7
1
0
港鐵朗屏站 E 出口, 步行約6分鐘 繼續閱讀
開飯介紹
位於元朗的西餐廳,環境優美,提供多國菜,有薄餅、扒餐、德國鹹豬手、海鮮等美食。推介脆炸德國豬手,外皮脆口,肉質嫩滑。 繼續閱讀
營業時間
*最後落單時間 19:30
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
付款方式
Visa Master AlipayHK 支付寶 現金
其他資料
Wi-Fi
酒精飲品
自帶酒水
切餅費
電話訂座
加一服務費
室外座位
獨家網上訂座
當面支付
招牌菜
脆炸德國豬手(豬手外皮脆卜卜,肉質鮮嫩有肉汁) 香芒大蝦沙律(大蝦配有新鮮香芒及牛油果) 虎蝦龍蝦汁意大利飯(龍蝦汁煮意大利飯,加上大大隻虎蝦)
食評 (10)
等級4 2021-08-14
72 瀏覽
位於元朗橫街雜行一家不太起眼嘅小酒吧餐廳,估唔到意外地質素幾高,午餐價錢十分平民(平均$50-100),裝修都幾靚坐得又舒服~我嗌左個煎銀鱈魚配薯菜,男朋友嗌左個芝士海鮮焗飯🦞🦀🦐🦑🐙一樣配有餐包(可惜我去個日啱啱先冇曬所以無緣食到🤧)、餐湯煎銀鱈魚配薯菜:我嗌左洋蔥汁,佢另外仲有唔同汁揀。份量好大,有啲食唔晒😂 薯菜有炸薯條同薯蓉😋 煎銀鱈魚有2塊,味道都唔錯不過略嫌多骨要小心食用芝士海鮮焗飯🦞🦀🦐🦑🐙:呢個值得推介!芝士味濃,用料亦幾足,大大一碟😆餐湯有三款:紅湯(羅宋湯)-白湯(忌廉粟米湯)橙湯(南瓜忌廉湯)我揀咗南瓜湯,淡淡嘅清香南瓜味配上不太濃鬱嘅忌廉味道,又幾夾😆 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-18
102 瀏覽
之前都黎食過一次,今日再推介俾老友黎食,事關呢間餐廳食物質素幾好同價錢都好抵,一行3人先黎個煙3文魚沙律做頭盤,酸酸地幾開胃,柚子味幾重,餐廳都做緊好多優惠,飲啤酒跟小食有半價,叫左份薯條同炸雞皮,兩樣都係香口野送酒岩晒,主菜第2份半價,叫左份咸豬手同燒羊架,豬手皮脆肉嫩,羊架要求5成岩岩好,人均消費每人約200,性價比高,食物款式都幾多,下次有機會再試埋其他,餐廳環境氣氛都唔錯,有少少酒吧feel,係地點比較偏僻少人流,唔係特登過黎都未必知 繼續閱讀
(以上食評乃用戶個人意見 , 並不代表OpenRice之觀點。)
等級2 2021-07-14
52 瀏覽
之前閒日嚟食,發覺好抵食,因為有套餐叫。其實呢間坐得比較舒服。冇壓迫感。係冷氣有少少凍。門外有幾個室外位,方便客人食煙同睇住架車。食物方面,扒做得不是十分出色。我覺得炸豬手反而覺得做得唔錯,皮脆肉嫩。每次嚟必叫。生啤就$38一杯。Happy Hour仲會更加抵。雖然人客唔多,但待應不算熟手。不太專業。唔會主動加水。上菜亦覺亂。如果平日嚟食,會多D選擇及抵食D,假日嚟食又係另一種感受。平日同假日嘅價格其實相差唔多。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-02
222 瀏覽
小酒吧🍻位於元朗的橫街雜行並不太顯眼的位置..餐廳以西餐&酒吧的方式所經營.價錢平民得來又帶點貼地.食物豐富得來又點高級😚🔸Lunch set▪️煎蛋巨人豬架伴薯菜$63《餐包·餐湯·主食·飲品》-餐包附送脹卜卜熱辣辣又鬆軟的牛油🧈餐包.簡直就是西餐中的必備的良食.我我最愛❣️-餐湯三款餐湯任君選擇:紅湯(羅宋湯)·白湯(忌廉粟米湯)·橙湯(南瓜忌廉湯)想不到小小餐店也能一次過做出這麼多款式的湯款.同時迎合了各種不同的顧客口味..我選擇了南瓜湯.. 忌廉味道不太濃郁.突顯了淡淡的清香南瓜味.配合粟米🌽粒增添了湯中口感層次-主食· 煎蛋巨人豬架伴薯菜巨人豬架真的是名副其實的..大大塊又厚實🙌🏿豬架中帶點脂肪.吃下令豬架更鮮嫩多汁😚咀嚼時一點也不費力🤩最吸引的是薯菜不單單只有粗薯條🍟更有薯泥和新鮮蔬菜🥬..真的是真真正正的薯菜😎營養均衡增加不少的蛋白質..是我減肥的必選-餐飲·凍齋啡 繼續閱讀
(以上食評乃用戶個人意見 , 並不代表OpenRice之觀點。)
等級1 2021-05-16
222 瀏覽
🍻🍖第一次寫食評,因為間餐廳好抵食,正所謂性價比好高,要比個佢都唔夠🥳🤣➡️D.E.A.R.DEAR stands for Drink Eat And Relax🍺位於元朗後街嘅佢,價錢非常實惠🤣個名嘅態度都好符合香港人要抖抖嘅日常🥲*鹹豬手🍖抵到飛起😂😂母親節個日都係$188有豬手 送6支330ml藍妹light🍻於是就同屋企人啤啤佢🤣豬手嚟講 我覺得肉質夠鬆軟 皮都算脆 唔錯 但味道就真係偏淡😗個sauce非常奇怪😂完全唔知想點 但叫佢俾mustard又好嗆鼻😂太淡味配酒有啲寡😲最好係 舊肉有預先切好晒 唔會要我哋自己切咁辛苦 份量都幾大吓~*燒豬肋骨🐖又係好抵😂$198 有個ribs 加兩杯大黑啤~黑啤重麥味~Ribs雖然見佢得4條骨,但好厚肉,份量一樣唔嘢少🍖味道都係偏淡 但呢個就稍重bbq sauce嘅味肉質都係好夠稔 唔會韌 但就唔係爽口個種自己就覺得佢有少少偏甜 但都係可以重味啲😂(可能我重口味🥱)*北京填鴨pizza 🍕個日發現原來煙鴨胸加甜醬就係北京填鴨🦆佢係薄批底 幾脆口 芝士夠重手咁多個入面我覺得呢個最夠味!新鮮焗好出嚟配啤酒很爽🥳*辛辣炒牛舌係七味粉😂okay 啦 不錯 但冇咩特別*酥炸生蠔🦪冇咩特別 但蠔係大隻嘅————————————一句講晒 抵囉😂鍾意同朋友或者屋企人傾吓計啤啤佢 真係唔錯嘅選擇 啲位闊落好坐 啤酒抵飲 又多小食選擇🤙我見佢牆啲promotion仲有寫話happy hour 有兩個鐘頭任飲都係$100 小食仲半價🥵Openrice book枱仲有9折添🤣咁熱大家都可以去啤啤佢啦(唔建議劈呀 嘔巧辛苦🤮)〰️〰️〰️〰️#元朗美食 #元朗 #西餐 #bar 繼續閱讀
(以上食評乃用戶個人意見 , 並不代表OpenRice之觀點。)