D Cafe (已結業)

是日番黎母校PolyU處理少少畢業文件，搞搞下過曬lunch time，但早上食左個大份早餐又唔係好肚餓，諗諗下V core創新大樓呢間D cafe自入學以黎淨係試過一次，今日決定再次一試。好耐無黎，發現佢餐牌多左好多burger、三文治、小食同drinks嘅選擇，賣相都好吸引。口痕想食下煎炸香口野，於是叫左份黑松露炸薯條。呢份薯條俾想像中多同豐盛，薯條粗得黎啖啖薯蓉，唔係空心個隻，每一啖都散發住幽幽嘅松露香，食完好滿足。最正嘅係下午茶時間唔係好多人，環境涼爽清雅，佈置有格調，可以係度過上一個悠閒嘅下午。

以前讀書時候間唔中會去d cafe買野食其實d cafe真係poly design仔女的至愛唔係因為佢特別好食只係因為佢近搭lift落黎就到了如果要講d cafe的推介我以前絕對會話Cheese Toast其實個menu我唔覺有佢不過因為之前見過我同學食 覺得好正咁之後我就成日買咁呢 畢左業的我最近就走左去d cafe因為去睇poly design annual show順便走去d cafe買cheese toast 食完之後覺得差左好多d cheese好苦好失望 完全唔好食其實d cafe的確好一般d burger好普通而佢d咖啡呢又好鬼難飲而且價錢算貴真係唔建議大家去買其實佢不過只係方便design school d人姐尤其是趕project個時

之前行過見佢開係 v 座平台，環境好唔錯。外面既台同椅都係designer設計，好有特色。另外有個做hifi播緊chill既音樂。價錢係學校入面算偏高，不過就係市價。當然expect佢有出面質素啦。個grill cheese sandwich係令人失望，無咩cheese又無咩味。 外面都脆。個carbonara都ok既。個汁收得5錯，味道正常。個size就偏少。服務方面，因為係叫號碼取餐，人手5夠個waiter都搵出黎俾番個餐我

作為舊生，間唔中都會返去Poly行下。無意中發現呢間喺創新樓嘅D Cafe，有堂食、有外賣，最估佢唔到係啲咖啡同burger! 首推慢煮牛或豬burger! 另外仲有炸魚薯條，真係不得了！當然仲好幾種意粉同熱狗，用黎醫肚都係唔錯嘅選擇。飲品方面仲有㕑師秘製嘅「凍朱古力」！果種濃濃嘅朱古力味，喺出面真係飲唔到！仲有主打嘅凍Coffee Tonic! 未飲過真係好難想像呢兩樣野原來咁夾！甜品方面，如果你好彩的話，會遇到㕑師特製嘅Brownie！呢件餅同咖啡真係天生一對！有機會真係要試一試！一定有驚喜！

魚柳薯條好好味，老闆話即叫即炸，黑椒碎調味夠厚身又唔乾，以後返Poly唔使次次去新Can另外，想試新野可以試下個Coffee Soda, 朋友個杯Ginger Lemon tea 冬天係附近難以暖笠笠既選擇

落堂唔想食can，轉下新口味食船入面間D Cafe三個人叫三個唔同種類嘅餐：白汁意粉+咖啡、All Day Breakfast、牛肉漢堡+薯條白汁意粉味道不錯，但份量少得可憐，食完好似無食過咁All Day breakfast賣相很好，有流心嘅煎雙蛋，脆炸薯餅，香腸半條，煙肉半條，番茄半個，茄汁焗豆一小兜，多士一塊。每樣少少味道香脆可口，但份量依然較少。牛肉漢堡包裝靚，但味道一般，菜多牛肉少，醬汁太少口感很乾，自己又無得加本身嘅醬汁，唯有加番茄醬充數最好食應該係薯條，即叫即炸外脆內軟，加上面頭嘅黑椒碎，非常可口想食好野絕對唔好黎，can都好味又抵食過佢，但想扮文青就絕對係好地方，食物包裝靚，最啱影相打卡呃like

聽聞d大學入邊唔多好野食，但我係poly隻船搵到間高質café,同學食都叫D café，咁價值都一定其他學校canteen貴，不過相比起出面有質素café又平得多。試左佢地慢煮的short ribs 芋條burger加薯條。O.M.G.short ribs起哂骨，因為慢煮8小時所以肉質非常嫩而且腍，入口即溶，配上相反脆身的芋條，口感十足；而薯條都炸得幾好食，不過少左點。$48仲想點？

今天下課後到了D cafe 嘗嘗聽說這裏的漢堡不錯但由於午餐吃得很飽所以只點了飲品想了很久最後點了Rose Latte 份量大約是一段咖啡店的tall size價錢比起同樣有售Rose latte 的夏必圖便宜嚐第一口時感覺玫瑰味濃郁但兩秒後滯留在口中的只有糖分味道實在太太太甜了即使絲打不抗拒糖份也覺得太過火了甜味甚至蓋過了奶味和玫瑰味有點失望呢不過這裏環境不錯 桌椅都很有特色地上更加有豆豆椅 讓人可以坐在地上聊天加上人流不多 是一個休息的好地方

紅磡［PolyU］★D Cafe為左令開會時間過得愉快ｄ，今日一於搵個舒服ｄ既地方開會～可能耐左無番學，同學仔唔share張相都唔知有間清新小cafe哩埋左係隻"大船"入面 ！傻更更唔識路入左隻船就去搭扶手電梯，原來間cafe係平台！行到去發現原來係１間外賣店，不過門口都有好幾張有特色既枱枱櫈櫈。最驚喜係發現角落頭有個地鋪area，上面有ｄ大豆袋比人坐／訓，見到都覺得好梳乎呀 下次真係要黎嘆下～～（不過唔知ｄ豆袋幾耐洗１次呢．．？哈哈）p.s. 左手邊好似陀螺既物體原來係1張"不倒櫈"，想要ｄ刺激可以坐上去轉番幾廿百個圈 搵食時間 原來都幾多野食wor salad/spagetti/burger/all-day breakfast....選擇困難症人士左諗右諗左好耐終於揀好食咩～- Fish fillet burger （$38）：不枉我揀左咁耐都係睇中你，三十幾蚊既burger原來巨型到逼爆個外賣盒咁濟 。最估你唔到係鬼咁足料，舊炸魚大件到個包都遮唔住！費事咁論盡只好分層食，麵包搽左少少牛油微微烘過，食落都幾軟熟。中間舊魚用啤酒炸粉，炸到勁香脆，好肥仔但勝在食落唔會好油，

This fish fillet burger is absolutely worth a try! The fish was soaked in beer batter right before frying, it's beautifully seasoned! It's crunchy on the outside and so smooth on the inside, the fish was cooked just right. The burger buns are well toasted with butter, giving that indulging aroma. Fortunately the burger didn't taste all that greasy because of the fresh salad underneath. Unlike the fast food restaurants, this burger obviously is made with delicacy and passion. I heard the owners a