50
1
0
港鐵觀塘站 B2 出口, 步行約4分鐘 繼續閱讀
電話號碼
60309077
開飯介紹
這樓上西餐廳以簡約的水泥牆作裝潢,環境輕鬆舒適。菜式多元化,用料新鮮,設有午市套餐、單點菜式,更可預訂家庭套餐。 繼續閱讀
附加資料
可包場 This is a introduction video of our restaurant. https://youtu.be/qWlQ1ATckn4 https://facebook.com/pg/AngusxBilly/menu/ https://www.instagram.com/chill_i_hk/
營業時間
今日營業
12:00 - 21:00
星期一至六
12:00 - 21:00
星期日
全日休息
付款方式
Visa Master AlipayHK 現金 八達通 AE 銀聯 Apple Pay Google Pay
座位數目
24
其他資料
網上訂座
Wi-Fi
自帶酒水 詳細介紹
電話訂座
賞訂座積分
外賣服務
加一服務費
有關獎賞計劃
食評 (53)
這家位於觀塘工廈的西餐廳,雖然裝修及門面設計簡約,但食物卻十分精緻及有心思,睇得出主廚追求品味,每款菜式都經過悉心配搭,賣相及味道更可媲美星級米芝蓮餐廳👍聽店主講,餐廳開業只有短短兩個多月,未來會加入慶祝生日等主題嘅套餐,務求滿足客人不同餐飲需要🫶🏻輕燒香草吞拿魚 伴無花果柚子香芒沙律|$88|8/10輕燒左嘅吞拿魚表面呈赤紅色,本以為食落好重魚生感,點知食落口感出奇腴滑,入口味道甘甜,緊隨食下一口甜甜酸酸果香味濃嘅沙律,清爽開胃兼具🤩豆豉蒜蓉椒絲忌廉汁燴蜆肉意粉|$118|8.5/10呢個意粉係今餐最鐘意嘅一道菜式,雖然材料簡單,但意粉本身吸盡曬肉汁同豆豉蒜蓉嘅香味,口感彈牙,連同炒香嘅原隻蜆肉一齊食,十分惹味,係種中西合璧嘅配搭😋雖然蜆肉少量食落有沙,但程度可以接受,亦代表餐廳真材實料👍慢煮脆皮豬腩 配紫椰菜沙律及火燒菠蘿蓉|$138|8.5/10慢煮出嚟嘅肉類通常都特別嫩滑,呢個豬腩都唔例外,肉身食落油脂豐腴,肉質非常嫩滑,豬皮食落有脆卜卜嘅效果,特別喜歡這家大部分主菜都有蔬果伴碟,減少食後嘅油膩感,貼心又有心思🥰熱情仲夏|$42|8/10熱情果及菠蘿配紅茶梳打,甜度酸度適中,清新醒胃😉棉花糖可可(熱)|$38|8.5/10甜度適中,棉花糖浮在表面看起來幾療癮😚 繼續閱讀
(以上食評乃用戶個人意見 , 並不代表OpenRice之觀點。)
今日去咗觀塘工廠睇一睇傢俬,行到夜晚時段,搵到呢一間小店坐低食個晚餐!👍🏻椒鹽炒甜粟米手指極滋味的前菜,比較少見嘅菜式,粟米手指被滿滿嘅椒鹽包圍,但食落不覺得太咸!👍🏻輕燒香草吞拿魚伴無花果柚子香芒沙律同時叫左一款比較清新前菜,吞拿魚外皮被香草包圍,再微微火炙後,腥度減少而且更重魚香,芒果的清甜配上柚子的甘香,兩者配合作為沙律則非常開胃!另外,而且必須稱讚餐廳的擺碟相當用心(*¯︶¯*)👍🏻豆豉蒜蓉椒絲忌廉汁燴蜆肉意粉非常有創意的一道主食,豆豉蒜蓉味道不搶但卻為意粉畫龍點睛,忌廉汁濃稠,掛汁力不俗!👍🏻 棉花糖可可無刻意減甜,但就算面頭有好多棉花糖粒粒都不算太甜,望住棉花糖慢慢下沉嘅時候,都幾治癒。👍🏻 玫瑰鮮奶咖啡滿滿嘅玫瑰花瓣灑上面,飲落咖啡味嘅餘韻好重,浸出玫瑰味的淡淡芳香,作為飲後同閨蜜飲返杯傾下計都好開心。👍🏻👍🏻餐廳就算係開放式廚房,都不覺油煙味! 繼續閱讀
(以上食評乃用戶個人意見 , 並不代表OpenRice之觀點。)
無論平日或假日,觀塘工廈區都是人來人往,當中隱藏著不少美食,食客們都善於發掘高質餐廳!今次朋友介紹,最熱門的其中一座工廈,有間主打西式與日式的小店,就過去食午餐。 餐廳同一層都有不少食店,相當熱鬧,今次等位片刻就入座,餐廳設計簡約,有小植物做擺設,但啡木色給人舒服的感覺。 點了2款午市套餐,食材都不是一般cafe常見,價錢不高,相當吸引。 香煎盲曹魚柳伴意大利茄醬燴菜及薯仔沙律 ($140)絕對是高級餐廳的享受,首先是魚柳夠厚身又份量多,食落啖啖肉,口感嫩滑,是高質食材。配菜超多,車厘茄,南瓜,茄子等等,經過燴煮,食落暖口和淋身。最上層有薯仔沙律,類似薯蓉而加入雜菜口感,不會油膩。醬汁是意大利茄醬,是店家秘製,蕃茄味重又微微酸,作為圓滿的點綴,旁邊有蜜糖芥末汁。 煙三文魚香草忌廉汁燴貓耳朵粉 ($136)原先以為外表平平無奇的白汁,原來口味值得一讚!忌廉汁調製的濃度剛好,夠creamy又能夠掛在耳朵粉上,不會太淡。煙三文魚以粒狀,混入忌廉汁之中,以香草調味,有洋蔥和車厘茄,感覺清新。 是日餐湯,甜品及2款小食(各set +$30)每個午餐可以加配湯和甜品小食,令整體更加滿足!日是餐湯是野菌忌廉湯,菇味濃郁,唔會太鹹,作為用餐前的餐湯都不錯。小食有碎蛋沙律和炸手指魚柳,份量以碟形式,似日式料理一樣。甜品是草莓芝士蛋糕,一口份量剛好,甜度不高,就算不愛甜點的朋友都覺得不錯。 朱古力咖啡 (跟Set +$12)咖啡豆香,朱古力除了在杯底,也有朱古力醬在奶泡上,味道濃厚,口感平衡。凍棉花糖可可 (跟Set +$28)打卡一流,棉花糖在最上面,飲落微微的甜感令用餐更愉快。 繼續閱讀
(以上食評乃用戶個人意見 , 並不代表OpenRice之觀點。)
今日同朋友去左觀塘工廈覓食。餐廳位於駱駝漆大廈,地點就腳,裝修係水泥工業風設計,店員服務態度亦好好,一坐低已經拎藤籃過黎俾我地放袋。餐廳既午市套餐價錢合理,加$30可以升級豪華定食,加配餐湯、兩款小食及甜品。🐟香煎盲曹魚柳伴意大利茄醬燴菜及薯仔沙律 $98盲曹魚外皮煎得香脆,魚肉亦幾香幾嫩,質感實淨一啲,配有薯仔沙律,沙律入面有洋蔥粒粒同埋切碎左既菜,幼滑得黎亦有口感,另配有翠玉瓜、蕃茄、青瓜等燴菜。🦀️泰式辣醬忌廉汁燴蟹肉意大利飯 $78意大利飯面層有唔少蟹肉,夠真材實料,意大利飯唔係硬身嗰種,米飯均勻沾上泰式辣醬忌廉汁,味道微辣幾特別,米飯入面混有豆角,能夠增添口感。➕我地兩個都加左$30升級豪華定食~餐湯係忌廉粟米湯,質感濃稠,味道濃郁,有粟米粒粒。🥗🦪小食係蛋沙律同埋吉列炸蠔,蛋沙律用左蛋黃醬同胡椒調味,吉列炸蠔表皮炸得酥脆,炸皮好薄,蠔大粒新鮮,配有沙律醬,兩款小食都相當唔錯。🍰甜品係芝士蛋糕,仲有士多啤梨、藍莓同柑橘。☕️凍玫瑰咖啡🍹金橘柚子梳打凍玫瑰咖啡味道醇香,口感順滑;柑橘柚子梳打柚子味非常突出,仲有絲絲柚子肉,酸酸甜甜,好飲推介👍🏻整體黎講,餐廳既食物味道唔錯,份量亦幾多,去開觀塘都可以試下。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-26
489 瀏覽
#fafafoodblog觀塘 #fafafoodblog西餐 🍴bbq汁烤豬肋骨 伴 燒粟米及扭扭薯條 128 蚊🐷🥔成個 set present 好靚 有香脆炸豆腐🔥 香濃菜湯 蟹柳沙律 仲有飯後得啦品 cheese cake . 主菜豬肋骨Bbq汁幾酸甜開胃 肉質彈牙煙韌 🐽而佢個薯角脆脆好香脆 點 d酸甜汁或茄汁都好正 🍴cafe mocha 38 蚊☕拉花好靚 奶味香 咖啡味濃 唔錯🍴薄荷青檸梳打38 蚊🥤梳打同薄荷青檸既味配搭剛好 夠平衡 幾好飲 🍴韓式泡菜鮮菇炒飯 88 蚊🍚成個 set present 好靚 有香脆炸豆腐🔥 香濃菜湯 蟹柳沙律 仲有飯後得啦品 cheese cake . 主菜炒飯泡菜汁同飯撈埋好入味 香菇同豆喺哂飯入面 爽口增加層次感🍄 好食#香菇 #青豆 #薯格 #豬肋骨 #芝士蛋糕 #菜湯 #炸豆腐 #蟹柳 #咖啡Score 平均分< 8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#chilliChill-i觀塘開源道60 號駱駝漆大廈3 樓11座 b號鋪~~~~~~~~~~~~#fafafoodblog #為食花太郎 #fafafoodblog觀塘=====================🙂温馨提示🙂Fb like左 page都睇唔到<通知> 若果大家想睇到多d唔同既美食 👇🏻👇🏻👇🏻👇🏻👇🏻除左like 請做多一個步驟 左 👉🏻<追蹤中/Following> 👉🏻<搶先看/See First> 多謝大家支持!🤓🤓 繼續閱讀
(以上食評乃用戶個人意見 , 並不代表OpenRice之觀點。)