影片
港鐵旺角站 E2 出口, 步行約3分鐘
繼續閱讀
電話號碼
64067303
營業時間
今日營業
12:00 - 15:30
18:00 - 22:30
星期一至六
12:00 - 15:30
18:00 - 22:30
星期日
全日休息
以上資料只供參考, 請與餐廳確認詳情
影片
相片
PAELLA OF HONG KONGER
+248
+20
食家推介
今日同屋企人行完街，諗起想試食喺旺角嘅一間西餐廳，呢間餐廳之前已經有朋友大力推介過，上網睇過都有唔少嘅正評，所以就走去食lunch。餐廳座位唔多，下午1:30去到，好彩剛好有位。我哋三個人食，點咗一份豬手、一份卷蛋、一份雞翼、兩碟扁意粉、一個龍蝦湯同埋一杯熱飲。第一份上嘅豬手，真係必食，但呢個豬手只係配角，主角係嗰層啫喱同埋蘋果，一試傾心。卷蛋上面隻炸蝦，外層炸得好脆，但係食落又唔覺熱氣，裏面蝦肉仲好爽口，卷蛋一切開裏面啲蛋汁流出嚟，成個畫面令人充滿食慾。雞翼配埋個醬汁好match好惹味。龍蝦湯真係夠濃，個texture 好結實。兩碟意粉都係中上質素，喺出面其他西餐廳食嘅起碼要超過$100嘅價錢，但呢度就唔需要，性價比好高。全程喺廚房旁邊睇到老闆好用心嘅去煮，連擺盤都好有要求，可以值得一去再去，因為Menu上仲有好多食品未有機會嘗試，一定會再去。
繼續閱讀
-港式fusion有心小店-老闆幾有趣，幾有心同新意，加咗好多港式元素同配搭，味道好而價錢貼地。餐廳細細，配搭坨地港色裝修風格。。冬瓜西湯👍🏻幾fresh，無冬瓜腥味。明太子流心玉子燒🤏🏻明太子比預期少，但流心蛋打卡friendly。炸雲吞皮·油甘魚他他👍🏻新鮮又好夾嘅組合。燒墨魚鬚·龍蝦湯蝦醬意粉👍🏻蝦醬加咗一層鹹香嘅風味，意粉又好掛汁。安格斯牛肩胛·港式燒汁薯角👌🏻牛肉好食，薯角浸濕咗少少可惜。十勝紅豆·自家製豆腐panna cotta🤏🏻有啲甜膩會有返嚟試下其他食物！
繼續閱讀
估唔到旺角有間隱世高質Fusion西餐廳🤩主打世一意粉，仲有一系列Fusion玩味嘅西餐菜式，店舖細細，得老闆一個主力處理菜式，目測每枱客都係熟客仔，同大家有講有笑，滿滿嘅人情味～🙌🍳流心火炙明太子醬·吉列大虎蝦蛋卷｜💰$68一切開就有流心蛋醬，視覺效果💯玉子燒熟度剛好，滑溜得嚟富有蛋香🍤虎蝦啖啖肉，炸衣薄脆唔油膩～🍝沙嗲燴安格斯牛肋闊條麵｜💰$148新加坡風味撞意大利闊條麵，味道出奇地夾，一上枱就超香喇沙風味，闊條麵掛晒汁，辣度溫和，配料非常豐富：菇、蝦米、洋蔥等等，牛肋條鬆化入味，數量亦超多！超好食～🐔沙薑脆皮燒雞（半隻）配薯角｜💰$168雞皮燒到金黃透亮、好似玻璃咁薄脆，雞肉超Juicy，連雞胸都滑溜唔嚡口，表層嘅沙薑醬惹味，配料嘅薯角同樣出色，外皮脆口、薯肉粉糯綿密，無論係燒雞定薯角都份量十足，兩個人Share啱啱好～💥
繼續閱讀
本來想去另一間旺角西餐廳食lunch，但超級多人，非常嘈而且又要搭枱...誤打誤撞嚟到附近呢間通菜街隱世小店，舖頭只得十幾個位。Daily Soup 冬瓜蓉湯 $20清新可口廚師絕招必是昆布活蜆扁意粉Linguine Vongole $138 第一次食昆布煮蜆，好有驚喜，味道恰到好處，而且一碟裡面有成十幾廿隻蜆，粒粒脹卜卜，食到新鮮嘅海水味（不過有少少美中不足嘅係，有幾隻有少少沙， 可以再改善）下次一定要再試下其他嘢， 支持小店
繼續閱讀
今次同朋友嚟到旺角嘅 Chefs' Kitchen~餐廳位於通菜街，位置方便，裝修簡約得嚟帶點現代感，坐得舒服，好適合同朋友一齊嚟食飯傾偈。餐廳主打日式料理同fusion菜，菜式創新得嚟又保留傳統風味，今次試咗幾款招牌菜，真係款款都有驚喜！流心明太子蛋捲 $64首先一定要介紹嘅就係佢哋嘅流心明太子蛋捲！蛋捲外層煎得金黃香脆，切開嘅時候真係有流心效果，明太子嘅鹹香同蛋香完美融合，口感滑溜得嚟帶點微辣，層次豐富，絕對係必試之選！食完之後仲有種意猶未盡嘅感覺，真係好想再encore！玫瑰露臘腸卡邦尼意粉 $118呢款個意粉絕對係fusion菜嘅代表作！黑毛豬肉質嫩滑，帶有獨特嘅油脂香氣，配上濃郁嘅卡邦尼醬汁，每一啖都充滿住芝士同蛋香。意粉煮得啱啱好，彈牙有咬口，醬汁掛滿每條意粉，食落去真係好滿足。黑毛豬嘅鹹香同卡邦尼醬嘅濃郁完美結合，令人食到停唔到口！昆布活蜆扁意粉 $128如果你鍾意海鮮，咁就一定要試吓 **昆布活蜆扁意粉**！活蜆新鮮飽滿，蜆肉鮮甜多汁，配上昆布熬製嘅湯汁，帶出淡淡嘅海洋風味。扁意粉吸收咗湯汁嘅精華，食落去鮮味十足，口感清爽得嚟又帶點層次感，絕對係海鮮愛好者嘅必試之選！Hong Konger海鮮飯 $178呢款菜式充滿住西班牙風情，用咗多種香料同食材炒製，味道豐富得嚟又唔會太膩。配料就有本土地道臘腸、蜆、蠔豉等，每一啖都充滿住香料嘅香氣同食材嘅鮮味，口感層次豐富，令人食到好開胃！油封鴨髀燉飯**鴨髀燉得軟嫩入味，肉質鬆化，輕輕一撕就骨肉分離。燉飯吸收咗鴨肉嘅精華，飯粒飽滿得嚟帶點煙韌，味道濃郁得嚟又唔會太膩，每一啖都充滿住鴨香同香料嘅香氣，絕對係一道令人回味無窮嘅菜式！整體嚟講，Chefs' Kitchen嘅食物質素非常高，菜式創新得嚟又保留傳統風味，每一道菜都感受到師傅嘅用心。餐廳環境舒適，服務態度亦非常好，絕對係旺角區內一個值得推介嘅食肆。如果你鍾意日式料理、fusion菜，或者想試吓新嘢，呢度絕對係一個好選擇！
繼續閱讀