6
0
0
港鐵佐敦站 D 出口, 步行約8分鐘 繼續閱讀
營業時間
星期一至日
18:00 - 00:00
付款方式
現金
其他資料
加一服務費
室外座位
以上資料只供參考, 請與餐廳確認詳情
食評 (10)
等級4 2022-06-24
617 瀏覽
認識老闆娘SaSa也有好一段日子,很喜歡她爽朗的性格及處事認真的態度,而對食物的要求,更是去到「雞蛋裏挑骨頭」的地步,一係唔做;要做就要做到最好,為達目標、不惜工本。要看一頓飯吃得是否滿意或物有所值,食物質素及價錢是互為影響,很多客人試過一次之後,便成為這裡的常客,我們便是其中之一。早前得知她的店子喬遷,連帶店名也是一新,直至踏足新店,看到風格大轉變,加入了很多新元素;充斥著異國風情,摩洛哥藍色小鎮的縮影、旋轉樓梯、竹棚下的大沙發,令人有一刻身處異地之感,處處都是打咭點。開放式廚房全沒油煙味;可一邊享受美食,一邊欣賞廚師手藝。自家種植香草,farm to table,自然食得開心又放心。如喜品茗,這裏也有多款茶種可供選擇,如花茶、台灣茶、烏龍茶、12年熟普洱茶等等,相信總能找到你喜歡的味道。我們被安排在茶室內用餐,自成一角、悠然自得!這次嚐的是西班牙菜($680/位),共9款小吃;一款主食及INARI靚茶,什麼?以為小吃填不了肚?放心,友人與我兩個大男人也吃得甚為滿足。首先到埸的小吃有橄欖、Manchego羊奶芝士、醋漬鯷魚、西班牙Hamon Serrano火腿及SaSa私人送的脆條。這杯西班牙特飲Sangria 主要成份是葡萄酒加上時令的水果及檸檬汽酒之類浸泡而成,果味芳香,於夏季飲用,份外清涼解熱。羊奶芝士奶濃郁並帶鹹香;橄欖清爽帶甘,醋漬白鯷魚肉質柔軟,開胃清新;而最令我們驚喜的是Hamon Serrano白毛豬火腿做Free Flow,肉質柔潤軟嫩、鹹香惹味;我們不知不覺已吃了好幾碟,認真值回票價!SaSa説每次的Free Flow也不儘相同,keep住有驚喜!好友將三款Tapas放在鬆軟有彈性的酸種麵包上一起品嚐,吃得滿臉滋味,我們也一於照辦煮碗,油香、肉香加上奶香,又真係幾鬼正喎!之後係Pimientos(西班牙青椒),經炙燒後灑上少量鹽花,去除了令很多人卻步的生澀味,帶出獨特清甜味,非常不錯。加泰隆尼亞蕃茄麵包(Pan con Tomate),在西班牙是非常普遍的一種食品;因在麵包上塗滿大量蒜蓉及蕃茄醬,非常惹味;想再豪華一點,可鋪上一片白毛豬火腿,那可真是人間美味呀!炙烤章魚腿沙律(Octopus salad)份量非常之多,爽甜的三色椒伴煙韌彈牙的八爪魚粒,非常吸引。這個肉丸(Albondigas)用上牛肉及羊肉製成,據説味道香濃而入味,友人竟可一口氣吃盡9粒,還有點意猶未盡,味道可想而知。這個薯仔蛋餅(Tortilla)蛋味香濃,外層煎至金黃香脆,內裡仍保持濕潤,好吃又飽肚。這個西班牙油蒜大蝦(Gambas)用的是新鮮大蝦,加入適量的檸檬汁及油蒜,便是一道美食了。最後出場的,便是主菜西班牙大鍋飯(Paella)了,這是一道經典的西班牙米飯;將所有材料放在一個平底鍋中烹製而成,當打開蓋後,散發出濃郁的香氣;食材非常豐富,包括米飯、大蝦、蜆肉、青口…等等。金黃色的飯粒非常誘人,粒粒煙韌有咬口,海鮮用料靚,吃了兩大碗才心滿意足!餐後以INARI 12年熟普洱茶作結尾,這茶色澤紅褐、陳香純正、甜醇濃厚有回甘,餐後來一泡最是適合不過。據說某些日子已被訂滿,想一嚐這個西班牙菜單的話就要預早訂座啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-14
362 瀏覽
喜歡吃西班牙菜的我一知道好友SaSa推出了西班牙私房菜當然第一時間去捧場啦!最終這天一行四人也吃得非常痛快叫我們回味不已。地點正是Circus Kitchen一個充斥異國風情的味道,是個有著攝人味蕾的魅力更擁有濃濃人情味的好地方。Circus Kitchen除了美食外還有靚茶葉出售,另外亦照顧到客人所需寄賣手作飾物、優質手作天然肥皂、Hand Cream、潤唇膏和等,最適合有濕疹敏感皮膚問題的朋友選用,我也正用它的Hand Cream帶淡淡花香滋潤不黏立感覺好正,所以喜歡Shopping的我每次來也會有收獲的哈哈。這天最吸引我必定是這隻來自西班牙的Hamon Serrano白毛豬火腿,最重要是Free Flow今次真的發達了!Sa Sa每場西班牙菜也會特選一些美食做Free Flow的所以回本非難事!另外還有很吸睛的Manchego羊奶芝士。我們被安排於茶室位置用餐四人自成一角吃得舒適又自在。先來杯西班牙特飲Sangria Chill Chill先,一喝便知用上靚紅酒加新鮮水果來調配味道超吸引。這天的西班牙菜單收費為$680/位,共有9款Tapas一個Main及INARI靚茶絕對能吃得滿足而走,先上檯有我喜歡吃的Olives還有SaSa私人醒的脆條用來配Sangria一流。這個矮胖的鼓形Manchego羊奶芝士外殼呈現獨特的暗稻草色,上面保留著壓榨模具上的精緻的花紋賞心悅目,吃下口味溫和不羶帶有堅果和奶油糖果的香氣,我喜歡加配蜜糖一同品嚐味道層次更高。緊接著是Boquerones即西班牙鯷魚是也,白醋來醃漬的鯷魚味道清新可人非常開胃。然後來到我至愛的西班牙Hamon Serrano白毛豬火腿,這隻火腿味道較清但勝在脂肪均勻口感也豐富,這口味佐酒或淨吃也非常合適,我就貪心點一次過將三款Tapas放在外脆內鬆軟Sourdough一起品嚐,那個口感真是叫我超級滿足啊。再來是一大碟Pimientoes即是烤小青椒,經過炙燒後的青椒更為清甜,只灑上點點鹽花調味已是人間美食了!再來這份Pane con tomate看似清淡,其實是在香脆的Sourdough擦上西班牙蒜頭再配以清甜的番茄蓉,好吃到不得了如果您愛蒜香的話。這個西班牙菜單的食物真太合我心意了吧!因為接力的Octopus salad又是我愛吃的菜式,四人份量多到差點兒吃不完呢!新鮮清甜的三色波椒沙律味道舨香清新又脆口,配合煙韌味道鮮美的八爪魚粒口感勁豐富。還有這個車爸爸專享的Albondigas即是肉丸,用上牛、羊肉自家製作的肉丸好吃到被他一人吃光光,嘴巴很誠實好味程度不需多講了。然後到這香氣撲鼻的Tortilla薯仔蛋餅,金黃色的蛋餅味道焦香內裡夾雜著軟滑薯片,喜歡吃香口食物的朋友必定喜歡這Tortilla。Gambas西班牙蒜頭蝦已經去殼吃得暢快,那已開背捲曲的粉紅色的大蝦吃下蒜香十足,那汁醬用麵包沾來品嚐更令人神往。吃過超豐富的Tapas後其實已經飽到不行但還未吃主菜Paella!打開剛煮起的西班牙海鮮飯那鮮氣直搗嗅覺太誘惑了吧!用上小鐵鑊上檯賣相精緻不少,Paella內有肥美青口、沙白、彈牙虎蝦、魷魚圈等新鮮食材,充滿海洋味道的米飯又怎會不好吃呢!6月12號是我跟車爸爸的結婚週年紀念日預早討個小驚喜給他,多謝SaSa臨時臨急也送給我們窩心安排。餐後還有INARI Tea作結尾這天我們得到的是Seaside Honey,這種烏龍茶生產在台灣在菠蘿和香蕉田周圍種植,加上獨特的蜜糖香氣口味順滑醇香。如想品嚐這西班牙菜單就快快訂座喇!皆因限量精緻供應必定預約困難喔! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-20
429 瀏覽
去到位於傳說中嘅尖東廁所三個位附近,入到一座有lift 的唐樓上到頂層。 就去到一個超有摩洛哥色彩嘅餐廳,好似去左旅行咁。 景觀超開揚,估唔到香港天台可以佈置得咁有特色,咁悠閑。 我哋book咗下晝1:30食lunch, 店主非常貼心地見到我哋一坐低, 就即時上前菜,仲會介紹菜色。 仲會不時上嚟睇吓我哋食完前菜未, 見我哋食完先會再上主菜同甜品。超好服務! 鵝肝慕絲迷你法包配上鵝肝醬,十分高貴大方。 鵝肝醬帶淡鹽味、陪埋新鮮的紅桑子,啡中一點紅令成個前菜增加了繽紛的色彩。 法國田螺法國田螺,估唔到比咁多隻,仲要粒粒都勁大粒。 田螺充滿鹽水味、用了basil pesto青醬去伴田螺,幾創新的配搭。 但自己都係比較喜歡傳統做法嘅薯蓉焗田螺多d。法式紅酒燉牛肉成盆好多色菜、好多配菜。 牛肉煮到好冧,好入味。 牛味好出,醬汁一流。 另外,再送上牛油同法包比我哋享用個紅酒牛汁,無得嘆! 煎鱈魚店主介紹由冰島空運回來的鱈魚,完全無落海鹽、食到的鹽味係海水中的鹽份。無添加、純天然海水味、煎得魚扒非常香脆,再加埋四色配菜一流。 焦糖布甸🍮好有日本焦糖布甸嘅感覺! 焦糖汁佈滿整個雞蛋布甸上, 入口超濃蛋香味,布甸口感唔會過硬,亦唔會過軟。 入口透心涼。 朱古力流心蛋糕(心太軟)估唔到店主用一個器皿來裝住,好似盆裁的表達方法。 泥土上放上一朵鮮花。朱古力唔算太甜,中間亦做到生朱古力。可惜沒有流心,有點失望。 離開時,詩房菜的主人sasa ,上了天台送左杯自家研發的鮮橙coffee,比我哋意見及傾計。 原來她已經創辦了此私房菜4年,最近1年才搬到這座大廈頂樓。 她除了做此私房菜外,亦係專業攝影師、還在工聯會教過班。 現在仲做埋茶室及賣自家製麵包賣,百足咁多爪。 認真厲害👍🏻 繼續閱讀
(以上食評乃用戶個人意見 , 並不代表OpenRice之觀點。)
生日飯自己揀餐廳自己訂枱自己點餐是正常事。尼間隱世私房菜要預早三日訂枱,訂完枱仲要即刻點埋餐。之後先知完來所有食材都係法國訂返尼,所以先要預先點餐以預訂食材。餐廳位於尖沙咀,有室內及室外既座位,但每天最多接待12位客人,食生日飯當日只有我地一枱客,可以成個場慢慢影相。坐底左好快就上左頭盤,我留左remark 如果有磨菇湯就會飲湯,否則只係要一份頭盤,結果真係有磨菇湯。店主sasa 仲問我地要一碗定兩碗,係我同我老公都好鐘意飲既磨菇湯咁梗係要兩碗啦。磨菇湯尼講佢係比較厚身,厚到好以乳酪咁我真係第一次飲,係真材實料但我個人比較鐘意有少少磨菇粒可以咬下。另一份頭盤係半打 escargot,佢d 螺真係好大粒,而且粒粒都充滿左青醬好好味,用尼個青醬點面包都好滋味。食緊頭盤時已經聞到佢地煎緊主菜既魚,原來係銀鱈魚,塊皮煎到好香脆,食落口啖啖都係魚油好塊正。而配菜方面用左brussel sprout,我明明記得我响外國食過尼個菜係有陣奇怪既草腥味,但尼度煮到佢好有鮮味,到底係品種唔同定係煮法唔同呢?除此之外仲有一塊樹葉威化餅,造形就係一塊樹葉,但食落係就真係餅乾尼既。另一份主菜揀左素食精選,類似紅菜頭牛油果他他及乳酪,配上大量食用花,感覺特別新鮮。紅菜頭尼講尼我又係唔鐘意食既,响澳洲買漢堡包就成日都會用紅菜頭當係酸瓜咁夾入去,我一定會走左佢。之後發現佢好有益就試過榨汁飲,仲要溝大量蜜糖我先飲得落,最好味係榨左汁撈雲尼拿雪糕。但尼個紅菜頭,我真心唔知佢係點樣調味,好好味,好味到我唔洗溝牛油果我都食得落。乳酪就較為普通但都有有一塊樹葉威化餅。甜品方面叫左個萍果撻,即刻焗好真係好熱咁就炳到個咀。賣相唔算好吸引,只有薄荷葉及龍珠果點綴,但口味係100分。甜品尼講實有少少甜,但配上萍果既酸味咁就可以平衡返。每一碟食物睇落份量都好少,但食哂原來都好飽肚。食飽可以慢慢影下相,戶外方面一邊個外國風一邊係舒適既梳化椅,室內的話兩條樓梯一樣咁吸引,絕對適合打卡。另外,餐廳仲有賣茶葉及曲奇,茶葉主要係供應比酒店,曲奇都係訂貨較多。咁啱今日曲奇有現貨就買左一盒,係抺莉花檸檬漬味,啲檸檬漬又係法國入口好香甜好好味,但價錢較高。店主話佢尼緊諗住推出tea set,真係好令人期待呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-18
261 瀏覽
好開心去左呢個餐廳到食私房菜,去到好有驚嘉,店主係個有品味既人,個地方無論係佈置香薰擺盤定顏色上都好到位,真係好睇又好食😊不時又同我地講解菜式同花,而且佢地菜式上既花同葉都係可以食🥰除左食到好野仲睇左好多靚相🤩 繼續閱讀
(以上食評乃用戶個人意見 , 並不代表OpenRice之觀點。)