影片
電話號碼
27999880
開飯介紹
以工業風裝修為主的多國菜餐廳，食物質素有保證。加上定期有樂隊表演，更有氣氛，喜歡音樂的人不可錯過。
繼續閱讀
營業時間
今日營業
11:00 - 15:30
18:00 - 22:30
星期一至五
12:00 - 15:00
18:00 - 22:00
星期六至日
11:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
相關文章
👍🏻餐前麵包，餐包餐廳係有焗，送上嚟嘅時候熱辣辣，加埋龍蝦湯都非常match, 加埋特別嘅sauce可以點，幾好食，呢個配搭上都幾特別，good!👍🏻龍蝦湯, 龍蝦湯嘅味道非常好食，絕對唔係用罐頭湯，我同朋友都非常欣賞，龍蝦湯味道非常濃郁，食得出餐廳嘅功架，入口充滿住龍蝦獨特既海鮮味，食到高級餐廳嘅味道！👍🏻牛乾菌湯，呢個湯味道入口非常特別，而且入口都可以話順滑, 湯帶有香濃菇味, 真係非常之正, 份量適中，鍾意牛肝菌嘅朋友絕對唔可以錯過呢一個湯👍🏻香煎法式比目魚 伴海鮮海皇湯，比目魚賣相靚仔，第一啖食落去肉質比較緊實，味道亦鮮美。餐廳係煎烹過程中火候掌握得非常出色，令到將魚肉兩面均勻咁煎至金黃色，外酥內嫩，個皮亦都保持到挺身，加埋海鮮海皇湯，味道更加昇華，同時呢個菜既煮法可以令到保持魚肉本身的水分和新鮮魚嫩滑既口感，呢個價錢嚟講性價比非常高，冇諗過食到咁高水準既法式比目魚👍🏻蕃茄汁鮮帶子海蝦意粉，餐廳用咗扁意粉，令到成個意粉更加容易吸入海鮮嘅精華，味道黎講呢個蕃茄汁同成個意粉配搭係幾好，再加上餐廳用咗新鮮嘅海鮮，令到口感更加昇華，無論帶子同埋海蝦都非常鮮甜，分量都幾多，每個人都差啲食唔晒！
繼續閱讀
平日夜晚過來，見到餐廳幾多人，水準應該有保證。試咗龍蝦湯，香味濃鬱，龍蝦味超正！南瓜湯Creamy到心裡去。我特別推介嗰炸蟹肉球拌虎蝦肉沙律，虎蝦肉爽口彈牙，牛油果清新開胃，好正！仲有嗰蕃茄汁鮮帶子海蝦意粉，扁意粉吸滿曬滴海鮮精華，番茄汁同意粉搭得啱啱好，新鮮海鮮加持，鮮甜到飛起，分量又足，差點食唔曬添！
繼續閱讀
去完元朗體育館遊戲室👾差唔多晚餐時間😝媽咪帶咗我去食元朗人氣高質西餐廳 @chefsstagekitchen ，超級闊落環境、好有氣氛，等咗15分鐘就有位啦！之前同媽咪食都要等好耐先有位入得去😢記得提早book枱！食物🌟🌟🌟🌟黑松露卡邦尼意粉HKD158🍝好濃肉嘅黑松露味淡淡都好Creamy,黑松露好足料，黑松露迷必點！漢堡包配薯條七成熟HKD168🍔超軟熟包皮配上超級厚嘅牛肉漢堡扒配上酸青瓜，超級Fresh!仲有橄欖俾你自由配搭😍酸酸甜甜好開胃，配上熱辣辣薯條，啱晒BB食（炸洋蔥可以轉薯條）。最後甜品叫咗Tiramisu (套餐加配HKD48)性價比極高。
繼續閱讀
今次平日夜晚嚟到餐廳食晚飯，見到差不多滿座，水準應該不錯👍我地叫咗8安士澳洲肉眼牛扒配香草牛油波士頓龍蝦尾，首先見到賣相十分對辦，牛扒有靚靚嘅grill mark，切開有肉汁而且肉質嫩口，龍蝦肉都焗得啱啱好，兩個主角都煮得好好食😋另一個主食係未來漢堡，漢堡包預先切開咗一半，從橫切面見到餡料好豐富，有大啡菇、素漢堡扒，配牛油果醬、洋蔥、番茄、生菜，成個漢堡包好挺身，味道也不錯🍔套餐升級酥皮黑松露牛肝菌湯，酥皮焗得好脆。依個藜麥雞卷沙律很有驚喜，特別係個雞卷，雞肉煮得好嫩滑，而中間捲住黑松露醬令到成個雞卷好香🥗冰磚鴛鴦有幾款口味可以選擇，依個係原味，正如餐牌嘅描述咁，一開始飲到嘅係凍奶茶，當咖啡冰磚融化後，就會變成鴛鴦，而且咖啡味會越來越出，味道隨時間變化相當特別☕️最後仲食咗個甜品拼盤，有cheesecake、tiramisu、mango mousse cake、macaron、白朱古力士多啤梨，上枱時仲有煙霧效果，打卡一流，而且樣樣甜品都試到，好啱同朋友share！
繼續閱讀
今日同老婆相識12年紀念日，食好D揀左元朗好出名的西餐廳 - Chefs Stage Kitchen之前都聽住元朗朋友介紹過，加上佢食評都幾一面倒的好評，於是今日就黎會一會佢。響元朗站落車，行過黎，經過千色廣場，大概10mins左右就到。個門口裝修真係好靚，好有去左外國的feel。佢有d露天的座位，應該係俾d吸煙人士吹下水飲下啤酒的，不過30幾度，我地當然係入左去。入面第一個感覺係，d冷氣好夠，好舒服，入面的裝修都好靚，d作為好寬，店員會即刻行過黎serve你，倒上一杯水，播放住外國的柔和音樂，好relax。因為餐廳人都多，就無影到個場免得侵犯左其他食客的私隱。我地先點左巴馬火腿露筍沙律做前菜，再加一個必點龍蝦湯。D食物都未到，店員已經遞上左餐包俾我地，個餐包係有焗過，熱ga。個口感就好似麥當勞的豬柳漢堡包咁，好煙嗯，配埋個醬酸酸地，好開胃。個酥皮龍蝦湯好多人推介，果然係好唔錯，好重蝦味，食得出重料，d酥皮好脆，吉落去sasa聲，仲要真係有好多蝦肉ga，淡淡都有肉，超美味。之後個沙律都唔錯，有好多配料，除左主菜Parma Ham之外，個番茄仔先係神來之筆，既然係剝了皮，好鮮甜好有heart，配埋d石榴肉，羽衣甘藍，個口感一絕，而且感覺好健康，哈哈。主菜方面，我地就點左義大利雲吞配羊肚菌，加多個重頭戲- Lamb T-Bone個義大利雲吞係配忌唸汁，好香口，而且入面有超級多配料，筆起一粒雲吞加d菇，食落口好有層次，味道一流。而且份量都唔少，兩個人share都好足夠。性價比高之選。個羊T骨係我地成晚最想試的，好多扒房都食唔到羊，事關煮得唔好就會好大騷味。呢間西餐廳果然無令我地食物呀，我地叫左5成熟，黎到切開黎係有肉汁漏出黎ga，食來係奇蹟無任何騷味，仲要勁香口，入口鬆軟，絕對唔會對不起佢呢個身價，強力建議大家可以試下。配埋佢個好特別的醬汁，甜甜地，另有一番風味。最後個配菜，雖然我影得好樣衰，但個南瓜真係好鬼好食，甜甜地，我平時好唔鍾意食南瓜都食左好多。總括黎講，佢的味道，服務，用餐環境係絕對配得上佢的價錢，我直情覺得性價比好高，難怪推介佢的朋友好多，絕對值得一試ga！
繼續閱讀
您可能會有興趣的...