6
0
0
開飯介紹
以星空作主題,做出造型漂亮的彩色蛋糕及馬卡龍,非常適合拍照。 繼續閱讀
營業時間
星期一至五
10:30 - 19:30
星期六
10:30 - 14:30
星期日
全日休息
公眾假期
全日休息
付款方式
Visa Master 現金 AE 銀行轉賬
食評 (7)
等級4 2020-09-17
688 瀏覽
訂咗呢間蛋糕店第二次喇😍上次買咗鏡面蛋糕 今次就係星球蛋糕 好多謝班fd咁好訂比我😚真係好工野 整得好靚‼️估唔到係男店人一個人一手一腳整出嚟 好勁🤩仲好好人 次次都送macarons比我地💙🧡.Lost Star🌟 6” $750 8”950 +$20(生日牌蠟燭套裝)口味有兩款 今次揀咗Bailey’s Chocolate🍷朱古力星球外殼 係黑朱古力 所以唔會好甜😝內餡係朱古力肉桂慕絲,朱古力百利甜酒杏仁蛋糕,百利甜酒奶凍同朱古力脆脆底🍫成個蛋糕都full of朱古力 個殼整得好厚 朱古力控一定鍾意🥰mousse嘅肉桂味好濃 同朱古力味又幾夾🤤蛋糕口感比較結實 可能因為用咗杏仁粉🤫個奶凍好好食好滑 有奶味又有淡淡嘅酒甜味😋成個蛋糕個bailey味都偏淡 不過唔飲酒嘅朋友就話個酒味幾出🤪夾埋咁多個layers一齊食味道層次都好豐富✨mousse+蛋糕+奶凍+脆脆 朱古力+肉桂+杏仁+百利甜酒味🥳真係好有心思 不過始終都係朱古力 食得多都幾溜🙈蛋糕面同埋個底盤啲裝飾都係朱古力 不過好彩係黑朱古力 除咗個白朱古力環🤣.唔只個外殼畫得真係好靚 連啲星球波波都畫得好似💯小型星球同中型星球都揀咗地球🌍細嗰粒係朱古力🍫大啲嗰粒入面係朱古力脆脆😈托盤仲灑咗好多朱古力脆脆,金色朱古力粒粒,金色爆炸糖,同埋金色榛子果仁🌰成個蛋糕真係好似藝術品咁靚🎨店主仲送咗兩粒macarons比我地:血橙士多啤梨同埋藍莓棉花糖味😚前者有啲似yogurt味 後者就偏甜🤓 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-27
2695 瀏覽
Chroma ,中秋節就梗係要買啲嘢俾屋企人同情人啦,我就訂左呢間嘅雪糕月餅,味道同普通嘅雪糕月餅都差唔多,不過佢真係整得非常非常非常漂亮。同老闆傾開計,先知原來佢自己 一個包辦晒設計烹飪Marketing嘅工作,好有心機嘅一個甜品師傅,始終放棄自己原本嘅職業去開業做自己生意真係唔容易,希望佢生意越嚟越好。各位如果要買嘅話可以叫佢比冰袋,費事你拎到返屋企就會溶左 。佢有其他甜品,我之前睇相都覺得幾靚,但係未有機會試,各位如果想問佢攞catalog 可以WhatsApp佢,叫老闆send個list俾你,揀啱就轉賬落order ,都幾方便。 繼續閱讀
(以上食評乃用戶個人意見 , 並不代表OpenRice之觀點。)
這家的蛋糕在to-try list也一段時間了,最近終於碰上sale和適當的日子,馬上訂了來試試。選擇蛋糕口味的時候,因為擔心長輩們不太好甜,whatsapp問了店家哪款比較不甜,就直接訂了這個season of love FW~馬卡龍則是隨心地選了四個比較大眾化的口味。約好提取的時間,說明了想要一個生日牌~拿蛋糕那天時間很趕,而樓下有點難停車,因為附近都是大貨車經過,只好匆匆上去拿。位置不難找,裡面也很乾淨。蛋糕和馬卡龍也連同乾冰放在保溫袋,十分細心。蛋糕分三層,分別是抹茶、焙茶和chestnut。蛋糕比想像中⋯⋯⋯真的一點也不甜。男生們都在連連叫苦⋯⋯可是我覺得其實這種茶味剛好耶,至少我雖然已經吃好撐但也把蛋糕吃完了!(還是是因為我們先吃了蜜瓜和雪糕了?)馬卡龍我只是淺嚐了四分一顆,有點甜,但馬卡龍基本上都這樣的吧~外表是絕對得分了,好夢幻啊有機會會再訂的~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-23
2224 瀏覽
佢地既Macarons真係好夢幻好靚,少女心即刻出曬泥,咁啱見到佢哋做sale實在忍唔住要衝去買啦!小編今次就一次過買左9粒返泥試下。1️⃣太陽尼一個係血橙士多啤梨,雖然對於個配搭真係冇乜興趣。不過張相裏面嘅圖案就超級靚。小編唔知點解食到個馬卡龍皮有檸檬味,佢隻醬有好濃既士多啤梨味,酸酸甜甜咁小編超級鐘意。不過唯獨係血橙未就真係唔係好食得出啦!2️⃣星空爆炸糖嘅馬卡龍到底係點嘅呢?真係超級想知丫!落幾特別下因為從來都冇諗過原來爆炸糖係可以夾馬卡龍,雖然個組合有啲古怪但其實都幾特別下。馬卡龍裏面夾住咗一啲提子味嘅爆炸糖,食落又唔會太甜,不過除咗中間嗰度有爆炸糖之外其他地方都冇。另外整體來講呢一個馬卡隆唔單止靚又夠特別,重點係唔算太甜。3️⃣水星棉花糖味嘅馬卡龍好似好甜咁,馬卡龍食落都幾甜下。有微微嘅棉花糖味,亦都有藍莓味,不過藍莓味就比較突出。而且馬卡龍甜得尼帶少少酸。但係對於小編來講呢個都真係甜左少少。4️⃣地球買嗰陣都心大心細咁,海日鹽雲呢拿會唔會好奇怪架?不過又好靚喎!馬卡龍食落有少少鹹鹹地,小編真係唔太接受到,不過佢尼隻醬食落除咗好滑之外,有好香嘅雲呢拿味。香到好似有落到雲呢拿籽落去一樣,尼個應該係最唔甜嗰個。5️⃣火星尼一個係最有期望嘅一個,佢尼個玫瑰荔枝紅莓組合我真係超級鍾意。佢同哈根大師隻雪糕嗰陣味真係超級似,基本上係完全一啲分別都冇。佢隻荔枝味冇嗰隻咁濃。起碼呢一個馬卡龍冇令到小編失望,同小編嘅預期都差唔多。6️⃣海王星呢一個係乳酪味,食落乳酪味就唔算好重,最緊要係佢比平時出面市面嘅冇咁甜。個樣係漸變色都幾靚下,不過就唔算話太特別。尼一個絕對係一個保守嘅選擇,一定唔會中伏丫!7️⃣春天小編雖然好鍾意花,但係從來都未試過紫羅蘭係咩味。尼一個聞落既雜莓係超級濃,食落除咗有啲酸之外隱約間都可以食到有少少紫羅蘭嘅味。其實都己有驚喜下,因為小編本來諗住係完全一啲紫羅蘭嘅味都冇。8️⃣幸福見到櫻花兩隻字已經即刻衝左埋去,小編作為一個櫻花控真係幾鍾意呢一個。雖然佢係櫻花清酒味,但係櫻花味都幾突出下。不過唯獨有個缺點就係佢面頭嘅顏料好容易會甩色。但係呢一個其實都算有少少偏甜。9️⃣夕陽血橙雜莓龍舌蘭?小編真係完全估唔到係咩味,不過鬼叫佢個樣靚咩。食落依舊都係唔覺有血橙味,不過佢啲cream就有好香嘅雜莓味。而佢亦都有好濃嘅酒,不過由於佢係得中間先有,嗰個位食落小編覺得好似苦左少少。整體來講都唔錯除咗嗰個位之外。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-09
1391 瀏覽
因為生日的原故,食完晚飯 收到一盒由友人送的CHROMA 星空馬卡龍,一打開盒的確係好靚既,大家都即刻拎電話食左先!唔同顏色係代表唔同星球,同唔同味道,好多味道都好好味,無記錯有海鹽,青檸,玫瑰等等,我最鐘意係青檸,酸酸甜甜好清新!😋 繼續閱讀
(以上食評乃用戶個人意見 , 並不代表OpenRice之觀點。)