CRAVINGS

營業中

休息中

今日lunch吃咖喱，咖喱的醬汁似乎用上了很多特色的印度香料，加上此餐廳由廚師到侍應都是以印度人主理，所以吃的時候感覺特別正宗。我點的是印度馬薩拉羊膝，淨係賣相已經值回票價，羊膝的肉質很鮮嫩，味道很好。特意配上印度薄餅Naan Bread，全程落手食味道特別好，Naan Bread點咖喱汁吃得很滋味，這個馬薩拉基本上是不辣的，熱唔熱熱的夏天吃這個特別開胃。 set lunch連餐湯和飲品，餐湯是薯仔蛋花湯，上面加了一點蔥花。餐飲點了凍的印度奶茶，味道也不錯。

今日幫襯咗一間有特色而且都幾地道的印度加尼泊爾菜的小餐廳，成間餐廳都係由印巴藉人士主理，所以D食物出品有地道嘅保證。出面好似比較少見尼泊爾餃子Momo，可以蒸或者煎，我地試咗個蒸嘅，食落個餃皮比較厚身，有D似我地東北地區嗰D水餃，個餃子嘅餡係用雞肉做，整體嘅味道同口感都幾好，個醬就係辣嘅，而且我覺得都幾辣。另一個小食係侍應哥哥握介嘅，叫Dahi Puri，佢話係一道非常傳統嘅印度小食，外層脆脆地，入面裝住D酸乳酪，再喺外面再沈一D脆麵，好儂，好啱呢D又焗又熱嘅天氣。

今日試咗呢一間全店都有印巴夕人士處理嘅印度菜，感覺口味非常正宗。平時黃咖哩紅咖哩青咖哩都見得多，但係今日見到有個菠菜咖哩所以就決定一於會一會佢，我就揀咗菠菜咖哩羊肉Lamb Saggwala，食印度嘢就一定係攰佢個印度薄餅Naan Bread啦。個菠菜咖哩羊肉真係好菠菜feel，成碟都係綠色嘅，雖然叫做咖哩，不過食落去嘅時候一啲都唔辣，d羊肉都煮得幾淋。呢度個Naan Bread似乎係即叫即做，拎到埋嚟嘅時候仲有溫度，不過就嫌佢唔夠燶，如果燶多少少應該會更加香，用來點呢個菠菜咖哩汁好正。飲品就試咗杯芒果印度乳酪Mango Lassi，幾好飲，芒果味好香，又唔會好甜。最後老闆仲送咗個印度甜品比我，都係唔係好甜，幾好味。

今次試咗呢間印度餐廳真係好驚喜！佢哋嘅咖哩雞絕對係招牌菜，用咗十多種香料每日新鮮熬製，醬汁濃郁得嚟層次分明，入口先係淡淡椰香，然後香料嘅辛香慢慢散發，最後帶少少甜味回甘。雞肉用咗新鮮雞髀肉，燉到鬆化入味，一啲都唔鞋口。最正係用佢哋嘅薄荷薄餅蘸嚟食，薄餅即叫即製，餅身帶少少韌性，薄荷葉切碎後混入麵團，每啖都散發住清新香氣，同濃郁嘅咖哩形成完美配搭，真係食到停唔到口！ 小食炸羊肉角亦係必點之選，外皮炸到金黃酥脆，咬落去"咔嚓"聲好治癒，入面嘅羊肉餡混入孜然、芫荽等香料，肉汁豐盈得嚟完全冇羊羶味，點埋薄荷乳酪醬更加開胃！ 餐廳環境舒適，現代印度風格裝修，座位寬敞，坐得耐都唔會累。服務貼心，最後仲送咗米布丁做甜品，奶香濃郁，米粒煮到半融狀態，面頭灑滿開心果碎，甜度剛剛好，完美作結！ 人均$109左右，食物高質，絕對會再encore！推薦俾鍾意印度菜嘅朋友！

超正印度風味！咖哩雞配薄荷薄餅絕配！今次試咗呢間印度餐廳真係好驚喜！佢哋嘅咖哩雞絕對係招牌菜，用咗十多種香料每日新鮮熬製，醬汁濃郁得嚟層次分明，入口先係淡淡椰香，然後香料嘅辛香慢慢散發，最後帶少少甜味回甘。雞肉用咗新鮮雞髀肉，燉到鬆化入味，一啲都唔鞋口。最正係用佢哋嘅薄荷薄餅蘸嚟食，薄餅即叫即製，餅身帶少少韌性，薄荷葉切碎後混入麵團，每啖都散發住清新香氣，同濃郁嘅咖哩形成完美配搭，真係食到停唔到口！ 小食炸羊肉角亦係必點之選，外皮炸到金黃酥脆，咬落去"咔嚓"聲好治癒，入面嘅羊肉餡混入孜然、芫荽等香料，肉汁豐盈得嚟完全冇羊羶味，點埋薄荷乳酪醬更加開胃！ 餐廳環境舒適，現代印度風格裝修，座位寬敞，坐得耐都唔會累。服務貼心，最後仲送咗米布丁做甜品，奶香濃郁，米粒煮到半融狀態，面頭灑滿開心果碎，甜度剛剛好，完美作結！ 人均$109左右，食物高質，絕對會再encore！推薦俾鍾意印度菜嘅朋友！👍

呢一個印度菜式個賣相色彩繽紛，食落去口感多層次，因為入面嘅配料都幾有趣嘅，有呢個小型脆皮包，其實我覺得佢有少少似我哋中國嘅煎堆，不過佢嘅皮係薄好多嘅，另外呢個小型脆皮包入面係放咗酸乳酪，所以嚴格嚟講佢其實係一個冷盤，味道酸酸地，幾開胃。老闆呢個菜式雖然係小食，但係一定唔可以預先整定，否則個乳酪就會令到嗰個小型脆皮淋咗，而且佢個面仲會加咗啲脆麵，又係會容易淋嘅，淋咗就唔好食，所以呢個小食係即叫即做嘅。配埋芒果味嘅印度奶昔，好清新嘅一餐下午茶。

試咗尼泊爾餃子chicken momo，個醬汁辣得好惹味。之後食naan一定要食芝士和薯仔naan，薯仔薄餅有洋蔥做料，食落有口感。最後個老闆請咗食一個牛奶布甸，第一次食到嘅味道同口感，好有手local feel。成間店舖同人都好有人情味。人流唔多，要多多Support小店!!

美味小店，而且老闆熱情招待星期日晚上，進入小店，但人流不多。兩個人食晚餐，叫了The big boss，是一份由三拼的肉卷，當叫老闆小醬時，老闆用心地少醬，而且有耐性解答問題。飲品叫了薄荷拉茶及芒果奶昔，味道不太特出。菠菜咖喱雞肉配搭印度薄餅，味道和薄餅配合，相映成趣。最後因為老闆的熱情招待，最後晚餐完結時，老闆送我們甜品，但不知道原材料是甚麼，口感會比較像中式甜品的西米露，有一粒粒在當中，在這個附送的甜品，也加入了香草在面上，感覺也很有趣。

餐廳細細不過有充滿熱情的侍應和店長招待，真係有一種賓至如歸嘅感覺。我地坐低喺度睇Menu嘅時候，侍應送上呢個印度脆餅，好香胡椒味，一人一塊。我地主要叫咗3樣野食，第一樣係呢個尼泊爾momo餃子，其實同我地D中式餃子好似，不過佢D餃子皮就厚身D，有D似鍋貼嗰種皮，比平時嘅鍋貼皮再厚少少，入面D餡料係雞肉，不過再加入了印度尼泊爾嗰D香料，食落味道唔錯，佢仲有幾隻醬比你點。第二樣係印度BBQ，係免治羊肉條黎嘅，鐵板上，所以可以Keep到個溫度耐D，呢個味道都OK，不過比唔上之後的咖哩羊膝，因為佢個羊膝真係好好食。呢個就係咖哩羊膝，煮得好淋好入味，羊膝嘅肉質好嫩，拎住支骨黎食超正。仲有佢個咖哩汁入面有好多香料，非常有層次感。有咁正嘅汁又點可以唔叫Naan Bread來點點佢呢？呢度個Naan都好食，好新鮮，似係即叫即做。

好少出街食飯，上網搵到呢間係油麻地既小店，係食土耳其菜？咁我地又未試過！舖頭唔大，一眼睇哂既，但整體乾淨企理，而且廚房open kitchen，睇落去都整潔，第一個觀感好好。一坐低就放低兩杯水，唔係檸檬水喉水，係真係食水嚟既，加分。我地毫無頭緒想食啲咩，原來小店有個set for two persons! Good, 一於試試啦。套餐都好多野食，有starter, main course, drinks, dessert, 全部野加埋都係$328+10%，重點就係份量唔會少！而上菜既安排又係合理同細心，唔會一嚟就堆哂啲野俾你，會睇住客人既速度去準備下一道食物，呢樣真係好驚喜！So far我好少食過一間餐廳會咁樣！所以呢度每樣食物都係熱辣辣同保持到水準，真係大推！其實呢度飲酒都好抵，原來老細既意思係想客人可以用平價去叫杯靚酒配佢地既食物！我自己都叫左杯智利紅酒，原來同咖哩真係幾夾架，可惜掛住食同飲、無影到相⋯另外，係食緊既途中會幫我地換碟同埋問我地食得開唔開心呀，味道如何，好關心客人需要！我地食飽飽走果陣，老闆同主廚都同我地傾左陣，主動問我地overall有咩評價，好關心客人對於餐飯既觀

地道印度咖哩由印度人主理，咖哩唔算好辣，但係就食到佢個咖哩汁入面有好多唔同的香料。Butter Chicken印度牛油雞基本上係完全唔辣，D雞件都多肉，唔會比晒D骨你，個汁好Creamy，用黎點Naan Bread好正，識食一定要落手食。第二個餐就揀咗印度馬薩拉羊膝，成隻羊膝上而唔係碎上，真係正，直頭可以拎起支粗骨直接扯D肉黎食。呢個餐都係揀跟Naan Bread，點D汁真係一流。跟餐仲有個湯連埋，呢個係南瓜湯，都幾重胡椒粉味。呢度嘅Lunch Set都有幾多野揀架。

過年真係食咗好多日中式野，係時候要轉一轉口味，於是就黎咗油麻地呢間中東餐廳。叫了一份尼泊爾餃子，揀咗要煎餃，好食。餃皮無想像之中咁厚，一啖咬落去就覺得餡同餃皮嘅份量做得剛剛好，第一粒就咁食食佢個原味，第二粒就點埋佢嗰個橙啡色嘅醬，少少辣，個人覺得點咗好味d呢個叫印度式薯仔脆餅，我見openrice有介紹所以就叫黎試吓，又幾好食，呢個係冷盤兼頭盤黎嘅，少少酸少少辣都幾和味。飲品就要咗杧果酸乳絡，味道唔錯，d杧果味都幾真，而且亦唔算甜。

印度瑪莎拉羊膝有驚喜，羊膝比想像中來得大，炆煮的過程令到羊膝比較林而且亦很入味，肉質不太肥但卻不會過份煙韌，配上瑪莎拉汁不會太辣，吃的時候感受到很多香料，就是喜歡這種以香料為主的中東菜式。另外點了這個印度小食，其名稱是印度薯仔脆餅Dahi Puri，是一道很開胃的小吃，除了特色醬汁之外，在薯仔脆餅內加上了酸乳酪，在添上愛層的脆麵，無論是口感和味道都配合得非常好。最後值得一讚是這杯印度芒果酸乳酪，似乎用上新鮮芒果調製，味道不錯。

今日嚟咗油麻地呢一間中東餐廳，試咗佢哋嘅燒烤拼盤，有驚喜，因為佢嘅燒烤竟然唔會燒到乾爭爭，而且有炭香味，掂。佢哋仲非常細心，因為我哋其中一個朋友唔食羊，餐廳方面為咗等佢唔好唔小心中招，所以就將有羊嘅部份（其實都係羊架同埋免治羊肉卷）分開放落另一隻碟度。另外佢哋仲有一啲秘製醬汁係用嚟食燒烤嘅，店員有解釋每隻醬係乜嘢味，都係一啲印度式嘅醬汁。食燒烤梗係要飲啤酒啦，呢度有隻德國啤酒幾好飲，係麥啤嚟嘅，小麥味好香，而且一啲都唔苦，好易入口。

呢間係一間由印度人主理嘅餐廳，所以啲菜式特別地道。下午茶時間去到，見到隔離檯碟野幾有趣，問咗估計係老闆嘅男士，原來碟野叫印度灌湯脆餅Pani Puri，於是就叫咗黎試。個樣似煎堆仔，不過作佢塊皮係脆而唔係煙煙韌韌嘅，上面開窿，入面放咗啲蔬菜粒。食嘅時候配合呢支汁，係凍嘅，其實就係灌湯嘅湯。唧入去個脆球入面食，味道好清爽，老闆話係一道夏天好受歡迎嘅小食，我覺得個味道都ok。我仲叫咗杯印度拉茶。間餐廳其實唔係好大，老闆同d侍應都好friendly。佢原來仲有keaba食，下次試吓先。食咗$76，都唔錯。