20
1
1
電話號碼
97130158
營業時間
今日營業
18:00 - 02:00
星期一至日
18:00 - 02:00
付款方式
現金
座位數目
30
其他資料
網上訂座
Wi-Fi
深夜營業
酒精飲品
自帶酒水 詳細介紹
泊車 詳細介紹
電話訂座 詳細介紹
賞訂座積分
外賣服務 詳細介紹
室外座位
電視播放
球賽直播
有關獎賞計劃
招牌菜
紐西蘭肉眼扒 雞泡魚乾 四川雞全翼 茄子
食評 (24)
chiller鋪面雖小,但五臟俱全,見住店員一個人默默係廚房團團轉,因為所有野食都係即叫即整,佢呢邊切完餸,就即刻拎過去另一邊燒,非常用心。紐西蘭肉眼扒:自選七成熟,旁邊配有芥末及海鹽,肉汁好多,趁熱食好滿足四川風味全雞翼:增添咗各種辣椒做調味,非常惹味原味全雞翼:試到少少酒香味,估計係用咗酒黎醃,味道唔會太寡牛舌、牛肉:兩串都好厚肉,肉質都算嫩蒜蓉燒蠔、剁椒蒜蓉燒蠔:熟度剛剛好,保留住蠔的鮮甜,剁椒款好適合嗜辣人士烤茄子:睇住廚師將一整條大大的茄子放係爐上,慢慢燒熟,切開後刷上調味醬汁、灑上蒜蓉,熱辣辣咁上碟,就知非常好味。軟軟的茄子肉,混合濃郁的醬料,一啖一啖,好快就清碟。烤饅頭:第一次食,都幾得意,好似叮咗個饅頭咁,脆卜卜座位唔係太多,兩三人一齊黎,可以坐室外,一邊食串燒,一邊睇電視,一邊傾下計。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-25
83 瀏覽
因為工作嘅關係,我有陣時去會土瓜灣。琴晚係土瓜灣收工,打算食完晚飯先番屋企,見到呢間串燒店好搶眼嘅招牌,就決定係到食dinner。餐廳座位位子係要轉入巷仔先見到,店面唔算大,只係容納到兩至三張枱。本來見餐廳規模咁細無咩期待,但又無諗到原來食物選擇都幾多,好似鵝肝、羊架、手扒等等較高級嘅食材都有。整體黎講,食物質素幾好,好多串燒都燒到啱啱好,而且呈現到肉嫩多汁嘅效果我同男朋友兩個都好胃食,所以都叫左好多野食: 莎莉蛋糕、豬頸肉、雞腎、牛舌、台灣腸燒莎莉蛋糕係兒時回憶,所以見到呢到有得叫真係好興奮,仲要係咖啡味🥰雞腎、牛舌我都推薦大家叫,因為燒得好juicy好有咬口雞脾肉、岩燒雞全翼、四川雞全翼雞脾肉好食,啖啖肉,正正子!我平時唔太鍾意食雞全翼,因為覺得食得好麻煩,好多時餐廳都會燒到好乾,但呢到又無喎,隻雞全翼燒完都好juicy,好食到我地再加單。鍾意重口味食辣嘅,一定要食四川雞全翼,餐廳用黎調味嘅四川辣醬好特別。茄子、牛油蒜香娃娃菜串燒啖啖肉之餘都要食下蔬菜,呢到嘅燒茄子好大條好抵食沙律丸、牛丸、韮菜沙律丸係包心丸類,幾特別,酸甜味幾開胃。羊架雖然細塊左啲,但味道真係唔錯!羊肉味好香,肉又juicy芝士煙肉薯條芝士醬幾好食,薯條略嫌唔夠脆口。餐廳有外賣服務,如果我住附近,應該會成日叫外賣/去食 繼續閱讀
(以上食評乃用戶個人意見 , 並不代表OpenRice之觀點。)
最近盡量戒緊食連鎖餐廳,希望可以支持返多啲本地小店。香港串燒店雖然多,但大部分都係做街坊生意,所以上網好難搵到好多資料,如果唔係搭車經過見到,真係未必發掘到呢間隱世串燒店!紐西蘭肉眼扒 $98估唔到食串燒仲可以食埋牛扒,燒得唔錯,入面血水唔會爆哂出黎,有西餐廳既水準!肉質軟嫩,油脂都算平均,唔會有大肥膏,雖然已經有鹽、胡椒同香草調味,但最好味都係配芥末。份量真係好大塊,兩個人真係搞唔掂,三至四人一齊分就最滋味。-茄子$35好大條,幾乎有半張枱大咁濟,平時食開啲串燒鋪頂多都係燒半條比你,依家成條燒哂比你,好抵食!而且茄子好多汁,唔會燒到乾爭爭。-蒜蓉燒蠔/剁椒蒜蓉燒蠔 $25雖然細細隻,但蠔味幾出。我就中意蒜蓉味香啲,男朋友就中意辣版惹味啲。-鰻魚 $18鰻食一定要趁熱食先好食!熱辣辣入口即溶,肉質都算肥厚,鰻魚汁好香濃,正。-金菇 $20蒜蓉同牛油落得勁大方,金菇索哂啲牛油汁,好食到要Encore!酒煮鵝肝 $78鵝肝口感軟腍,豐腴既味道同花雕既酒香味好夾。用花雕酒煮可以去除到鵝肝既油膩口感,同時亦提升左鵝肝既香氣。-牛油蒜香娃娃菜 $30娃娃菜燒到半腍,生熟度岩岩好,吸汁之餘又不失口感!-燒菠蘿 $18食到尾聲既消滯之選,菠蘿燒完之後又甜又多汁,表面灑左少少鹽,好惹味。燒蒜心 $12蒜心鮮嫩爽口,燒完更加清甜。炸饅頭 $15好香脆,將饅頭一分為四咁燒,每一面都好均勻咁燒到,唔會好似平時啲炸饅頭咁淨係表面脆。-沙利蛋糕 $18其實黎食Chiller有一半原因都係想試下個沙利蛋糕,以前細細個成日食,但燒既沙利蛋糕真係未試過!講多兩講,店員仲燒埋仲研發緊既咖啡味比我試!未上枱已經聞到勁香既咖啡味,口感外脆內軟,咖啡味燒完之後更加濃郁,加上沙利蛋糕既甜香味,超好食!強烈要求咖啡味快啲推出!-其餘仲食左呢啲串燒~都係正常發揮就唔特別講嚕:雞軟骨 $15雞腎 $15雞脾肉 $18豬頸肉 $15牛舌 $18牛丸 $15韮菜 $12-其實仲有好多小食想試,炸生煎包、醉豬手、虎蝦、煙肉薯條⋯⋯可惜眼闊肚窄,試唔哂。而且店員好Nice,招呼亦好好,不時會過黎問下意見或者分享下佢地燒串燒既心得,成晚傾得好開心!一間對食物咁有誠意,對客人又用心既小店,點可以唔撐? 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-19
73 瀏覽
土瓜灣真的很少去,因為交通不方便,食店亦不多。近日經過附近,卻發現了一間小店,以串燒為主,環境一般,但食物質素不差,性價比偏高。小店位於八度海逸酒店附近,營業時間由晚上六點開始。店內只有數個座位,空間不大。串燒即叫即燒。牛舌,18元一串,孜然粉略重,牛舌很厚,很肥美。鰻魚,18元一串,女友怕它細骨,我不怕,以且很喜歡,入口肥美,肉質不會太鬆軟,推薦!雞軟骨,15元一串,這裡的雞軟骨較大,以且肉較多,味道不錯,但有點難𡁻。鵝肝,48元,燒得有點過火,有甘香味。帶子,48元,只有兩粒,味道新鮮,火喉剛好,女友至愛。燒茄子,35元一整條,跟外面不同的是,這裡的蒜蓉下得剛好,不會過多過少,很好味。羊架,48元一隻,店主推薦了七成熟,肉質軟熟,燒得很入味,價錢略貴,但值得品嚐。壓軸登場的是,紐西蘭肉眼扒,98元/份,選了五成熟,肉質有點老,但相當抵食。這裡的每一款串燒,都是即點即燒,最好的當然是和好友一起,邊喝酒邊聊天,耐心等候美食!Chiller (土瓜灣)人均消費160元土瓜灣馬頭角道50號迎豐地下18號舖簡單的飲食隨筆,有興趣請follow~緣食魔宮。抵玩指數最高為三星,所有不用自掏錢包者, 將不給予任何指數。如果大家看完本文,請讚好及分享出去。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-29
438 瀏覽
又發堀一間土瓜灣隱世串燒 呢間新新地 附近有某出名雞煲 雖然土瓜灣未有地鐵 巴士小巴比想像中多同方便 遲下都可以考慮黎呢頭多少少四川雞全翼 $22好食! 講明四川當然有啲辣辣地 程度上我覺得唔錯 無過份強調一個辣 食落都幾蜜汁下 配上辣粉調味幾惹味 雞肉口感又ok 燒既timing控制得幾好雞軟骨 $15串燒黎講雞軟骨都唔會見伏 呢串比常見既大粒啲 呢份骨肉比例不錯吃羊架 $38諗起燒羊架都流口水 羊架得唔得 最緊要都係肉質同騷味處理成點 呢隻羊架幾有肉汁幾juicy 有咬口得黎又唔韌 另外羊架唔算好騷 雖然我食得騷味 整體黎講絶對過關紐西蘭肉眼扒 $98呢塊推薦菜之一既扒present上靚少少 一塊板咁上 切得幾多份下 幾易入口 睇塊肉既顏色少少紅 我估介乎medium至medium well之間 肉質係要咬多幾下果種 有樣麻麻係筋位比較多 另外有跟芥末醬 整體價錢稍貴牛舌 $18唔係我鍾意既牛舌類型 牛味唔突出 同我心目中既串燒類皇牌有一段距離鵝肝 $38如果以size黎講好抵玩 上枱成舊大大份咁 問完先知係鵝肝 唔係好多串燒店有得燒鵝肝 雖然賣相樣衰啲 食落都叫係鵝肝口感 不過就太多粉 加上鵝肝本身多啲有啲膩 食完都幾飽下燒賣 $12普通魚肉燒賣 燒過黎有少少加乘撈稻庭烏冬(四川) $38除非你怕飽 如果唔係推介你叫呢份幾足料既撈烏冬 稻庭烏冬我一向都鍾意食 撈住咁食我就少 四川風既撈冬都係第一次 效果出乎意料地好 我就無偷懶 將辣椒蒜蓉配料撈得幾均勻 食起黎好惹味 雖然幾多下 都吸引到我食過不停 如果少少辣都唔想仲有芝麻醬同燒汁選擇 我相信水準都唔會差帶子 $48呢份帶子唔算抵食 燒出黎效果都唔算好 應有既肉汁流失左唔少 乾身左啲原隻虎蝦 $58同為海鮮既虎蝦味道比帶子好唔少 一隻開兩邊處理 灑上蒜蓉 蝦肉咬起黎口感都唔錯 可以一試 金菇 $20金菇好食! 例牌錫紙兜 調味都係落粉落蒜蓉 程度上無深圳食既咁濃 但幾合港人口味 呢種食材又平又好食 無論打邊爐定串燒食都一流冬菇 $12平價串燒 燒冬菇最重要既juicy一項算過關 直接落蒜蓉係冬菇面就有分加 濃味左牛油蒜香娃娃菜 $30食串燒我都好興點娃娃菜同韮菜 兩種截然不同既口感 食啲菜感覺又健康啲 講翻兜娃娃菜 調味方面唔算好重口味 我就覺得算恰到好處 雖然望錫紙兜無咩汁 食起黎又唔會乾爭爭 都叫得過韮菜 $12比起韮菜好似娃娃菜正啲 不過兩者口感都唔同 睇個人口味咁叫就得 又或者why not both 繼續閱讀
(以上食評乃用戶個人意見 , 並不代表OpenRice之觀點。)