影片
電話號碼
27999880
開飯介紹
以工業風裝修為主的多國菜餐廳，食物質素有保證。加上定期有樂隊表演，更有氣氛，喜歡音樂的人不可錯過。
繼續閱讀
營業時間
今日營業
12:00 - 15:00
18:00 - 22:00
星期一至五
12:00 - 15:00
18:00 - 22:00
星期六至日
11:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
相關文章
上星期同閨蜜去咗呢間隱世法式廚房室外位仲可以帶埋毛孩一齊chill整間餐廳環境都好大座位好闊落, 坐底之後我地點左 法式酥皮龍蝦湯 一上枱就聞到超濃龍蝦香個酥皮用叉輕輕一篤「咔嚓」一聲脆到好似ASMR咁趁熱將酥皮撈落湯飲吸晒啲精華好邪惡呀新鮮活藍青口伴意大利軟包成鍋藍青口份量都幾多每隻都脹卜卜、冇一粒係閉殼肉質嫩滑, 個白酒蒜蓉汁既蒜味夠香但唔會搶鏡加咗少少蕃茄同香草，再將個意大利軟包點落個汁度吸到滿滿嘅精華，味道都幾好炭燒澳洲肉眼牛扒 × 波士頓龍蝦尾 牛扒叫咗medium rare, 切開粉嫩冇血水個炭燒香真係無得輸, 龍蝦尾爽甜到彈牙旁邊仲有個薯餅, 幾好食白酒煮蜆扁意粉每啖意粉都掛住白酒同蒜香蜆肉都幾大隻又冇沙最驚喜係用扁意粉個意粉都幾吸汁最後梗係仲有甜品啦甜品我揀左最鍾意食既Tiramisu呢度既Tiramisu味道奶油味勁啲酒味唔算好濃, 大人細路都岩食而飲品我地揀左杯勁打卡既Cocktail「美女與野獸」 侍應一拎過嚟全場望住玻璃罩一打開煙霧瀰漫入面仲有食用花同乾冰效果閨蜜瘋狂影咗好先肯飲 味道似玫瑰荔枝特飲，酒精好輕盈，女仔一定會鍾意 Hoegaarden Peach蜜桃甜香既啤酒，解膩又清爽，正呀食飽仲有代幣比我地夾公仔最後我地夾到優惠劵留番下次黎可以用先
繼續閱讀
平日晚上想搵間近近地嘅餐廳同米蘇蘇一齊飯，就諗到元朗呢間西餐廳，室外位置係pet friendly🐾，仲有每張枱都有大風扇吹住🌀，依架天氣去都無問題😁！🍽️二人精選晚餐 $698有沙律、餐湯、1款頭盤、1款意大利麵或意大利飯及1款扒類拼龍蝦尾同飲品兩杯。🔸Soup or Salad🥗煙三文魚沙律沙律新鮮爽脆，加咗黑醋汁就更開胃，煙三文魚入口有油潤感🐟。🥣甘筍忌廉帶子湯個湯打得好滑身，口感順滑冇顆粒感👍🏻，有濃厚甘筍味🥕，仲有帶子喺裏面增加鮮甜味。🔸Appetizer 🦪新鮮生蠔海鮮拼盤 +$188有生蠔🦪、凍蝦🦐、翡翠螺、澳洲青口同帶子各2隻，全部都新鮮鮮甜。🔸Main🥩🦞炭燒穀飼澳洲肉眼牛扒 配香草牛油焗波士頓龍蝦尾牛扒表面微微焦香，煎到鎖住肉汁，我地叫咗五成熟，肉質粉嫩多汁帶有炭燒香氣💖。波士頓龍蝦尾🦞塗上香草牛油去焗製🧈，口感飽滿緊實，鮮甜又有彈牙感🥰！🦀鮮藍蟹肉及露筍燴意大利飯配鮮蝦頭膏意大利飯完美吸收哂蟹肉同鮮蝦頭膏嘅鮮甜💦，搭配豐富嘅新鮮藍蟹肉🦀，均勻融入飯裏面，再加上切碎嘅露筍同車厘茄，增添整體口感✨。🔸Dessert 🧁Tiramisu $48另外嗌咗甜品Tiramisu做今餐嘅結尾🤎～呢間嘅Tiramisu 忌廉做到幼滑輕盈🥣，咖啡酒份量恰到好處🍾，食到有酒香得嚟又唔會太苦，仲有好多咖啡碎碎增加口感☕️，好好味阿😋👍🏻！🔸Drinks🍹PRINCESS HEART呢杯加入士多啤梨果泥🍓、橙汁🧡同雪碧，味道似fruit punch，酸酸甜甜特別開胃，夏天飲特別涼爽❤️。🍹凍蜜桃茶凍蜜桃茶入口帶著淡淡嘅蜜桃香氣🍑，口感涼爽，唔會太甜。📍 Chef's Stage Kitchen 元朗西菁街23號富達廣場地下52-56號舖
繼續閱讀
元朗高質嘅西餐廳，裝修工業風，地方寬敞樓底高，空間感十足，夠晒 chill，仲有室外座位可以帶埋毛孩一齊嚟食飯。✨精選二人晚餐 $698✨🫕餐湯或沙律（2客）🍴頭盤🍝主菜① 意粉／意大利飯 🍖主菜② 扒類拼龍蝦尾🥤餐飲2杯🥗鴨胸沙律鴨胸好嫩滑，沙律菜夠新鮮🫕法式酥皮龍蝦湯 （+$56）酥皮焗得有層次，龍蝦湯帶淡淡干邑香味，龍蝦湯有鮮味，高水準值得加錢品嚐。🦀煎蟹餅拌虎蝦肉沙律（+$18）蟹餅煎得不錯，啖啖蟹肉，虎蝦肉沙律、牛油果泥🥑沙律菜，雖然係頭盤但份量唔細。🐷炭燒美國極黑豬鞍扒拼香草牛油焗波士頓龍蝦尾🦞豬鞍厚身，輕易切開，肉嫩一D都唔鞋，龍蝦尾非常之彈牙，食到鮮味😋，伴碟薯菜同千層忌廉薯同樣好有質素。🍝經典肉醬千層麵超級濃郁蕃茄肉醬加埋芝士🧀夠曬邪悪，茄醬調到味道酸甜平衡，千層麵吸收味道，仲好飽肚。🧁Tiramisu （+$48）喜歡口感輕盈帶點酒香。叫左幾杯Cocktail 同Mocktail，充滿水果香氣，好啱女仔飲🍸美女與野獸 夠晒打卡咭ableRose Vodka🌹Peach Liquor🍑Orange Ice🍊Egg White 🥚Tea🫖🍹Tropical Forest Elderflower 🌼Pineapple 🍍SodaPrincess Heart🍹Strawberry Puree 🍓Orange 🍊Sprite埋單仲有優惠券，下次食$500可以用$100優惠券，仲有得夾波波⚫️，睇吓可以夾到咩優惠券，我夾到紅/白酒/雞尾酒🍸可以下次用😆
繼續閱讀
最近同朋友傾開元朗有咩好食，佢地一致推薦左呢間 「Chef's Stage」，話係元朗人都中意既西餐廳。假日同朋友一齊黎食個 brunch，環境真係好 chill，裝修舒服又有格調，坐低即刻放鬆晒。食物賣相仲好精緻，影相打卡一流，感覺好岩同朋友或者另一半一齊過個悠閒下午。.燒烤汁雞胸菠蘿漢堡伴酸椰菜沙律及薯條 ($118)首先試左佢地既燒烤汁雞胸菠蘿漢堡，個包頂係滿滿芝麻，咬落好香。中間既香煎雞胸肉配燒烤汁，仲夾埋新鮮菠蘿、生菜、蕃茄同洋蔥，食落好 juicy，啖啖都係新鮮感。旁邊既薯條炸得香脆，咬落喀喀聲，仲有酸椰菜沙律平衡返d油膩，成個組合好滿足！.炭燒澳洲肉眼扒配燒汁伴忌廉千層薯及烤雜菜 ($178)主菜試左炭燒澳洲肉眼扒，肉質嫩滑，炭燒香氣好突出，配上燒汁更加惹味。旁邊既忌廉千層薯好 creamy，層次分明，食落好香濃。烤雜菜新鮮又多汁，成個盤既味道同口感都好平衡，份量都夠，食完真係好飽足。.香濃蕃茄蝦湯及牛角包 ($28)加左 $28 可配是日餐湯同牛角包，性價比真係高。蕃茄蝦湯好 creamy，入口有濃濃既蕃茄香，暖胃又開胃。牛角包外脆內軟，單食或者點湯都好岩，簡單但好有驚喜。.Caramel Cappuccino ($18)飲品方面，叫左杯 Caramel Cappuccino，價錢平之餘，仲有個好靚既心形拉花，影相一流。味道香甜，焦糖同咖啡既比例岩岩好，飲落好順口，坐低慢慢歎真係好享受。.偽鴛鴦 ($38)另一杯飲品試左佢地既 signature 偽鴛鴦，呢個真係好有創意。用特濃朱古力做底，配上咖啡冰磚，飲到最尾都keep到濃郁既味道，吾會越飲越淡。口感同味道都好特別，岩晒中意試新野既朋友。.意大利芝士餅 ($48)甜品方面，大推佢地既 Tiramisu，作為餐廳既 signature 真係不負眾望。味道濃郁，質感好高質，最近仲有新搞作，店員會即場幫 Tiramisu 加煙霧波波，仲係 Tiramisu 味，視覺同嗅覺都滿足晒。如果同朋友或者家人慶祝生日，呢個甜品真係好岩，氣氛即刻提升！
繼續閱讀
Bookmark咗呢間餐廳已有一段日子，睇中佢有室外座位，可以同狗狗一齊開餐。趁放假就同狗狗過嚟。喺IG睇咗餐廳最後更新的午市套餐（上個月），除brunch外，仲有1張餐牌列出A-E餐，似乎每個星期會轉款，但見當中總有1款素菜選項，諗住應該啱食。嚟到先發現，今個月今個禮拜，除咗brunch中的Impossible burger同Yogurt bowl外，A-E餐全部有肉/海鮮，冇素食，當下有啲晴天霹靂。餐廳咁有規模，但素食選項寥寥可數，都幾失望。最後，點咗芒果虎蝦沙律（A餐），$98，跟餐湯、牛角包同餐飲，另外再+$48，點咗Openrice上有食評寫係「世一」的Tiramisu。忌廉粟米湯：是日餐湯；濃稠；味道冇乜特別，湯面加咗幾滴油（可能係橄欖油？），睇落吸引啲，但飲落只係一般餐湯迷你牛角包：即場冇食，打包；估計係現成麵包，冇太大期望同期待芒果虎蝦沙律：賣相幾靚；沙律菜非常新鮮、爽口，惟獨蕃茄用牛茄之類，唔夠甜而茄味淡（如果係車厘茄會好好多）；虎蝦燒烤過，有3隻，似中型size，俾咗狗狗食；同侍應講想沙律醬另上，佢好貼心，不但沙律醬，連芒果都另上；雖然菜名有「芒果」，但芒果份量極其少，切到超細粒Tiramisu：賣相有心思，擺盤幾靚，大片薄荷葉望落好清新，而且散發香味，甜品份量亦大；懷住滿心期待品嚐呢個號稱「世一」的甜品，第一啖入口，覺得被fake得好徹底~Tiramisu近乎室溫，呢點已經唔ok；佢的味道好單調，有食評盛讚佢的酒香同質感，酒味係有，不過唔濃、唔夠香，口感滑淨，但𢳂落同食落口都略嫌有啲「削」，缺少質感；呢個甜品冇乜地方令人回味，雖然大大份，但唔會想追住食；慶幸冇揀喺下午茶時間過嚟食Tiramisu茶餐，否則會後悔啊~即磨咖啡：味道正常室外座位唔錯，有瓦遮頭，唔使暴曬；最近商場出入口的檯喺牆身設有一個勾，可以扣住狗繩；侍應雖然冇刻意出嚟室外，但喺餐廳入面都keep住留意外面的情況，向侍應示意點餐都好快有人出嚟回應，有服務之餘，平日午市毋須加一，都算優惠；午餐價格尚可，雖然餐湯、牛角包同餐飲係標配，冇特別，但主菜的沙律菜夠新鮮，而且$98能夠換到一個空間同狗狗進餐，算幾經濟；餐廳室外區的衛生情況麻麻地，地面唔太乾淨，有少量垃圾，始終大多數狗狗都係落地行，會有少少唔放心狗狗食評🐕🍽️：食物：⭐⭐⭐⭐我食咗沙律菜、虎蝦同埋Tiramisu伴碟的藍莓、士多啤梨，好滿足環境：⭐⭐⭐⭐雖然冇得入餐廳坐，但喺室外我都可以坐長櫈，有墊有咕𠱸；當食完曬嘢，等緊媽媽飲埋杯咖啡時，我都忍唔住挨住個咕𠱸，小睡咗一陣寵物友善度：⭐⭐餐廳只係寫有室外座位，冇話pet friendly；侍應冇同我玩
繼續閱讀