Chop Steak (已結業)

今日過開嚟旺角, 男朋友話上次行過已經想試呢間, 裝修好似幾新, 印象中應該唔係開咗好耐, 因為上幾個月行過嘅時候都冇見過呢間餐廳🤔 就同男朋友試吓新野啦🤗等咗大概5分鐘先入到去坐, 已經揀好想食乜。男朋友就叫咗安格斯牛肩胛, 我就叫個草飼頂級西冷呢度嘅set係加$20 有齊田園沙律, 餐湯, 薯條任裝。唔好意思呢個已經係切好件扒候補影嘅相🤦🏻‍♀️ 食鐵板預咗油煙大㗎喇, 但呢件扒上到嚟啲油真係彈得好犀利, 完全無辦法落到手切😓 餐廳嘅排煙亦都做得好差, 陣味好犀利揮之不去🙊 薯條沙律都係普普通通, 咁嘅價錢其實都冇期望太大, 應該唔會再嚟第二次喇..

經過見到鋪面幾靚，諗住食物質素應該唔錯，點知唔試唔知伏，金玉其外，敗絮其中！未試過一間餐廳會咁伏！今次主要食甜品，叫左三樣野，全部質素極差，雪糕$12至$18一球，原來係雀巢，甜品menu比雀巢貨，無病嗎？然後個$48 pancake 食落極硬，極乾身，好似喺超市買番黎解凍既質素，m記個熱香餅好食過佢多多聲。最後個$48 心太軟，個皮又係極硬，其實我去得餐廳食甜品，真心唔會想食d超市/便利店既質素既貨色另外服務都極有問題，我同frd兩個人食，你比一對餐具我😊然後甜品食哂雪糕都未上，原來唔記得左，但成間鋪連埋得地得3台客，咁都可以唔記得，其實有冇心做架？未試過去一間咁離譜既餐廳！

唔係講笑 冇食過咁好"咬口"既牛扒肉眼仲要有筋！！！西冷非常堅韌blacklisted ！！！為左佢第一次寫食評實在太伏！！！大家唔好因為見平衝入黎後悔莫及呀！！！！

已經吾知點形容好但點都要記錄一下今晚3個人食糖水叫依間有位就入左去點知......價錢黎講算係普通外表都算好但睇得吾食得兩個食pancake 似食熱香餅一個食心太軟 個軟心係甜到食到一半吾食心太軟已經係貴 加雪糕仲要加$12蚊都算心太軟要等15分鐘但個雪糕已經到左.....咁都算，個雪糕完全係冇咩味個味仲要怪怪地咁再試下d cream ， 好似食緊d膠咁唯一好食既就係咁簿荷葉希望呢間野注意下外表不錯的 係個內面差少少要檢討下

今晚點左 B,D SET.  B-SET , 塊牛扒又冇牛味, 又鹹又難食! D-SET 豬鞍, 冇味, 又"鞋" 口 ! 連芥末汁 ,黑椒汁都鹹過人!  係個湯, 沙律同薯條就過得去. 連加一service charges , HK$27X 真係唔值.  

服務差，食物差當晚order左a餐熱石牛板腱口感un，無肉味，肉質乾硬跟餐配嘅白飯懷疑未煲熟，十分硬朋友order嘅b餐牛肩甲un如香口膠，咬都咬唔開，兼無牛味完全覺得呢間野浪費左隻牛😡塊牛一直喺塊熱石上，又無碟放住d牛，搞到塊牛一直烘住，由本身肉質已經唔嫩口，變到牛肉乾咁😒服務方面，餐具，水要自取。但地方小，喺出餐位隔離，如果唔小心撞到侍應hi到塊熱石就麻煩。仲有入到去點完餐都無人講話自己serve自己，等到上餐先聽到佢地同隔離枱講話要自己攞，仲好意思收加一！？

得罪講句，垃圾，大家樂樂食過你重要收我200蚊兩舊扒，紀念日心情比你搞差晒。餐具個d自助你重好意思加服務費，本身未試過寫食評，因為你破處真係唔該晒。貼錢買難受就係我呢dA個個餐唔知咩野肉黎，乾到牛肉乾甘。B個個餐硬到生同熟都係一樣口感，consistence 未你呢d lor.I will never come to this place again and urge people don’t come unless the food quality become better or you throw your money to rubbish bin. Worst steak I even have.

去開旺角經過廣華街見到呢間餐廳裝修得幾靚Menu d扒餐都係around一百蚊就膽粗粗入去一試跟餐加$20 配田園沙律+是日餐湯+任添薯條沙律菜尚算新鮮 但醬汁超鹹餐湯只有忌廉湯 味道一般薯條唔太脆 口感偏淋而且裏面係空心 冇乜薯味M記薯條都好食過佢雖然可以任添 但真心唔好食所以食完一碟完全冇意慾添加牛扒上枱賣相幾靚可惜食落去......落單時要求5成熟但牛扒上枱時基本上已接近全熟肉質好韌同嚡口 而且完全冇牛味西冷份量較細同薄切呢塊肉質比較嫩 可惜同樣地冇牛味實在令人失望😔另一方面店舖主打鐵板餐 但係通風系統做得好差整間餐廳充斥住油煙味經營餐廳唔容易如果唔係真係太差 我真係好少會負評一間餐廳但呢間舖嘅店員真係唔太友善 作為餐廳食物同服務質素差只有裝修同賣相靚真的本末倒置了

其實黎食之前上openrice睇呢間野食評好負評，心諗有冇甘差呀？好！諗住幫佢平反一下既，點知........今晚同個同事放工去到19:00都未到 舖頭未坐滿人 一入到去 完全零招呼 自己搵個位坐低 自己行去拎Menu 到諗到食咩都冇人理你！直至問佢點落單先有人行埋黎問食咩囉！我叫左一份豬扒餐 同事叫左份牛扒餐 再加左$20 所謂既沙律+薯條+湯 （所謂任食）但黎到你面前肯定唔會再追加囉 我份豬扒黎到 係熱既 不過放落口 完全咩味都冇！又鞋又韌唔知想點！同事份牛扒表面熟既 但要利用佢塊鐵板煎熟自己想要既成熟度 但我同事都話唔得 好韌好韌！最離譜係....由頭到尾都冇招呼過 拎醬汁拎刀叉拎水拎紙巾 一手一腳都係自己去拎（除左塊扒）佢竟然收我加一喎！

哩間Chop Steak冇抽風系統油煙味極重湯係淡如水薯條硬掘掘塊扒要自己煎仲要un到咬唔開我係出面都食過熱石牛扒靚嘅牛扒煎到Well Done都好都會咬到同食到全部野係自助形式地方細自己出去拎餐具位好多時你地員工拎住塊扒會撞倒好危險刀刀碟碟自己拎仲要加一好伏

第一次經過見到門口嘅餐牌感覺有點似何文田嗰間Top Blade Steak Lab, 任食薯條都一樣，只係Top Blade煮咗塊扒俾你，而Chop Steak就係放上熱石度你自己烤，自己衡量想要幾熟就幾熟！塊扒其實真係普通，一來我又第一次去啦，又要烤又要食，有點手忙腳亂（另外一提，餐具同醬汁係自助嘅）。薯條真係唔脆嘅，隔離枱個小姐一放入口即刻同waitress 講唔脆要換過，之後我聽到個waiter同個waitress講，呢個世界真係好多麻煩人，仲要佢哋係一定生存到。希望我係誤會佢，其實佢唔係話緊隔離枱個小姐啦😛！可能佢唔係老闆未必要接受到麻煩客，但要求換食物當然係俾個機會呢間餐廳啦，仲要新開嘅，員工投入啲老闆都放心啦！其實佢哋一直都掛住傾計㗎喇，有時個waiter傾到講埋粗口，又傾到唔執枱，到上扒知唔夠位放，執一個碗又無執其他碗！好！講返食物，叫咗牛肩胛同西冷，肉質ok嘅少咗啲牛味，加$20有湯，沙律&任食薯條，湯同沙律唔錯，薯條唔脆。加錢有埋飲品！可以一讚👍🏽，佢哋會等你食晒湯同沙律先再上個扒俾你嘅，waiter 有提意手扒可以切好一塊塊先放上熱石烤！加油，可以有待改進！

見到網上介紹間嘢好似唔錯所以去試下，但原來佢所謂$20任食沙律 湯 薯條係揾笨。湯同沙律得一次係薯條白飯任食。。佢上個湯同個沙律都OK，但個薯條係擺咗好耐凍曬硬口。。。之後就戯肉，我地3個叫咗$98 B餐，上到檯塊熱板係勁彈油 基本上都彈到切唔到塊扒 (我本人係日本同香港都食過好多次呢類似既熱石扒但人地唔會咁彈油) 切唔到未唯有等 但等咗陣就唔得了 切第一塊個陣大概5成熟但塊扒已經係UN，之後再切已經差不多熟曬 我感覺到我唔係食緊牛扒而係食緊豬扒，完全係UN到咬唔到。。差到我以後唔會再黎食！真係堅伏

見新開張，午市一行五個人專登去食，入門口，員工態度極差，粗聲粗氣，話執好枱畀枱我地，叫我地出去等。等左一陣，突然又話搞唔掂，叫我地再等。其實當時有好多吉位，只係分開枱。我地想再傾下可以點安排，但員工態度太惡劣，根本唔想做生意，最後走左冇食。

係Facebook見到有廣告推薦下先話黎試試。 其實呢類石板牛扒既店舖香港開左唔少， 大同小異都係提供食材比客人自己烹調， 分別只在於各店既服務態度。呢間新開小店服務態度幾差下， 我一點完菜，侍應正接掉低兩卷野係枱面，講左句 “圍裙黎” 就走開左。 之後上菜果陣仲離譜， 唔係跟單落既 , 我果枱明明比格離枱早黎早落單， 點知居然係格離枱上菜先， 等左陣都未上菜就問侍應點解我哋果個咁耐點解人地遲黎上菜先， 佢淨係講左句唔好意思， 幫你跟緊單就算。食物質素都已經一般般，牛豬都勁乾， 仲要服務態度差， 老實講其他同類餐廳會係更好選擇。

平時我都唔寫食評的但呢間令我都忍唔住要寫！經過呢間鋪 見到係而家好出名既熱石板燒肉我同男友諗緊食唔食既時候有個staff就走出黎向我地推薦一下咁我同男友就諗住一試無妨就入左去了入到去坐低 無人招呼我地 又唔俾menu講緊成間餐廳得4枱客人 幾張吉枱頭先招呼我地既staff就企係門口到禁緊電話都算！我地自己舉手示意睇完menu就同男友叫左一人一個扒再跟set (餐湯+沙津+任食薯條) 每個扒都會包送白飯無幾耐湯+沙津黎到餐具 水 紙巾 醬汁 可以出去自助吧到領取食完前菜都等左好耐 個扒終於都黎到一上枱staff教我地可以拎一隻碟 將扒搬過去 再慢慢切慢慢燒 咁就可以燒出自己想要既熟度但原來個熱石板好快就唔熱當我發現個板開始唔熱既時候 我塊生扒仲有一半未食我男友即刻提醒我要放返上去但已經太遲 最後係要用好耐時間先令到塊扒變7成熟正當食到一半既時候我跟男友說：「好似係包一個白飯嫁喎」於是舉手示意問staff：「係咪有白飯？」staff竟然話：「係啊，你要幾多個？」我心感疑惑：「唔係每個扒都送白飯？」但staff仍理直氣壯：「係啊，所以咪問你你要幾多個？」我R哂頭 寫明送白飯 我同男友一人一個