42
24
3
港鐵旺角站 B3 出口, 步行約1分鐘 繼續閱讀
所有分店 (7)
電話號碼
22534009
營業時間
今日營業
12:00 - 23:00
星期一至日
12:00 - 23:00
付款方式
現金 八達通
食評 (95)
等級2 2019-10-27
198 瀏覽
今日黎到旺角,見街頭有間鋪位好大嘅茶飲店,係出面已經聞到好香茶味,決定行入去trytry🤤🤤🤤店內環境一入到去,就可以見到各式各樣茶底嘅桶,店員都係係果度取茶葉沖茶的。唯獨上面茶葉容量係假㗎,係貼紙圖案黎🤣一開始我都以為係真,諗住揀一個剩得比較少嘅茶底,諗住應該最好賣實冇死,點知佢打開蓋果下見到係假🤣🤣所以揀返炭培烏龍😋整體俾人嘅感覺都好舒服,店員好快手,分工都好有效率,聞住濃濃嘅茶味,真係令人心境開朗,煥然一新✨店內仲有茶葉、茶具俾人買,亦都有位置俾人休息,坐底嘆茶哦~炭培烏龍落單嘅方式係,先揀茶底,再揀你想要咩奶,最後就係topping,而我就係揀咗炭培烏龍+鮮奶+奶霜炭培烏龍味道比一般烏龍茶濃郁,好鍾意,配埋鮮奶同奶霜,茶味都仲係保留到,而鮮奶亦唔會太甜,配合得恰到好處,正奶霜都好好食,唔會太甜亦唔會太咸,拿捏得剛剛好美中不足就係略嫌分量唔太足夠,如果奶霜再厚返小小小小就好啦,好唔夠喉呀><我本人都鍾意飲茶味出嘅飲品,所以呢間好啱我心水,一定有下次 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-29
324 瀏覽
🐽紅柚烏龍蘆薈Q $35因為太多選擇,有選擇困難既小編就決定揀top 5既第5名紅柚烏龍蘆薈Q,因為驚甜,所以揀左少甜,飲落去酸酸地,葡萄柚味好重,好開胃好清新😂但飲落左會有少少澀,仲會飲到鳥龍茶既味,茶味濃,蘆薈配茶都幾夾••••••••••••••••••••••••••••••🐽炭培烏龍 黑糖晶球 加厚奶 $33另一杯就自己揀配料同茶底,揀左烏龍茶,加黑糖晶球同厚奶,黑糖晶球係類似蒟蒻咁,口感比較爽口,唔會好似珍珠咁煙韌,但奶味唔係好重,冇嗌到少甜都唔會好甜🥤 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-11
323 瀏覽
口痕痕地便去試下呢間既茶。炭焙烏龍-皇家厚奶加艼圓,微糖再走冰我覺得味道是不錯的,不過奶味我下次會選奶蓋希望濃一點可以。另外艼圓都有彈性,甜甜的有咬感。算是不錯👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-08
266 瀏覽
今日在旺角等朋友,但自己早到了,又不想周圍行,看見這間專用茶葉做飲品的店,就一於入去試下,順便等朋友吧。我見餐牌,這裡有多種調配茶的味道,方便人客需要,但對於我這種選擇困難症的人,看見就頭暈了,後來看見另一牌上有一些高据消售榜頭五名的飲品,不用我選擇調配,又一定好飲的,所以我點選了第四名的百香茉莉寒天Q。等了一會,茶已調配好,我看見這裡有提供坐位給客人坐下飲用,故我也入去坐下慢慢品嚐。這裡地方不算大,但間格很文青感覺,很優閒。這杯百香苿莉寒天Q是由百香苿莉綠茶加上寒天晶球已調配,茉莉綠茶很清香,還有陣陣的百香果味,但不會有酸味,裡面還有用寒天造成的透明QQ晶球,有點煙靱。這杯茶都算頗大杯,飲著綠茶再望出玻璃窗外的人來人往,真是很寫意! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-03
247 瀏覽
其實茶來講我超鐘意comebuytea, 旺角分店望到好巨型的茶葉,同埋磨茶機,飲過幾次都覺得茶好過sharetea 個種多多聲! 旺角呢間仲要有位坐!今次叫左炭烤烏龍+厚奶+黑糖晶球,朋友飲凍我飲熱,熱的溫度一點都唔熱!常溫感覺有點嘔心,本身想要熱燙燙的😹 烏龍茶好香好味,但問題係個黑糖晶球,好似泰式野飲珍多冰綠色啫喱咁,一點都唔彈牙,形狀長條又有圓球又有,口感唔好,黑糖味唔重,同杯野超唔夾!千奇唔好試!下次都係叫番奶+茶算,配料勁伏 繼續閱讀
(以上食評乃用戶個人意見 , 並不代表OpenRice之觀點。)