13
1
1
港鐵銅鑼灣站 F1 出口, 步行約3分鐘 繼續閱讀
所有分店 (7)
電話號碼
52066188
營業時間
今日營業
08:00 - 21:00
星期一至五
08:00 - 21:00
星期六至日
09:00 - 21:00
公眾假期
09:00 - 21:00
付款方式
AlipayHK 支付寶 現金
其他資料
當面支付
食評 (17)
等級4 2020-12-08
907 瀏覽
早排係旺角試過cupping room嘅姊妹店,見到有media報導利園開咗新店,未試過佢地主食同蛋糕嘅我決定搵日去試。-All day Combo $128Combo套餐可自選2款Smorrebrod,仲包一杯蔬菜湯,做早餐一流。今次揀咗Red Shrimp Salad同Tempura Soft-shell Crab。Red Shrimp Salad蝦仁同沙律醬比例恰到好處,味道開胃;Tempura Soft-shell Crab以原隻軟殼蟹置於Smorrebrod之上,入口鹹香加啖啖肉。以天然酵母製造製造嘅 Smorrebrod,富麥香之餘帶點酸度,質感有韌勁,愈食愈吸引。-Spaghetti with Garlic Creamy Sauce $118呢款應該係我近年食過數一數二惹味意粉之選。醬汁濃稠入味,面層撒上紅椒粉提升辛辣香氣。伴以嫩口嘅巴馬臣芝士雞胸肉,香味更顯濃郁吸引,食落完全唔會覺得膩。-3" Original Basque Burnt Cheesecake $46終於食到近期大熱巴斯克芝士蛋糕,迷你尺寸好的骰,即使食完飯先食都唔驚食唔晒。蛋糕最大特色係明顯經烘焗嘅焦香面層,口感比一般芝士蛋糕輕盈少少。-Matcha Latte $48可免費選擇於頂層加忌廉,飲品帶有少許掛杯效果,睇落都幾靚。拌勻後抹茶中嘅澀味唔算好濃,加上有香甜忌廉,口感相對順滑。-Iced Latte $45入口苦味較強烈,咖啡味幾突出。我就唔太飲得慣,比較適合飲開咖啡嘅朋友享用。 繼續閱讀
(以上食評乃用戶個人意見 , 並不代表OpenRice之觀點。)
前陣子去銅鑼灣Shopping,發現利園開咗Cupping Room嘅旗艦店!呢間店勁大,足足有2500呎呢!​同其他分店唔同,店內仲設有Filter Bar及CReation Bar,喺呢度咖啡師會因應客人要求,打造專屬口味咖啡,亦會定期設立咖啡工作坊,比人學習更多沖調咖啡、拉花及咖啡知識等,身為啡迷,當然要狗沖去試下!😝😝😝​▲係Filter Bar可以飲到度身訂造嘅咖啡。▲Cupping Room旗艦店相當大,足足有2500呎!▲係放滿咖啡豆的櫃上,有店定座右銘"Brew Like a Champ"。✦ 自選手沖咖啡喺 Filter Bar ,客人可以因應個人口味,自由選擇沖調咖啡嘅3種Filter及3重用水!無錯!連水都有得揀!真係長知識!😯​原來手沖咖啡嘅水好影響口感!第1種可揀正常過濾水,另外2種則加咗唔同嘅礦物粉末,飲開嘅朋友自然識,唔明嘅朋友又可直接問咖啡師,順便學習新知識,幾得意。​今次我就試咗Cerro Azul Geisha X.O.,選自哥倫比亞Cerro Azul莊園嘅咖啡豆,入口帶覆盆子、葡萄等果香,層次感豐富!​▲駐場女咖啡師,好帥氣!▲如果第一次唔識揀,可以即時問咖啡師意見,佢會跟據你口味而調製咖啡。✦ Spent Martini 嚟得Cupping Room,當然要試埋佢哋招牌Cocktail "Spent Martini" !用咖啡渣釀酒,再將餐廳用餘嘅牛角包煮成糖漿加入酒中,入口細滑,酒體柔和而滲透啖啖水果香甜,非常高質。​✦ Pan-seared Scallop & Avocado扇貝肉爽口、份量多,配埋牛油果,清新又健康!​✦ Tempura Soft-shell Crab 軟殼蟹比想像中大隻,外層炸皮唔會好厚,咬上口一口粉,配cocktail 飲幾正。✦ Gingerbread Basque Burnt Cheesecake 呢款係冬日限定嘅Burnt Cheesecake,蛋糕上有好可愛嘅鹿仔曲奇,蛋糕中心又有流心芝士,口感濃郁細滑。呢個蛋糕薑味真係好好重,我個人係ok,不過唔係食開薑嘅人,有機會嫌太重口味。​ 繼續閱讀
(以上食評乃用戶個人意見 , 並不代表OpenRice之觀點。)
人氣咖啡店 Cupping Room 近日連開兩間分店,這次來到銅鑼灣利園一期,最特別的地方是首創咖啡互動體驗,由沖調工具到水都可以自選,非常好玩。食物的部分有兩款純素 open-face 三文治,食完正餐仲可以嘆埋 La Vina 甜品和咖啡調酒添!Cupping Room Coffee Roasters 全新分店剛於11月8日開業,地點在利園一利三樓,佔地有2,500呎,樓層整個半圓形都屬咖啡店範圍,坐得好鬆動。仲以為開幕才幾天唔會好多人知,但一到二、三點就開始全場爆滿,連甜品櫃都清空咁滯,果然好有人氣。這是品牌第一間提供嶄新咖啡互動體驗的旗艦店,特設 CReation Bar 和 Filter Bar 兩個部分,前間提供手沖咖啡互動體驗,後者則有特色咖啡調酒,兩邊各有特色。在 Filter Bar 可以因應自己口味,自由選擇沖調咖啡的工具和用水,我第一次聽原來手沖咖啡都有水揀,覺得大開眼界,長好多知識!估唔到飲杯手沖咖啡都學到咁多野!這裡共有三款 Filter 和三款水可以揀,使用不同型號的手沖咖啡濾杯,沖出來的咖啡風味亦會有不同,視乎你喜歡咖啡的味道或風味,我諗有飲開的朋友自然就會識,唔明的話都可以直接問咖啡師,順便學習新知識。三種水都好有趣,第一種就是正常過濾水,另外兩種原來係加了粉末,我真係第一次見,原來水入面的礦物質會影響咖啡風味。如果你對咖啡很有興趣,想更深入了解,可以考慮報名參加各種咖啡工作坊,逢星期三或五晚上7至9時於店內舉行,費用由HK$320-$480不等,內容有咖啡豆產地、手沖咖啡和咖啡拉花等等,詳情可以留意品牌的社交平台頁面。主理咖啡工作坊的大師來頭當然不小,他是奮得2020年香港咖啡師大賽冠軍的 Bosco Tai,想要朝聖的話記得多點來喝咖啡。因為是旗艦店,品牌都非常細心地安排專業咖啡師於每天3:00 - 3:30駐場,為容人解答各種有關咖啡的問題,費用全免,有野問真係要把握機會啦!飲咖啡之餘都想搵d野咬下,除了玻璃櫃入面的麵包和蛋糕,其實仲有意粉和開面三文治架!來食正餐都無問題,唔一定只係飲咖啡或者下午茶。飲品MENU有咖啡有茶,也有一些我看不懂的東西 XD餐點都好多喎,素食之選有一個沙律、兩個純素開面三文治和一款蛋三文治,輕食醫肚或者影打卡相都OK。Hojicha Latte HK$42等朋友的時候我先叫左飲焙茶拿鐵飲,如果不喝咖啡的話,仲有抹茶、焙茶、薑黃、Chai 和朱古力,仲可以加 HK$3 轉 Oatly 燕麥奶。Mixed Mushrooms HK$62 / Avocado with Humus HK$62見到餐牌上有兩款純素三文治,當然兩款都要試試看,酸種麵包每天於中環 La Vina 自家餅房新鮮出爐,薄薄一片烤得香脆。前面這款是牛油果醬加醬燒雜菇,上面堆菇煮得好香好入味,味道充滿驚喜!後面那款有紅菜頭鷹嘴豆泥加牛油果,個醬有檸檬汁的酸和清新,夾埋又幾好食。兩款俾我揀的話,我會較鍾意雜菇那一個。Garlic Cream Cheese Bun HK$42另外我覺得一定要試的是這個蒜蓉芝士包,你睇佢爆晒餡咁真係睇到都覺得吸引!你以為中間係滿滿芝士,食起來應該會膩,但實際上完全不會,它比較像是淡味的 cream cheese,口感濃厚順滑,仲帶著滿滿蒜香!食過返尋味!見到有記得即刻買一個,唔係會俾人買晒架!你睇中間個蒜蓉芝士醬好似吉士咁樣,夾在麵包中間有硬有軟好特別。鏡頭一轉我們去到另一邊的 CReation Bar,這邊的飲品使用品牌自家出品的咖啡膠囊,再配搭水果、茶底、酒和汽水等,精心調配12杯不同配方的咖啡cocktail 或咖啡mocktail。SPENT MARTINI HK$118這杯 Spent Martini 最大的特色是會運用一些剩餘物資,例如剩下的咖啡、水果再發酵提煉(詳細唔記得XD)再利用,係一杯環保的調酒。香港現在每天都有咖啡店開,有時都唔知飲得邊間先,不過如果想有咁全面的咖啡體驗,應該要來利園 Cupping Room 先有啦! 繼續閱讀
(以上食評乃用戶個人意見 , 並不代表OpenRice之觀點。)
繼上星期試過響coffee shop竟然可以有包場情景出現,於是今個星期再接再厲。可惜真係可一不可再 😔其實今日(23/1)出門口嘅時間已經同上星期有d分別,多左好多人。莫非因為大家都唔敢去油尖旺移私晒嚟港島區?不過又可能因為我今日到達cafe 嘅時間真係晏左少少,大家都瞓醒出嚟搵食。雖然冇得揀位坐 ,不過好彩咁啱有番個自閉偷情位。食物方面就決意試吓我上次已經好想試吓嘅Garlic Cream Cheese Bun. 其實我一啲都唔肚餓🤣,本身要自己一個征服成個bun 已經冇乜可能,所以有一半打包返屋企醒阿媽。Cream Cheese 聽到都漏😃,見到都覺得萬分邪惡,不過食落又比我想像中ok. 可能有garlic 中和左小小。唔知點解自己又好想試,其實冇乜特別,只係蒜蓉包加cream cheese 🧀!$42 有d唔值,反而上星期食果個帶子open face sandwich 🥪 性價比高好多。唸住試吓其他特別飲品,可惜揀唔到😩又飲番coco Chanel 😆下次可以試吓第二間隔一排先再返轉頭🤣 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-17
0 瀏覽
天氣咁凍飲到杯好飲嘅熱野真係好幸福🥰▪️Mocha(Large)▪️$50口感順滑,飲落溫和嘅咖啡味,加上好濃郁好香嘅朱古力,兩者好夾,而且朱古力似係主角多d,岩哂鍾意熱量嘅冬天😍💭拎到返屋企先飲,所以賣相比較醜🤪💭💭個杯嘅design好靚呀🤩舔脷指數:7.5/10😁Cupping Room Coffee Roasters😋銅鑼灣希慎道33號利園一期3樓306號舖#foodtaster飲品 #coffee #cafe #chocolate 繼續閱讀
(以上食評乃用戶個人意見 , 並不代表OpenRice之觀點。)