71
51
36
營業時間
今日營業
11:00 - 20:00
星期一至五
11:00 - 20:00
星期六至日
09:00 - 21:00
以上資料只供參考, 請與餐廳確認詳情
招牌菜
大圍 📌Cozy Coffee 新年前，放半日假，見到呢間兩層白色 Cafe，諗住 Chill 下， 點知 ......☕ 紫薯 Latte $50呢個紫色拉花好靚，令人有療癒嘅感覺。味道方面，又唔太甜，牛奶味重，杯底裏面仲有小小紫薯蓉，呢杯 Latte 整體算唔錯。🌯 大菇芝士雞肉手卷 + 薯條🍟 $98個皮微暖，口感略硬偏厚，有啲紙皮feel，入面啲配料更加係...伏伏地。 基本上成個手卷都真唔好食，早排先話 KFC 個雞卷真係好普通，呢個［大菇芝士雞肉手卷］應該係我食過最唔好食嘅手卷。至於啲薯條，上枱都仍然係熱嘅，不過不失。番茄醬係自助，但係見到成個擺醬汁嘅架 & 蕃茄醬樽都鋪滿塵，好嘔心🤮 另外想講：裝住雞卷嘅紙袋令成件事低檔咗好多，其實會唔會考慮轉錫紙？而見到 Cafe 內咖啡機、器皿、牙籤樽、醬汁架、調味料架、蕃茄樽 & 蓋以及擺設嘅物品都鋪曬塵，完全令人食慾不振。 唔知年廿八嘅時候佢哋有冇清洗邋遢？🔅 總括嚟講，食物唔掂真係事實，後來發現原來大圍呢間 Cozy Coffee 分店有好多食評都 comment 食物唔得，甚至難食; 其實如果食物唔得，咖啡飲品仍然可以選擇，但係衛生唔得，就不了，我亦唔會再回訪。
繼續閱讀
總括來說，野難食，啡難飲，極之失望小食店質素，高級cafe 價錢Benedict Egg, $136, 三文魚係未解好凍，有冰既, Ham係硬既，雪左一年攞出嚟芝士大菇雞肉xxx卷$107個紙袋係想話比我聽個卷係隔離小食店買既？入面d菜仲滴緊水，舊卷係凍既，完全連ding 都無ding 過，d芝士仲係硬，塊餅都係硬到無可再硬，薯條都係凍嘅咖啡一樣有驚喜，唔知以為飲緊廿四味，可能係我哋唔識欣賞，成餐$300幾蚊，貴過高級cafe😒😒😒
繼續閱讀
今次返黎再食，真係令人好失望😢😢剛開張時，覺得佢既龍蝦包好好食甚至會帶朋友專登過黎食 好可惜，今次再一次食既龍蝦包本身懷念及期待美味既龍蝦包… 結果好失望 太乾😞 食唔到一開始既質素飲飲下杯野時 見到有頭髮🤮🤢叫個員工過黎睇 完全木口木面冇出聲 拎走我杯野 再者一句唔好意思都無放低杯新既睇黎我要同你講句唔好意思 要你做野「妹妹仔 好明白你係打份工 但一個動作都係代表緊公司 依d咪趕客員工 」希望依間店可以毋忘初心喇！提高食物質素同員工態度先可以提升自己係大圍既競爭力 真係睇到大圍開左好多間cafecafe 都好講口碑 比心機喇年輕人！
繼續閱讀
紅日下午兩點左右經過，諗住間cafe外觀不錯，支持下小店，試試食個lunch。叫左個egg Benedict $78 加English breakfast tea $42，埋單$120，諗住都應該至少食得飽；結果，個Egg Benedict 細過我手掌（女仔手…），一啲配菜都無….味道就正常，唔算好唔算差；anyway，真係唔知自己食左啲咩，永無下次。
繼續閱讀
服務態度10分有問題，事源今日想搵地方食吓嘢，嘆吓啡坐低一至兩個鐘，但是一入到餐廳店員就即刻表示：「90分鐘用餐時間」，咁我哋話冇問題就上去上層坐低左。無奈店員上餐時又講多次：「用餐時間90分鐘」，ok fine 過咗90分鐘後，我哋都準備離開之際，店員仲「專登」行上上層，「專登」再次同我哋講：「用餐時間差唔多係時候要走」。食到成肚氣一啲都唔cozy，明明間餐廳冇乜客，大把枱，但店員一而再，再而三提醒用餐時間90分鐘真係好似趕客走咁，加上服務態度勁差，講嘢太細聲，冇熱情，完全feel唔到店員係serve緊客人。下次唔會再幫襯。🙏🏻
繼續閱讀