影片
相關文章
在大嶼山晚飯的另類選擇 - 意大利菜！我在雜誌見到介紹, 所以今晚不吃海鮮, 就來試試！6點幾, 店內已坐了大半客人, 有些也是睇雜誌介紹來的！送的麵包暖暖的帶香草味我們叫了油醋沙甸魚, 對我來說有點酸, 但就十分開胃4重芝士薄餅（9吋）, 最多客人order, 芝士味不算太濃, 批底幾鬆脆蘋果酒夠冰涼蜆肉意粉, 超級一般, 下次可以不叫！Risotto 也多人order, 樣子也吸引, 下次一定要試哩個......如果大家不想食海鮮, 可以來梅窩試下食意大利菜 !
繼續閱讀
瘦身男女除夕就入左梅窩渡假，入去之前已經知道有意菜同海鮮為主，最後我地就決定寵幸呢間，主要係果種小島餐廳嘅浪漫氣氛，不過要挑剔就真係無海景（隔住小小陰公豬）。我地大鄉里出城，第一次用橄欖油食多士，感覺新鮮清新。本身我地唔知點架，之後就問招呼我地果位外裔小妹妹（睇落真係好小），非常nice，笑容好sweeeeet。我地已經知道自己眼高手低，所以決定叫一個意大利飯，同PIZZA。因為瘦身女本身係個意大利飯控，瘦身女就點左呢個巴馬芝士雜菌意大利飯，入面多到喊既芝士濃厚而不膩，雜菌事先切碎炒香，再混入個飯到，真係啖啖都好豐富。意大利飯可謂正宗過唔正宗，米飯6-7成熟，瘦身男真係大鄉里食唔慣，暗暗叫苦。個妹妹一端個PIZZA出黎，感覺知不妙，因為真係好大個，原來瘦身女又貪心叫左HALF-HALF PIZZA比正常還要大架，我地叫左夏威夷風情同Meat lover，對比之下，夏威夷風情因為主要係芝士同薄肉片，味道平淡感覺普通，反而Meat lover啖啖肉，肉味突出左成個PIZZA，每一啖都係大滿足。梅窩意菜呢個質素真係好好，意菜呢個價位，算係性價比高，除夕佳節，瘦身男同瘦身女係呢間世外桃源嘅離島餐廳食飽飽迎接新一年，同2015講byebye~~
繼續閱讀
好耐都無去大嶼山，天陰陰涼涼地同男朋友去大佛行下，玩到四點經過巴士站有架車去梅窩，嘩，真係自從小學廿年都無入過去，行咗一陣，梅窩咁多年都乜分別，但係經過冬菇亭見到一間新裝修嘅餐廳，睇到個餐牌意大利餐廳咁搞笑，天氣好焗見入面有冷氣坐低咗先算我地見親凱撒沙律都一定叫，一上枱，份量夠喎，我地食過好多Caesar , 呢個賣相唔算特別，但係味道唔係第一都係第二，食完想再叫多個跟住上生牛肉片，份量又係夠，最緊要係啲火箭菜夠FRESH!意大利飯係佢嘅favourite , 食落口就知咩級數喎，我都食咗一啖咁大把，係真係幾好食，唔識形容，佢就話係perfect 喎食食下見到個鬼佬著住廚師袍出黎，幾大年紀下，我諗係老細最後上我favourite - 扒！我自問食扒可以配得上達人呢個尊稱，一上枱，咁整嘅？！有啲奇怪，既然嗌咗，費事complain 試下囉，𠵱？幾正喎，肉質老實講麻麻，但係咁整法都係第一次見亦出奇地好味！呢間野都幾得意，冬菇亭意大利菜，開到去梅窩，野食係好過香港區嘅意大利菜多多聲，下次唔駛等廿年，廿日後可能帶媽咪再黎過！
繼續閱讀
同Mr. PIG離開老地方，去到梅窩食個brunch, 好好享受假日的休閒心情.被como lake 的菜單吸引，決定試佢的pizza 同pasta.58蚊 車厘茄pizza 6inch餅底超薄身，不夠脆，普通蕃茄醬味道，勝在車厘茄夠juicy, 配搭的salad 夠 fresh ，意大利黑醋去除口腔油膩感Mr. PIG 選擇的香辣pasta, 外表好dry, 48蚊，果然好plain, 份量岩女仔胃口，但Mr. PIG 頗欣賞佢的香辣味，都好快食到見底! 是日餐湯: 意大利雜菜湯碗大大，湯卻很小，很稀，平平無奇午餐有埋湯同咖啡，咖啡加8蚊有couppicino and latte and mocha 選，結果係咖啡機質素，無咩特別。。。止不了咖啡癮
繼續閱讀
同男友慶祝生日，入咗銀礦灣酒店住一晚，但酒店無咩選擇，所以出返去搵食。見呢間食評唔錯，所以就揀咗呢間。先送上麵包。整體食物唔錯。最開心係我“靜雞雞”叫佢地幫忙預備爉燭，佢即回應：是否生日？比3分鍾我安排。跟住就為我地送上蛋糕同齊齊唱生日歌。仲好識做即刻幫忙影合照，服務抵讚呀！
繼續閱讀