影片
開飯介紹
主打西、日式的惹味食品，如漢堡、炸物等。裝修則走Retro Pop風格，而戶外露台座位為寵物友善區域，予人年輕時尚的感覺。
繼續閱讀
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
有關獎賞計劃
餐廳位於銅鑼灣鬧市中嘅一個商業大廈，有仿Glamping嘅梳化位，亦都有露天嘅座位，自成一角，感覺休閒。❤️午市自選便當今次嚟呢度主要試吓佢嘅午市自選便當，一份便當128蚊起，主食、肉同菜都可以自己揀，睇餐牌全部都做得好精緻。⭐️桂花漬番茄呢個係期間限定小食，原隻去皮番茄，凍凍地，桂花味好清香，加埋番茄本身酸酸甜甜嘅味道，係好開胃嘅小菜。⭐️山葵山藥漬wasabi有少少攻鼻但係唔太辣，我覺得份量啱啱好，淮山系有少少脆嘅，裡面粉粉地，加埋木魚絲喺面，鮮味提升。⭐️麻醬菠菜穩陣嘅前菜，菠菜分量唔少，煮成碧綠色，加咗好香嘅日本芝麻醬，系一定好食嘅。⭐️芝心漢堡呢個係期間限定嘅肉食，漢堡圓碌碌好厚肉，熱辣辣，肉汁多，入面嘅芝士有少少拉絲，系日本食到嘅漢堡味道。⭐️手打雞肉餅配香蒜日式菇汁呢個雞肉餅我好鍾意食，肉餅質感有住家嘅感覺，出面煎得香脆，入面嘅菇粒好香，口感好豐富。⭐️紫蘇醬油醋蕎麥麵平時紫蘇雞肉就食得多，紫蘇蕎麥麵都係第一次食。紫蘇嘅味道真係好香好特別，同蕎麥麵好夾。而蕎麥麵本身就係比較硬身嘅，係我鍾意嘅軟硬度，凍凍地加埋wasabi好開胃。❤️辣白味噌本菇義大利麵配香煎帶子及大蝦呢個係西日式整法嘅意大利粉，味道其實唔辣，有少少味噌香味，加咗一啲茶樹菇，帶子同蝦都好新鮮，蝦肉爽口。
繼續閱讀
熱鬧既銅鑼灣，想搵個位忙裡偷閒，呢度係一個唔錯既選擇。Tower 535 裡面，樓底高又有自然光，感覺寬敞舒適。中午套餐主打係自選便當 ，賣點唔係大碟，係多碟。1個價錢5樣嘢，1主 2肉 2菜，仲可以追加。自選便當芝心漢堡扒係期間限定，切開有漢堡扒有芝士流出。椒鹽玉子豆腐，外脆內嫩，椒鹽惹味。唐揚炸雞配自家製他他醬，香脆又惹味。山葵餃子，餃子配山葵，食法創新，亦有和風口味。溏心蛋配日本珍珠米，簡單又好食。自選便當桂花糖漬蕃茄係期間限定，酸酸甜甜，開胃好食。明太子日式蛋卷，蛋卷軟熟，中間仲有明太子，味道突出。味噌比目魚，皮香肉嫩。烤牛肩胛，肉嫩多汁。柚子雞翼，單骨雞翼有柚子醬，甜甜地滿有滋味。木魚湯烏冬，魚湯鮮香，烏冬軟滑。鯛魚燒芭菲鯛魚燒搶眼，中間有軟滑忌廉，配上清新口味的抹茶雪糕和其他口感豐富的食材，令人難以抗拒。靜岡焙茶復活節前夕，有兔仔同復活蛋拉花應節，幾有心思。髒咖啡咁好既環境，食飽最岩飲番杯dirty，refresh 一下。
繼續閱讀
Weekday約左朋友食個靚lunch，去左銅鑼灣Tower535一間食日式便當，餐廳以Retro Pop為主題，集美日風格於一，每個角落都放置了充滿美式復古的海報、燈箱，好適合打卡，環境闊落又悠閑舒適。Build Your Own Bento 自選便當可以自選一個主食、兩款肉類、兩款前菜，同一杯飲品，好豐富。其中一款揀咗，日本珍珠米，秋葵醬油漬，山葵山藥漬，味噌比目魚，烤牛肩胛。前菜嘅秋葵醬油漬同山葵山藥漬好特別，由其系山葵山藥漬，wasabi香而唔辣，令清甜淡口嘅山葵食落勁開胃牛肩胛好有牛肉味，醬汁調教啱啱好，牛肉唔會太過老。比目魚充滿魚脂，口感嫩滑，好香口。而朋友嗰款就揀咗其他選擇，有藜麥沙律，香草南瓜，溏心蛋，手打雞肉餅配牛油香蒜日式菇汁，日式洋蔥炒牛肉。香草南瓜好香甜，溏心蛋嘅流心啱啱好。炒牛肉份量好多，味道濃郁，配埋洋蔥甜甜地非常適合送飯。手打雞肉餅都好好食，好香菇味，肉餅都好juicy!☕️瑪琪雅朵☕️靜岡焙茶🥐宇治抹茶牛角窩夫牛角窩夫烤得好香脆，加上抹茶醬同抹茶雪糕，非常濃郁，甜而不膩🧇
繼續閱讀
自選小碟的便當組合一來款式多樣合意，二來擺盤開胃打卡，三來營養均衡😋這家價錢不算最便宜，但食材真的出色，比預期更好吃 ✿ 日式自選便當 $128up① 主食 ② 肉食 (兩份) 我們共試了3款， 不誇張，真的3款都很好吃，值得推薦🤣• 雞肉餅：調味簡單舒服，彈牙不肥膩，有冬菇馬蹄粒豐富口感味道• 味噌比目魚 (+$8)：嫩滑，魚香十足，日式甜口調味超下飯• 烤牛肩胛 (+$18)：全熟但口感佳，肉汁多! ③ 野菜/蛋料理 (兩份)• 明太子玉子燒 (+$15)：蛋味濃，內嫩，外皮帶焦糖香甜，必試!• 溏心蛋：看起來很普通但超級入味，而且蛋黃熟度完美，也是大推薦❣️• 秋葵醬油漬：也是味道比外表高質的一道。食材選材高質，而且烹調得恰好，又嫩又脆👍• 桂花漬番茄 (+$8)：甜甜開胃，不過期望番茄更多汁酸甜些 ④ 飲品• 洋甘菊香柚綠茶、洛神花玫瑰茶有很多其他選擇，這兩款都是無糖，都不用加錢～ 個人更喜歡前者，很香! ⑤ 追加• 醬油漬溫泉蛋：拌飯一流🤤• 關東煮 (+$25)：有幾款配料，大根最出色，超大塊+入味😚 ✿ 開心果班戟 $98賣相可愛，配了開心果雪糕和忌廉醬班戟質感是比較挺身，像雞蛋糕，很有分量🤣其實一份便當都已經很飽足，建議多人分享這份甜品或是像我們一樣，在這cozy的環境下，一邊閒聊，一邊配茶慢慢享用🌸😚
繼續閱讀
B.Y.O.B.!🍱即係Build Your Own Bento，可以自己選擇主菜肉類前菜等等，相當具自由度🥘我叫左個木魚湯烏冬set，清新嘅木魚湯飲落口好舒服，烏冬夠彈牙🥘前菜係桂花糖漬蕃茄🍅首先係聞到天然又優雅既桂花香氣，然後伴著清新又開胃既蕃茄，絕對啱晒今日炎熱既天氣🥵另一個前菜係椒鹽玉子豆腐，外脆內軟味道啱啱好😎主菜我揀咗期間限定嘅芝心漢堡扒🥩Juicy 嘅漢堡包入邊有濃郁流心嘅芝士加埋惹味嘅醬汁，令人垂涎欲滴🌸🌸最後一個係味噌比目魚，滑捋捋嘅魚夠晒營養我仲飲咗杯開心果拿鐵💚、食左個鯛魚燒芭菲💚鯛魚燒熱辣辣焗出嚟 入邊係吉士配合抹茶雪糕 穀物 紅豆 仲有餡餅添
繼續閱讀