Chill Burger Den (已結業)

其實呢間漢堡店嘅嘢係好食嘅，我地成班同事都幫襯開。每一次都有職員折扣，都食得好開心。今日去到，叫咗嘢食，完全冇人問係唔係職員或者點，因為平時都會自動比折扣，所以就冇特別問。埋單用支付寶，拎嘢食嘅時候睇返張單，發現佢收我原價，就叫佢退返錢俾我。點知個員工話：你支付寶冇得退㗎喎。我心諗，你懶就懶啦，唔想搞咋嘛。百幾蚊同你食個lunch，退幾蚊俾我都唔肯。我睇住佢個個客人都會問人哋係唔係職員，但就係冇問我。本來真係好小事，但越諗越唔順氣，所以都要上嚟俾個負評。

係浸會醫院等左三個鐘餓暈咁滯，諗住去seven求其買啲野食填肚，嗱嗱淋search Openrice附近有咩食，見呢間有評語都唔錯，又就快夜晚8:00關門，唔好諗咁多，就叫左個漁夫之堡（Double魚柳）+薯條連汔水都係$88漢堡包魚柳即整熱辣辣不特止，仲要外脆內嫩，連漢堡底面都有烘過，又唔會過左火，時間啱啱好可惜無分店，8:0x分有人落單諗住佢會截，點知接埋個order, 後生仔抵讚👍👍唔知下次幾時再可以去食🙈🙈出九龍塘一定會幫襯支持小店加油💪💪

由於地理位置問題，非常唔就腳，應該只有附近生活既人先會知呢間分店，但雖如此，小店往往先更加有閒情逸致令出品變得盡善盡美。今日好想食漢堡，本身唔係生活喺廣播道一帶，但附近實在冇想食既地道西式漢堡，上網發現呢間舖頭就試一試。叫左最主打既夏威夷漢堡，果然有風味，塊菠蘿既鮮甜可以中和4塊煙肉既咸味，而煙肉既味道又同牛肉同芝士好夾，好突出，加埋燒烤汁好惹味，再配羽衣甘藍口感比一般廉價生菜好得多，總括講係對得住個價錢，性價比係好的。至於薯餅無評價，都係普通薯餅咁。希望可以多啲人會發掘到，街邊太多漢堡店同西餐廳收緊一樣接近$100水位但質素根本好一般，同行應該好好向呢間舖頭學習，有麝自然香，靠口碑賺返黎既錢先會長久。

成日都會去搜尋高質漢堡店🍔今次終於比我哋遇到💃🏻🕺🏻Chill Burger Den @chillburgerden 位於九龍塘浸大同浸會醫院交界嘅建新中心呢度只得室外位置，約十個位左右❤️‍🔥令人好奇嘅係，大熱天時，閒日夜晚嚟到已經滿座，外賣訂單也絡繹不絕😌（要打佯後先影到無人😂）.💁🏻‍♂️💁🏻‍♀️今次試咗：.🝮和牛漢堡[$128]和牛漢堡 150g｜芝士｜洋葱｜羽衣甘藍｜秘製漢堡汁🥩和牛份量十足，用上澳洲和牛，肉味香濃但唔會太肥，漢堡汁滿滿燒烤風味👏🏻😌🝮黑松露和牛漢堡[$138]和牛漢堡 150g｜芝士｜洋葱｜羽衣甘藍｜黑松露醬當漢堡汁換上黑松露醬，又是另一番風味🌀；黑松露味香醇，與和牛肉香相映成趣🤝🏻😽.🝮紅莓醬鴨胸沙律[$78]鴨胸片｜車團茄｜雜錦沙律菜｜秘製紅莓醬🦆鴨胸片軟滑，配上秘製紅莓醬 ，酸酸甜甜，有Thanksgiving感恩節嘅味道🫶🏻🝮紫薯片配山葵牛油果醬 [$48]💜紫薯片刨成薄片而炸得香脆，自家製山葵牛油果醬係加分項，辣辣地又香口，好食到一口接一口👐🏻😹.🝮大薯條 [$38]薯條炸到表面焦脆👍🏻.🝮橙汁菠蘿檸檬梳打 [$38]有解膩效果，是夏天的味道☀️.回訪指

今日返 BU #浸會大學 經過 #建新中心 依家唔同哂 啲餐廳吸引好多 浸會嘅師弟妹有啖好食了仲要出示 #學生證 有9️⃣折（可惜得已經冇啦🥺）見到轉角位呢間burger幾吸引 但真的有點熱🥵一於 #takeaway #外賣#夏威夷漢堡 $88嘩 塊漢堡扒好juicy 有口感夾埋菠蘿🍍 煙肉🥓 同埋佢個醬汁 好好味😋😋而且都真係幾大個🍔呢個價錢 有呢個質素 抵👍🏼#山葵牛油果漁堡 $78打開個外賣盒 奇怪點解會冇牛油果🥑嘅？點知咬啖落去 原來佢係牛油果醬😧仲要係山葵牛油果醬呢個真心有驚喜😋😋代替咗平時食開嘅他他醬而且仲要係double魚柳 double cheese #最強推介#黑松露蛋黃醬薯條 $68好香黑松佢露味 仲要係粗薯條🍟 勁大盒啲黑松露醬熔岩咁 由於個醬太好味 食完先記得仲有個蛋黃醬😅😅#一口炸芝士 $38#即叫即炸 濃郁芝士味 仲有拉絲嘅效果😋#脆炸單骨雞翼 $68外脆內juicy 帶有點點微辣更惹味 #IcedAmericano $38偏nutty 估唔到佢地嘅咖啡都唔錯☕️#橙汁菠蘿檸檬梳打 $38呢杯幾好飲👍🏼 酸酸甜甜又解渴菠蘿味出得嚟 加咗啲檸檬汁 balance返個

位於九龍塘 #浸會醫院 隔離嘅商場係 #獅子山下 嘅 #良心小店 原來有高質Burger 🍔原來老闆係 #DryTheRiver 嘅 Die Heart Fans 所以將其中一句佢覺得最meaningful嘅歌詞放係牆壁上面 ”You took me to the lion’s den and waited for the beast to begin”Den = 洞穴意思係。。。帶咗佢嚟到一個地方 令佢有一啲體驗依家靜待洞穴嘅野獸幾時爆發#明嘅人就會明 可見老闆係個幾咁用💛嘅人同時 係食物亦都反映到😋😋#痴漢堡 #DoubleAngusCheeseBurger $88呢款真係不得了🤤🤤Double Cheese 仲Double #手打安格斯牛肉 啲cheese 熔岩咁🤤 兩件安格斯好有口感 仲好juicy特別在佢地唔係用生菜 落足本選用 #羽衣甘藍 配上佢地嘅 #秘製漢堡汁好惹味 必有一返風味👍🏼👍🏼#必食推介 #綠林好漢堡 #ForestBurger $98呢款好特別 又有🥑牛油果 仲有埋🍎蘋果嘩 嘩 嘩 🤩🤩🤩 實物上枱 仲吸引過佢menu張相勁足料👍🏼👍🏼超多牛油果 下面夾著果

今日食左個痴漢堡，老闆推薦見到我po相都知有幾有份量。個口細少少都未必一口咬落去😂漢堡肉煎香得黎又唔會太乾，仲有少少肉汁流岀黎。加埋老闆秘製醬汁真係無得輸👍雖然無堂食得外賣，但岀面都有少量位置可以坐下，感覺都幾chill，配埋咖啡一流😆

又嚟九龍塘 見到依間burger店 格局有啲似食物車 外面設有少量座位俾大家坐嚟食 應該係年輕人創業嘅小本經營店揀咗：痴漢堡同唔知係咪期間限定嘅芥末魚堡（唔肯定個名係咪咁）追加咗熔岩芝士薯條及罐裝可樂 仲有抹茶鮮奶同薯餅痴漢堡其實係雙層手打安格斯牛肉漢堡 以佢個size同材料質素嚟定喱個價 我覺得係合理 比出面入鋪嘅burger店平少少 但質素無比被下去 牛肉好多汁 羽衣甘藍取替生菜 新鮮嘅 仲有配合佢個自製汁 我覺得好好 不過可以再多汁啲 我鍾意拎起個包一口咬落去咬唔哂但成手已經沾滿汁溢瀉嘅感覺 係喱度嘅美中不足魚堡 其實就無乜特別 同你買mos嘅魚堡一樣味 因為魚堡嘅味道都無可能做到咩驚喜效果 只係佢比mos size大同厚 因為佢有兩大塊炸魚 滿足感自然無法相比 至於魚肉質地都係嫩滑同保有魚汁 唔係乾身同硬 佢又係新鮮熱辣炸起俾你 菜亦係新鮮 美中不足係食到尾時 魚塊俾啲芥末醬浸到唔脆了 但喱個都係無法避免吧所以無得怪佢薯條 係我最愛 佢選用粗薯 見到淋喺面嘅芝士醬吧 滿瀉嘅治癒感 新鮮炸起 好好味 又脆又厚薯 雖然個人鍾意幼薯條 但佢亦做得出色係 去到尾聲薯條亦未變淋 好好 雖

Living in the area for over 30 years, we all know theres not much decent food around here, let alone good coffee.Walked by this newly opened burger shop near Baptist few weeks ago, tried the signature Double Angus Cheeseburger, really good, their homemade burger sauce is definitely impressive.This time I had the Hawaiian Burger, also worth trying.Didn’t realise they have coffee at first, and to be honest, wasn’t expecting much from a burger shop.But surprisingly, it is really good coffee.The hou

完全唔同麥當勞個啲又淋又油 炸到外脆內軟超好食 一塊真係唔喉Delicious 下次一定要試下個痴漢堡同漁夫之堡,聽啲同事講唔食唔得喎仲有個熔岩芝士薯條超級邪惡，芝士上面仲有啲煙肉碎 口感一流

薯餅薯條愛好者必食！！！不能錯過～其實今日第二次幫襯～和牛漢堡少醬但一啲都吾乾身～～❤️❤️❤️😋😋開頭OpenRice見到行足三層都吾知邊到啦～路痴兜咗一個圈先搵到原來係後面～七十一隔離~可惜我吾飲咖啡~如果有堂食都幾正～不過琴日我去咗公園慢慢食對住風景幾舒服～薯餅好好味～薯條都冇令我失望～琴日早餐食 薯餅同芝士牛肉panini ~~對咸 牛肉但同芝士好夾～仲要啖啖肉mama Mia!好味道！😋所以決定第二日再戰～期待下次～廚房同收銀哥哥好nice~~

路過有時間想坐低飲杯咖啡要了一杯短笛Piccolo 好香好濃雖然座位唔多但大部分食客外賣多所以可以坐低慢慢飲chill一下最衰時間未到dinner唔想食野住下次要試下burger 朋友話好食～薯條好脆架喎⋯⋯

上個禮拜六食完麻辣鷄burger，之後成個禮拜念念不忘，今日終於再次食到，真心覺得好食，用料好講究，包好軟熟，菜唔系用毫無誠意的西生菜，係用雨衣甘藍，醬汁同鷄脾肉的肉汁超夾，一口咬落去，肉汁寖滿口腔，真心覺得好食太好食啦，買完就急不及待食完，唔記得影相同老闆傾左鎮，他話做生意真系要有heart先有人欣賞，所以用料好足，成本高D都無所謂，鋪係自己既，鋪租成本低，用料可以投入多D成本，下次準備試下手打和牛漢堡

大家都知道浸會大學嘅範圍係冇咩好既選擇，難得喺島仔開了burger，真的滿心期待總共幫襯了3次，3次既感覺都好差第一次叫了痴 漢堡，拎到返office食，一打開見到個包咁細都要$80幾已知不妙(同麥當勞嘅雙層芝士漢堡一樣大)，一食第一口，舊肉咸到飛起，難食過麥當勞，灰到世界既盡頭，又貴、又細、又咸第二次唔再叫上次個包，叫了最貴的和風安格斯漢堡，$128，好貴…個size又係咁細，完全不可能飽肚，味道ok，但同一個價錢份量，水準同five guys 爭幾班，食完唔飽但貴既感覺好差最後第三次，今次叫平包，叫和風雞堡，60幾，一樣係細，味道同老麥差不多，但老麥叫到2個餐既價錢，佢只能買個包，重要差唔多水準好多朋友食一次都覺中伏，主要原因係份量太少，價錢一加其他嘢就過百，貴都唔係問題，問題係味道唔值 真係好失望