257
22
22
所有分店 (2)
電話號碼
21165128
開飯介紹
2017年首奪米芝蓮車胎人推介的意大利菜餐廳,由米芝蓮三星大廚Bombana擔任總廚顧問,主打家庭式Pizza、自家製手工意粉、麵包同甜品等等。 繼續閱讀
營業時間
今日營業
11:30 - 21:30
星期一至日
11:30 - 21:30
付款方式
Visa Master AlipayHK 支付寶 現金 八達通 AE 銀聯
座位數目
160
其他資料
網上訂座
酒精飲品
自帶酒水 詳細介紹
切餅費 詳細介紹
賞訂座積分
加一服務費
當面支付
有關獎賞計劃
食評 (324)
中環嗰間CIAK就食過好幾次,呢間太古城分店就第一次食。星期日預先訂左位,佢分兩個時段,12點同1點半,我哋食1點半。黎到好快有位。星期六日都有午餐,叫Leisure Lunch Menu。兩道菜$238,三道菜$268,唔包茶或咖啡,另加一,真心唔平。今日為左薄餅而黎,我哋叫左兩個三道菜午餐,包頭盤,主菜,同甜品,另外加個大薄餅分享。先黎一個麵包籃,真心嗰句,個樣好似拎去掉嘅麵包咁,放到亂七八糟,不過食落少少脆皮,都可以嘅,枱上面有黑醋同橄欖油俾你點麵包。頭盤三選一,湯係甘荀湯,我地麻麻就揀左另外兩個頭盤。傳統凱撒沙律配慢煮雞胸(跟餐)傳統凱撒沙律配慢煮雞胸份量唔少。慢煮雞胸三塊,質感算嫩口。羅馬菜新鮮爽脆,沙律醬啱啱好,上面再灑上煙肉碎同芝士片,可惜啲麵包粒係腍嘅。煙三文魚配醃紅菜頭,九芽菜及刁草乳酪汁 (跟餐加$40)煙三文魚三大片,味道正常,鹹香煙三文魚配下底幾塊甜甜哋紅菜頭平衡啲。刁草乳酪汁好味,配煙三文魚係絕配。九芽菜味道麻麻哋。呢款前菜要加$40好似貴左啲,性價比麻麻。主菜5選1,一定要試試薄餅!自選雙拼組合薄餅7吋(跟餐)口味五選二,我哋揀左Prosciutto Formaggi同Norcina。薄餅一客六塊,每種味三塊。右面係Norcina,即係自家製豬肉腸仔拼蘑菇芝士。自家製豬肉腸仔切到好細舊,好似肉丸,冇乜質感,味道就係鹹,反而蘑菇粒大少少,芝士係拉絲嘅,但係略嫌芝士份量比起餅底厚度唔夠多,味道就可以啦。左面係Prosciutto Formaggi,即係四種意大利芝士配風乾火腿。風乾火腿一塊,味道鹹香。四種意大利芝士唔知係邊四種,份量都係麻麻哋咋喎。呢度嘅薄餅曾經係我認為係香港數一數二好食嘅薄餅,係寫明36小時自然發酵。不過我懷疑呢間分店冇火爐,所以個餅底雖然都脆嘅,但係冇以前咁薄脆,差好遠,真係連Mamaday嘅薄餅都比唔上。炭燒安格斯西冷配茄子蓉,西班牙青椒及燒汁(跟餐)見到炭燒安格斯西冷居然唔洗加錢當然要試試。塊扒都幾細塊,都有炭燒味嘅,叫左三成熟,都算整到,不過肉味麻麻哋而且唔嫩,失望。燒汁味道唔出。反而配菜令人滿意,茄子蓉賣相似鯪魚滑,味道唔錯。西班牙青椒有六隻,整到腍哂,新鮮好味。Four Seasons $280 另加一呢個係主餐牌嘅10吋薄餅,寫明係香辣鮮蝦,燒牛肉,香草番茄醬芝士薄餅。一客八塊,每個季節兩塊。Toppings都幾令人失望,兩隻鮮蝦又唔大又唔爽脆,好明顯唔新鮮,仲要唔香辣。燒牛肉得啲細細粒肉粒,都冇乜牛肉味,似肉丸咋喎。另外有青瓜片同車厘茄,都好普通咋喎。芝士又唔夠多,有幾款唔同顏色嘅醬,主要得啲番茄醬係夠味。真失望。點對得住個價錢?朱古力餅配咖啡忌廉及意式芝士蛋糕雪糕(跟餐)甜品2選1。由於另一款甜品實在係太平平無奇,所以我哋都揀左朱古力餅配咖啡忌廉及意式芝士蛋糕雪糕。好彩,因為呢款甜品好好味又特別。原來係兩塊厚厚哋嘅朱古力餅包住中間唔係好知係乜味嘅雪糕,上面擠左啲咖啡味忌廉,再加上朱古力味薄脆,仲有少少金箔。傍邊灑少少朱古力碎餅同朱古力粒,仲有咖啡味忌廉。雖然雪糕本身味道麻麻哋,不過成份甜品一齊食就好似Tiramisu嘅變奏,多重口感同味道。服務正常,不過呢度冇餐巾或紙巾,唔太方便。裝修中上,座位正常。但係價錢貴而薄餅質素唔成正比,下次唔會再為左薄餅而黎。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-08-18
356 瀏覽
這個三人聚會由年初相約🤝取消❌相約🤝取消❌,不是限聚就是家中有事,半年後終於見面了🥰朋友是西餐愛好者❤️選擇了這家三人都是初次到訪的意大利餐廳🇮🇹Pizza 🍕 是必食,4種芝士互相交織加上火腿的咸香配合,無得輸😋帶子一向不是我的至愛,但這個帶子略為煎香,意粉🍝也沾滿油光,比平時食到略為乾身的多了一份油香😌鱈魚🐟細滑鮮美,沾上醬汁也不會掩蓋了魚味,份量略細😅用上意大利黑醋調味🥗好好味😋沒有過甜,但仍沒有過人之處🍮看得出甜品無論款式或擺設都很用心,但沒有什麼驚喜或特色,跳過甜品也不是損失🤷🏻‍♀️值得一讚的是服務態度好和專業👍現今社會氣氛下,這點很重要‼️ 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-05
1175 瀏覽
今日真係嬲到特登為咗呢間餐廳開個account寫食評首先去到門口向店內waiter示以兩位 waiter只係眼望一望之後就開 佢又唔係忙緊之後企係到之後去到餐廳問可唔可以坐梳化位個阿姐話"你睇到喇我間舖得三張梳化 要做十幾日前訂" 咁我都算心諗算啦又唔係成日嚟阿姐再問我要咩水我答佢"2杯水唔該其中一杯要暖水"佢之後又話等齊人先我心諗唔係你問我要咩水? 唔係而家畀㗎好啦 點餐嗰陣時問佢牛扒你哋間餐廳medium係七成熟定五成熟佢又串串貢話所有medium即係七成熟 講到好似我唔識咁 意思話係人都知 我都係問句啫問佢牛扒喺鐵板上定係碟上 又話鐵板唔係叫依啲餐 咁你答我碟上咪得囉order甜品時我2款要晒佢自己講錯話同一款我糾正佢時佢又話佢自己冇錯最後仲搞笑行開咗之後唔知係咪條氣唔順又走返嚟講medium係幾多成熟 medium rare medium well 話佢喺加拿大人人都係咁叫牛扒 總之呀姐啲態度真係令人嬲到爆其實個話題一早完咗喇 阿姐洗乜咁在意食物方便可以唔使再去食啦 碟 risotto 2個人都因太鹹食唔曬 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-04
2076 瀏覽
每次經過太古城中心二樓,見到這間意大利餐廳都有很多人排龍,心想它的水準應該不錯,可以一試。今天便來試試,原來set lunch都有很多選擇。先來麵包,估不到是暖呼呼的,外脆內軟,充滿麥香,配合橄欖油和黑醋汁,十分醒胃。前菜方面,我點了蘑菇湯,每一口都是蘑菇味,很有質感,不是水汪汪的。友人點了火箭菜很清香,豬腩卷竟然十分香滑,不是平日吃的火腿質感,友人說好吃到停不了口。主菜方面,我點了「香煎紅立魚」,魚肉十分嫩滑,魚皮煎得十分香脆,唯一美中不足是分量太少了。友人點了「炭燒西班牙黑毛豬」,他說外皮燒得十分香脆,豬肉肉味香濃,唯一美中不足也是分量太少了。甜品方面,我點了「檸檬忌廉蛋糕」,檸檬醬清新怡人,配合蜜糖雪糕,完全沒有負擔。友人點了「雙重朱古力蛋糕」,朱古力味特別香濃幼滑,配合香草雪糕,滑上加滑。如果這份set lunch能包埋餐茶就完美了! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-06-20
2105 瀏覽
不得不說呢間餅地做的真的很出色陪朋友黎左呢度慶祝下生日,係一次唔錯嘅體驗。環境舒適,好適合慶祝任何節日。餐前麵包係每台必有,個麵包鬆鬆軟軟帶有餘溫,本身已經好好食😋再搭配黑醋橄欖油汁更是令食欲大增。牛油果 Tartare食材清晰可見,一層炸脆絲,二層生牛肉,三層牛油果。口感極致,實在係大有驚喜,如果下次黎會再叫呢個!擺盤也非常用心,肉質鮮嫩,牛油果亦都好新鮮。水牛芝士薄餅配羅勒番茄醬超鐘意佢地嘅餅地,做到外脆內軟嘅口感。水牛芝士搭配羅勒番茄醬,番茄嘅味道濃郁但又搶不走羅勒嘅清香。總的來說,清新且不油膩,係個好好嘅組合。意式燴豬肉自家製三角扁麵呢個擺盤睇落去就稍微求其咗少少 🤣麵嘅口感比較硬身,味道就冇咩特別。Order左5成熟嘅炭燒A5和牛西冷扒,肉質juicy鮮嫩,口感軟林。最後趁朋友去洗手間偷偷地order左個甜品(好似係朱古力三重奏)帶有少少微鹹嘅榛子味,好濃郁,甜品嘅餅地、雪糕做得可以講係非常之用心,雪糕入口順滑,甜而不膩,食得好開心。店員很nice願意在甜品碟上寫上happy birthday 等字體。係我地食完所有嘢嘅時候,更是默默地係朋友背後準備一個小小嘅驚喜🤣 繼續閱讀
(以上食評乃用戶個人意見 , 並不代表OpenRice之觀點。)