影片
營業時間
今日營業
12:00 - 22:00
星期一至四
12:00 - 21:30
星期五至日
12:00 - 22:00
公眾假期
12:00 - 22:00
公眾假期前夕
12:30 - 22:00
以上資料只供參考, 請與餐廳確認詳情
【荃灣區】【COMEBUYTEA】作為半個荃灣仔，荃灣廣場都係我以前成日去嘅地方之一。因為嗰陣附近仲未有咁多商場，要搵個有冷氣嘅地方都難。加上有歡樂天地，係開心嘅歲月。仲記得嗰陣係同沙田新城市廣場一樣都有音樂噴泉，而家只可以喺電影「鎗火」裏面回味當年嘅景況。而近年嚟講，附近開咗咁多商場，競爭大係在所難免。不過難得都不乏捧場客，可能因為個場都仲有餐廳、遊樂設施、百貨公司等。之前都寫過呢度嘅天仁茗茶手搖杯飲品店，質素都相當高，今次同美女朋友一齊飲另一間，都係老牌子嘅「COMEBUYTEA」。佢飲 $39 嘅「紅柚烏龍蘆薈Q」，即係清香烏龍配葡萄柚汁，加埋蘆薈水晶，揀咗半糖少冰，佢就話僅僅屬於唔錯嘅水平。我就飲 $41 嘅「重乳烏龍厚奶芋」，炭焙烏龍配皇家厚奶，加埋小芋圓同漂浮奶霜，半糖少冰，幾啖飲晒，得個奶蓋係正，咁就 $80 喇。。。（地址：荃灣大壩街4-30號荃灣廣場L4樓Open Cafe C）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #COMEBUYTEA #紅柚烏龍蘆薈Q #重乳烏龍厚奶芋 #1am1815 #1ambackup
繼續閱讀
一直覺得COMEBUYTEA茶飲質素不錯，商場經過舖頭見唔算多人等，就買杯茶解渴叫左推薦爆款︰柴茶鮮奶珍珠 (其實我唔知咩係柴茶)，買完之後見到係錫蘭紅茶+鮮奶+珍珠，普普通通茉莉綠茶+鳳梨汁+椰果晶鑽 - 鳳梨汁好味，但呢杯好甜
繼續閱讀
荃灣分店🌿COMEBUYTEA嘆茶，今次唔駛外賣可以堂飲細意慢活品嚐🌿原創混合茶（綠茶、紅茶、淡烏龍）百香果汁+寒天晶球茶清飲每淡粒粒都煙煙韌韌好過引🌿桂花釀烏龍個人愛桂花香讓人心情舒暢，茶香+桂花嘅香氣飲落好甜潤
繼續閱讀
Comebuy Tea Comebuy 啲茶飲嘅質素一直都幾好食飽飽覺得頸渴諗起就近有Comebuy 就買左個齋茶離試炭焙烏龍（走冰）💰27茶香夾雜炭烤味 消滯解膩大C妹幾鍾意❤️不過呢款茶偏濃 飲開清茶嘅豬仔留意喇🫶🏻
繼續閱讀
聽店員推介話皇家厚奶芋圓烘焙烏龍最多人叫，就試下啦... 已經走甜少冰，冇可能冇茶味啦卦？結果超級難飲！！！ 完全冇茶味！ 芋圓超級甜！只有厚奶係對版，因為成杯都係奶味，飲咗幾啖已經好滯...大拿拿41蚊，飲杯咁嘅垃圾，掉咗佢條氣又唔多順... 我就攞返去睇佢換唔換畀我，結果係有換畀我嘅，服務態度良好，不過換完都係垃圾。今次走芋圓，唔要厚奶，改奶霜，照舊走甜少冰，冇芋圓的甜，應該影響唔到味覺啦啩，走曬所有嘢就係一杯普通奶茶... 喺冇攪勻的情況下，飲筒插落底純飲烏龍茶，我頂... 係冇味既，或者我講得太誇張，超級少茶味，冇烏龍茶的烘焙香，亦都冇茶的甘澀味，簡單講我平時飲開津路嘅，同津路對比，佢根本係水，如果個名唔係打住烏龍茶，我實在完全飲唔出佢係烏龍茶，諗住打去客戶服務部反映一下意見啦，九字頭嘅電話係停止服務嘅 ，咁我唯有上嚟openrice表達下不滿，$41飲杯咁嘅垃圾，茶葉明顯孤寒落得少，門面係靚嘅，設備係先進嘅，可惜有姿勢冇實際，早知我買支津路飲好過... 暫時我都係覺得貢茶嘅奶蓋係最好飲嘅，同埋荃灣廣場以前有間大陸牌子唔記得咩名，個奶蓋比貢茶更好飲，可惜執咗。之前都飲過旺角中心樓下嗰間，原來都係comebuy，都係冇茶味嘅，所以唔係店員的問題，係集團賺得太盡，連茶葉都唔捨得落。下次不會再光顧了。
繼續閱讀