29
1
2
電話號碼
25111971
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
餐廳裝修不錯，員工國際化，有很多印度人。不過進食過程中，餐廳中間的冷氣機會有滴水，滴落我們點的咖啡同食物上面。詢問過餐廳方面，女侍應表示在夏天，冷氣機滴水是正常現象，幫我們更換座位就可以。再向上跟他們的印度人經理反映，對方確認這個情況存在，但再一次強調，這不是甚麼值得投訴的事情，顧客應該接受理解。我們對衛生要求跟他們不太一樣，始終不能接受冷氣機滴水滴落咖啡上，所以只能放棄食物，直接提早離開。如果能夠接受這個衛生的環境，也可以試一試這家餐廳，可以享受到置身於印度的異國體驗。
繼續閱讀
Grilled Octopus $145.八爪魚係有啲辣但係好食嘅，份量都多，食極都仲有咁。Bone Marrow $168牛骨髓配脆脆多士，作為前菜好得Grilled Lamb Chop $278因為有小朋友在場，叫咗個well done羊架，冇諗到佢整得幾好食唔un，易咬羊味又夠。Ravioli $168雲吞味道唔錯，不過加埋個汁真心飽。Truffle fries $88黑松露多到痴線，薯條炸得夠脆唔錯。Peachy Passion $58mocktail嚟，主要係啲passion fruit，幾fresh，又唔算好甜。杯底仲有舊桃肉tim。
繼續閱讀
上星期六晚又揸另一架M3去遊車河 途經屯門公路，老婆bb話肚仔餓想去黃金海岸睇吓有乜好野食⋯⋯咁我就轉入小欖支路入去黃金海岸啦大概7:08去到行過圈 見到呢間店舖幾有趣 內裹有芝士、火腿、紅、白洒賣 價錢公道 於是我地坐出面戶外位 食番支雪茄 然後點菜⋯⋯叫個沙律、朱肋骨、fish ,2個drink…..佢哋真係慢功出細貨 樣樣都好食、出色 bb大Nike呀🥰🤩🤩🤩你哋睇吓我部iPhone15 pro max影的相 係咪好吸引呀？？大家一定要試吓 ！以上埋單$768 停車場有2小時免費泊車 下次再食過不過d侍應就5太落力！服務欠小小 個老細就十分落力及 nice……這方面希望老闆見到 有改進吧！！
繼續閱讀
今年老公生日，決定同佢去黃金海岸商場，試下呢間餐廳嘅西餐😍。呢度嘅食物款式繁多，我哋揀咗以下食物：慢煮黑豚斧頭扒🍖，用慢煮嘅方法，可以鎖住肉汁，黑豚斧頭扒肉質鮮嫩，配上蘋果青醬，味道好夾，細細舊嘅酸忌廉薯仔🥔都好好食。熟成肉眼扒🥩拼松露薯條🍟，7成熟嘅肉眼扒，廚師煮得啱啱好，啖啖肉都有好濃郁嘅味道，加上香脆嘅松露薯條，真係無得彈。最後嘅甜品係提拉米蘇棉花糖雪糕，意大利軟芝士慕絲，咖啡蛋糕。我最鍾意食甜品，呢個提拉米蘇唔太甜，連一向對甜品冇乜興趣嘅老公都話好食，值得推介❤️。
繼續閱讀
🥗前菜：🥕煙三文魚海蝦沙律：8/10（$142）海蝦爽口鮮甜，煙三文魚都幾肥美，成個沙律配合埋酸酸甜甜嘅醬汁食落去好清新☘️☘️。個蛋就稍為熟左啲啲🤌🏻，未能做到流心。🥕意式牛油果蟹肉及煙三文魚多士：7/10（$98）煙三文魚多士水準正正常常，而蟹肉多士嘅味道就較爲特出，蟹肉幾有鮮味，拼埋多士嚟食可以平衡番佢嘅鹹味。可惜，個多士偏硬，有啲難去咬開。另外，牛油果嘅份量較少，而芝士碎嘅香味都唔夠出，所以味道層次方面都爭緊啲。🥩主菜：🥕牛脂熟成黑安格斯肉眼扒（配薯條、蘑菇及香草牛油）：9/10 （$488）牛脂熟成係呢一塊肉眼扒嘅賣點✨✨，根據餐廳網頁，「牛脂熟成方法比常見的乾式熟成法更複雜。肉眼需要喺經歷12天乾式熟成後，浸喺牛脂肪油入面，最後在放入風乾機內進行12天牛脂熟成。」的確，作為普通食客嘅我地都明顯食得出個分別。呢塊牛扒我地叫左7成熟，從幅相我地都可以見到師傅煎牛扒嘅timing同火候🔥控制得非常好👍🏻👍🏻，牛扒嘅表皮煎到微焦，而內裡嘅肉亦到呈現出好靚嘅粉紅色。食落去雖然肉味比普通嘅肉眼無咁重，但係明顯食得出牛扒起經過牛脂熟成之後，肉質更為細嫩而且散發出天然嘅油香，配埋塗起面頭嘅香草牛油，層次好豐富而且好有風味。配菜方面，薯條採用左偏幼身嘅一款，薯條上盤嘅時候熱辣辣，食落去亦都唔會話過分油膩或者乾身，薯味幾出，如果佢炸得再脆身啲就更好啦。蘑菇方面就應該係用左肉眼本身嘅油脂去煎香，食落去雖然好有油香，但係🙎🏻♂️就略嫌太過油膩。🥕扒大蝦拼帶子，蟹肉龍蝦汁義大利飯：8.5/10（$278）呢個飯嘅醬汁相當唔錯，龍蝦嘅香味相當特出而且濃厚，夾雜住一絲絲嘅蟹肉，鹹度適中得黎又富有鮮味🦞。飯方面質地偏硬，幾有嚼勁。大蝦食落去幾爽口、幾鮮甜，帶子都幾鮮甜嫩滑。兩者嘅調味亦都幾好，唔會太鹹。🥕西班牙黑毛豬肋眼扒配鳳梨醬及蘋果合桃：6.5/10（$238）🐖煮到大概7成熟，充滿肉汁，但係🙎🏻♂️同🙍🏻♀️都覺得肉質唔夠厚實。值得一提嘅係佢嘅醬汁，多數嘅豬都係配蘋果醬黎食，鳳梨醬就比較少見。🙎🏻♀️同🙍🏻♂️都覺得個呢個配搭幾特別而且幾配，甜得黎帶點清新，令到成份豬食落唔會太膩😋。🥕保雲酥羊排配紅酒汁、露荀、甘荀及薯蓉：7.5/10（$298）羊扒嘅擺盤值得一讚，由於我地叫左五成熟，切開之後內裡偏紅紅粉粉，亦唔會話因為太生而有好多血水。肉質方面，羊扒咬落去非常之腍，肉味濃厚而又無乜騷味。可惜，🙎🏻♂️就略嫌面頭嘅「保雲酥」皮焗得唔夠脆，未能起層次口感方面再加分。紅酒汁方面，酒味偏淡，食落似普通嘅蘑菇燒汁，🙍🏻♀️就認為佢略為鹹左啲。薯蓉方面，口感十分綿滑，但係薯仔同奶油味就偏淡，整體都係靠上述所講嘅紅酒汁去吊味。🥕煙燻火腿羊奶芝士西班牙薄餅：7/10 （$148）pizza採用左偏薄嘅餅底🫓，焗完出嚟脆得嚟內層又夠煙韌，而且唔會好乾。配料方面，煙燻火腿嘅份量比得幾足，聞落去、咬落去都有好香嘅煙燻味。美中不足嘅係羊奶芝士嘅味道比火腿同番茄醬覆蓋曬，唔係好食得出。🍮甜品：🥕提拉米蘇棉花糖雪糕（配義大利軟芝士慕斯及咖啡雪糕）：3/10 （$68）初頭望到menu幅圖，我地以為呢個係布甸/奶凍質地嘅甜品，點知原來佢係一舊有流心嘅棉花糖。棉花糖食落去口感同味道都好普通，而入面嘅流心雪糕無論喺味道同口感都似係融左嘅棉花糖，整體口感有d奇怪🤌🏻🤌🏻。雖然作為配角嘅提拉米蘇、幕斯同埋咖啡雪糕互相配合得好好，為呢份甜品嘅層次同口感昇華左唔少，但係由於作為主角嘅棉花糖實在太過普通，我地都認為呢份甜品唔太值得推薦。🥕紅桑子Oreo芝士蛋糕，榛子義大利雪糕：5/10（$64）先講講兩舊芝士蛋糕，佢地嘅表面係包左一層紅桑子或者Oreo味嘅啫喱，由於蛋糕本身唔重芝士味，成舊蛋糕嘅味都嚟自嗰層啫喱。但係，不論係芝士蛋糕定係層啫喱，都同榛子味雪糕唔太夾。雖然呢間餐廳嘅甜品的確係好有創意、好有特色，但係我地就認為餐廳需要起食材嘅配合道方面再下多少少功夫💪🏻💪🏻。
繼續閱讀