83
2
0
港鐵銅鑼灣站 A 出口, 步行約6分鐘
繼續閱讀
電話號碼
28842603
營業時間
今日營業
12:00 - 16:00
18:00 - 23:00
星期一至日
12:00 - 16:00
18:00 - 23:00
公眾假期
12:00 - 16:00
18:00 - 23:00
公眾假期前夕
12:00 - 16:00
18:00 - 23:00
以上資料只供參考, 請與餐廳確認詳情
除了酒店之後，我從來未試過有餐廳咁貼心招待，差不多是一對一的服務，完全關顧到食客的需要。而每一道菜色也有英語介紹及食完都會詢問意見。最令人讚嘆的是，他們連仔仔的私人餐具都清潔埋交還，這點真是超級窩心。至於食物方面，他們對食物來源及取材也相當講究，確保新鮮及味道配搭都好創新及相當好味。Starter🌟煎炒水晶藍大蝦伴 Nduja 意式辣肉腸 雪莉酒、嫩菠菜 Sautéed Obsiblue Prawn & Nduja Sherry, Baby Spinach 這個菜色別有風味，用了特別的辣醬料配上辣肉腸、雪莉酒帶出大蝦的鮮甜爽口，令人有開胃的感覺。🌟絲翠奇亞絲綢芝士伴日本白桃、德國黑森林火腿法式空氣麵包 Stracciatella, Japanese White Peach, Black Forest Ham Air Bread 這個前菜接近滿分💯是因為整體食物的配搭很完美，味道令人回味無窮。日本白桃多汁又爽甜，中間夾了好香濃可口、口感特別的絲翠奇亞絲綢芝士，令整個食物昇華了，加上黑森林火腿同法式空氣麵包的中和，令成個感覺好清新。Entree 前菜（供四道菜享用）🌟卡邦尼魷魚意粉 、羊奶芝士泡沫、風乾豬頰肉 Squid 'Carbonara' Pecorino Espuma, Guanciale卡邦尼意粉就經常食，卡邦尼魷魚意粉就第一次，魷魚超級彈牙，配上好香的羊奶芝士，好好食🤤但個人就不太喜歡風乾豬頰肉，略嫌太濃烈同咸味較重。🌟日本菓物茄配 Cristal 魚子醬、高湯果凍 Momotaro Tomato, Cristal Caviar Dashi Jelly 這是另一個極度推介之選‼️因為日本菓物茄超級多汁又新鮮，配上我哋至愛的Cristal 魚子醬，真係不是誇張，係有一種天衣無縫的感覺，味道出奇地夾，好好食👍Main 主菜🌟香烤紐西蘭羊架 黃雞油菌、豌豆Roasted Rack of NZ Baby Lamb Chanterelle Mushroom. Green Peas 羊架一直是我們喜歡的食物，呢個羊架本身肉質不硬，加上煎得的時間剛剛好，做到外面脆內軟又保留到肉汁又不腥的效果。🌟香煎鴨胸 小胡蘿蔔、小荳蔻、法式焦糖橙醬 Pan-Seared Mallard Duck Breast Baby Carrots, Cardamom, Orange Gastrique 這個賣相不錯，但可能鴨胸不是我們太偏好的關係，切起來有少少難度，屬「耐嚼」之食物。不過要提一下個焦糖橙醬好好味、好特別。Dessert 甜品🌟即席藝術甜品畫（兩位起享用）Dessert Presentation "Jackson Pollock" (minimum for 2 pax )呢個簡直係成餐飯的重頭項目，是小朋友最期待的環節。因為餐廳有專人即席介紹和「揮筆」，為客人度身訂造一幅超級靚的甜品畫。小朋友一定興奮到彈起觀賞，甜品不少得有不同的馬卡龍、蛋糕同乾果等，真的是盡享視覺同味度的享受。最後的乾冰效果更是打卡一流，慶祝生日、節日一定非常難忘。是藝術與美食結合環節🫶🏻
繼續閱讀
三個女人仔，又出發去食好嘢。這間西餐廳，坐低冇耐，已經覺得非常值得推薦。一開始進入地下入口，已經有Service， 朋友攞住一把遮，（當日冇落雨，遮是沒有濕的）即刻俾個號碼牌，用用餐後離開才取回。餐廳不算多人，服務員讓我們選擇坐不同區域的枱。之後scan 枱面上設計立體的QR code，查閱餐牌，之後再叫服務員過來落單。到serve水，溫水開水有氣礦泉水等等，乃至枱上即霧化消毒器，感覺到非常之高級，有酒店的感覺。餐牌其實可以上網睇，精雕萬選之後，三個人分別兩道菜，三道菜，及四道菜，大家可以share食，是多少少，又唔會太飽。結果食完之後，覺得攻略全部啱晒！叫咗一個豬，比目魚，素菜係西蘭花，每樣食少少唔會覺得太過有負擔。味道亦都相當唔錯。擺碟非常之美麗。成個感覺，總覺得自己在酒店用餐。之後加追甜品，我們只叫兩位藝術畫甜品。服務員，一直在你桌上畫花買方甜品，最後很想乾冰作為效果。非常IG。味道當然有保證。好啱女仔叫。見到隔籬枱，點了一件芝士蛋糕，重份量，size 唔細，好在冇嗌，如果唔係飽死。整體感覺，非常良好，覺得自己賺咗，而且覺得一定會再嚟食。冇錯，已經book咗七月初再來食！
繼續閱讀
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗朋友 book 好檯帶我去試呢一間fine dining，網上面嘅comment 都唔錯，上網再睇吓資料，呢間係 towngas x chef Stanley Wong 嘅合作餐廳，chef Stanley 係中德混血兒，曾經響好幾間獲獎餐廳做行政主廚，hmm... 我都幾期待呢一餐會有咩體驗～ 餐廳響一樓，地下門面係一個入口，經過木系樓梯向上行一層，設計係 modern stylish 路線，唔算好奢華系。價錢上唔算好貴，2 courses $458 / 3 courses $628 / 4 courses $728，可以從 starter / entrèe / main / dessert 任意配搭。🍴Focaccia with Olives & herbed Sundried tomato - free bread呢款餐前意大利麵包放上檯時仲係熱，厚得嚟好鬆軟，sundried tomato 加埋橄欖、橄欖油同香草，好味！🍴Momotaro tomato, Krystal Cavier with Daish Jelly - Starter (+$98)Presentation 好靚，來自日本嘅 momotaro 番茄，坐響輕盈帶芝士味嘅 foam上面，Daish Jelly 好似一塊披肩咁，頭頂加上Krystal Cavier，番茄切開後唔會散晒，鹹味酸味甜味好balance，好味又好開胃～🍴Beef Tartare with Thai Basil, Lemongrass and Rice Crisps - Entrèe 平常食嘅 Beef Tartare，無論係法式定係意式做法，上面都會放咗生蛋黃，呢款係泰式 fusion。試一啖肉，用人手切到一粒粒有咬口，泰式調味幾惹味，配上米餅好脆又香口，tartare 入面有辣椒籽，如果唔食得辣嘅要諗一下～🍴White Asparagus Salad, Black Forest Ham with Egg & Chive dressing - EntrèePickled 白蘆筍咬落去爽脆新鮮，帶少少酸味，Egg & Chive dressing 食落似蛋沙律 feel～🍴Boston Lobster Linguine with Lobster Bisque and Home-Grown Cherry Tomato - Main (+$118)呢個扁意粉有龍蝦鉗 + 龍蝦肉，似係分開 grill 咗之後放上面，番茄龍蝦濃湯做嘅醬汁好glossy，味道比較清新而唔係濃郁系，龍蝦肉新鮮爽口，龍蝦鉗比較嫩滑彈牙，龍蝦肉嗰舊有部分煮得過咗少少，相對比其他部分硬同乾，扁意粉口感啱啱好 al dente 。🍴Grilled Rangers Valley Wagyu Striploin with Creamed Kohlrabi and Sautéed Potatos - Main (+$118)Striploin 嘅外層 caramelized 得過咗丁丁，所以接近外層部分嘅肉會比較硬，中間部分都幾嫩，呢個唔算太差但唔算非常好食。🍴White Asparagus with Hollandaise Sauce - Side (+$68)個荷蘭醬非常creamy，面層有少少焦香，配埋好新鮮嘅白蘆筍，好好味！🍴Garden Greens with Dill Yogurt Dressing - Side (+$68)蔬菜夠新鮮，醬汁清新～🍴Dessert Presentation - Dessert (for 2/+$38pp) 職員以檯上黑色膠片作為畫布，逐一放上甜品元素，先放乳酪同芒果醬，再灑上紫薯粉、蕃薯粉同埋白色細細粒嘅乳酪脆脆作為甜品基底，之後加上乾綠茶蛋糕、菠蘿乾、開心果泡芙、兩款唔同味嘅馬卡龍、乳酪撻、朱古力mousse同芒果Panna Cotta 完成Dessert Presentation。我覺得開心果泡芙、朱古力mousse、乳酪脆脆係最好食，其他甜品都唔錯，值得一試～🍴2019 Domain D'Ardhuy, Savigny Les Beaune 1er Cru Aux Clous ($890)🍴Unlimited sparkling water with Lemon ($28)整體價錢上唔算好貴，冇dress code，可以 share dish，算係 fine dining 嘅入門版，平日晚上唔算好多人，坐得好舒服，職員親切細心，服務質素非常一流，食物質素唔錯但可以做得再好D，朋友推介呢度嘅 brunch 都唔錯，相比 dinner 會更抵食，下次可以嚟再試！☆My IG @tracyloveliving ☆
繼續閱讀
又到慶生月，今次孖住老公去食咕個高質Fine Din，間唔中係要好好慰勞下自己Happy下既🥰餐廳位置方便，從地鐵站行出去只須5分鐘左右。進入餐廳地下入口，已經有好好嘅服務，因為落雨天，老公攞住一把遮，店員即刻禮貌地俾個號碼牌佢後就收起佢把遮，話待用完餐後離開時憑號碼牌取回。餐廳用膳地方位於一樓，要經過木系樓梯向上行一層，設計唔算好奢華但感覺舒服。食物價錢上亦唔算好貴，分別有：2 courses $458 3 courses $628 4 courses $728可以從starter / main / dessert 任意配搭。亦可再加配Side +$68我同老公點咗2course + Side ($458+$68)餐前提供的意大利包，上檯時仲係熱熱的，口感鬆軟，加配橄欖油同香草，好味！✿Main✿🧡紅菜頭千層酥（黑蘑菇、野蒜）Beetroot Mille Feuille (Black Mushroom, Wild Garlic)👉🏾從未食過如此精緻的紅菜頭，薄薄的一片一片，味道非常鮮甜，好味。🧡香煎鴨胸 (小胡蘿蔔、小荳蔻、法式焦糖橙醬)Pan-Seared Mallard Duck Breast(baby carrots, Cardamom, Orange Gastrigue)🧡👉🏾唔知點解我覺得好似食緊叉燒咁，個味道真係好似，但食咗落又feel 到好重嘅鴨味，加配埋個法式焦糖橙醬，一絕呀，好好味。✿Side✿ +$68(每位）🧡KFC花椰菜（辣椒醬)KFC Cauliflower (Gochujang Sauce)🧡👉🏾味道酸酸甜甜，非常開胃。🧡通心粉奶酪（松露）Mac n’ cheese (Truffles)🧡👉🏾奶味好濃配襯松露，簡直係極品，熱辣辣非常好食，一定要趁熱食。到全晚既戲肉出場😍✿Dessert ✿🧡Dessert Presentations “Jackson Pollock” (2位起享用)+$48(每位)🧡👉🏾可以話係一場藝術表演，店員會推架車仔出嚟，係你面前即即畫一幅藝術畫，仲會逐款甜品介紹出場，每人有六小件甜品，每件都各有特色，我和老公特別喜愛芒果椰子奶凍，幼滑香甜，好好味，味道又係不會太甜。呢款甜品真係好啱任何慶祝活動，加上打卡一流。推介指數：9/10📍 CulinArt 1862（銅鑼灣）銅鑼灣禮頓道29號華懋禮頓廣場1樓
繼續閱讀
同朋友慶祝生日， 揀左一間西餐，金餐廳唔算好多人，坐得舒服，好啱傾計，亦唔會有限時。叫左3 courses set dinner , set dinner 加錢叫左左甜品拼盤。叫左杯cocktail, 都幾濃， 但果味同酒味都濃，鐘意飲酒既朋友會好鐘意。另外點左個韓式椰菜花， 小小辣，甜甜酸酸都好好食。另外，主菜揀左雞同牛，牛肉做到半生熟，雞肉就用左印度香料調味，食落味道都特別，唔似普通燒雞。主菜甜品拼盤，係佢會喺你面前用醬料同甜品砌個圖出黎，最後仲有加乾冰特效，打卡同慶祝生日就要試下！佢每件甜品細細地，唔會太甜同太漏，味道都唔錯，佢仲配有果乾，可以消下滯，有啲refresh既感覺。
繼續閱讀