影片
以上資料只供參考, 請與餐廳確認詳情
相關文章
今日18:45去到想叫野食，收錢男員工態度極度唔耐煩話19:00 last order, 跟住話要幫後面收錢先就唔理我⋯全程態度都好似去左九記咁⋯唔耐煩，惡劣，敷衍⋯本來都諗住叫多啲野可以方便車，但問佢幾樣野都話「無」， 無尾音架，就係「無」！飲品就係得番啡，其他咩都「無」⋯老細其實係咪以為依家經濟仲好好？咁想收工不如唔好做啦⋯大把餐廳Deserve繼續經營但經濟太差無辦法經營落去⋯你地真係覺得自己仲deserve?如果想受氣就去呢間所謂’ cozy’ 啦下次就真係無謂受呢啲趕收工員工氣。
繼續閱讀
早期已開始幫襯，以前覺得啲人態度唔錯，氣氛唔錯；但一路睇住佢每況愈下。依家職員勁冇禮貌，成日掛住自己傾偈。咖啡水平極唔穩定。其實食物水平一般，收呢個價錢，就應該做好啲服務。老闆安排人落嚟做神秘顧客，自己感受吓啦～
繼續閱讀
等左40分鐘先有得食，上到嚟食個湯浸意大利飯，強烈建議大家lunch hour冇兩個鐘嘅都唔好嚟 講返食物質素： 罐頭蟹肉淋上面，加幾粒南瓜粒就係， 雖然12:55落單，1:35有得食，都可以15分鐘內食晒， 各位如果胃口細嘅都可以一試中途追過單，侍應回覆：今日好多單，已經幫你提醒咗廚房出咗先。 但係當時餐廳目測只有六成滿，如果咁嘅客量都處理唔到，其實無謂咁多張枱。同埋喺落單嘅時候可以提醒吓食客等待時間會較長，試問各位打工仔邊有時間等餐等40分鐘。
繼續閱讀
同狗狗、狗狗爸爸到南豐紗廠逛「開唔開心果市集」，本來諗住喺Fleur食晏，但經過呢間餐廳，見到有寵物餐，決定轉場。餐廳有啲嘢幾好：（1）狗狗可入餐廳裡面坐；（2）有優惠，登記成為會員可-$10，惠顧滿$100可獲贈免費飲品（$42或以下，餘額可補差價），而兩個優惠唔可以同時享用。安格斯漢堡（$138）：造型奇特，成把餐刀插住個包，代替一般餐廳用的竹籤，打卡幾得意。不過，特別唔等於出色。以$138主菜嚟講，佢的配菜少得可憐，只有一堆淺黃色（唔係金黃色）的薯條，漢堡冇擺盤（除咗插住把刀），此外再冇其他沙律/配菜。我見漢堡裡面的芝士溶得幾靚，試咗一啖，好鹹，而佢實在太溶，浸濕埋個包。狗狗爸爸食咗啖漢堡，話overcooked，外面好乾，冇肉汁，而個包同薯條都好鹹。狗狗爸爸期後揭開個包逐層食，唔睇唔知，漢堡入面的菜已經霉咗，真係好唔掂~藍莓沙冰（優惠後+$8）：原價$50，細杯，零presentation；勝在冇加糖，但佢的藍莓味淡，飲唔出係藍莓，估計採用的藍莓品質麻麻蕃茄芝士法包（$68）：幾細件，少貴，但算好食，蕃茄都好新鮮紅菜頭牛肉餅（$58）：狗狗的食物；侍應話肉餅係冷藏貨，而餐廳會翻熱。送上嚟時，肉餅都熱，要攤一陣，我哋用叉篤散佢，涼少少先俾狗狗食；狗狗食得幾滋味幾後悔揀呢間餐廳，好試唔試，覺得佢冇用心做，食材質素偏低。餐廳的侍應較laid back，可能冇收加一，所以亦冇乜服務，斟水、拎餐具係自助，不過食物會由侍應送上。而家香港的食肆已經唔係好做得住，呢間餐廳水準低，就算有優惠，吸引力都唔高，始終寵物主人嚟得南豐紗廠都預咗使錢，餐廳呢種質素，應該好快被淘汰~
繼續閱讀
已經打卡了西貢和大圍店 今次碰巧約了朋友來南豐紗廠所以就選了吃這間 因為食物質素不錯而且見到好多可愛的小狗小貓好有holiday Mood放假飲杯啤酒先 本地啤酒牌子 少爺啤覺得佢哋好細心連個杯都係凍嘅口感清新，麥味唔算好重又順滑，有少許花香先吃一些甜點香蕉牛角包窩夫賣相好精緻啊 上面有香蕉片仲有朱古力醬邊位仲好鬆脆飲品方面我選了玫瑰latte飲到自然的玫瑰清香還有玫瑰花瓣在咖啡裝飾女生沒有辦法拒絕班尼迪蛋的精髓除了水波蛋外，香滑的荷蘭醬亦十分重要! 呢度可以揀兩款同口味幾正，巴馬火腿賓尼迪蛋，另外一款口味選了煙三文魚牛油果醬，味道好好！卡邦尼意粉奶香很香濃份量也是令人很滿意意粉煮得剛剛好質感也不錯
繼續閱讀