Cova Ristorante & Caffe

上司請食好野，黎咗呢度。呢度d麵包搽埋牛油好好食。salad bar好多款式，好豐富有煙三文魚，青口，Parma ham, 多款沙律，火腿，小食等等。main course 揀咗帶子蒜香扁意粉，帶子有兩隻，超級珍寶size，外面煎至金黃香脆，裏面嫩滑，鮮甜美味，回味無窮，意粉則較味淡，帶蒜香黑椒味，扁意粉較硬身，有口感。甜品我地叫咗tiramisu 同埋雪糕puff 配榛子醬。tiramisu 上枱時好靚，有乾冰煙造效果。雲呢拿雪糕配puff，雪糕香滑，榛子醬亦香濃。…查看更多

又到了我一年一度大日子啦！生日大晒！當然由我話事去我喜歡嘅餐廳啦！上年在這裡慶祝，今年又重遇啦！餐廳依然寧靜舒適，服務員欣勤有禮，值得我一去再去啊！來到此間餐廳我一定會選擇salad bar。 種類比洒店自助餐一点也不遜色，質素還好得多添。主菜点了鱈魚同鴨肉意粉，鳕魚好有魚鲜味，配以青口露筍，清淡又健康。鴨肉肉質嫰滑，混合埋芝士意粉一起吃，味道非常出色。生日當然不可缺少蛋糕來慶祝一下啦，最喜愛依家餐廳甜品，芒果蛋糕好有香濃芒果味，味道細緻，忌廉滑溜，又太甜。今年又過了一個好滿意、好開心的生日夜。…查看更多

Cova嘅cake一直深受女士歡迎🤤我地4個女仔叫左個tea buffet $258包2杯野飲。基本上平時嘅所有cake款個道都有得揀😍而且仲有好幾款鹹嘅食物例如三文治、酥皮批、沙律、迷你漢堡包、pizza等佢個酥皮批最吸引，因為佢夠熱夠脆之餘啲餡仲唔會太過鹹👍🏻至於佢個漢堡包就冇乜特別入邊都係火腿同芝士。甜品方面我哋每一款都夾左幾件返嚟， tiramisu就唔使多講啦一向都好多人讚，cream cheese好溫和，而且咖啡味都好夠濃。仲有藍莓cheese cake、開心果Cake、泡芙等等。而最心得我歡喜嘅竟然係佢哋嘅原味士多啤梨海綿蛋糕🍰佢唔會太甜而且啲cream好滑又唔會太流！但最後我哋都食唔晒因為太濟啦！！所以我哋叫咗西柚汁消濟😪下次一定要留肚去食啦…查看更多

在金鐘太古廣場內，如果要去商務午餐，其實有不少好選擇。若不介意吃得高調一點 （即係傾見得光的計/生意），又或者與名人用膳，則選擇在太古廣場3樓的cova, 或會是一個不錯選擇。這間 cova 設於商場中間，可說是與商場融為一體，只要圍著餐廳走一圈，不難看到餐廳內的情況，又或者朋友是否在內。正因為私隱度較低，所以比較適合與“見得光”的朋友一起去，當然一個人去也是可以的。這次點了這裡的磨菇湯作頭盤 （因而放棄了吃半自助餐的機會），味道不錯，而且口感甚濃，配合餐包一起吃，真的不錯。主菜點了一客海鮮意大利飯，飯粒甚圓潤，與其他地方吃的意大利飯有點不同，甚為特別，再配合鮮蝦和青口等海鮮，為美滿的一餐畫上句號。…查看更多

餐廳位處商場3樓，在一眾店舖中的開放空間，偶爾有人經過，靜中帶動。我覺得下午茶是要找個安樂的地方，與朋友傾偈，喝點好飲的，再配些小食，正。今天喝的是有機茶，心理上好似健康啲，一壺伯爵茶，清澈棕紅的茶色，注入白色細緻的瓷杯內，靚。朋友滋陰，要加檸檬和蜜糖一齊飲，照跟，冬天滋潤 下都好。我們又點了個蛋糕來分享，橙黃色的蛋糕當中，夾着幾層忌廉和生菓，可以啦。這個場、餐廳的佈置、侍應、餐具、食物和價錢，總的來說，就是貴氣。…查看更多