74
3
3
港鐵銅鑼灣站 F2 出口
繼續閱讀
電話號碼
34827999
開飯介紹
史上第一間直屬歐洲生蠔養殖場的亞洲區生蠔店!所屬蠔場是位於愛爾蘭的Cooley Oysters,蠔隻新鮮直送到港,味道鮮甜;另亦供應高質海鮮及西式佳餚,如烤龍蝦、海鮮拼盤和特製燉湯等,備受海鮮愛好者推崇。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
影片
相片
Bloody Clam Sashimi
+893
+72
食家推介
想食生蠔唔洗一定去西餐廳, 原來係food court都可以搵到高質生蠔食, 係銅鑼灣依間專食生蠔既餐廳有吧枱座同2人枱座, 去到店員安排左吧枱座比我地有個Dine as a set幾抵食, 有1款頭盤加餐湯或飲品, 另外仲可以6折追加生蠔, 我地叫左4隻Cooley Gold生蠔, 分別係60 個月食落蠔味比較濃同 creamy, 第二隻係54 個月食落好爽口同鮮甜, 第三隻係45 個月海水味比較重同爽口, 而第四隻係30 個月, 入口比較creamy飽滿食完前菜, 主菜叫左香煎頂級肉眼牛排配薯角伴紅酒牛仔汁 五成熟, 肉眼煎得啱啱好, 仲有少許血水, 食落肉質軟冧, 牛味濃郁香口, 連件薯角都炸得好惹味, 再加埋個焗蒜一齊食, 一啲都唔輸蝕高級餐廳味道紐西蘭野生大蜆扁意粉送到黎都已經聞到勁香, 意粉個熟度係啱啱好, 入口爽彈, 每條都掛滿左蒜香辣味汁, 好好食, 蜆肉每隻都好新鮮, 厚肉鮮甜完全無沙, 食完真係想再叫多碟ENCORE最後再飲返杯青檸梳打清一清, 是日晚餐好滿足, 值回票價!
繼續閱讀
今日陪女友在銅鑼灣 Hysan Place shopping, 到了用餐時間, 大家查看商場電子水牌, 找到 Cooley Oysters 女友立即話想食生蠔. 餐廳屬於開放式設計, 有蛋形長吧台, 客人可以圍座, (坐吧台, 有10% off. )也可以選擇方桌, 座位闊落, Cooley Oysters, 主推愛爾蘭即開生蠔, 東南亞區首間代表歐洲生蠔養殖場的生蠔餐廳. CooleyGold, 分養殖期60, 54, 45, 同36 個月. 曾獲奧斯卡著名大獎, Great Taste Awards. 有開蠔師傅駐場. 吧台前面有生蠔展示.看看餐牌, 除了生蠔, 也有套餐. (凡叫套餐, 生蠔有優惠價 六 折)我們點了升級優惠套餐, 只加$68, 有沙律, 湯, 主食. 餐具好整齊美觀. 我們坐吧台, 剛好看見開蠔師傅正在工作, 開蠔好有技巧. 兩款蠔送到. 愛爾蘭, 54, 36 個月的生蠔, 每人各兩隻. 用冰藏著, 伴有檸檬, 自製豆瓣辣汁. 特別享受有服務的開蠔, 乾淨整齊.54 個月蠔身較長, 蠔肉大而爽口, 海水味和蠔味兼備. 愛爾蘭蠔, 質素好, 重量足, 嫩滑帶脆, 鮮味好出色. 36個月外表較小較圓, 生蠔鮮甜, 帶有淡淡海水味, 真正回味.吃完生蠔, 套餐開始. 意大利迷你馬蘇里拉芝士及蕃茄沙律 Italian Mini Mozzarella Cheese & Tomato Salad,羅馬菜, 火箭菜, 新鮮爽口, 蕃茄鮮甜, 純白色的馬蘇里拉芝士乳酪, 香甜溫和, 伴上黑醋汁, 整個沙律好開胃 !!Soup of the day: 洋蔥蕃茄湯, 熱辣辣.洋蔥蕃茄湯, 清新的味道, 酸酸地, 味道恰好.女友的主菜: New Zealand Wild-Caught Tua-Tua Clams (Seasonal Clams Liguine) 紐西蘭野生大蜆 (時令大蜆意粉)紐西蘭野生大蜆, 肉厚, 新鮮, 份量足. 伴碟的扁意粉軟硬適中, 吸收了香濃的牛油/橄欖油, 非常順滑, 口感一流.我的主菜 . 香煎頂級紐西蘭肉眼牛扒 Pan-seared NZ Rib-eye steak 擺設好吸引. 香煎頂級肉眼牛扒. 牛扒煎得香, 外皮少少燒焦, 剛 5成熟, 大大塊, 份量足.入口軟綿牛味濃, 咬落啖啖肉汁, 口感佳. 食得好滿意. 配烤薯, 蕃茄及烤蒜 , 好滋味.在 Cooley Oysters 吃生蠔, 吃得新鮮, 好蠔啊! 價錢吾貴, 真的令人滿意, 其他食品也有水準, 會再來.
繼續閱讀
身為一個海鮮控,今次到咗銅鑼灣嘅Cooley Oysters 品嚐鮮生蠔同高質海鮮,重點係,而家仲有 $10/隻生蠔優惠,性價比超高,蠔迷們絕對唔可以錯過!😍前菜:暖笠笠洋蔥湯 🧅一上枱已經聞到濃濃嘅洋蔥香,湯底煮得濃郁順滑,仲有少少芝士嘅鹹香,飲落去暖笠笠,好開胃!特別鍾意佢哋嘅麵包片,脆卜卜又吸滿湯汁,正!👍意大利迷你馬蘇里拉芝士及番茄沙律 🧀🍅呢個沙律好清新!迷你馬蘇里拉芝士口感軟滑,配埋新鮮多汁嘅番茄同埋香草醬,酸酸甜甜好開胃,食完完全唔會覺得膩~😋主角登場:生蠔 🦪嚟到Cooley Oysters,點可以唔試佢哋嘅生蠔!蠔身飽滿,海水味濃郁,入口鮮甜,層次豐富!最正嘅係,而家$10/隻就可以食到咁高質嘅生蠔,真係抵到爛!🤤香煎帶子配三文魚籽及海膽醬意大利粉 🍝呢道意粉絕對係驚喜之作!帶子煎得外脆內嫩,三文魚籽爆開嘅鹹鮮味同埋海膽醬嘅濃郁完美融合,每一啖都充滿海洋嘅鮮味,意粉煮得 al dente,口感一流!😍加拿大龍蝦意式扁意粉 🦞龍蝦肉質鮮甜彈牙,意粉掛滿濃郁嘅龍蝦汁,每一啖都充滿龍蝦嘅鮮味,真係食到舔舔脷!絕對值得一試!👍飲品:Latte Macchiato ☕食完咁多海鮮,飲返杯香濃嘅Latte Macchiato就最啱!咖啡同奶嘅比例剛剛好,入口順滑,為呢一餐畫上完美句號~😌💡生蠔優惠: 每份午餐套餐可以order2隻$10生蠔
繼續閱讀
希慎翻新後,都喜歡過來行街吃東西,這天品嚐了Cooley Oysters的美食,除了有鮮美生蠔,亦有不少酒品選擇,All Day Menu更是非常抵食!首先我們要了4隻生蠔,都是深海水產養殖,分別是45及54個月育成,兩者都十分鮮美,共提供了獨特的甜美與微妙的鹹味和諧融合,絕對是神聖享受。主食我們要了「招牌菜 - 加拿大龍蝦意式扁意粉」!這道招牌菜以新鮮食材和精緻烹調方式著稱。加拿大龍蝦肉質鮮嫩,甜美多汁,搭配特製黃油醬汁,增添豐富風味。意式扁意粉口感滑順,吸附豐富醬汁,每一口都充滿風味。醬料調味恰到好處,既不過於濃烈,也不會掩蓋 pasta 的本身風味。而香煎頂級紐西蘭肉眼牛排煎得外焦內嫩,肉質鮮美!Medium Well 的熟度剛剛好,保留了肉汁的鮮嫩。搭配的薯仔亦非常香脆,提升整體味道層次,非常推薦給肉食愛好者。朋友點了「是日餐湯 - 南瓜湯」,這碗南瓜湯香濃順滑,南瓜的自然甜味與奶油的醇厚感搭配得宜,讓人感受到暖意。而我要了這款巨峰提子梳打清新可口,提子香氣濃郁,氣泡感十足,令人耳目一新。Cooley Oysters ® The Fine Restaurant 地址:銅鑼灣軒尼詩道500號希慎廣場URBANHOOD B2樓B215號舖
繼續閱讀
今日去咗希慎廣場Cooley Oysters同朋友慶祝生日。餐廳裝潢簡約時尚,設有吧檯同餐檯,我哋揀咗吧檯,可以欣賞廚師煮餐。 生日飯更系要豪一豪啦!頭盤先嚟生蠔🦪Cooley Gold 45個月 味道清新,帶少許鹹味。澳洲Coffin Bay 肉身肥厚、香軟綿滑,海水味濃,回甘味亦較長。 蠔完之後,叫咗兩個午餐,加$58有幾款前菜、湯或飲品供選擇。 前菜:生蠔Cooley Gold 36個月新鮮飽滿。主菜 :香煎頂級紐西蘭肉眼牛扒配薯角伴紅酒牛仔汁🥩Medium Well 肉質鮮嫩多汁,配上金黃酥脆薯角、火箭菜、烤蒜及醇厚紅酒牛仔汁,層次感更豐富。前菜 :意大利迷你馬蘇里拉芝士及蕃茄沙律🥗 口感清新。主菜 :香煎日本帶子配三文魚籽及海膽醬意粉🍝帶子肉質厚實飽滿,煎得金黃焦香,三文魚籽帶鹹鮮風味,海膽醬均勻地裹覆在意大利粉上,十分滋味。 最後嘆番杯濃郁而甜美的Latte Macchiato Coffee。為這頓豐富午餐畫上完美句號。
繼續閱讀