Coco Fish

一向久不久都幫襯此店，由於市道艱難，驟見有30元的下午茶餐便姑且一試，XO醬豬扒炒公仔麵熱騰騰的來，炒法不算太油膩，豬扒細件但也頗多塊，而且公仔麵質亦很勁道不會太腍，不過怕鹹的人就會嫌味太濃吧，同場追加了兩串沙嗲雞，串起大塊的雞件沾上惹味醬(分開上)可謂極滿足，最後的熱菜蜜亦不遑多讓的大杯好喝，整餐下午茶收$38可能是城中至抵之選了。因為這是下午茶優惠，能適合不少返彈性上班時間的人員及湊放學師奶，眼見做得幾旺市。…查看更多

以前初初開個陣，覺得啲野食好唔啱食，所以都去過一兩次就無去。但前排父母發現佢哋個早餐好啱我，就叫我去試下。然後有一朝嘅早餐去食，發現真係好啱我，我好鍾意。因為佢哋份早餐真係大份又抵食。塊多士係即烘厚多士，份炒蛋大份到好感動，因為我好鍾意食炒飯，特別係半熟炒蛋，佢哋呢份算接近，不過都好正，我媽媽唔鍾意食炒蛋都覺得好食。呢個餐$39/$41我唔係好記得，但呢個價呢個質素真係完全無問題。唯獨是一個問題，就係呢間餐廳啲客唔鍾意攞飛，可能單人客多，成日鍾意一支箭咁衝入去自己坐低，佢部機又擺係入面，搞到好多人無意識拎，衝咗入去，啲職員唔知坐低咗，出面拎飛嘅就走入去鬧啲職員，我每星期去一次都，一個月點都會聽到一次。講真啲職員好無辜，啲客自己衝入去坐低我點知你地係咪識得，但鬧就鬧啲職員無看住，間餐廳成日比人搭檯又係造成啲客會咁樣做嘅原因之一，唔知你追sales定點，你安排啲客去搭檯，下次啲客就唔會理你自己走去搭，就搞到咁亂，不如係呢方面安排得好少少？🤏🏻啲客唔會嘈，你啲職員都做得舒服啲。…查看更多

今日係良景附近行下搵野食🍽，都揸唔定主意食咩，行過呢間cocofish,有一人火鍋，70幾蚊有牛，有盆蔬菜。同佢可以加8蚊有特飲🍹，完全係俾杯特飲吸引，所以揀左呢間。入到去坐得有啲逼，見到好多人都叫左一人火鍋，但因為有啲逼，唔想慢慢係度滾野食，就無叫到火鍋。叫左烤豬頸肉餐同紅咖喱牛腩飯，野飲就叫左椰汁芒果冰同士多啤梨梳打。烤豬頸肉油到不得了，油到有啲食唔到，要過水食。個湯就無咩特別。紅咖喱牛腩飯就太辣，而且無咩香味，牛腩就算幾林。兩杯野飲就幾好飲。整體黎講，以呢個價錢就還可以。…查看更多

14:25落單話30分鐘後取最後14:55黎到先話冇單🫠🫠🫠🙄仲要等佢搵返張單出黎先去整🙄然後佢即刻轉左訂單狀態做可取餐？？？明明就當刻先叫廚房整餐！咁同我自己走到落嚟買外賣再喺門口等有咩分別🤷🏻‍♀️ 提前係屋企落定單就係想落到黎就拎得嘢食係唔差但係咁樣嘅安排同冇外賣平台有咩分別冇左便利既好處…查看更多

今朝再來Cocofish食個普通火腿通粉，跟上次蕃茄通粉一樣有菜粒的，感覺就好像變了小孩子，被迫要吃多點菜😂🤣，蒜蓉厚多士今次邊邊就硬了點，既然兩片都吃不下，只吃了包心也很香口鬆軟😋…查看更多

星期日11點半居然仲有早餐供應，咁就叫左個蕃茄湯底通粉配滑蛋多士，38元又真係幾抵食既，黎到個多士係蒜蓉厚多士喎！😋仲要有成2件咁多，我食左一件已經好飽了🙈個通粉帶有菜粒，好健康下😊面頭仲有肉醬添！…查看更多

去到門口唔見有職員就自己拎飛等位，到職員見到我淨係望住我，又唔叫飛又唔叫我入去，見佢望住我咁耐就行入去，佢先用勁差既態度問我幾位，到落單時係岩岩態度好差既職員黎幫我落單，落完單佢用個身撞埋黎拎返餐牌走，我抱住小朋友佢都可以直接用個身撞埋黎，埋單企左好耐無職員黎收錢，到有一個職員行入收銀但無收錢，佢準備離開收銀時我問佢收唔收錢佢先幫我收，有位職員叫態度差既個位幫手拎飛，佢個樣都可以勁不滿，返工返到咁其實不如唔好做…查看更多

星期日都得2個樓面，店員只叫位同執枱，唔收錢，只會望下你又做其他嘢，幾個人等緊你收錢，其實收錢阻到你幾耐呢，一係你同我講聲等我一陣間，唔係望到有幾個人等收錢，叫埋唔該都唔理人 …查看更多

今曰起身特別想食海南雞飯，所以就落左cocofish食午餐，兩個人同樣點了67元的海南雞飯套餐，套餐有一碗蘿蔔湯，蘿蔔無渣，湯底清甜可口，一碟海南雞，上半是雞腿肉，下面是雞胸肉，兩者分別配搭都總好過全雞胸的，雞腿香滑，雞胸就啖啖肉，再配上一碗很香的油飯，另外還包一杯熱飲。…查看更多

第一次食呢間餐廳見到出面餐牌都幾吸引，所以行咗入去食😂 叫咗一個雜錦越南湯河同埋香茅豬頸肉飯套餐😝兩個嘅味道都正常嘅香茅豬頸肉就甜甜地幾開胃😊😊😊但係杯凍檸茶真係好唔得😅首先我哋本身已經叫咗少甜少冰 嚟到嘅時候係冇覺得佢有少到冰😂然後飲落去係甜到黐線🥵🥵🥵😂佢真係勁甜😂因為真係甜到唔係好落到口😂😂😂😂最後我係飲左勁少😂😂😂所以我諗呢間餐廳係第一次嚟食，亦應該都會係最後一次😂😂😂😂😂…查看更多

我甘耐末試過未食完，問都吾問就想收走個盤。好彩巨雙手準備伶住個時望一望再問要吾要，個刻我真係有d嬲。d待應都好中意同d客吹水，旦真係適可而止。食物還可以，個白蘿蔔湯好得意，好次用開稀50倍的金x雞湯，甜甜地。…查看更多

天氣濕熱，胃口一般。午餐想食粉面就搵咗呢間，叫咗扎肉雞絲船河，湯低一般，食物份量也不多。扎肉味道正常，雞絲又老又硬 😓有炸魚酥，但完全唔脆口，應該炸咗好一段時間。我唔大食，覺得食完好似冇食過😂可取之處就係今日餐廳唔多人靜靜地，算坐得舒服😌。…查看更多

熟客— 大愛呢間既冬陰功豬扒米線食左冇10次 都有12次 上個月去堂食,點知暫停營業,明既 今日見到外賣平台開返,即刻order! 點知….難食到離晒譜👎🏻👇🏻呢碗冬陰功豬扒米線 淨係睇相都見到，啲麵淋既 食落口好似食河粉嘅質地👎🏻成碗野淨係得啲蔥同芫荽 所以 淨係有蔥同芫荽味👎🏻紫洋蔥呢？去左邊呀請問？ P.S 以往一食 就開始標汗 又香又辣而家呢碗？ 食左兩啖已經冇再食 真心難食！！！ 另外 叫親外賣平台唔知點解都會瀉曬跟住一睇 原來啲野飲🙃永遠都冇蓋好 Remark 左請蓋好飲品蓋🙃點知都係瀉既🙃好想問一句 成間舖啲人換曬？ 啲野食難食到咁 黎到仲又又又瀉曬無下次了🙃…查看更多

今天去開良景，就見到一路都好多好評嘅東南亞食品餐廳，當然要入去試試啦！而且剛好是下午茶時段。餐廳裝修有點東南亞風味，座位都算舒適，餐牌有好多相片，我倆點了一個紅咖哩鴛鴦豬扒焗飯，扎肉煎蛋飯配碗仔翅和一個炸豬皮。最開心係可以免費轉飲紅豆冰，噤當然改哂紅豆冰啦！扎肉煎蛋飯中規中矩啦，而碗仔翅就真係唔係我哋自細食開嗰種嘅碗仔翅，連粉絲都冇條，炸豬皮食落都幾脆口但真係有啲油膩。至於個鴛鴦豬扒飯，就等咗超過半個鐘都仲未有，要同服務員催促先至開始送上枱，味道就真係不及大家樂嘅焗豬扒飯，紅豆冰就真係唔錯嘅。總括來說，是一般茶餐廳嘅水準，仲要聽到隔離枱投訴，海南雞飯係用白飯。…查看更多

今日試左良景商場ccol fish, 主打食新坡坡，馬來西亞菜，我地就叫左馳名嘅海南雞飯，有例湯送，個湯ok，有幾舊白蘿蔔，D雞好少，好乾身，切到好幼，好碎，但黑黑地，無乜味，好似唔多新鮮咁，而D油飯口感好差，有點生米，好硬，冇咪，有點好難食。另外叫左個生牛肉船河，d牛肉8舊左右，D牛肉都算幾新鮮，唔靱，湯味濃，河粉都爽口。餐飲叫左熱檸檬水，是新鮮檸檬汁溝成，唔洗用檸檬，唔會苦，都幾好飲。總結海南雞飯真心差，建議大家唔好試！…查看更多