電話號碼
27999880
開飯介紹
以工業風裝修為主的多國菜餐廳，食物質素有保證。加上定期有樂隊表演，更有氣氛，喜歡音樂的人不可錯過。
繼續閱讀
營業時間
今日營業
12:00 - 15:00
18:00 - 22:30
星期一至五
12:00 - 15:00
18:00 - 22:30
星期六至日
11:00 - 15:30
18:00 - 23:30
以上資料只供參考, 請與餐廳確認詳情
有關獎賞計劃
食家推介
相關文章
10.04.2023 星期一 午Chef's Stage Kitchen (西菁街)元朗這間餐廳之前已經幫襯過， 疫情期間還叫了兩次外賣，食物美味之餘，職員還專人WhatsApp 回覆，服務很專業週到。今次約朋友打算在元朗區食午飯，之後再去看電影，因為OR只能訂晚餐，於是勞煩職員訂枱，安排了近窗大枱，更延長用餐時間至兩小時。餐廳相當寬敞，近窗卡位不但坐得舒服，而且木架上佈置了假或乾花/草，很清新脫俗。而且在餐廳最入處有一個小房間，天花上裝上一盞很奪目的水晶燈，相信如果要開小派對，也可以考慮在這裡舉行。炭燒澳洲肉眼扒配燒汁伴忌廉千層薯及雜豆沙律肉眼扒選擇了五成熟，肉質鮮嫩多汁，伴上千層薯，內裡是美味的薯片/蓉，加上粟米雜豆藜麥，健康美味的選擇。Chief’s Stage Breakfast 包括薯餅、燒烤菇、金門火腿、蘆筍、芝士焗蕃茄、烤豬肉腸、煙三文魚牛油果醬酸種麵包、乳酪杯，另外炒蛋，太陽蛋，水煮蛋任選其一這個全日早餐相當豐富，配上健康的食物如燒烤菇、蘆筍、蕃茄、乳酪，是一個不錯的選擇。吞拿魚柚子醋沙律番茄仔、沙律菜、豆角、橄欖、薯仔、温泉蛋、加上幾片吞拿魚，既美味又健康。餐湯、小牛角包套餐另加$28可以包餐湯、小牛角包，今日餐湯是煙肉薯仔椰菜花忌廉湯，非常濃味，推介；另外小牛角包香脆可口。Latte香濃的咖啡，加上一小塊果仁曲奇，有意外驚喜；另外這款曲奇還可以在餐廳買走。餐廳食物美味優質，環境舒適，服務貼心，適合家庭或朋友聚會好地方。
繼續閱讀
呢間位於元朗亦都有好多人介紹嘅西餐廳，今日朋友生日所以早兩日已經打咗嚟book位，餐廳有分室外同埋室內，鋪位佔地都非常大門面仲好靚，餐廳用咗紅磚外框同埋歐陸式嘅櫥窗好似一座古色古香嘅餐館，非常特別，我今日揀咗室內嘅座位環境非常舒適，又有格調，坐得非常舒服，乾淨又企理，店員服侍非常週到，一坐低就幫我斟水，仲非常詳盡介紹餐牌上面嘅食物很快便送上一個麵包籃，餐湯同埋沙律，麵包非常遠而且仲有少少煙韌，麵包嘅質感我比滿分，麵包仲有三款各有各特色非常好食麵包旁邊仲有款醬真係食到停唔到口一個晚餐二人餐，頭盤是沙律和黑松露牛肝菌蘑菇湯，蘑菇湯很足料，入口口感很滑，還有濃濃的蘑菇味，好好飲。沙律菜很新鮮，味道清新。新鮮空運海鮮拼盤，有法國生蠔、海螺、阿根廷紅蝦、青口、元貝，因為每樣海鮮都很新鮮，紅蝦大隻入口先甜，青口帶一點海水味食落很鮮味，元貝夾青瓜加一點魚子醬食落鮮甜鹹香，海螺有口感，這個海鮮刺身拼盤很新鮮，正！之後就到主菜肉眼扒配龍蝦尾，主菜大大碟，而且塊肉眼扒七成熟，送到我的面前已經聞到好香好香的味道，食一口牛肉，肉味濃郁，加上牛脂的甘香味肉身軟腍口感，非常好味，龍蝦味也很新鮮，食一口龍蝦肉爽脆，彈牙鮮甜，他的配菜也很出色，這個薯餅用上忌廉西蘭花來做，很美味。意大利藍芝士烤啤梨意大利飯，意大利飯入面配了很多，除了啤梨之外仲加咗合桃，入口非常好味，意大利飯煮得剛剛好，有口感，因為加咗啤梨所以個飯點甜味，仲好好食。點了一杯綠茶鮮奶，入口香濃的綠茶味，很滑身甘香，好好味。菠蘿汁飲落很清新，而且又很濃的菠蘿味，我很喜歡。
繼續閱讀
Chef's Stage Kitchen📍位於元朗西菁街係元朗嘅市中心地帶係一間燈光有情調嘅西餐廳鋪面比較大 座位亦都比較密集留意：如果你唔係接近打烊先去間餐廳基本上餐廳員工是不會趕客的點解我知道因為我試過就嚟打烊嗰陣時去囉今次我哋嗌咗～2人set dinner分別係 頭盤. 2個主菜 食 同 2杯飲品甜品係額外叫既- 頭盤有 法式麵包 湯同沙律我哋就揀龍蝦湯 🦞同埋煙肉雜菜沙律法式麵包～ 有好多款唔同嘅麵包麵包嘅 口感 每款都唔一樣再點埋嗰個特製嘅醬 （冇得彈）我認為呢間西餐廳個麵包都算數一數二炸物沙律拼盤～ 頭盤已經有沙律之後又再揀咗個沙律我哋今次食咗好多菜😂暈- 主菜方面我哋就揀咗一個牛柳配龍蝦🦞 正呀龍蝦同埋蕃茄帶子意大利飯想講呢個飯真係好正超級好味 好食過牛扒分分鐘我個人方面都係比較鍾意食 牛🥩呢間牛扒質素 中上龍蝦都好大隻份量 方面 ，一定食得飽你😂加上佢有埋薯菜配料 超級多同大份的- 套餐原配就有 - 咖啡或茶今次叫咗個青蘋果特飲同埋另一個士多啤香蕉朱古力奶昔🫶🏻🫶🏻🫶🏻呢個會係餐廳入邊最好飲既飲品👍🏻👍🏻唔係次次都有貨賣🤭所以就介紹俾大家啦～～- 甜品方面 揀咗心太軟又有雪糕又有蛋糕啱晒貪心嘅我😋🤤食甜品最開心甜甜的 甜入心最重要梗係同甜品🤳🏻🤳🏻🤳🏻啦價錢都係比較奢侈適合慶祝節日去食但呢個就一定會大滿足分量超大變肥仔肥妹😂 不是夢P.S.食二人套餐好過叫兩個set dinner
繼續閱讀
話說約左個十幾年無見既朋友食飯，佢推薦黎呢度食，都知呢間西餐廳好高人氣，我都想試好耐就黎食個晚餐啦。餐廳面積都幾大，目測都超過30張枱，位與位之間都唔會太近，裝修都好有格調，坐得相當舒服。睇下餐牌由於朋友唔食牛，我地就先試個2人晚餐share，有餐湯或沙律，頭盤加2份主菜。餐包餐包有3款，兩款有d似酸種麵包，質地有d乾硬，但食落又幾香，配埋芝士醬更好食，另一款係比較脆既麵包條，脆卜卜幾好食。餐湯聽講係間不同的，今日係紫薯忌廉湯，紫薯味同甜味比較輕微，湯質地都幾濃郁，呢個湯唔錯。秘制美國炸雞翼及炸芝士青辣椒頭盤，炸野係新鮮熱既，先講雞翼朋友果隻就正常，我食果隻就略生左d，個心仲紅紅地，呢方面要注意下，調味少少辣另跟左2款醬，蛋黃醬同另一隻唔太清楚，炸芝士青辣椒就炸粉同辣椒比較易分開，食果陣論盡少少，另都有d沙律同2條燒秋葵，不過果2款炸物就比較一般d。黑松露卡邦尼意粉比較有d驚喜係有真黑松露塊，唔係黑松露醬，意粉質地爽口，醬汁都好濃，不過就膩左少少，黑松露味無平時食開黑松露醬咁濃味，不過都ok好食。炭燒美國極黑豬扒拼香草牛油焗波士頓龍蝦尾豬鞍扒煎得岩岩好，夠熟得黎唔會過火，食落都唔會太乾柴，不過略慊調味輕手左右d，跟既牛肝菌汁都唔太濃味，對我呢d重口味人士就爭dd，龍蝦尾已起晒肉，都幾大條，加埋芝士焗完好香，肉質都幾厚實，仲食到d蝦味，另外本身有跟薯條或薯蓉之類既，我地就加8蚊轉做千層忌廉薯，比較細舊無龍蝦尾格黎果舊仔，外皮有烤過，食落都ok，但同想像有d唔同，一試無妨，配菜有d煎4季豆，平時唔多鍾意食豆既我都食左唔少。水果酒飲品方面跟餐包一般既奶茶咖啡，我地想飲酒就跟餐原價減20蚊，水果酒揀白酒底，甜甜地似果汁，輕微酒味，不過略慊冰太多，好快飲晒，唔多抵。patrol xo唔夠飲加多杯tequila，平時比較少飲呢類酒試下，本身係叫silver但無晒所以先轉xo，飲落有d朱古力味，到喉嚨就開始有d拿拿地，又幾過癮，不過份量係好少就係圖中咁多，唔係我飲左先影架，想試就留意下啦。整體而言，食物算係中上水準啦，有d位可以再好d，環境舒服，服務員都好有禮貌同積極，如當日天氣好凍都問我地要唔要熱水或暖水，問佢地野都木清楚咁解答到，呢方面值得讚。
繼續閱讀
.♡ —————— 𝗗𝗲𝘁𝗮𝗶𝗹𝘀 —————— ♥【餐廳】 Chef's Stage Kitchen @【地區】#Dr_eat_元朗【類型】#Dr_eat_西式【價位】中價位【用餐時段】晚市【餐廳主打】德國香脆鹹豬手，炭燒美國頂級1855西冷牛扒【𝗛𝗶𝗴𝗵𝗹𝗶𝗴𝗵𝘁】定期有樂隊表演────────────────────【環境/服務/衛生】。裝潢走工業簡約風格。地方寬敞，樓底高，空間感充足。分室內室外兩Part.【餐包】。由軟至脆三種餐包。蘸上橄欖油香蔥黑蒜汁。三款不同口感，酸香開胃。另可加配餐湯（$18)。是日餐湯係煙肉薯仔湯。濃稠度頗高，口感順滑。食到粒粒嘅煙肉.【新鮮藍青口伴意大利軟包 $188】。由澳洲新鮮空運到港，絕不是雪藏貨品。藍青口外殼呈黑藍色，富有光澤。每隻不會超過每隻不會超過肉汁肉2吋長。肉質嫩滑，鮮嫩無比。配上刁草忌廉汁，突出其海水嘅鮮香味。另附上意大利軟包。口感意大利軟包，軟中帶脆。再蘸上Creamy忌廉汁，整體配搭恰到好處.【炭燒美國天然極黑厚切豬鞍扒 $268】。伴南瓜蓉，燒花椰菜苗，燒蕃茄及燒椰菜花。目測有2cm厚切。表面上嘅燒網紋，望落十分吸引。厚切豬鞍火候掌握得恰到好處。肉質甘腴豐香，軟腍細緻富肉汁。重點是不會嚡口過韌。而隨伴的南瓜蓉，入口綿密，南瓜甜香突出【炭燒紐西蘭羊鞍扒 $278】。伴南瓜蓉，燒花椰菜苗，燒蕃茄及燒椰菜花。羊扒煎至約7成熟，肉汁得以鎖住。入口柔軟配紫蘇蜜糖醬。提升肉味同時增添層次.【玫瑰冰磚鴛鴦 $28會員價】。濃滑奶茶底加入特濃咖啡冰磚。由香滑嘅奶茶，隨着冰磚嘅溶化慢慢。慢慢轉成鴛鴦，越飲越香濃。加入玫瑰元素，帶出淡淡嘅玫瑰甜香。三種層次感的變化.【偽鴛鴦 $28會員價】。概念同玫瑰冰川鴛鴦一樣。特濃朱古力底，加入咖啡冰磚。慢慢地由朱古力變成Mocha────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】元朗西菁街23號富達廣場52-56號地舖【分店】元朗|觀塘|將軍澳【℡】27999880【營業時間】星期一至五 12:00-15:00;18:00-22:30星期六至日 12:00-15:00;
繼續閱讀