影片
開飯介紹
主打西、日式的惹味食品，如漢堡、炸物等。裝修則走Retro Pop風格，而戶外露台座位為寵物友善區域，予人年輕時尚的感覺。
繼續閱讀
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
有關獎賞計劃
Couch Club完美融合了日式料理的精緻與休閒舒適的用餐氛圍，餐廳裝潢以溫暖的木材與柔和燈光設計，營造出如家中客廳般的親切感。店內以低調的日式簡約風為主，木桌椅與淺色牆面相得益彰，窗邊座位可俯瞰銅鑼灣街景，適合朋友小聚或獨自享受美食的時光🥰❤️服務員態度親切👍🏻，主動介紹菜單「Build Your Own Bento」假日自選便當🍱，提供多款前菜、主食及飲品選擇，靈活搭配令人驚喜。主食可選日本珍珠米或稻庭烏冬我哋揀咗前者日本珍珠米，粒粒飽滿，口感軟糯帶有淡淡米香。自選兩款前菜就選擇了山葵山藥漬，清爽開胃，山藥的爽脆質感配上微辣的山葵醬，瞬間喚醒味蕾；明太子日式蛋捲🥚則令人驚艷，蛋捲外層嫩滑，內藏濃郁的明太子，鹹香中帶點微辣，層次豐富。主食的唐揚炸雞🍗外皮酥脆，雞肉鮮嫩多汁，搭配自家製他他醬，酸甜中帶有細膩的蛋黃香氣，令人一口接一口。日式洋蔥炒牛肉🐮則展現日式料理的細膩，牛肉薄切入口即化，洋蔥的甜味與醬汁完美融合，雖簡單卻回味無窮。另一款便當🍱就選擇了不同的前菜及主食一齊分享😆😆前菜就揀了椒鹽玉子豆腐，豆腐外脆內嫩，椒鹽的香氣為豆腐增添了趣味；糖心蛋則是驚喜之作，蛋黃濃郁流心。主食的烤牛肩胛火候掌握得宜，肉質軟嫩帶有炭香，搭配微焦的邊緣。火灸辣味吞拿魚外層包上黑白芝麻再輕微炙燒，內層仍然保持粉嫩，辣味醬料為魚肉增添一抹刺激。飲品方面都有不少選擇，我地就揀了兩款特色飲品☕️熱靜岡焙茶清香撲鼻，茶味濃郁而不苦澀，完美平衡了便當的豐富口感。熱黑糖烤鮮奶則是甜蜜的驚喜，濃郁的奶香與黑糖的焦香交織，溫暖順口。最後加點了一款甜品🍨鯛魚燒芭菲，熱辣辣嘅鯛魚燒外皮酥脆，內餡吉士醬香甜，搭配抹茶🍵味嘅雪糕芭菲與水果同抹菜啫喱，清爽而不膩，完美為用餐畫上句號。
繼續閱讀
餐廳位於銅鑼灣鬧市中嘅一個商業大廈，有仿Glamping嘅梳化位，亦都有露天嘅座位，自成一角，感覺休閒。❤️午市自選便當今次嚟呢度主要試吓佢嘅午市自選便當，一份便當128蚊起，主食、肉同菜都可以自己揀，睇餐牌全部都做得好精緻。⭐️桂花漬番茄呢個係期間限定小食，原隻去皮番茄，凍凍地，桂花味好清香，加埋番茄本身酸酸甜甜嘅味道，係好開胃嘅小菜。⭐️山葵山藥漬wasabi有少少攻鼻但係唔太辣，我覺得份量啱啱好，淮山系有少少脆嘅，裡面粉粉地，加埋木魚絲喺面，鮮味提升。⭐️麻醬菠菜穩陣嘅前菜，菠菜分量唔少，煮成碧綠色，加咗好香嘅日本芝麻醬，系一定好食嘅。⭐️芝心漢堡呢個係期間限定嘅肉食，漢堡圓碌碌好厚肉，熱辣辣，肉汁多，入面嘅芝士有少少拉絲，系日本食到嘅漢堡味道。⭐️手打雞肉餅配香蒜日式菇汁呢個雞肉餅我好鍾意食，肉餅質感有住家嘅感覺，出面煎得香脆，入面嘅菇粒好香，口感好豐富。⭐️紫蘇醬油醋蕎麥麵平時紫蘇雞肉就食得多，紫蘇蕎麥麵都係第一次食。紫蘇嘅味道真係好香好特別，同蕎麥麵好夾。而蕎麥麵本身就係比較硬身嘅，係我鍾意嘅軟硬度，凍凍地加埋wasabi好開胃。❤️辣白味噌本菇義大利麵配香煎帶子及大蝦呢個係西日式整法嘅意大利粉，味道其實唔辣，有少少味噌香味，加咗一啲茶樹菇，帶子同蝦都好新鮮，蝦肉爽口。
繼續閱讀
熱鬧既銅鑼灣，想搵個位忙裡偷閒，呢度係一個唔錯既選擇。Tower 535 裡面，樓底高又有自然光，感覺寬敞舒適。中午套餐主打係自選便當 ，賣點唔係大碟，係多碟。1個價錢5樣嘢，1主 2肉 2菜，仲可以追加。自選便當芝心漢堡扒係期間限定，切開有漢堡扒有芝士流出。椒鹽玉子豆腐，外脆內嫩，椒鹽惹味。唐揚炸雞配自家製他他醬，香脆又惹味。山葵餃子，餃子配山葵，食法創新，亦有和風口味。溏心蛋配日本珍珠米，簡單又好食。自選便當桂花糖漬蕃茄係期間限定，酸酸甜甜，開胃好食。明太子日式蛋卷，蛋卷軟熟，中間仲有明太子，味道突出。味噌比目魚，皮香肉嫩。烤牛肩胛，肉嫩多汁。柚子雞翼，單骨雞翼有柚子醬，甜甜地滿有滋味。木魚湯烏冬，魚湯鮮香，烏冬軟滑。鯛魚燒芭菲鯛魚燒搶眼，中間有軟滑忌廉，配上清新口味的抹茶雪糕和其他口感豐富的食材，令人難以抗拒。靜岡焙茶復活節前夕，有兔仔同復活蛋拉花應節，幾有心思。髒咖啡咁好既環境，食飽最岩飲番杯dirty，refresh 一下。
繼續閱讀
今次同朋友去咗銅鑼灣一間主打自選日式Bento便當嘅餐廳，最平$128起，任你揀5款配料，啱晒我哋呢啲選擇困難症😆🍱我嗌咗：1️⃣ 木魚湯烏冬🍜湯底清甜，烏冬滑滑哋，飲完個胃都暖晒～2️⃣ 麻醬菠菜（期間限定）🥬芝麻味香濃，好特別又開胃！3️⃣ 溏心蛋🥚流心剛剛好4️⃣ 芝心漢堡扒（+$18）🧀🥩邪惡拉絲，肉汁多，好juicy！5️⃣ 日式洋蔥炒牛肉（+$10）🐮香甜惹味，配飯一流～朋友就揀咗：🍚 日本珍珠米🍳 椒鹽玉子豆腐～外脆內滑，好香口！🌱 秋葵醬油漬～清新又解膩🐷 生薑五花腩片～夠味，唔會太肥🐟 味噌比目魚（+$8）～鹹香啱啱好，魚肉嫩滑冇腥味仲叫咗：🍗 柚子蜜糖雞翼（$88）～酸酸甜甜，雞翼炸得啱啱好，外脆內嫩，勁香柚子味！🍓 開心果奶蓋士多啤梨奶（$55）～奶味香濃，好creamy，開心果味幾突出～🍵 靜岡焙茶（$53）～茶味濃又唔澀🍰 海鹽奶蓋Tiramisu（$62）～有少少酒香同咖啡味，唔會太甜，幾特別👍🏻💬總結：自由配搭夠晒玩味，食材高質夠新鮮，環境又舒服，甜品飲品都有驚喜，誠意十足～下次一定會再返！推介指數：⭐️⭐️⭐️⭐️⭐️
繼續閱讀
呢間Cafe位於Tower 535三樓，近銅鑼灣地鐵站D4出口，行3分鐘就到。店內走復古Pop風，色彩繽紛嘅裝潢配上懷舊卡通畫，氣氛年輕又好chill，啱晒同朋友打卡同輕鬆食飯。服務員會同你講解自選便當嘅配搭同飲品推介．我叫左兩份Build Your Own Bento，第一款點咗木魚湯烏冬、椒鹽玉子豆腐、香草南瓜、期間限定芝心漢堡扒同烤牛肩胛。木魚湯烏冬湯底清甜，帶濃郁嘅木魚香，烏冬滑溜彈牙，吸滿湯汁好惹味。椒鹽玉子豆腐外脆內軟，椒鹽香氣突出，豆腐嫩滑，食落好開胃。香草南瓜烤得軟糯，帶點甜味同香草香，口感細膩。芝心漢堡扒外層煎得微焦，內裏芝士流心，牛肉味濃，超滿足。烤牛肩胛肉質嫩滑，簡單調味突顯牛肉嘅鮮甜，份量啱晒，食落好有層次！🍱第二款揀咗日本珍珠米、醬油漬溫泉蛋、明太子日式蛋卷、手打雞肉餅配牛油香蒜日式菇汁同味噌比目魚。日本珍珠米粒粒分明，口感軟糯，配其他菜式好match。醬油漬溫泉蛋流心效果一流，蛋黃濃郁，混入米飯食好正。明太子日式蛋卷外層煎得金黃，內裏軟滑，帶點明太子嘅鹹香，味道好豐富。手打雞肉餅外脆內嫩，牛油香蒜菇汁濃郁，菇味同雞肉好夾。味噌比目魚烤得外皮微焦，魚肉嫩滑，味噌香甜唔會太鹹，食落清新又滿足！🍙飲品方面，我叫左抹茶柚子梳打，抹茶味濃郁但唔苦，配上柚子嘅酸甜果香，入口有陣陣氣泡感，飲落好解渴。甜度調得啱啱好，配搭重口味嘅便當真是一個好平衡，炎熱天氣嚟一杯超正！🥤另外叫左靜岡焙茶，茶香好突出，帶點炭燒嘅煙燻味，入口順滑，回甘味道好舒服。茶味唔會太濃，飲落好解膩，配搭便當嘅豐富食材好match。🍵
繼續閱讀