬我媽口味2. 叼草忌廉魚柳意粉 （可選薯菜/意粉或飯）食得出魚柳係新鮮炸起，好有魚味，唔錯！3. 香煎雞扒飯（可選薯菜/意粉或飯）大大塊，雞肉好滑，汁叫左另上！好味4. 香煎豬肉眼扒兩塊豬扒，入味，一D都唔un，好味！四個人連埋飲品二百零蚊lunch, 環境舒適，最緊要睇得出有心serve 客！十分推介元朗人去試