影片
港鐵觀塘站 A2 出口, 步行約6分鐘
繼續閱讀
電話號碼
93315808
營業時間
今日營業
全日休息
星期一至五
12:00 - 22:00
星期六至日
全日休息
*截單時間: 21:00
以上資料只供參考, 請與餐廳確認詳情
相關文章
「Cobber Noodle and Mochi」位於觀塘巧明街，整條食街眾多當中超級人氣，平日夜晚都要等位，呢度究竟有啲咩咁出色？就係專注做意粉、燉飯和甜品，而且好抵食又好食，點一個主食就可以用優惠價錢加配甜品、小食等，真係食多啲嘢都唔會肉痛👍更加正嘅就係可以自由斟無限暢飲，只要點套餐就可以免費無限添飲五款餐廳特別設計嘅特飲，包括蘋果微炭酸、檸檬特調、西柚特調、香橙茉莉茶和台灣四季烏龍茶，五款我都試晒，每款有特色而且味道唔太甜，味道清新夠晒足料，坊間其他餐廳少有👍👍▪️主菜+ $20 就可以享用餐包+餐湯+ 沙律兩款餐湯西蘭花忌廉湯、黑松露磨菇湯，味道香濃夠晒健康，牛角包香口酥脆，沙律菜夠晒新鮮配上酸醋汁，夠晒開胃😋▪️芝士焗肉醬意粉 $ 98黐線咁好食，用焗盤上枱熱辣辣，面層是大量燒得焦香嘅拉絲芝士，肉醬香濃美味，配上被芝士和肉醬包圍住嘅彈牙意粉，好味得連醬汁都清清光▪️黑松露忌廉磨菇雞肉燉飯 $ 148Risotto 超香黑松露味道，每一啖都食到所有餡料和Creamy嘅燉飯，而且味道濃郁，配上健康食材蘑菇和雞肉，好滋味▪️馬蘇里拉芝士焗薯蓉帶子+ $ 78個人超鍾意Mozzarella，尤其是焗完之後面層嘅焦香口感，芝士控完全難以抵擋，芝士包住超級香滑嘅薯蓉和帶子，味道絕配▪️脆炸阿拉斯加鱈魚手指配他他醬 +$ 48小食必食推介，外層香口酥脆，鱈魚柳香滑多汁，沾上自家製嘅他他醬，超級好味▪️開果雪糕麻糬 + $ 20最鍾意成隻鬼嘅造型，面層係招牌麻糬，煙靭軟熟，人氣大熱開心果雪糕，沒有不好味的理由▪️焦糖巴斯克芝士蛋糕 + $ 48整晚MVP，焦糖超級香脆而且唔太甜，包住油潤嘅入口即化芝士蛋糕，芝士味香濃得含在口裏味道久久不散，嚟到真係一定要食
繼續閱讀
日前女朋友帶我去左位於觀塘巧明街99號地下嘅新餐廳Cobber Noodle and Mochi。店內主打文青風格，環境簡潔舒適，給人一種輕鬆自在的感覺。牆上的裝飾簡單而有心思，燈光柔和，非常適合與朋友聚餐或情侶拍拖。正如餐廳個名suggest，呢度主打意粉同埋麻糬。首先梗係要試下佢地嘅招牌菜——明太子忌廉三文魚子飛魚子紫蘇意粉。這道意粉口感滑順，忌廉的香濃和明太子的鮮味完美融合，搭配飛魚子和紫蘇的清香，讓人一試難忘。至於另一道蔥蒜香蟹肉炒意粉，蟹肉鮮美，炒得恰到好處，蔥蒜嘅香氣更是提升左整體的味道，女朋友怕肥都話忍唔住食多幾口。至於好期待嘅甜品方面，我覺得焦糖開心果牛奶麻糬值得一試。麻糬口感軟糯，焦糖的香氣和開心果的香脆相輔相成，令人回味無窮。而焦糖巴斯克芝士蛋糕則是另一個亮點，濃郁的芝士味道配上焦糖的甜度，食完讓人心情愉悅。可惜嘅係比較細舊，唔夠喉呀！順帶一提，套餐跟嘅黑松露蘑菇湯都相當出色。我欣賞佢個湯底夠濃厚，松露嘅香氣夠突出。套餐可以自由斟出面嘅飲品。我個人最鍾意雜果賓治，貪佢夠清新解膩，而且唔會太甜！正！總的來說，Cobber Noodle and Mochi提供的食物質素高，服務友善，價錢也算合理，絕對值得一試！
繼續閱讀
一直都好想試觀塘出名嘅人氣店 Cobber Noodle and Waffle！但無奈長期排長龍都未食到，最近發現佢喺巧明街99號開咗分店 Cobber Noodle and Mochi，新開暫時唔使等好耐，即刻約同事去試吓佢！首先餐廳環境行溫馨格調，書架設計簡約又溫暖，加埋整體燈光嘅設計令到整個氛圍令人有種寧靜舒適嘅感覺！呢度一入坐就包咗自由斟無限暢飲，免費特飲好多選擇，今日有台南四季春烏龍茶，巨峰提子伯爵茶，鴨屎香檸檬茶，蘋果微炭酸，西柚特調，我total飲咗四杯，全部都唔錯！Lunch套餐 我哋揀咗：(A)+(B)+(C) 餐包+餐湯+沙律餐湯係南瓜忌廉湯同 黑松露蘑菇湯選擇，我地都揀咗南瓜忌廉湯，餐包係牛角包，鬆軟香脆，沙律幾fresh，南瓜忌廉湯夠濃郁香滑，呢碟前菜組合已經滿豐富滿足，讚！主菜1）黑松露忌廉蘑菇雞肉燉飯呢碟黑松露忌廉蘑菇雞肉燉飯賣相吸引！忌廉汁濃郁香滑，黑松露帶嚟獨特嘅香氣，提升晒整體味道層次。蘑菇同雞肉煮得啱啱好，嫩滑入味，飯粒充分吸收忌廉汁，每一啖都掛曬啲汁喺上面，呢碟燉飯算出色！主菜2）和風火炙帆立貝意粉呢碟和風火炙帆立貝意粉更吸引！帆立貝有火炙過，表面微焦，散發陣陣誘人嘅香氣，口感鮮嫩彈牙。意粉充分吸收濃郁嘅和風醬汁，每一啖都帶有醇厚嘅鮮味，最令我哋覺得印象深刻就係，意粉嘅口感能夠做到手工意粉咁有彈牙嘅質感，唔怪之得本店成日排曬長龍，我諗好多人都會為咗個排隊，係值得嘅！呢碟意粉可做到色香味俱全，驚喜！小食：脆炸阿拉斯加鱈魚手指配他他醬炸魚柳炸得夠脆，配埋他他醬係完美地提升咗炸魚柳嘅風味！甜品1）：奶茶雪糕麻糬拿破崙奶茶雪糕麻糬拿破崙非常打卡able!!!賣相超靚唔捨得食, 兩片酥皮夾住麻糬同奶茶雪糕，口感豐富又好有層次。奶茶雪糕帶嚟淡淡茶香，配合麻糬嘅煙韌，食落去絕對係味蕾嘅享受！糖霜輕輕點綴，令賣相更加精緻，視覺同味覺都充滿幸福感。呢款甜品真係絕對值得一試！甜品2）：開心果巴斯克芝士蛋糕開心果巴斯克芝士蛋糕，上面鋪滿晒爆多嘅開心果仁，為整體增添咗香脆口感蛋糕質地綿密，開心果味濃郁，配上香脆嘅開心果粒，口感豐富，每一口都充滿驚喜，真係令人回味無窮！價錢方面，人均消費約 $250，以食物質素同環境嚟講，屬於合理範圍。如果你係麻糬迷或者鍾意日式風味，相信呢間餐廳會合你口味！整體而言，Cobber Noodle and Mochi 係一間值得一試嘅餐廳，特別適合鐘意特色意粉同甜品嘅朋友。下次再有機會，一定要試埋其他款式。
繼續閱讀
觀塘工廠區向來是美食集中地，人氣餐廳「Cobber Coffee and Tonys Pastry」繼開設 Noodle and Waffle 店後再下一城，開設「Cobber Noodle and Mochi」，店如其名，招牌菜為日本甜品 Mochi；木系為主調，環境雅緻舒適，適合跟朋友閒聊慢活的好地方-🔹牛油果藜麥沙律 $92午市可免費享用自由斟飲品吧蔬菜及車厘茄新鮮嫩甜，水蜜桃香甜多汁；牛油果軟滑細緻，熟成度正好；配搭健康藜麥、香脆牛角包及酸甜平衡的沙拉汁，是一滋味輕食之選自由斟飲品提供 5 款飲料，包括西柚特調、玫瑰荔枝特調、檸檬特調、香橙茉莉茶及台灣炭燒烏龍茶，清新解渴又天然-🔹黑松露忌廉雞肉燉飯 $148午市可免費享用自由斟飲品吧鋪上蔬菜點綴；燉飯煮得軟硬適中，每粒米飯均沾上奶香及稀稠度平衡的忌廉，黑松露味道濃郁，雞肉嫩滑帶微甜，整體配搭得宜又美味-🔹芝士青醬大啡菇 $56啡菇質感軟滑帶獨特的菇香，配上輕量芝士及青醬，是穩陣的組合-🔹番茄意式肉丸 (10粒) (配乳酪) $68肉丸含豬肉及牛肉，緊緻帶鮮肉味道，番茄醬酸甜濃香，開胃美味-🔹開心果牛奶麻糬 $78朋友跟我皆為開心果愛好者，加上餐廳招牌為 Mochi，因此毫不猶豫點選此款甜點以筷子夾起麻糬再沾上開心果碎進食；麻糬軟糯香滑，開心果碎份量足，經烤焗後果香出眾，加入少量糖調味令味道層次再提升，作為開心果迷不會失望
繼續閱讀
如果要喺觀塘聚餐，首選一定係Cobber。佢每間分店都配有唔同甜品，今次就試下佢以麻糬為主題嘅新店Cobber Noodle & Mochi比起其他分店，呢到提供drinks bar, 揀意粉就可以join自由斟無限暢飲，飲品有5種選擇，梳打、果汁、茶全齊，因為係任飲可以全部都試晒，每款都好味，特別推薦grapefruit ale，酸甜清爽，另外亦有茶包提供，熱茶配甜品可以解膩。主食方面叫咗2款意粉Cobber Noodles 辣番茄忌廉大蝦意粉 - 不愧為招牌，每次幫襯都必點！番茄忌廉醬係精華，酸酸甜甜之餘又帶微辣，味道豐富，醬汁濃郁但唔會膩，完美包住每一條意粉。而大蝦亦好新鮮彈牙，肉質仲要keep到粉嫩。和風火炙帆立貝意粉 - 有大阪燒風味嘅醬汁，配上滿滿紫菜碎，芝士醬就炙燒到微焦，帆立貝夠大粒，嫩滑鮮甜。驚唔夠飽嘅話，叫意粉仲可以加$20要餐包＋餐湯＋沙律。黑松露蘑菇湯味道濃郁，滿滿黑松露香，沙律都唔係細細份，仲要唔係普通餐包而係迷你牛角包，加$20 係非常抵食！另下呢間分店嘅甜品係有跟餐加配價，今次就加配$48要焦糖巴斯克芝士蛋糕，另外再叫多份黑芝麻牛奶麻糬。巴斯克個焦糖燒到香香脆脆，入面超滑又重芝士味，甜得嚟唔膩，真係好邪惡。牛奶麻糬煙煙韌韌之餘亦好軟滑，唔會黐牙，啲芝麻粉都好夠香，啱晒唔鍾意甜到漏嘅人。總結Cobber 一如以往冇令人失望。
繼續閱讀