Coffeelin (電氣道)

營業中

休息中

呢度有室外同內既位, 一個人黎坐Bar枱都係一個唔錯既選擇,😉 呢度同其他分店一樣都會有鹹食同甜食, 三點令去到都有唔少野賣曬, 甜品都只係得返兩款🤫Espresso Tonic🥃($55)咖啡聞落好香用左偏Fruity既咖啡豆去沖, 飲落酸酸地配返件蛋糕就完美喇😎Traditional Neapolitan Rum Babà🍰($58)呢款流行係意大利既甜品係圓筒形蛋糕上面加入Rum酒糖漿, 所以蛋糕既質感會比較濕潤帶微微Rum既香氣, 蛋糕質感鬆軟有口感, 再配上輕盈企身既忌廉同莓果成個配搭酸酸甜甜唔會覺得油膩😍呢度既室外座位會比室內既Chill, 因為座位分開得比較散, 仲可以帶埋寵物一齊黎😉

叫左五款食物：兩種所謂手工意粉 一款：上枱是 plain 長偏意粉 有少少綠粉 加 4小舊少少既肉。咩味都冇 ，勁似齋烚。一款： 上枱都是 plain 特別形狀既條狀 有番啲味 。個汁似湖仔味 唔知係咩但兩款都係凍嘅意粉 🫤🫤🫤 叫職員將第二碟未點食加番熱。第三款是菠菜湯 用一個西班牙🇪🇸tapa兜裝住，上邊有幾粒麵包糠 。個顏色十分之森林綠。 應該係好足料嘅菠菜。 望落去似菠菜加橄欖油。上邊裙一個圈thick cream. 味道好青草既菠菜味。 第四款是 三文魚刺身粒粒沙律 出來個賣相都可以 ，另配個陳醋比我哋倒。 原來就係刺身加青蘋果粒粒。 原本諗住落少少陳醋掉下味，點知比我落晒啲陳醋，如果唔係真係冇味。第五款是 Tiramisu 一個透明杯裝咁樣嘅 佢嘅做法比較Soft cream啲嘅 甜度都適中咖啡味夠濃 係最好食㗎。總結： 依家去新餐廳呢唔會影相先㗎啦，費事唔好食免費幫佢宣傳。 通常第二次令我返轉頭先再影相post出嚟。雖然尼間是試業階段 但友人話佢有幾間分店西營盤跑馬地灣仔 都有。 裝修好抌本囉張枱啊啲燈飾啊掛畫好 會吸引到人打卡 同排隊 。但虛有其表左啲 叫得餐廳最吸引

滿心期待，裝修數月，裝修華麗，環境優美。服務員滿口流利南亞英語，服務有待改善。餐牌簡潔，早餐只有五樣選擇。點餐時，五樣有兩樣賣晒，其餘三樣無法選擇，唯有點選咖啡。咖啡杯美觀，咖啡唔夠熱，咖啡淡如水。縱觀環境優美，裝修華麗，但食物一般，只有「伏」字，應該冇下次。

Coffeelin 來到了人傑地靈嘅炮台山!😸（來自街坊堅定嘅眼神😎）Store Front 喺陽光之下好美呢☀️比起西營盤、跑馬地同灣仔店新店唔單只地方闊落格調亦變得成熟優雅小酒館Vibe Chill Chill der一排靠窗嘅座位正正對住百年紅磚屋「油街實現」另外加添咗一份淡淡嘅文化氣息🏡Signature 流線型鏡面新店一樣有裝設特別喜歡佢天花嘅圖案設計沉穩墨綠主色以外加咗啲活潑感餐點方面今次新店請嚟咗米芝蓮星級意籍廚師主理🇮🇹相信餐單會有更多種類同變化非常期待😚🔖 Latte House Blend 為得獎配方豆（巴西、洪都拉斯、秘魯）帶堅果、朱古力風味謝謝Barista 妹妹送上美美拉花😚