CoCo壹番屋 (淘大商場3期)

營業中

休息中

今日同去咗CoCo壹番屋試佢哋個雙人套餐，貪佢夠抵食又可以試多啲嘢！😆 我哋揀咗C餐，有兩款咖哩飯同炸薯條雞塊，仲包埋兩杯飲品～ 首先講吓個**吉列豬扒庵列咖哩飯**，豬扒炸得金黃酥脆，肉質唔算好juicy！🍛 咖哩汁可以自己揀辣度（我揀咗小辣），辣得嚟又夠香～最正係可以自己任加醃漬！😋 至於**雙重漢堡庵列咖哩飯**就普通啲，整體都算ok～ 但個**炸薯條配雞塊**真係伏伏哋！🍟 薯條淋patpat，雞塊仲要係超市急凍貨色，完全冇驚喜...下次一定skip咗佢！ 總括嚟講，咖哩飯水準keep到，尤其係自選辣度同任加醃漬呢個設計好貼心！兩個人食埋單都係$200頭，性價比唔錯～下次會試吓其他口味嘅咖哩！👍 #CoCo壹番屋 #日式咖哩 #吉列豬扒 #伏味炸物 #自選辣度 #雙人套餐

好耐已經無食CoCo咁岩經過見到九龍灣仲有就食我最鍾意嘅咖哩海鮮焗飯以前只會有蝦而家仲有魷魚 蜆等我比較喜歡以前的蝦面頭的芝士同咖哩汁都唔同晒了但普通咖哩飯就差唔多

這幾天我們全家又去了COCO吃午餐，這已經是這個星期的第二次了！囡囡對他們的兒童餐特別喜愛，而我自己則是COCO的忠實粉絲，尤其喜歡他們的咖哩飯。這次我們點了漢堡咖哩焗飯、炸魷魚咖哩飯和兒童餐的薄餅。囡囡吃完兒童餐後，還說想再吃一塊薄餅，於是我們又點了一大塊！她最開心的是可以選擇自己喜歡的玩具，這讓她的用餐體驗更加特別。整體來說，食物的味道非常棒，咖哩的香氣讓人垂涎欲滴，焗飯的口感也很好。囡囡的薄餅則外脆內軟，搭配的CURRY讓我們一口接一口，服務亦很周到! 兒童餐還提供即棄口水肩

CoCo壹番屋專門食咖喱，而家開到來淘大商場，日日都好多人排隊。難得假期經過唔係太多人，門口攞票，大概等了10分鐘左右就入去了。餐牌圖文並茂，價錢不包飲品，最平加$23可以有一個餐湯或者沙律，再加飲品。特製吉列豬扒庵列咖喱 $103 因為係特製豬扒，所以比普通「吉列豬扒咖喱飯 $86 」貴啲，問店員有什麼分別，佢回答是好食啲。奄列雞蛋香滑，包着珍珠米飯，咖喱可以選擇辣不同的級數，特製吉列豬扒可能真的是貴一些，所以厚肉豬扒入口酥脆，選擇了一級辣度的咖喱，所以不是太辣。流心芝士吉列豬扒庵列咖喱飯 $103因為是流心芝士吉列豬扒，所以比較貴，豬扒是有芝士拉絲的，豬扒炸得不錯，入口甘香。紅酒燴牛肉庵列飯 $83 紅酒味道不是十分濃郁，但由於辣度是揀了第三級，所以入口都幾辣，牛肉的份量非常少，而且牛肉是非常普通的肥牛片，感覺唔抵。可以加水果蜂蜜中和咖喱的辣度。套餐加$23 ，選擇了和沙律和凍咖啡，沙律份量不是太多，咖啡也是非常普通。三個人埋單$343 ，需要+1服務費，老實說，這個價錢可以有更多的選擇，咖喱味道還是不錯的，間唔中嘗試吓還可以。

而家九龍灣人終於唔洗入到mega box 先有得食日式咖哩啦～淘大啱啱新開 coco ！！🩵忌廉汁雜菌咖哩蛋包飯🩵炸蠔菠菜咖哩飯🩵忌廉汁雜菌咖哩蛋包飯本身叫既時候冇咩期待 純粹想食吓蛋包飯咁 忌廉汁好好咁包住咗個咖哩 有白汁既濃郁 + 咖哩既香氣🙊兩重既滋味忌廉汁一啲都唔係茶餐廳hea住而係用心烹調既日式料理味 雜菌都有牛油蒜茸香💦但蛋包飯就冇得揀飯量～不過咁好食係一定食得哂😚🩵炸蠔菠菜咖哩飯炸蠔係期間限定🧐但冇想像咁好食 炸蠔唔係啱啱炸好既熱 但配既洋蔥他他醬係唔錯既不過新開張排咁40分鐘先有得食