Craps Cafe

石門原祖級Cafe 真是有他吸引之處，熟悉的人和物就是喜歡這個氛圍😆好有質素，性價比高知道他們常常有一些神秘Menu，碰着他們不繁忙的時候，分分鐘有驚喜呀沙田區很少有這裏的咖啡小店，一定要多多支持🥰…查看更多

星期六，早上十點半，特意行到呢間小店試吓。店中確實坐滿人，剛有一張吉枱，正order 兩杯咖啡時，店員表示不招待淨飲。確實失望😞如果定位是餐廳我倒是明白，但如定位是cafe , 實在感到困惑。…查看更多

喺石門返咗一年工，先發現呢間Cafe但短短半個月已經食咗兩次🤣真係相逢恨晚門面非常低調，唔怪得經過咁多次都錯過見到佢哋嘅All day Breakfast非常吸引當然要試試非常值得一讚嘅係佢仲有素食版本用大菇和火龍果代替咗腸仔同火腿啱晒另一個同事唔食肉佢嘅香蕉牛角包窩夫要加$18但值得一試杯咖啡出乎意料好飲，跟餐只需半價非常抵飲大部份嘅食物水準都在中上但份量偏少，男生未必夠飽(呢個都好吸引下次再來試試)見到佢Menu仲有好多唔同意粉和沙律選擇遲啲可以再試試其他唔同嘅嘢…查看更多

我主力畫小店美食！😘Craps Cafe @crapscafe 豪華全日早餐 配熱伯爵茶 $88香蕉班戟 （+$12）———————————————————————位於石門工廈嘅咖啡店比較隱蔽 經過門口亦難發現有間餐廳😯店內環境幾chill～呢份全日早餐好豐富 而且每樣食材水準都不錯香蕉班戟比較少見🥞係兩層香蕉夾兩層班戟 有誠意！好想淋啲朱古力醬或者糖漿上去食呀🤤🍫.評分💫：味道：4/5環境：4/5價錢：4/5.地址🚩：沙田石門安麗街11號企業中心地下7號舖 …查看更多

好多人說，在工業區返工，只會有苦苦悶悶的飯堂同茶餐廳可作午餐選擇。唔好說什麼活化工廈，若是大家有心去尋，正式、合法既工廈 "潮" 食肆，其實也是有不少的。在石門，就有一間位於工廈地舖的可愛小 cafe。這 cafe，如其名《Craps》是一間的的骰骰的小店，非常親切的。中午時段，最好是一夠鐘放飯就衝過來。因為這店的確係好細，數過，只是僅僅坐到10人左右。兩次來，都是幾乎搭正12點半出公司門口，但餐廳已經充滿了一些12點放飯的客人。所以，兩次來，都要坐上 bar 檯，對住廚房食。食的話，除 all day breakfast 之外，此店最好吃的就是意粉。其中的一次，我選擇了挪威三文魚菠菜忌廉意粉。香滑，煙燻味十足的煙三文魚，配上勁多 cream 是菠菜煮意粉。吃入口時，滿口忌廉香，再夾有三文魚的鮮甜味同濃濃的煙燻味，成個意粉香香的，cream cream 的，很是惹味。另一次來，也是吃忌廉意粉。因為佢地煮忌廉意粉的確有一手。是日的巴馬風乾火腿白酒忌廉意粉，同樣是 creamy 可口，因為用上了優質的 Parma Ham，肉的香味十分之濃，混合了了忌廉同剛熟仍有少少硬的意粉，也是可口得非常。既然是咖啡店，跟餐既飲品當然是咖啡啦。先來的是一杯香濃的 Latte。這咖啡，有苦澀味的小滿足，有香滑的鮮奶香，也有有靚靚的心型拉花。喜歡咖啡的你我，一定會感到滿足。另一次是同老闆一齊來的，她推介了此店的其中一種 signature 咖啡，Ice Lime Americano。青檸次加入了咖啡，增強了酸味。酸中帶點苦，咖啡氣味中亦帶有青檸的香味，是很特別的一杯濃咖啡。這小店，食物夠好，咖啡又夠出色。是一間絕對沒花假的人氣好店。好既，就係野食飲品有水準。而不好的，就是店子太細了，lunch time 要去食，真係要好早行出公司門口。…查看更多

黎咗石門附近做野，有啲空檔時間諗住揾間cafe飲杯啡，石門呢啲沙漠地方揾間啱feel嘅都難，睇相呢間cafe唔錯就黎咗試下。小店門口唔明顯，差小小就錯過咗，入到去雖然空間細，但有好cozy嘅感覺，樓底多高所以唔會好壓迫。餐牌都好多野食，但唔太餓所以就咁點咗杯cappuccino ，價錢唔貴，啡味唔算好濃，中規中矩。…查看更多

今日又來我嘅隱世小飯堂食lunch啦！入到去已經Menu都唔使睇，直接去order忌廉菠菜三文魚意粉！配熱茶～唔該～～佢哋成間舖頭包括廚房都好細，睇住佢即刻叫即刻煮，熱辣辣上碟，非常好味！份量有時係唔夠喉㗎，但係有時又會覺得午餐唔好食得太飽都好嘅！呢個價錢來講，呢個份量真係唔算抵，但係佢勝在美味！同埋坐得舒服，所以都會keep住嚟～佢嘅開放時間係12點到四點，所以夜晚都冇得食～同埋公眾假期，好多時候都唔開！想去食嘅朋友，記得睇清楚啦～最好打個電話去…查看更多

平時食啲蟹肉意粉，搵都搵唔到啲蟹肉😂但呢個蟹肉意粉，一黎到啲蟹肉份量多到嚇親😂雖然個cream 底調得相對單調但係石門呢個沙漠既地方，有間cafe 仲要質素唔差已經好難得😄店員感覺好親切，令人好舒服上菜速度亦好快😌😌😌要再黎的😙…查看更多

😎石門 Graps Cafe😎如果唔係喺石門呢頭住/番工，就真係可能會錯過呢一間位於工廈的隱世高質小店！🤤因為主要客源係打工仔，所以星期日唔開，所以有時Weekend想嚟食個靚早餐都唔得🥲但想講呢間餐廳真係令人覺得好有驚喜的！😆👍🏻 環境雖然唔大，但裝修有心思、有思想，真正的Chilllll！😎忌廉蟹肉菠菜意粉 $66超級足料，每一啖都係蟹肉，仲有好多菠菜，一啲都唔孤寒。並忌廉都係好充足，所以係唔會食到乾爭爭嘅意粉！🤤😎巴馬火腿忌廉意粉 $64又係好足料，有兩塊完整嘅巴馬火腿🥲👍🏻！一般喺出邊食都只係得一塊㗎咋😵‍💫，但呢度係好願意足料，性價比超高！而且味道都好好食。😎Lunch嚟食意粉就會跟一杯茶👍🏻…查看更多

上網找到這間較隱蔽的咖啡店，不在人來人往的京瑞廣場，而是商業大廈地下。不過有很多街坊來顧顧，看到客人和職員間閒話家常，人情味濃厚，🥰很喜歡這類型的小店。📍位置：67A小巴在安麗街下車，走兩分鐘就到，也近石門站 C出口。🏠環境：玻璃窗外掛有招牌，面積不大，但非常高樓底，近門口是吧台和咖啡櫃台，靠牆身是高枱和椅，亦有卡座，白色牆身張貼上植物畫，簡潔大方。🤵🏻服務：人手點單，提供WI-FI，不收加一。🍽️午市：提供假日套餐，附送熱茶，咖啡半價。🍝明太子🐔雞肉煎蛋意粉 $78份量正常，舖上半熟蛋黃荷包蛋🍳，選用🐔雞胸肉來煮，肉質不粗糙，算軟嫩😆；意粉軟韌適中，明太子醬就較稀😗，味道清淡，整體不過不失，🥰旨在性價比高！☕️Iced Coffee $18咖啡不錯👍，就算加了冰都散發很濃郁香氣😚！…查看更多

喺石門返工嘅人應該會食過好多餐廳，我都唔例外，但係最鍾意嘅始終都係呢一間Craps cafe.呢間舖頭好細間，入口亦都非常之唔顯眼，但係入邊嘅裝修好簡約好靚，裝修以白色為主，好寧靜嘅感覺。入面嘅座位只有10幾個，所以要食一定要早啲出發去排隊，如果唔係就要等好耐啦基本上每次嚟我都唔使再睇Menu，我都係叫菠菜忌廉三文魚意粉～呢一個係我嘅超級推薦朋友就叫咗風乾火腿白酒忌廉意粉，不過佢試食咗我嗰個意粉都話覺得我呢個好食啲隨餐附送一杯熱茶～朋友加錢叫咗soup of the day, 係蘑菇湯! 啖啖都好多蘑菇粒…查看更多

大清早拎架車去石門例檢後，在附近搵早餐食。行過呢間Cafe, 甫推門入去就有一種十分cozy的感覺。店雖然小，卻不叫人感侷促。除咗西式早餐，亦提供麪食。今日老公點解咗個素食之選，竟然有驚喜，用心為素食者預備另類選擇，價錢亦算合理。順帶一提，呢度嘅仲未靚嘅咖啡師，值得加分😊…查看更多

Today I walked by shek mun and was looking for a nice restaurant for lunch. Fortunately, I bumped into my neighbor, and he recommended me to try this cafe. Good that I did not need to queue up as I just went there by my own. The staff was so friendly and polite to arrange a seat for me and provide me their menu. Their menu got various kinds of food and drinks and I ordered this Indomi with crabs meat. That indomi was so great that there are 2 pretty sunny side eggs on top with lots of crab meat on it and really surprised me. This cafe I will come again and will try their coffee next time.…查看更多

呢間石門開左好一段時間嘅cafe 以前成日都幫襯嫁，貪佢抵食又好食。可惜年頭大廈大維修 連佢都要暫停營業一段時間~ 等到頸都長之際，最近見佢終於開返啦 所以又去食早餐飲咖啡！新嘅裝修同以前有好大對比 光猛有活力左好多😂今次就試左新出嘅意式全日早餐($88)，份量都唔細！有茄汁豆，沙律，蕃茄，火腿(普通+巴拿馬)，肉丸，黑松露炒蛋，火龍果同一款自選麵包。我今次就揀左panini啦。食物嘅味道同裝修之前都係一樣咁好，回憶都返晒尼😆😆😆 而呢個新出嘅意式全日早餐更加係睇得出有心思。而飲品方面就叫咗佢哋裝修之前一路都好出名嘅伯爵茶咖啡，特別嘅地方係佢哋真係用伯爵茶嘅茶葉去做佢地嘅espresso！今次用嘅伯爵茶比起之前更加清新，成杯咖啡嘅味道好平衡！最估唔到係間舖，只係由3個人打理。但服務，食物質素係相當好同高性價比❤️❤️❤️以後得閒都會返尼幫襯食野…查看更多

🐡四圍游，周圍食 - CRAPS Cafe🐡石門工業區嘅隱世貼地Café!! 佢嘅地理位置都有D難搵，但值得一搵。小店，所以位置不多，但裡面嘅食物質素係好好的，而且老闆好有人情味。值得一試呢！🐟All Day Breakfast ($64)🐟裡面嘅All Day Breakfast 有4個選擇，每一款都可以揀一個包：牛角包/ 多士/提子鬆餅/ 加$12有香港Pancake。就咁All Day Breakfast就有黑松露炒蛋、雞肉腸、火腿、車厘茄、沙律茶，加一杯茶包Tea。🐟Italian All Day Breakfast ($88)🐟Italian All Day Breakfast就有黑松露炒蛋、意式肉丸（好食！）、火腿、焗茄汁豆、薯仔沙律、Parma Ham、火龍果、炸蕃茄，同埋沙律菜。兩個All Day Breakfast都好抵食，唔會好貴，但絕對夠飽。推薦！食物：🐠🐠🐠🐠🐠環境：🐠🐠🐠🐠🐠價錢：🐠🐠🐠🐠服務：🐠🐠🐠🐠Overall：🐠🐠🐠🐠…查看更多