影片
以上資料只供參考, 請與餐廳確認詳情
最近keep住想食西班牙菜，因為啲tapas實在太精緻啦，ig-able不特止，味道同口感上嘅層次感都好足。今次呢間係係ig睇完其他人post，覺得好靚，擺盤好有心機所以來嘅。（題外話：佢地個西班牙版本嘅this this rice，大家可以try，搞笑得來，幾有諗頭～❤️）/Wagyu Foie Gras Tatare Bites A5和牛鵝肝他他、藤椒、迷你油炸鬼$138/一改麵包做底嘅方式，改爲唔油膩嘅油炸鬼做底，真係相當港式🇭🇰，鵝肝夠曬mushy，A5牛油他他保持牛肉粒滑嫩口感🐮再加入四川辣椒油🌶️每一啖都會食到和牛嘅油香+辣椒油+鵝肝嘅油香，有層次之餘係好夾💛/Gambas al Ajillo西班牙蒜油紅蝦$158/紅蝦🦐超大隻，口感又彈牙，配埋炸過嘅蒜片🧄味道好濃郁（放心，已經甩曬殼，切一切就食得～/Mushroom Medley三菇一味$108/真心超ig-able📸話明「三菇」，梗係用左三種菇，分別係用左馬德里傳統煮法，充滿牛油香氣嘅蘑菇🧈食落有少少酸嘅秀珍菇🍄🟫同埋炸到薯條口感嘅金針菇薯條🍟撈埋蛋黃去食，滿滿嘅儀式感之餘味道濃郁，口感有層次🍄/Fried Potato Gratin西班牙千層薯、地三鮮$98/居然用西班牙Potato Gratin可以包含典型東北菜-地三鮮嘅元素👀地三鮮分別係薯仔🥔-就係個千層、茄子🍆-以puree形式呈現，同埋青椒🫑-以aioli形式出現。整體偏mild，唔會有一個味道係搶曬fo，千層薯仔係超級delicate，然後估唔到以地三鮮形式做醬汁係都幾唔錯/特別～/Threadf in Fish & Clams白菜魚湯$228/一直到我差唔多飲完呢個湯，魚皮都係保持脆口零油膩🙊而呢個蜆肉係我近期食過最嫩最滑嘅🐚湯嘅味道徹底驚艷左我同朋友🥬菜味超出，無菜腥味，入口十分順滑，成個湯好輕盈😌廚師加左幾滴酸酸地嘅醬，我覺得係有更提鮮嘅🧑🏻🍳/Fuyu Basque Cheesecake腐乳巴斯克芝士蛋糕$88/腐乳本身都係同芝士一樣偏creamy texture嘅東西，which is why佢地會用來試整芝士蛋糕🧀？我想講要個芝士蛋糕配莓果醬一齊食嘅時候，你會更感受到個腐乳嘅鹹香，唔會太strong，某程度上好似吊出芝士原油嘅鹹味出來咁
繼續閱讀
收工喺中環搵食，發現呢間隱藏喺威靈頓街嘅西班牙小酒館。餐廳播住輕快嘅音樂，成個氛圍即刻令人放鬆晒～ 🥘【Tapas】 • 海膽西班牙薯仔蛋餅 ($98/2件) - 傳統蛋餅加入海膽同黑魚子，蛋香濃郁得嚟帶出海膽鮮甜，薯仔煮到半融狀態，口感好正🙌🏼• 西班牙辣腸煎釀三寶 ($98) - 本地三色椒釀入西班牙辣肉腸，煙燻味突出得嚟唔會太鹹，咬落去仲有肉汁爆出～• 西班牙蒜油紅蝦 ($158) - 用咗刺身級紅蝦，蝦肉軟糯得嚟彈牙，蒜油夠晒香口，最正係啲蝦膏鮮甜完全唔腥！🥩【主菜推介】 A5和牛沙巴當 ($368) 好有創意！一邊係港式沙爹醬，另一邊係西班牙煙燻醬，和牛油香豐腴，配埋香甜嘅baby corn好夾。落單之前老闆特別提醒我哋可能會食到好漏，因為佢哋係用真材實料嘅A5和牛，不過講真配埋啲醬真係唔係好腬又好惹味👀另外同老細傾偈講起，佢哋原來仲有西班牙兩餸飯，午餐時段都好抵食，比起香港其他西班牙餐廳嘅燴飯平一大截，下次中午要嚟試吓😌小店雖然唔大，但食物有心思得嚟夠地道。特別欣賞佢哋將港式元素融入西班牙菜，好似沙爹和牛咁玩味十足。佢哋仲會好耐心解釋每道菜嘅特色，成晚食得好盡興～
繼續閱讀
2631 瀏覽
約咗同晌中環返工嘅舊同學食晏，大家都想試試新嘢，加上平常大家都少出嚟食晏，所以，都想食好少少，所以，就試試晌擺花街新開無耐賣西班牙嘅小店「Cruce」。餐廳嘅前身一向都喺做咖啡店，加上地方真喺唔太大，所以，佈局都以簡約為主，一室以白襯橙，望上去都幾醒神。午市主要供應西班牙“2”餸飯，玩法好簡單，飯底（$68）再加配兩款或以上餸料，餸料定價$33-$98。此外，仲可以加配湯品、飲品、甜品，跟店長閒談間，先知原來店家將西班牙菜加入港式元素，都幾特別。第一份西班牙飯 $169第一份選擇嘅餸料喺三文魚柳配西班牙大蒜醬及泰國椰菜，因為喺即叫即焗，都要等少少時間，上到枱已感受到嗰份熱焫焫。三文魚大大件，加上有好多件椰菜，賣相幾有睇頭，而味道確喺唔錯，三文魚油潤豐腴，加咗啲特製嘅大蒜醬同牛油果醬，味道更富層次，兼且肉質滑溜非常，食得出用料高質。第二份西班牙飯 $149補充多句，用番鑊仔上枱，自然保持番西班牙海鮮飯嘅風格，此外，飯底本身已加咗西班牙火腿、蝦米、紅椒去煮，單喺食個飯都好好味。呢一份所揀嘅配料喺巴斯克烤雞同蒜香牛油青口，前者烤得香口，有點辣勁，好惹味，而後者睇樣都見喺靚貨，唔單止肉質柔嫩，並且充滿蒜蓉同牛油香味。海鹽檸檬汽泡特飲 +$26、熱咖啡 +$26配濃味食物，小弟就推薦呢一杯海鹽檸檬汽泡特飲，一來本身嘅味道鹹鹹甜甜，又帶點酸，已經味道獨特，二來喺汽泡飲品，飲起嚟感覺更清爽；而舊同學喺喜歡咖啡之人，餐後嘆杯香濃嘅咖啡，佢話感覺就最舒暢。整體嚟講，食得出食材用料有一定嘅質素，招呼亦好唔錯，簡簡單單聚聚舊、食餐飯，最緊要喺食得稱心！
繼續閱讀
今日放工約咗朋友食飯，喺OpenRice搜尋到呢間位於中環威靈頓街食西班牙菜嘅新餐廳。原來呢間餐廳係做西班牙和香港嘅fusion菜，喺香港的確比較少見。🍴西班牙蒜油紅蝦廚師用咗刺身級嘅紅蝦嚟做食材，紅蝦帶有淡淡嘅海洋清甜味，蝦肉非常嫩滑，而蔥蒜和橄欖油嘅融合，散發出濃郁而醇厚的蒜香味，香味更能貫穿紅蝦，口感極為豐富。🍴 黑毛豬叉燒西班牙燴飯廚師運用咗港式叉燒醬汁嚟醃製西班牙黑毛豬，在燒製過程中令到黑毛豬嘅外皮微微焦香，叉燒醬汁跟黑毛豬嘅咸香相互融合，形成咗一種醇厚而獨特嘅風味。西班牙飯底則用咗番茄、洋蔥、藏紅花等香料製成，黑毛豬嘅油份慢慢滲入飯中，相互融合，創造咗一種獨突嘅味覺體驗。🍴 巴斯克蔥油三黃雞廚師選用本地三黃雞以巴斯克嘅慢煮手法，令到雞肉非常嫩滑，毫無干柴感，而雞皮又能做到香脆感。廚師更利用咗港式嘅蔥油融合咗西班牙嘅橄欖油，進一步提升雞肉嘅風味，令到口感更加濃郁。🍴 腐乳巴斯克芝士蛋糕廚師利用咗港式腐乳和芝士嘅乳香融合來製成蛋糕，獨特的咸鮮風味為蛋糕增添咗一份地道特色。
繼續閱讀
琴晚同老闆傾開偈，原來佢哋開咗十幾日咋！香港近年開咗好多西班牙餐廳，呢度就有一個特別之處：就係將香港＇元素加入西班牙菜入面，材料同埋味道都好有驚喜👍一開始先食炸蝦片，呢個絕對唔係平時嘅印尼炸蝦片，食落去好似魚片頭咁嘅味道，真材實料用魚肉整出嚟㗎！再加埋佢哋嘅秘製醬汁，確係好味！等嘢食期間，飲住Sangria先，味道好清新，老闆仲好體貼問吓我哋想唔想酒味重啲，招呼好周到👍之後就食Tapas！一啖一件食多幾件！A5和牛他他好邪惡，仲要用咗油炸鬼墊底，將港式嘅元素加埋落西班牙Tapas入面，估唔到都幾夾👏我最鍾意呢度嘅海膽西班牙蛋餅，味道鮮甜，配埋暖暖哋嘅蛋餅一齊食好好味。平時成日食broken egg - 炸薯絲撈蛋，呢度係將薯仔絲變咗炸菇，味道豐富啲，三種菇亦都帶嚟唔同嘅口感，呢個真係必食推介。八爪魚腿都好特別，慢煮完之後再煎香佢，口感非常軟腍。最精彩係醬汁，估唔到XO醬同佢都好夾！！！令令到鮮味更上一層樓！最後我哋食埋A5和牛沙巴當，呢個嘅醬汁亦係充滿驚喜，一般醬汁係西班牙醬汁Mojo Rojo，辣辣地少少惹味；另一邊係沙嗲醬，好有港式風味，估唔到同和牛都好夾🙌🏻 好佩服廚師嘅大膽嘗試👍呢度舖頭細細間，唔係好多位！要嚟食記得訂位啊！
繼續閱讀