161
55
26
港鐵荃灣西站 D 出口, 步行約15分鐘 繼續閱讀
開飯介紹
設計簡約的寵物友善cafe,店內有多個打卡位,如設有帳篷及大量咕𠱸的地台。供應沙律、多士、全日早餐等西式料理,飲品以咖啡為主。 繼續閱讀
營業時間
星期一至五
12:00 - 22:00
星期六至日
11:00 - 22:00
公眾假期
11:00 - 22:00
公眾假期前夕
11:00 - 22:00
付款方式
Visa Master AlipayHK 支付寶 現金 八達通 AE Apple Pay 微信支付 Payme
座位數目
60
其他資料
Wi-Fi
自帶酒水
切餅費
VIP房
電話訂座
外賣服務
加一服務費
獨家網上訂座
以上資料只供參考, 請與餐廳確認詳情
食評 (284)
Corefy📍荃灣享和街68號2樓我收藏咗呢一間主打健康美食嘅餐廳好耐㗎啦,終於都約到我兩位好友出嚟食。佢哋一位因健康問題要控制飲食,一位一向食得清淡(同我周圍食先會破下界),經常都食一啲我認為「不味」嘅食物。當我知道呢間餐廳有提介keto & low carb餐單後,我即刻想搵佢哋一齊試下,俾佢哋知道健康餐都可以好好味!好欣賞餐廳會供應不同餐單俾有不同飲食要求嘅食客,照顧到各人需要,就算約朋友聚會都可以按自己喜好點餐。餐廳內有唔同主題,我哋坐咗喺露營區,檯櫈都係真嘅露營用品,仲有晒植物同露營燈做props,真係幾有feel。我哋大約5:30去到,仲食到afternoon tea sets,6點前落單仲唔洗加一,好抵食! 💰$98洋蔥安格斯牛肉菜卷 🌯Burrito我食過唔少,但估唔到會有人咁有諗頭,為想控制飲食但又唔想餐餐食得咁清嘅人,設計呢款以菜代餅皮嘅burrito!呢個咁大份嘅burrito $100有找,朋友們各自食咗一件,都同意好食。首先講吓佢嘅洋蔥安格斯牛肉先,佢係好似一食牛丼飯嗰種牛肉咁嘅口感,洋蔥煮到入晒味,牛肉唔怕好柴好多筋。新鮮嘅生菜裏面包滿炒滑蛋、蕃茄等配料,口感豐富、濕潤,食完唔會飽飽濟濟。溫馨提示,如果你好似我咁樣係相機食先,都千祈唔好影太耐啦,因為佢嘅食材都係都多汁多水份嘅,放得太耐就會流晒啲汁出嚟,不過朋友就話覺得即使放涼咗都一樣好味! 💰$148全日生酮餐 🍳另一個生酮之選,係餐廳其中一款人氣菜式,Keto All Day Breakfast。佢包含煙三文魚、炒滑蛋、炒蘑菇、南瓜籽牛油果沙律、雜菜沙律同慢煮雞胸。兩位朋友都係關注健康人士,亦都十分喜愛做gym,所以呢個low carb之選就啱晒佢哋。佢哋兩位都對呢塊慢煮雞胸讚口不絕,甚至話佢滑到似雞扒,完全唔似食緊胸肉。我相信佢哋嘅食口感比我嘅更有說服力,因為佢哋做gym成日都會食即食雞胸,市面上有嘅牌子都機乎食過晒,當然亦中過唔少伏啦。所以如果佢哋話好食,就真係好食㗎啦。不過雞胸無咩額外調味,所以我呢啲重口味人士會覺得偏淡,但不得不承認佢真係好嫩滑㗎。我會推薦愛打卡嘅朋友叫呢個All Day Breakfast,好似我哋坐嘅呢個露營區度食,真係特別有feel,唔細心睇,真係可以以假亂真,以為去咗户外露營㗎! 💰$90手撕豬莎莎醬粟米片 🌮我自己今餐入面最愛嘅一定係呢個下午餐小食,份量多之餘仲非常醒胃,好食到停唔到口!佢嘅手撕豬肉一啲都唔鞋口,配以新鮮蕃茄同香料調製嘅醬汁烹煮,酸酸甜甜嘅味道令人特別開胃,加上生洋蔥粒嘅微辛,真係好易令人食上癮。不過個人建議打卡還打卡,影完真係要快啲食,要趁啲粟米片仲脆卜卜、手撕豬仲係熱辣辣嘅狀態食呀! 💰$78自選蛋糕 🍰單點一件特濃焙茶鮮奶麻糬千層蛋糕要$68,但如果係下午茶時段食,包埋普通飲品(冷泡茶或Americano)都只係$78喳!今日有好幾款口味嘅生酮巴斯克芝士蛋糕、朱古力蛋糕、草莓蛋糕等嘅蛋糕供選擇,每款都好吸引,如果唔係怕肥同有個大啲嘅胃,其實我每款都想試下,但最後都係喺當中揀咗三人都喜愛嘅茶味千層。喺蛋糕櫃隔離有個牌寫住「嚟Corefy,一定要食蛋糕」,我真係不能同意更多,因為佢嘅蛋糕真係幾出色!首先,雖然我哋揀嘅呢款焙茶蛋糕茶味濃郁,雖然望落有少少實定定,但原來口感好細滑,即使茶味咁濃都食唔到絲毫茶葉碎。其次就係佢嘅鮮奶麻薯做到QQ嘅口感,唔會痴牙好加分。仲有,佢揀咗用新鮮無花果做topping,比較特別之外仲好健康。最後,當然係佢嘅千層效果做得好平均,入口嘅順滑感真係令我哋好驚訝,有機會會再想試試其他蛋糕同盆栽造型嘅tiramisu! 💰$42 (下午茶餐+$25)海鹽芝士奶蓋茉莉花茶 🥛我叫咗呢杯海鹽芝士奶蓋茉莉花茶,本來expect佢會好似手搖店嗰啲奶蓋茶咁甜,點知佢唔單止唔會好甜,仲飲到清新嘅茉莉花茶香。清甜嘅茶底配以整叫整打、味道略帶鹹味嘅海鹽芝士厚奶蓋,係難得飲完唔會有太大罪惡感嘅一杯好飲料。 💰$0 (下午茶餐已包)美式咖啡 ☕️朋友唔可以攝取過多糖份,所以佢揀咗杯凍嘅Americano,我都試飲咗一啖,自問唔鍾意飲咖啡,但呢杯齋啡好香咖啡味,而且唔會有苦澀味,不用額外收費嚟講算幾高質。 繼續閱讀
(以上食評乃用戶個人意見 , 並不代表OpenRice之觀點。)
𖠿 荃灣 —— Corefy 荃灣享和街68號2樓𓏸  香煎肉眼扒果仁牛油果沙律(意大利黑醋) | $168𓏸  抹茶窩夫派對 | $188𓏸  桂花烏龍鮮奶麻糬千層蛋糕 | $68𖧷 星期六日有加一  ‧˚₊ ៸៸*・゜二訪生酮餐單 x 露營風 Cafe ゜・*今年年頭已經幫襯過一次,今次再嚟都係無咩人 (覺得間Cafe 真係環境好靚唔知點解就係無咩人嚟)一定要去咗塌塌米嘅位,打卡會好靚 (⁎⁍̴̛ᴗ⁍̴̛⁎)有水任斟~面積好大,成層都係間 Cafe , 有時仲會同其他 Ig Shop 合作 ~ 今次去就見到係同插畫家合作,仲可以每枱客得到插畫一張,但我哋唔得閒就早走咗 xd 𖧷 現有榴槤系列的甜品供應,喜歡榴槤的你不能錯過 (我就不吃榴槤的 ~) 𖧷 平日一至五去係唔收加一的‧˚₊ ៸៸𓏸  香煎肉眼扒果仁牛油果沙律(意大利黑醋) | $168賣點在於碳水少於 10g ! 有好多沙律菜再加上整個牛油果同牛扒間唔中食少啲碳水化合物嘅嘢食 (e.g 麵、飯)都幾好㗎~低碳料理可以令到身體入面嘅血糖起伏無咁大,減少胰島素分泌,身體就會話比你知:「夠啦! 你飽㗎啦唔洗再食啦!」咁就可以有更多飽足感又唔會飯氣攻心 ⎛;c*•ヮ•⎞𓏸  抹茶窩夫派對 | $188好好食!!好耐之前已經想食!! 終於食到!綠茶雪糕好濃抹茶味而且唔甜! 仲有勁多紅豆,我唔食紅豆就可以比晒個Frd 食啦 (朋友表示十分開心同朋友一致認為就連個 Cream 都好好食 (๑ ᷇ 𖥦 ᷆๑)♡𓏸  桂花烏龍鮮奶麻糬千層蛋糕 | $68用咗低糖配方,唔會好甜 (讚"٩(ー̀ꇴー́)而且烏龍味都好出相對地桂花味就淡咗少少而且Crepe 皮都有啲厚 繼續閱讀
(以上食評乃用戶個人意見 , 並不代表OpenRice之觀點。)
📍Corefy同朋友一樣係榴槤愛好者🤩今次特登去荃灣既一間人氣cafe試下佢地既期間限定榴槤系列✨一次過試曬貓山王榴槤甜品;$388包三款榴槤甜品,配送是日冷泡茶雨杯或者每杯+$25選配特飲 👭🍴 法式榴槤Croffle配自家製榴槤雪糕一次過滿足我兩個願望,同時食到croffle 同雪糕!🤤croffle係即係叫即整!食嗰陣仲係脆口,酥脆到一個點😌同時又保留到煙靭嘅口感~牛角包上面仲鋪滿左大量自家製嘅榴槤忌廉、榴槤果蓉同nuts, 榴槤忌廉唔會太甜或膩,反而係食到淡淡既榴槤味,清新得黎唔會覺得太甜🫶最邪惡嘅係重份量嘅榴槤果蓉,滿到溢出黎!連雪糕都係榴槤,質感細滑,滿足之選🈵️🍰榴槤千層蛋糕呢款大推!千層蛋糕好花功夫先會整得好食,呢間絕對唔會令你失望😉每層都夾左厚厚既榴槤蓉,每啖都食到一絲絲既榴槤果肉,份量絕對足料!😆完全唔孤寒,相當有誠意😗最正係連啲cream都係用榴槤打成,味道唔會太甜,質感幾smooth~榴槤忌廉同榴槤果蓉配合得好好,好食😋呢個單點都好值得叫!咁多榴槤餡先$78,性價比高!🍸霸氣榴槤芭菲杯饀料其實同croffle 一樣,頂層有一大pat榴槤果蓉同一大球榴槤雪糕,疊到成座山咁⛰️好打卡able💓味道方面都keep到水準,同其他榴槤甜品既味一樣~而底下有大量既果仁同粟米片,增加左口感!最底層嘅係蒟蒻,好解油膩感,味道亦都唔會太甜😝🍹 青檸特飲味道好fresh!啱曬食完咁多款榴槤甜品,解一解油膩感😉感覺酸酸地,幾開胃!✨個人建議:整體榴槤系列既體驗好唔錯,真材實料,啱曬榴槤loversss!💓呢間cafe除左有限定甜品之後,同時亦提供包場舉辦event, party, wedding 等等,無論係閨密、情侶、主子、寵物、親子,都好歡迎嚟呢到一齊享受下生活🤩⭐️好味指數: 8.5/10📍 Corefy (荃灣)荃灣享和街68號2樓#荃灣 #享和街 #corefy #cafe #期間限定 #榴槤 #榴槤雪糕 #榴槤千層蛋糕 #芭菲杯 #cake #durian 繼續閱讀
(以上食評乃用戶個人意見 , 並不代表OpenRice之觀點。)
等級2 2024-03-18
15 瀏覽
環境衛生一般,首先地方係大嘅,但係開放式廚房完全係感覺十分唔通風。有烏蠅飛黎飛去,地下枱面有食物殘渣都冇好好清潔。雖然係2樓,但係係要行4層樓梯,即係4個迴旋😮‍💨。係有一兩個打卡位打下卡咁,夜晚去,但都幾靜,冇乜客。成個menu食物選擇唔多。質素亦唔係好同特別,但價錢又地鋪cafe一樣。寵物友善餐廳,分左一個area係有帶寵物嘅客人,但係餐廳內嘅燈光係好平均,一啲地方係比較暗一啲地方比較光,燈壞咗又冇換。而且唔明點解要用紙杯斟水俾客人飲?用返水杯感覺會好好多,而且放得耐左,紙杯係會變軟,要就住拎。沙律配嘅醋太酸,薯條太咸,茄汁唔係平食到嘅味道。 繼續閱讀
(以上食評乃用戶個人意見 , 並不代表OpenRice之觀點。)
等級3 2024-03-02
22 瀏覽
📍Corefy▪荃灣10/3Last Day露營風Café🏕️精緻裝飾吸引不少人去朝聖打卡加上5000呎空間 採光十足實為鬧市中不錯嘅喘息空間🫧剛開張時到訪亦曾被高質ADB及抹茶Latte所驚艷可惜即將同大家暫別上個月為咗個抹茶定食再次到訪老實說未及初訪時嘅ADB高質但亦不妨試試💚♡手作抹茶六品定食 $168包括抹茶🍵生朱古力、雪球曲奇、Croffle、戚風蛋糕、Tiramisu、蕎麥麵、抹茶草莓特調🍓整體味道表現中下 普普通通試不出抹茶特色 沒有特別加分尤其Tiramisu比起強調酒及芝士味 感覺更似普通忌廉蛋糕🥲當中比較喜歡戚風蛋糕蓬鬆蛋糕配上鹹甜奶蓋 不錯👍🏻♡Mega All Day Breakfast $168非常豐富嘅ADB 包括香煎西冷🥩、煙肉、太陽蛋🍳、薯條、牛角窩夫🧇、希臘乳酪、蕃茄、沙津🥗西冷肉質嫩而不柴 牛及香料味突出薯條剛炸起十分香脆 牛角窩夫質素亦不錯 繼續閱讀
(以上食評乃用戶個人意見 , 並不代表OpenRice之觀點。)