CHICKEN FACTORY (啟鑽苑)

營業中

休息中

午市戰鬥力MAX 💪🏼！今次喺Chicken Factory試咗佢哋人氣烤雞餐，$58真心抵食。烤雞皮脆肉嫩，百里香香氣撲鼻，調味啱啱好～一咬落去即刻感受到雞肉鮮嫩多汁，完全冇鞋口感，加分！配料方面可以自選2款，今次揀咗烤薯仔+烤雜菜，薯仔燒得金黃微脆，雜菜仲有椰菜花、甘筍、四季豆，色彩繽紛又健康🌈。整體感覺營養又均衡，蛋白質滿滿，非常適合想食得clean又唔失口感嘅人～做gym嘅朋友必食推介🔥！仲有冰茶一支，食完夠晒解膩～🥤平價、足料又有質素，CP值爆燈💥！

聽朋友介紹，這家店的烤雞很好吃，叫我快去試。皇牌烤雞餐，有烤雞+配菜+飲品，醬汁可以3選1，配菜可以4選2，性價比很高。百里香烤春雞，我認為百里香烤雞是最好吃的，他的肉比較嫩滑，味道比較香，配了雞油飯和烤雜菜，真心好吃。重量級大烤雞，這個肉會比較柴，但是分量會比較多，配了焗薯和烤雜菜，也是不錯的配搭。醬汁的話，我個人推薦牛肝菌汁、咖喱汁，都很美味。確實如朋友所說，他們的烤雞真的很出色，吃完的話會想再去吃，而且價錢優惠性價比很高。

近近地成日叫chicken factory外賣自取，叫咗雞髀+飯（下午茶），貪佢平平地。飯個味道OK，但食個雞髀就覺得冇咩味。又覺得啲雞皮好似好肥，㨴開一睇，先發現原來入邊啲肉係壞死左咁紅，真係非常之恐怖。雞髀嘅其他好多位置都係紅色嘅，有少少血水流出。我真係質疑呢個雞髀係非常之唔新鮮，冇味都算，問題係呢塊肉究竟其實係咪擺咗好耐，擺到壞埋，仲整出嚟俾人食呢？我知呢間可能都會用預製菜，但估唔到入邊食材咁差。如果唔係我搣走啲雞皮、打開隻雞髀嚟睇，都唔知入邊啲肉原來已經壞晒，下次建議大家食都唔好揀雞髀食。。。平時啲烤雞飯好似好啲

真金白銀畀錢試🤣🤣成日都叫 chicken factory 原雞外賣，今次第一次堂食，叫咗咖喱汁，估唔到又幾香幾辣！燒雞就一貫高水準！真係食幾多次都會想再叫雞🤣但我覺得有驚喜係個泡菜，自從去完韓國就好想食泡菜，呢個辣味夠又香，十幾蚊份量好足夠，加埋油飯食一流！鍾意辣泡菜嘅不妨試試！一

今晚同跳舞同學去新蒲崗上跳舞堂,  放左工諗住食啲野先跳又唔想太飽, 跳舞同學提意試呢間燒雞,  呢間小店係自助落單, 可以堂食或外賣~我地各自叫左半隻燒雞套餐 - $56, 配烤雜菜及焗薯 (自選), 我揀左牛肝菌汗, 飲品就洛神花茶~半隻燒雞有驚喜, 雞脾位食落好滑 juicy, 雞胸位都唔會好'鞋', 點埋個牛肝菌汗就會濃味啲, 多層味道, 配菜好似食到小小微辣, 有胡椒粉味, 幾好~洛神花茶小小微酸, 好大樽~原來飲品係自取,  店員可以提點一下就更好啦, 因為第一次堂食,  坐底左先發現無俾飲品, 詢問了才知道需要係旁邊雪櫃自取的~不過整體用餐愉快, 食物真係抵食又好味既,  性價比高既滑燒雞, 會再黎試下其他雞套餐~

經外賣app order咗個原隻烤雞二人餐 HK$135。900g嘅烤雞份量十足，未打開個袋果陣烤雞香味已經撲鼻而來，令人不禁食指大動。烤雞好有質素，外皮薄而脆，雞肉好嫩滑多汁，就算雞胸都唔會鞋。跟餐有四款dish, 蘑菇飯有蘑菇味，不過汁略嫌少，唔夠撈飯。焗薯好大舊，外皮有咬口。烤雜菜都唔錯，幾入味。個牛油粟米就比較淡味，無乜牛油味。 加HK$1.6 既紅菜頭西柚汁酸酸甜甜，好適合解膩。以平民價食到呢個質素嘅烤雞好有驚喜，值得再幫襯。

超水準皮脆肉嫩烤春雞，主菜side dish樣樣都掂🤤！本波與肚波家人一個月已怒啪兩次🤘！・・・・・・・・・・・・・・・・・・・・🛵經外賣app 九折優惠購買外賣～🐔原隻烤雞二人餐 HK$144 (原價HK$160)包括：烤雞900g、蘑菇飯x2、焗薯、烤雜菜、牛油粟米粒、飲品x2🐔烤雞好入味，雞皮重黑椒味。皮微脆少肥膏，雞肉juicy滴哂汁。仲跟咗盒黑椒醬，唔咸OK。🍄蘑菇飯creamy，食得出蘑菇味，唔係KFC死咸。略嫌份量偏少，迷你飯size，餸汁都唔夠。🥔焗薯好出色，一盒有5-6舊。黑椒薯皮有咬口，入面薯仔粉而不老。🥦有椰菜、本菇同蘿蔔片。用雞油嚟烤雜菜好出色，唔係烚菜有誠意！仲有孜然粉吊味～🌽粟米甜。食得出有牛油味但唔夠，似係放咗陣啲粟米吸哂牛油所以食唔出嘅輕牛油味咁～🥤+HK$1.8有低糖檸檬水，真係微甜唔酸喎，清清地好快啪哂成支～仲有烏龍茶同洛神花茶揀(都係0甜)！🍗百里香烤雞餐(半隻)450g HK$58.5 (原價HK$65)包括：烤雞450g、主食四選二(烤雜菜、焗薯、白飯、雞油飯)・味道：同上！好好食！(食過波妹個餐嘅雞油飯，見到個黃甘甘令立立嘅油香，食落真係好香

叫外賣小心，佢俾漏野你都會當你呃佢？買完外賣，到食嗰時先發現俾少咗野。打電話去，個店主喺電話面前問另一個店員，話:你係咪俾咗兩碗野佢架，我叫咗你放兩碗架啦！店員: 我俾咗喇！店主: 佢話佢俾咗喎小姐！但實際上，我係總共應該有3碗野，其中同款嘅就俾少咗一碗。之後終於我去返間鋪拎。去到之後，店員咁啱放飯，其中一個話: 嘩，即刻黎拎喇？🤣離晒大譜！態度好差，有懷疑嘅，我唔介意店主可以去check閉路電視！想同哩間店嘅店嘅HR講，可唔可以俾多啲training俾員工？

抵食燒雞！鑽石山新屋苑落成以後，有幾間屋苑餐廳進駐，我先第一次試Chicken Factory! 一食就愛上咗呢度嘅燒雞，成日會encore!原隻烤雞$58- 點完單店員會將隻雞再焗多一陣，務求有熱辣辣嘅烤雞食。烤雞俾香料醃到非常入味，唔使額外點黑椒汁都已經好好味。外皮香脆非常邪惡，裏面有好多肉汁，肉質通常都嫩滑，有時烤雞烤得啱啱好連雞胸都好爽好彈牙，不過都會有時鞋少少。- 另外加$12有烤雜菜或者焗薯，調味偏鹹。餐廳有套餐$50包半隻雞、兩份配料連飲品，一個人食都唔錯。兩個人食一隻烤雞加個雜菜都已經好飽好滿足，抵食！

鑽石山返工嘅朋友，如果諗唔到食晏食咩，而你又同我一樣鍾意食雞嘅話，我會推介你哋去chicken factory ，食過就知佢嘅好😍😍｛麻辣無骨雞飯配紫菜蘿蔔雞湯｝喺我嘅至愛💛最鍾意啲雞夠哂嫩滑，連雞皮都好彈牙，拆哂骨啱哂唔鍾意啜骨嘅我～飯都好有誠意，用咗啲雞汁雞油香茅嚟煲🍚碗紫菜蘿蔔雞湯都絕不欺場，飲落好鮮味🥣蘿蔔無根好甘甜，紫菜吸哂雞湯味，撈撈吓仲搵到啲雞絲肉，原汁原味無味精，飲完唔口渴好難得🤫除咗外賣，鋪頭仲有少量座位可以堂食，環境好乾淨企理，快快食完就走得，推介指數10粒星🤩🤩

Chicken factory 喺好多地方都有分店，我對佢哋嘅雞都好滿意👍🏽今日咁啱過開鑽石山做嘢，見到有Chicken factory，立即帶埋同事去食😚🌟原隻烤雞🌟係必食推介，每次我都會自已清哂成隻😝雞肉用咗唔同嘅香料醃製過，所以食落唔會無味口寡寡，特別係塊烤雞皮，超好食！食唔哂一整雞，咁就可以食🌟半隻皇牌烤雞餐🌟，配菜有烤雜菜、焗薯加牛肝菌汁，有菜有澱粉又有肉，營養豐富嘅一餐💪🏼餐廳提供堂食位置，食完自助回收餐具就可以，乾手淨腳就完成一餐，同事都話真係掂👍🏽👍🏽

放工好累，無咩精力買餸煮嘢食，又唔多想食油冧冧嘅雙餸飯，好厭倦😩突然醒起屋企附近有間賣烤雞嘅餐廳，買嚟食吓都可以喎😎📍半隻皇牌烤雞餐 配牛肝菌汁 烤雜菜及焗薯呢個set幾平，$50有交易👍🏽半隻雞都唔少，全部都食得啖啖肉，唔會俾啲奇怪無肉嘅部位你，非常有良心👍🏽覺得唔夠味可以沾牛肝菌汁，醬汁好稠杰好濃味，沾雞/焗薯都適合😋餐盒仲有一大格豆角&烤菇，有簡單用胡椒鹽調調味，啲菜都keep到爽脆度🥗真心不錯嘅烤雞餐盒，咩都有啲又唔貴，味道更加無可挑剔，好過自己煮🙈

無帶飯要買外賣，想食辣野刺激吓味蕾🙈咁啱見到呢到有麻辣無骨雞飯，配紫菜蘿蔔雞湯盛惠49蚊，可以一試wor!先講個飯，油飯好香，粒粒米都好油潤，齋食飯都夠做🤤無骨雞滑到唔使點咬就吞到，雞味濃郁😋重點麻辣醬辛香椒麻，落少少辣味已經充斥成個口，真係幾刺激🔥送嘅紫菜蘿蔔雞湯都好足料，湯裏面有大大羹紫菜同兩三嚿蘿蔔，飲落都唔會好重味精，係好純粹嘅雞湯😌除咗無骨雞飯之外，佢哋仲有咖喱雞飯、蘑菇飯等等，款式都幾多，下次冇帶飯會嚟呢度買飯食😎

夠鐘放飯啦！今日嚟啲新意，唔再食兩餸飯魚蛋粉燒味飯，去chicken factory食雞先😍😍Chicken factory 有好多唔同嘅雞食🐔🐔有咖喱雞、海南雞、香草燒雞、炸雞、麻辣雞⋯⋯你諗到既雞都有得食☺️而且仲可以配飯/麵/薯菜，選擇百變🤩有啲餐附送例湯/冷泡茶，一個餐好抵食👍🏽落咗order之後自己去自取處拎，好快就有得食。今日我就叫咗隻原隻烤雞，隻雞都幾多肉，完全唔會乾爭爭，仲有好多肉汁流出嚟，真正皮香肉滑，可以話係我食過最優秀焗嘅雞🤣食哂成隻雞飽到上心口，而且係一個比較健康嘅食晏option，好過食茶餐廳，已經諗定聽日嚟食咩啦🙈🙈

屋企樓下開咗間專賣雞肉料理嘅快餐店，見到價錢一啲都唔貴，平均都係$4x-$5x，趁今晚唔煮飯，買返屋企試吓味道先😀麻辣無骨雞飯 配紫菜蘿蔔雞湯 $49麻辣汁好貼心咁另上，辣度可以自行控制🌶雞肉已去骨，食落更方便，附送一碗雞湯，可以濕吓口唔錯👍🏻半隻皇牌烤雞餐 配牛肝菌汁烤雜菜及焗薯 $50半隻雞都唔少，雜菜唔係普通白烚幾有誠意，最正係焗薯，食哂好飽肚🤩原隻烤雞 $58烤雞火喉合適，皮薄香脆，雞肉好嫩滑同入味，就咁食唔使點醬都好好食，果然係皇牌🌟椒鹽炸雞蘑菇飯 $48蘑菇飯嘅調味好過連鎖快餐店一大截，少少嘅黑椒味食落更惹味🔥