53
0
0
港鐵元朗站 H 出口, 步行約10分鐘 繼續閱讀
所有分店 (2)
電話號碼
27999880
營業時間
今日營業
12:00 - 15:30
18:00 - 22:30
星期一至五
12:00 - 15:30
18:00 - 22:30
星期六至日
10:00 - 16:00
18:00 - 22:30
付款方式
Visa Master AE 現金
其他資料
Wi-Fi
食評 (56)
今日黎到新搬遷嘅Chef’s Stage Kitchen食西式午餐,環境幽暗乾爽,富有情調,而且店員服務周到又有禮貌,未食已經加咗唔少分~前菜有餐湯、沙律、牛角包。南瓜湯濃郁,仲要係熱騰騰嘅。沙律新鮮,好中意加埋青蘋果條。牛角包微微烘烤過,更為鬆軟。美國西冷牛扒配忌廉薯蓉及法式邊豆($138),伴碟簡潔,但係一啲都唔可以睇少食物嘅質素。牛扒外面少少烤香,入面熟度拿捏得合當,入口鮮嫰多汁,而薯蓉香滑綿密,第一次食法式邊豆,估唔到非常爽脆。卡邦尼尖通粉($88),濃濃嘅芝士味撲鼻而來,通粉唔會煮得太軟熟,有口感,配上咸咸地嘅煙肉將味道升華。餐飲方面,叫咗summer drink蕃石榴、薄荷、接骨木花(+$38),蕃石榴味非常重,帶有陣陣薄荷香,飲完成個人感覺好清香~最後加碼叫咗一份tiramisu($58),估唔到有2人分量咁大,咖啡味濃烈,入口即溶,好creamy。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-24
386 瀏覽
是日我們一家三口去呢間小店午餐,今次係我第三次光顧,第一次來係因為office選擇到此食開年飯,第二次係家庭午餐,今次都係家庭午餐頭兩次係搬舖前去,今次係搬舖後第一次去,感覺舖位細咗好似唔及之前咁舒服~~~昕昕跟爸爸分別點了橙汁和凍檸茶~~~而我跟餐半價(加$14)點了玫瑰花茶,見到呢個壺感覺好藝文青feel,如果係情侶拍拖傾計慢慢飲都幾有feel=]昕昕爸爸加$20點了是日餐湯加牛角飽,個人不太好洋蔥湯,所以我冇點到~~~F餐班尼迪蛋配煙三文魚, 英式鬆餅, 荷蘭汁及田園沙律,昕昕爸爸點呢個餐明顯係會唔夠食,佢咁大食,佢介話想點多個餐,但被我制止,因為我太了解自己有個細食的寶貝女= ="廚師精選兒童餐($68),有芝士忌廉通粉, 炸魚手指,茄汁焗豆,有機車厘茄,忌廉泡芙,呢個餐個賣相勁吸精,細食的女生可以叫這個嗎?我食咗一條魚柳,感覺幾好食,昕昕食咗三分一的通粉已經收手,最後由爸爸包底食晒我點了L餐板燒美國安格斯牛肉芝士漢堡配粗薯條,一向喜歡食呢種包的我等了很久終於可以食啦!個飽大件得來個牛肉又夠厚和JUICY,個飽熱又鬆軟,我食到唔停口,昕昕爸爸望住我想吃但冇份吃,我食到淨返一口才給他個薯條厚切又咸咸地,真係好啱我呢個為食人士一大三口埋單只係三百幾,感覺係抵食過大型連鎖店的同類店舖呢間店有儲印仔換野,仲記得我上次果餐用完送咗俾同事,今次呢張唔知自己儲定係送俾同事好呢? 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-22
451 瀏覽
之前到鳳攸街食晚飯,見到元朗人氣西餐廳 - Chef’s Stage Kitchen的開設,還以為是開設分店,之後查看一下,原來是由茜菁街搬過來,近在咫尺的吸引,甚為期待,趁友人們入來元朗探bb,就順勢到訪一下。 因為帶著bb怕要等位,於是之前已訂好檯,只是店內頗為狹窄,比之前西菁街的鋪位略細,坐得較為迫窄。 餐單有set dinner 亦有A La Carte,頭盤小食、餐湯沙律,選擇未算是很多,以扒類為主角的主菜則是店方的signature,價錢由百餘起跳,地區小店來說稍稍偏高。多人同行,散叫較為理想。 安座後先送上麵包,麵包鬆軟暖暖的,麵包條香脆,伴隨的蘸醬帶蒜蓉香,比起蘸點黑醋橄欖油更是惹味,不錯的開始。 Caesar Salad $88 芝士片、煙肉片跟麵包粒的份量落得很大方,反而主角 - 沙律菜顯得較少,健康的前菜變相惹味開胃。 脆炸洋蔥圈及水牛芝士條配他他醬 $72 洋蔥圈及芝士條份量並不多,人多未必分得勻。洋蔥圈非豐滿類型,口感稍欠;芝士條亦稍稍炸得過火,帶酸的他他醬作味道上的彌補。 法式生牛肉他他伴鵪鶉蛋及法包 $128 生牛肉跟半生熟的鵪鶉蛋非我可涉足之物,縱然賣相是吸引!同行友人則說水準不錯,很快已清光。 西蘭花車打芝士燴意大利飯 $148 芝士片同樣加得大方;飯粒分明有咬口,帶濕潤;西蘭花磨成蓉,加入菇菌類同煮,多添香濃惹味。可能對店方有所要求,飯類是水準之內,未算很有驚喜。 德國香脆鹹豬手 $208 表面烤得十分香脆,令豬手更香口。嫩嫩的肉香頗濃且有肉汁,豬香十足,而且不油不膩。蘸上伴隨的蜜糖芥末醬,香甜又帶點刺激,令豬手更惹味。配菜的薯仔沙律、酸椰菜也記一功。 板燒美國厚切黑豬鞍扒 $208 伴碟的薯菜可選粗薯條、鮮薯蓉或焗薯;而醬汁則有燒汁、雜胡椒汁或牛肝菌汁可選,挺有彈性的選擇。雖然豬鞍扒厚得應有3cm,但熟成度拿捏得非常準確,表面微微焦香,中間不會過熟或太生,腍軟中帶嚼口,蘸上燒汁更是惹味,肉質跟份量都是水準之上! 板燒美國1855肉眼扒伴薯菜 $308 澳洲與美國之間,選舉了後者的肉眼。 足12安士份量的肉眼非常大塊,到來時傳來陣陣香氣十分吸引。點了medium的熟成度,無血水的滲出。內層細密柔軟,肉汁豐腴,因為帶點脂肪關係,就算不蘸醬汁,肉扒的原味也挺不錯。 既然人齊又高興,於是點了支酒盡興一下。同行的友人對酒甚有研究,就由他發辦,摒棄紅酒,反而點上支2016年的法國白酒,入口帶果香,配上肉類也不俗呢! 搬鋪後可能是位置問題,平日晚上光顧的人並不多,多次經過都是空空的,生意有點不及茜菁街那邊!眼見這家質素不錯的西餐搬鋪後門庭冷落,確實有點悲涼,希望這光景只是偶爾發生,免得迫上被消失的命運! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-10
2345 瀏覽
蕃茄忌廉湯+薯蓉沙律 Set Dinner可跟配蕃茄忌廉湯或薯蓉沙律,十分豐富。蕃茄忌廉湯很濃稠,蕃茄酸香和柔滑忌廉配搭平衡,味道開胃。薯蓉沙律份量十足,有雜菜、青瓜絲、青蘋果粒和蕃茄,拌勻薯蓉,口感特別綿密,加上黑醋調配,清新而滋味! 板燒榖飼澳洲肉眼配薯菜 $218榖飼肉眼扒厚實、肥美,入口鮮嫰多汁,軟腍的肉質連少許肥膏享用,香口而不油膩。最吸引是跟配的牛肝菌汁,濃郁惹味,把牛扒沾上少許,肉香加倍提升,十分誘人! 薯條粗身,脆口綿密,吸嗦了肉汁精華,同樣美味,加上伴碟的焗蔬菜,非常滿足。吃過牛扒,再呷一口接骨木花玫瑰花茶,特別清幽、解渴。煙三文魚扁意粉配鮭魚籽刁草忌廉汁 $178煙三文魚扁意粉十分Creamy,每條意粉掛滿刁草忌廉汁及三文魚籽,香滑中加上魚油點綴,啖啖鮮味! 每口意粉都有三文魚肉,絕對是"海鮮控"的必食推介! 自家製TiramisuTiramisu是魔鬼的甜品,為今餐劃上完美句號。忌廉冰涷而奶滑,質感打得像雲朵般輕柔,Tiramisu入口是濃郁的咖啡和甜酒香,混合伴碟的曲奇碎,令人一試愛上!  繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-30
1610 瀏覽
今日入左元朗食飯,假日黎到果然人山人海,朋友早早就推介去食chef's stage kitchen,餐廳由西菁街搬左去新店位置,地理位置更加方便,附近有多間餐廳,競爭反而更激烈。假日有brunch set menu,價錢唔貴而且選擇好多,有salad/pasta/burger/steak,一定有一款岩心水。餐廳環境好熱鬧又有格調,坐低有杯薄荷水,份外清涼。睇一睇menu我叫左個salad,有我最鐘意既溏心蛋,餐廳仲好貼心幫我轉左美國燒雞胸,因為我唔食巴馬火腿。夏日special drink有三款,我叫左益力多與芒果。夏日炎炎食個salad,飲杯冰凍飲品,實在涼透心。salad賣相非常精美,牛油果熟透入口軟綿清甜,入口非常creamy,沙律菜用上羅馬生菜,另有火箭菜,配上蜜糖醋汁,非常清新開胃,好岩夏天食用。沙律翠綠爽口,好新鮮!!溏心蛋半熟中間流心度極高,蛋白滑溜無腥味,時間掌握剛好。雞胸燒得香口,唔會太乾,微微煎香入口更是多一份焦香滋味。沙律配上蒜蓉多士,蒜味好香濃,多士即烘極是脆口。好鐘意餐廳推出的summer drink,芒果味清甜益力多甜度唔高,入口帶點微酸,非常解膩降溫。店員服務非常貼心,時時幫忙加水,非常有禮貌。果然餐廳人山人海,有好多粉絲支持。 繼續閱讀
(以上食評乃用戶個人意見 , 並不代表OpenRice之觀點。)