影片
餐廳主要提供扒餐、焗飯或意粉，仲有All day breakfast 價錢唔算太貴。今次就嗌左一份All day breakfast 同埋焗鴛鴦扒意粉。All day 包括芝士火腿奄列、法蘭克福腸、紐倫堡腸、脆薯餅、茄汁焗豆、雜菜沙律，同埋多士份量都幾足夠，味道正常唔會太咸，$58的確抵焗鮮茄鴛鴦扒意粉,可以叫多汁，落單後大約等咗五至十分鐘。值得一讚嘅係面頭鋪滿咗芝士但係冇焗燶，而且意粉亦都冇焗到乾哂而變硬。不過意粉本身冇咩，好似冇茄汁還茄汁，意粉還意粉，入唔到味咁。總括黎講性價比都唔錯。
繼續閱讀
今日來到天水圍Chef Nathan Cafe!客人好多，等位都等得比較耐！餐牌相片除咗有西餐，還有港式常餐，all day Breakfast😆🔹黑椒汁牛脷焗意粉可以選洋蔥汁或者黑椒汁，份量都幾大！汁好多，芝士份量都唔少！有5塊牛脷都大大塊👍🏻焗意粉最忌時間過長，意粉會變得又乾又硬，今次時間剛剛好，味道不錯！🔹焗豬扒意粉味道穩穩陣陣！豬扒都幾大塊！每份西餐還配上一杯飲品👍🏻整體OK不過不失職員笑容較少，語氣比較趕急，可能太忙吧因為始終人流都多，長期有人等位😅
繼續閱讀
今晚無煮飯，去了重新裝修的西餐廳。新開就有唔少小棒場客。等咗6張枱先到我哋。坐底係中間梳化位，感覺餐廳乾淨咗，但最唔好都係冷氣口吹住個頭。最後叫咗2個扒餐同1個意粉，食左三份一先醒起影相😂⋯⋯澳洲肉眼扒最唔值，雜扒最豐富，意粉就不過不失，應該無得揀再嚟幫襯了🙈。
繼續閱讀
餐廳環境：以藍色為主調，有點地中海風，望落去都幾舒服。.呢日係平日下午茶時段過嚟，人流唔多，可以一個人坐卡位，舒舒服服咁慢慢坐都唔怕。食物：午餐同下午茶餐都幾多款式選擇。雖然係下午茶時段，但仍可以揀午餐，我見午餐款式啱我多啲，所以今次揀咗個午餐～雞扒飯配太陽蛋，自選黑椒汁。.隻太陽蛋都煎得幾靚，雞扒煎得個皮有少少脆，肉質都幾淋，另外仲配有少少椰菜，唔錯！.價錢：呢款午餐$46包熱飲，食物質素ok亦坐得舒服，所以呢個價錢都幾抵食
繼續閱讀
間Café喺屋企附近商場，豬扒雞扒整得特別好食，奶茶好有茶味，所以經常來幫襯。呢個鋪位之前做過好多間餐廳，但冇間好味，每兩三年就換一間，只有呢間做得住，經常滿座，食物亦係最好味。焗鮮茄鴛鴦扒意粉 $58Café廚師整豬扒、雞扒、魚柳好好味，牛扒就一般般。今次點咗焗鮮茄鴛鴦扒意粉，熱辣辣上菜，豬扒雞扒醃得好入味，乾煎之後再焗，外皮香脆，肉質幼嫩，番茄汁和芝士嘅分量都好有誠意。不過意粉就煮過咗少少，口感唔夠。Café嘅食物分量都算幾足，但餐具就令人有啲小尷尬。焗飯、焗意粉用不鏽鋼碟，但隻碟好輕，用刀叉切扒時隻碟會轉嚟轉去，感覺好似喺郊外食農家菜嗰種feel~~奶茶就好好味，茶味濃郁，以Café嚟講算有驚喜。
繼續閱讀