Cona Cona (已結業)

章魚小丸子拼大阪燒個人口味所以覺得都唔差三四十蚊食到記得以前加大炒麵 後尾就冇咗了想食章魚小丸子紅磡嚟講都係唯一選擇啦而家去日之船覺得好而家覺得難食可能口味變咗類似章魚無雙嘅鋪頭喺紅磡有冇乜唯一得呢度超市內章魚小丸子唔係話超好食不過起碼都食得下…查看更多

難得嚟到黃埔，當然會逛逛Aeon買下嘢食，熟食五花八門，我選擇穩陣嘅章魚燒。不過可惜令我有啲失望，下次應該唔會再叫呢間舖頭。章魚燒$26- $26六粒章魚燒，話貴唔貴，話平唔平。本身以為Aeon食唔應該唔會太差，不過味道真係一般般。章魚燒表面灑上木魚乾碎同紫菜碎，沙律醬同燒汁太多，令到章魚燒口感冇咁好。同埋餡料入邊食唔出有章魚粒粒同雜菜，只係食到一啲粉漿，成件事好唔章魚燒。…查看更多

好久無食過小丸子，見Aeon呢個food court有得食，即刻要點返客先。因為無黎呢度食過野，問一下店員點賣法，原來要出去總收銀處買飛。四旁的食店可以自己收銀，但中間位置的食店就要中央處理。可能因為人多，中央呢位收銀姐姐甚有氣勢，埋到去係“唔準諗即刻叫，唔準加單”，哈哈，好彩用八達通付款，如果比現金就更有態度了。買完野有號碼牌，等到震動就可以出去拎野食了，就算坐得遠都唔怕啦。叫左章魚燒拼大阪燒（$39）賣相同份量都ok，幾吸引吖。大阪燒有半塊，大量椰菜好正，上面有一片煙肉，整體燒得香口，至愛醬汁同木魚片。小丸子有六粒，每粒入面都有一粒章魚腳，燒得皮脆內軟，加埋醬汁同沙律醬真係好好味。朋友唔明點解鍾意食呢兩樣野，佢話係粉頭黎㗎喎，哈哈，就係鍾意佢粉，同鍾意食啲醬吖嘛～…查看更多

間餐廳位於超市入面，Aeon超市每逢星期三 都大減價😂人山人海，避開呢日黎比較好，仲有好多座位，坐得舒適。首先去收銀處比錢，比完錢5分鐘都唔使就有得食，三十蚊唔使就有六大粒😋價錢算合理🤙🤙🤙記得趁熱食，凍左外層會冇左脆既感覺，變得淋滋滋，但都好食既，椰菜份量夠多，可惜蔥花分佈唔平均，有蔥既香好多🤤🤤🤤另外配料唔夠，燒汁、沙律醬、木魚碎都唔太夠😫比多啲就好😪因為食到一半，開始唔夠醬。…查看更多

復活假沒有去旅行，都要四處四四輕鬆一下。今日獨自到黃埔散心，便到Aeon foodcourt 吃晚飯。獨自一人用餐永遠都是最方便的，不需要遷就別人喜好，想吃什麼就吃什麼。Foodcourt的Cona Cona主打章魚燒，大判燒和日式炒麵。唯獨有一個選擇可以滿足你兩個願望，章魚燒拼日式豚肉炒麵 ($39)!! 炒面的份量不少，加上六粒章魚燒，一人份量是足夠的。日式豚肉炒麵只有兩件豚肉，有生菜絲，確是爽口的，味道都不錯。章魚燒燒得剛剛好，外皮不會過硬，不過內裏就只有粉漿，蔥，菜，很細粒的章魚。雖然如此，$39有六粒章魚燒，又有炒麵，能夠飽肚，算很滿足了!…查看更多