影片
港鐵太和站 A 出口, 步行約10分鐘
繼續閱讀
特色
適合大夥人
營業時間
星期一至日
11:00 - 14:30
18:00 - 00:00
以上資料只供參考, 請與餐廳確認詳情
五星级的質素，茶餐㕔價錢。因這小店剛剛開業2日並在試業中所以來貨較少。大廚阿哥有即煮的堅持和要求，所以要等耐少少。食物水準一流👍香草燒雞須然得半隻，但真係皮脆肉嫩，咬落去係好多汁唔會大乾醬燒猪仔骨好入味又唔太酸又唔乾他們的伴菜好好食餐湯好足料，今日是日餐湯係蕃茄牛肉湯…好正服務員招待得幾好，並向我們餐後取得意見拉希望再改善。👍👍👍午巿套餐~ 主菜🍖 + 餐湯🥣 + 飲品🥤都係$80有找！ 份量仲要大大份！😋少食方面都係$50内有找並有酒店水準😋！誠意推介，香草燒雞，醬燒猪仔骨，餐湯日日唔同，沙津
繼續閱讀
以前經過呢間餐廳都只係做晚市，今日中午經過竟然有午市!! 價錢又唔貴, 決定同朋友入去試一試!! 午市主打意粉同岩石爐燒烤，包餐湯同埋飲品，都分別係$58 同 $88，又唔駛加一，真係好抵!!今日既餐湯係黑松露蘑菇忌廉湯，個湯拎出黎果陣已經聞到好香濃的松露味 熱辣辣香噴噴，蘑菇味濃，係誠意之作! 我地分別叫左三個意粉，一個春雞。蜆肉意粉係是日意粉，岩哂我呢D選擇困難症既人，唔駛諗食咩，當日有咩精選就食~一食落口有D意外，因為蜆肉既鮮味好出，感覺佢保留左蜆本身既汁，完全冇俾白汁既忌廉味搶走，唔會一口忌廉味，食到膩。意粉既軟硬度適中，整體味道非常平衡，亦都好有層次，Yummy!! 唯一可挑剔既就係蜆肉太細隻，不過數量搭救返! 朋友食左個煙三文魚忌廉意粉，呢個質感比蜆肉意粉稠，試左一口，芝士味好濃，又係我的至愛之一，下次再去會叫呢個意粉食!呢個牛尾燴大通粉色+香味都齊全，但因為同我個白汁唔夾，所以我冇試到味。但朋友話好好味，牛尾好入味，加埋蕃茄蓉又係好夾! 燒春雞係岩石爐上面燒，燒得好靚，切開都有肉汁，好嫩滑。D食物睇落好似細細碟，但其實份量岩岩好，唔會食太飽又唔會食唔飽~ 餐廳舖仔細細，但可以用呢個價錢做到呢個質素既食物真係性價比100分!!
繼續閱讀
呢排得閒先打番個食評，呢次真係好難忘要分享下！1個月前幫襯，個晚叫左個2人餐，沙律同烤雞同大蝦意粉都一般般啦，正正常常，又歎番杯啤酒，埋單五百蚊內。但食食下已經食環黎巡，食環咁夜黎巡都唔方好野啦？！諗住又食左成大半，咪繼續食囉，點之就中左朝啦！第二日朝早同同行朋友我地兩個都屙嘔到七彩呀醫生話係食物中毒。不過同朋友諗住2條友又算啦，報都無用，咪當自己唔好彩囉，當清腸胃。食環黎得巡真係有原因，所以大家幫襯前要三思呀！
繼續閱讀
食飯都要食到斷片，我戒左酒喇，唔飲唔飲還需飲﹗啤酒、紅酒、威士忌，我又去左邊呀？太空漫遊返左水星？連飲幾晚就連續幾晚斷片。有幸大廚跟幾位老闆及朋友都正在用餐，而且巧遇大量街坊各跟英雄路過呢，大量朋友間歇性殺出，陣容頂盛。老友聚餐，苦頭扒、鵝乾沙律、蕭春雞、肚已奇雞牛串、燒波士頓龍蝦、英國洋腸、朱安扒、波士頓龍蝦伴龍蝦汁意粉、等等等等。Murviel 紅酒，厚身不澀，少少果香不甜，正是我的口味。Bouteille 紅酒，厚身濃濃，輕輕果甜果香，不澀不俗合我口味。晚飯都未食完已經醉醉地，越傾越高越，越飲越快。熟成斧頭肉眼扒 28 日，苦頭扒的精髓﹗就是真的要讓大廚吃盡苦頭，先隔夜慢煮 12 小時多，再用岩爐慢烤 30 分鐘，要小心亦亦不能太熟不能太燶，火喉要拿捏得準確。非常有份量聚手的斧頭要不停翻騰轉位轉角度，燒完兩把斧頭扒，雙手雙臂想舉起都有點困難呢！請各位食家耐心等候，不要出出入入不停拍照及查察吧﹗油脂不停滲出，使得火光熊熊，氣勢洶洶！全場環繞著香噴噴的烤肉氣味，大家都按捺不住喇！雙刀流必殺苦頭扒終於出現喇﹗兩把斧頭份量足夠餵飽成班餓底食家。各食家舉起手提電話一輪閃光燈不停閃爍後，主廚手起刀落已將肉眼扒切好喇﹗我食開 1 成 rare 到 3 成 medium red 都可以接受，中間位置比較生，越靠邊位就越接近 5 成熟。外層全熟牛味特濃十分有嚼勁，充滿爐火焦香，裡面嫩紅滑滑，顏色奪目，牛肉原味清爽，內外齊趙才能食到真正的味道！再試多幾啖，半肥瘦入口，牛脂甘香滑溜溜不肥膩，潤澤我的乾涸味蕾。脆炸雞件配忌廉黑松露醬，雖然其貌不揚，估不到的驚喜！炸得鬆化的外層，乾爽不硬不油膩，包著嫩嫩多汁雞髀肉，醃味清甜可口，淨食已讚口不絕。忌廉黑松露醬？水汪汪淡淡的，寧願給我三色紅黃白醬更好，茄汁、芥辣、沙律醬。煎三文魚配黑松露忌廉汁，煎到皮開肉綻影響外觀，微脆膠黏的魚皮，演繹方式獨特，食開多是乾身脆卜卜。魚肉嫩嫩的，由外面全熟到中間半熟有著不同的食味。三文魚味道濃郁，搽上薯蓉捲埋魚皮沾點黑松露忌廉汁，撞得精采擦出火花。紐堡大蝦意粉，擺盤精緻細膩，終於有道菜使我眼前一亮！色香味達到高質水平，滑彈意粉吸盡紐堡汁濃厚醇美，可遇不可求！香煎大蝦熱辣辣，生熟情度拿捏準確，甘香爽甜無過火，不老不韌，拍手叫好！讓意粉掛滿汁再捲著大蝦肉品嚐，樂也融融無可挑剔。牛油果帶子沙律，慢煎特大澳洲帶子，兩面金黃焦香微暖，中間保持室溫濕潤嫩嫩，輕輕的調味，能保持純天然帶子鮮甜味！新鮮沙律菜淋上黑醋，酸咪咪地帶著軟滑清淡牛油果肉塞入口，甜酸甘苦辛辣盡在其中。土耳其串燒雞肉，用上雞髀肉格外厚實而鳳脂油潤豐富，燒得雞皮滴出甘油作調味，已心滿意足！土耳其串燒牛肉，肉眼來的嗎？特別鬆軟，肉汁處處牛味香濃。串燒當然唔係拆開食，識食梗係要配上大蔥、洋蔥、青椒、紅椒、黃椒齊齊隊入口！爽甜清香提鮮提味，或跟據個人喜好作不同配搭，撞出各種化學反應，好味又有趣。土耳其串燒豬鞍肉，比起豬鞍扒肉味更濃，更爽彈更多汁！搭埋爽脆甜美青紅椒更加美妙。土耳其羊肉片 Kebabs，淨食有點羶香略咸，沒有土耳其薄餅襯托著，真的美中不足。如果再加鮮茄、紫洋蔥、生菜捲埋，最後添點茄汁及芥辣一齊食，不得了的味道！地中海烤雞，半邊半邊在高溫幸福摩天輪內打轉，望著由白雪雪的雞皮變成微脆亮麗淺啡色，香氣直接由烤箱內噴出，新鮮出爐立即送到！首先處理最重要部位，當然雞髀是也！自撕雞最原汁原味，不經刀鋒所污染，香香的雞皮包著微濕白肉，不乾還嫩，陣陣香草味道作點綴，還可以沾上燒汁或忌廉，別有一番風味。岩石爐烤加拿大豬鞍，多年經驗所得，連骨的豬扒特別香甜味美，而且厚切能保存更的肉汁，依塊好野黎呀﹗烙出有格調的啡色坑紋，份外美觀吸引，烤肉氣味隨著白煙飄送。扒邊位特別焦香油潤，中間位特別嬌嫩多汁，各有所長任君選擇。厚厚鬆化，油脂甘甜，任何位置都每口皆美無投訴。伴碟亦製作忍真一絲不苟！真打鮮薯蓉混入薯蓉粉，咬到粒粒薯肉外還有黏黏薯粉感覺，互補不足，再添加忌廉給多一點幼滑香甜。豬鞍好、肉眼好，搽上薯蓉享用或用薯蓉包著品嚐，同樣超級非凡出色。首次遇到爽脆的甘筍仔呢﹗我最憎食紅蘿蔔或甘筍仔，她們甜淋淋加腍劈劈，但竟然給我有新的體驗。三式英國豬肉腸，芝士、大蔥、蘋果。慢工出細貨，每條都烤得平均焦香，內外滾熱辣，絕無偷懶，誠意可加。烤腸香氣從遠處飄來，我已準備就緒，可以隨時起動！有儀態地刀叉並用，鋸開腸汁滴滴閃令令，先細口細口地嘴嚼，最後為免精華流失，決定狂野地大啖咬更加滋味！正常應該由淺食到濃，在這特殊情況下，我就由大蔥食起，芝士再蘋果。大蔥芬芳香噴噴，芝士味濃咸咸，蘋果清新甜甜酸酸剛剛好。剛才見年青廚師用心地炒洋蔥絲，真的熟透金黃滲出甜味，非讚不可！讓腸仔捲上薯蓉搭埋洋蔥絲吞喰，實在太美妙啊﹗岩石爐燒波士頓龍蝦伴紐堡意粉，隻隻龍蝦成斤重夠份量，連碟都唔夠大，見到都開心！即煮意粉無欺場！全熟彈滑不粉不過腍，被濃稠紐堡包得牢牢，完完全全掛在意粉上，一滴不漏拖進嘴仔內，熱烘烘啜得津津有味！岩石爐燒波士頓龍蝦，半邊龍蝦尾一口塞入，活劏即燒程現爽脆肉質，海水味強烈，蝦味清淡，食其天然鮮味。香煎鵝肝黑醋田園沙律，瘦瘦的鵝肝油潤不足，薄薄煎得略有點散碎，甩皮甩骨，賣相真的麻麻地，連酸咪咪的沙律一齊掃落口，兩啖搞掂，禮成！意式茄汁燴肉丸，絕對係意大利薄餅茄汁。靜態悶悶的表現，沒有高潮的毛毛雨，平淡的豬肉味道，鬆鬆乾乾的質地。蒜香雞翼，有點燶燶的，表面油油的，內裡乾乾的，味道可以但肥美不足。岩石爐烤 1855 黑安格斯肉眼扒，我要 3 成熟 medium rare 的啊，烤得 5 成有多咯。略為薄身的肉眼，安格斯傳統肉味濃郁散發肉香肉甜味，烤焗煎都能能特顯她的個性，香軟嫩濕帶肉汁滿意。搽上忌廉薯蓉更生動更立體，提味提香，天衣無縫。香煎帶子香草醬意粉，帶子腍腍微溫濕嫩半生熟，鹽味強掩蓋帶子應有的鮮甜味。意粉過腍，黏口粉口，香草醬味淡不夠濃，未能滿足到我！辣椒仔汁侍候，酸辣開胃轉眼整碟消滅！卡邦尼意粉，失落的全熟蛋，消失的溫泉蛋，鞋烚烚全熟蛋來的，沒半滴蛋黃汁滋潤唇膏，沒半滴蛋黃汁給我撈意粉。沒煎香脆而釋出油脂的煙肉，硬係欠缺點味道少點香氣少點油香。意粉完整滑滑，混著忌廉汁啜啜還可以。黑森林朱古力蛋糕，大班出品﹗大家都對甜品一般，但對此糕都讚口不絕！香而不膩不太甜，黑朱古力味突出，還有流心在內，真心食得過！
繼續閱讀
今日想食西餐！同老公落去行個圈，見到間新開西餐廳CK Bistro 就入去試吓新嘢！今次真係有驚喜🤪🤪！食物一流😋份量剛剛好👍佢哋個豬鞍,大🦐意粉和烤雞簡直無得輸🥳🥳
繼續閱讀