710
90
36
港鐵香港站 C 出口, 步行約7分鐘 繼續閱讀
電話號碼
23512622
開飯介紹
餐廳裝修採用酒吧格局,主打新派台式料理,以傳統台灣菜作基礎,加入不同國家的元素。餐廳菜單跟貼台灣當地潮流,不時提供新的菜餚。 繼續閱讀
營業時間
今日營業
12:00 - 16:30
18:00 - 21:00
星期一至四
12:00 - 16:30
18:00 - 21:00
星期五至六
12:00 - 16:30
18:00 - 21:30
星期日
12:00 - 16:30
18:00 - 21:00
付款方式
AlipayHK 支付寶 現金
座位數目
36
其他資料
網上訂座
Wi-Fi 詳細介紹
酒精飲品
自帶酒水 詳細介紹
切餅費 詳細介紹
電話訂座
賞訂座積分
外賣服務
加一服務費
當面支付
食評 (881)
等級4 2021-08-11
1381 瀏覽
請了半日假睇醫生,順道約好友吃個午飯再去,為方便好友工作地點,就決定中環附近吃。好友在中環半山區附近工作,她說有間台灣餐廳挺不錯,話帶我去試試。餐廳格局幾摩登,用上紫色霓虹燈寫上「我愛台妹」,玩味感十足。而且長型Bar枱非常吸睛,夜晚可以變身成酒吧,晚飯直落一應俱全。綠豆沙牛奶綠豆沙有清熱解暑功效,綠豆沙牛奶有著綿密濃郁的口感,打得很細緻,飲落滑順,濃郁的綠豆香氣加上香滑的乳香,微甜不膩非常爽口。雙色鹽酥雞加入黑松露醬的黑醬與用柚子調記的黃色醬汁,2款味道各有特色,黑松露味道香濃,濃厚滋味,而柚子醬汁清新芳香,可以減低油膩感,配上香酥炸雞,特別惹味倍增。招牌牛肉麵先試一口湯,用上純牛骨煮成,味道濃郁鮮甜,而且有陣陣藥材香氣,牛肉採用半筋半肉的牛𦟌位置,口感嫩滑彈牙,充滿濃厚牛味,之後再加入店家秘製辣牛油,辣牛油用上牛脂肪及十五種香料辣椒製作,在熱湯裏漫漫溶化,令湯底味道變得濃郁豐富,完全有台灣牛肉麵感覺。溏心蛋魯肉飯肥瘦豬肉比例剛剛好,滷肉份量非常多,色澤均勻,飯粒分明、魯肉香帶甜,吃起來清爽不油膩,滷味濃厚,而溏心蛋蛋香味濃,蛋黃呈半流心狀態,有滷水香味,非常滋味。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-21
2033 瀏覽
出街遇上打風落雨,就即刻改變路線,變成和朋友找家餐廳避雨加吹水了。在OPENRICE見到這家店蠻熱門的,就來個台式小吃甜品當下午茶吧。明太子甜不辣,平常吃到的甜不辣多是關東煮形式的,第一次吃到煎炸形式的,比較香口,明太子醬鹹鮮的味道很點睛,提升了整個味道。髒髒芋泥鹹蛋黃蛋餅,紫薯粉和鹹蛋黃相間,色彩繽紛,賣相很不錯。蛋餅裡包裹著軟滑的芋泥,芋頭味沒有期待中重,好在味道也不會太甜,再配上一些鹹蛋黃,有種鹹鹹甜甜的味道,很多變。若是喜歡重口味,還有煉奶蘸醬可以加上去,那麼鹹甜的味道會更突出。奶奶麻糬配黑芝麻,看起來平平無奇,確是最驚喜的發現,冰冰涼涼的口感,入口嫩滑即化的美妙,就像是雪糕和啫喱的綜合體,反正一點都不像我認知中的麻糬,因為根本不需要咀嚼。香濃的牛奶味,拌上黑芝麻,再分割成小塊小塊易入口的形狀,一口一粒滿嘴冰涼和香甜,好好吃啊。伯爵茶凍QQ芋圓,材料豐富,包括雙色芋圓、珍珠、綠豆、伯爵茶凍、愛玉,滿滿當當一大碗。除了綠豆,雖然其他都是QQ彈彈的口感,但層次感不同,夏天吃碗這個真的很開心。相對來說甜品比小食更為出色,值得回頭,店內還有其他主食可以再找機會來試試。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-21
1363 瀏覽
疫情之後已經好耐冇去旅行啦,真係好掛住台灣。之前上網見到呢間餐廳有鮮奶麻薯,掛念台灣菜嘅我就走咗過嚟食啦。不過原來鮮奶麻薯係每日限定嘅,八點嚟到嘅時候原來已經賣晒,等我下次早啲過嚟試吓先。不過呢度仲有好多好吸引嘅台灣菜,不枉此行。酸辣牛肉麵 $118有得揀刀削麵定係寬粉絲,呢款我哋就揀咗刀削麵。刀削麵食落彈牙。呢個麵嘅湯底唔會好辣,但酸辣香十足。仲有得任加呢度嘅辣牛油,加完之後,個湯嘅味道更加香濃咗。牛肉有三大片,已經煮到好軟淋,食落都有牛肉香。黑蒜牛肉麵 $118呢款黑蒜牛肉麵上面有一大羹蒜泥,加入湯底之後,蒜香極濃,啱晒鍾意食蒜味嘅人。呢款嘅面底我哋揀咗款粉絲,寬粉先望落好似多過刀削麵,食落唔會太硬,感覺係幾容易消化嘅,同個湯底亦都好夾。雙色鹽酥雞 $88相識鹽酥雞係有兩種醬料,分別係柚子醬同埋黑松露醬,醬料嘅份量亦都好多,夠沾滿晒所有鹽酥雞有餘。呢款雞比起一般鹽酥雞大件好多,望落好似韓式炸雞咁,但當一食落去,就知道係鹽酥雞嘅味道,感覺都好特別。雞肉亦都好滑嫩,好味。下次一定要早啲過嚟試到鮮奶麻糬先! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-21
2973 瀏覽
食過香港咁多間台灣菜餐廳,基本上心目中已經有第一小食、第一牛肉麵、甚至係蛋餅第一,而今次介紹既呢間台灣菜,一直係Openrice上既評分好高,亦都有係朋友口中聽到"想食中環個間好貴既台灣菜好耐",正正係我覺得蛋餅第一,而且係創意第一既台灣菜餐廳。依家喺中環蘇豪區嘅人氣台灣餐廳Check-In Taipei,係一間人氣新派台菜,係2014年開業,一開始以酒吧餐廳形式為主,餐廳主打傳統台灣主食、小食,常見嘅牛肉麵、滷肉飯、蛋餅都有,但特別既係餐廳以台灣菜為基調,再加上流行食法,製作一道又一道創新Fusion菜式,所以話佢係正宗台灣菜,岩唔哂,至少蛋餅唔係,佢地蛋餅加咗好多Fusion元素,但香港少見嘅牛奶麻糬佢地都有,反而麻糬係正宗淡水做法,另外佢地都有提供唔同精緻既雞尾酒,當然都有非酒精既台式飲品,好似綠豆沙牛乳同綠豆沙豆漿。餐廳係上年重新裝修示人,新店裝修以文青風格為主,而且推出多款新既嘢食,好似仿照台北人氣牛肉麵林東芳而推出相同風格嘅牛肉麵,仲有麻婆豆腐手工餃、明太子甜不辣、鹹蛋黃芋泥乒乓球。而店舖嘅人氣創意台式蛋餅都有新嘅口味,薯泥起司松露蛋餅同髒髒芋泥鹹蛋黃蛋餅,有時有啲期間限定嘅蛋餅,好似粢飯蛋餅、泡菜起司豚肉蛋餅、明太子櫻花蛋餅、冬蔭公龍蝦蛋餅、海膽蟹肉蛋餅、和牛炙燒蛋餅等等,可謂Fusion蛋餅既極致。原來我早已經過店鋪幾次,因為佢係中環長樓梯既中段位置,而且就係正中環地標大館對面,但如果唔係門口經過餐廳,睇到佢門口既霓虹燈,睇落就唔太起眼突出。前後幫襯過兩次呢間餐廳,第一次係星期五夜晚,大概七點幾去到餐廳,已經座無虛席,前面有兩個人等緊,排左冇耐後邊都有人龍,因為想坐嗰晚啲嘅枱影相,所以吧枱有位俾咗後邊兩個人入先,之後總共等咗四個字,終於可以入座。而第二次係星期日晏晝一點幾去到餐廳,反而完全唔駛等,去到時吧枱有位就直接入座。唔知係唔係中環區,所以餐廳座位唔算多,座位唔算好窄,唔會話坐得唔舒服。座位有分右手邊既四人枱同左手邊既吧枱,酒吧高枱座位都比較高,四人枱燈光較光亮而吧枱就較暗,共同點係枱都唔算大,如果叫好多野食,尤其係吧枱就會顯得迫,不過坐吧枱好處就係可以睇住調酒師調酒。餐廳以酒吧為主題,加上好有特色嘅牆上裝飾、海報、霓虹燈,餐廳門口有大大既燈牌寫住「我愛台妹」,裝潢有氣氛之餘好有香港特色,比起一啲以舊式台灣風格裝修既餐廳好似燈籠滷味,佢係比較新式摩登、燈光有情調既設計,喺度影網紅打卡相一啲都唔難,雖然餐廳空間不大,不過勝在極具設計感,環境夠chill,難怪可以吸引到好多人幫襯,餐廳仲會播住比較出名嘅台灣歌,好似大家耳熟能詳嘅五月天、FIR、張惠妹等等。但一間餐廳長期排長龍,淨係打卡唔夠,一於試吓佢嘅嘢食係咪令人客似雲來嘅原因。-1️⃣ 手繪雙色鹽酥雞 💰88(👅: 8/10)鹽酥雞上碟時賣相幾靚,因為雞既兩邊比兩隻唔同色既醬包圍住,雙色醬畫到好似太極既圖案咁。鹽酥雞數量唔算多唔多,但每件既大細就幾大,好似食日式炸雞咁,一個人食好吃力,兩個人就岩岩好,雞既表面炸粉唔會過多,脆漿唔算厚,表面唔算炸到勁脆,雞雖然大塊但雞既肉質幾嫩滑,肉汁有鎖左係雞既入面,算juicy,所以食落唔會話好乾身。鹽酥雞有提供兩隻醬,一隻係松露蛋黃醬,另一隻係柚子蛋黃醬,黑松露醬夠香濃惹味,而柚子蛋黃醬食落酸甜清新,有小小消膩既作用。兩隻醬味道都唔錯,不過個人鍾意松露醬多啲,因為算係半個松露迷。醬汁配搭同大家食過既唔同,Fusion都擺左落醬汁入面而唔係鹽酥雞,都同一般夜市食到既鹽酥雞唔同,有小小似韓式炸雞咁靠醬汁味道帶驚喜比人,鹽酥雞雖然味道同口感未到超驚喜,算係幾有誠意既鹽酥雞。-2️⃣ 鹹蛋黃芋泥乒乓球 💰72(👅: 8/10)乒乓球咬落係軟糯既外皮帶小小脆口,內餡係芋泥夾雜住鹹蛋黃,感覺餐廳好鍾意將呢兩種食材結合,因為蛋餅都係有芋泥加鹹蛋黃,食粒食落係外脆內軟。食落會有小小好似台灣夜市食到既地瓜球,只不過入面唔係地瓜泥。因為大小適中,食完唔會話覺得熱氣或者油膩。-3️⃣ 台式肉鬆榨菜蛋餅 💰68(👅: 8/10)呢度嘅蛋餅都係脹卜卜,比較大條啲,食落其實幾飽肚,店員一早已經切好咗6份,方便進食,蛋餅入邊有肉鬆榨菜,係好常見、好有台灣風味嘅蛋餅。榨菜份量適中,分佈平均,食落味道酸酸開胃,口感夠爽脆,肉鬆食落香酥棉密,至於蛋餅皮夠厚,食落口感煙韌,完全見到隻蛋係入邊,呢度既蛋餅都用兩隻鴨蛋,比起普通雞蛋明顯蛋香味會重好多,聞落都香啲,食完即刻諗返起喺台灣食嘅蛋餅,完全係將台灣嘅味道還原喺香港到,好耐冇食過同台灣咁接近嘅蛋餅。總結係如果個刻淨係想食蛋餅,冇話想食咩口味,我會揀呢個,雖然佢味道唔算好特別好驚喜,但因為佢價錢最平,而且可以食到好接近台灣原始嘅蛋餅味道。4️⃣ 薯泥起司松露蛋餅 💰78(👅: 8.5/10)鍾意食呢道蛋餅嘅原因其中一個就係呢度既口味好創新。薯泥起司松露蛋餅賣相吸引,係蛋餅嘅尾部見到分量豐富嘅薯泥,而上面係餐廳好慣常用嘅松露醬,因為同上面介紹嘅鹽酥雞應該係同一隻醬。相信大家一定未食過薯泥起司松露呢個口味,粟米配蛋餅係一個好常見嘅組合,但加上黑松露醬就係另一樣嘢。薯泥食落口感綿密,而松露醬食落口感唔係水狀,而係偏硬,兩者結合食落係幾香口,芝士會可以拉到絲,食落香口帶鹹香,蛋餅食落就好似台式肉鬆榨菜蛋餅,蛋餅嘅口感同味道都差唔多,會令你諗起台灣既蛋餅。呢個好似台灣嘅蛋餅,加上創新嘅味道,又呈現出另一種味道,松露醬同蛋餅相得益彰,將食材發揮得極致,蛋餅配上芝士同松露醬同薯泥一齊擺落口,無論味道上定口感上都好豐富,無法抗拒一啖接一啖嘅快感,不過因為有薯泥所以食落會比較濟啲,同埋要趁熱食芝士拉絲效果先會明顯。-5️⃣ 髒髒芋泥鹹蛋黃蛋餅 💰85(👅: 8.5/10)同餐廳其他三款蛋餅唔同嘅係,依一款蛋餅係甜既,而其他三款係太鹹。點解食落係甜,因為佢入邊有芋泥,相信大家都未食過甜嘅芋泥,我都未喺台灣食過,但芋泥蛋餅其實係台灣餐廳都常見,反而第一次食就係喺香港呢間餐廳,而比起台灣唔同嘅係,餐廳加入左鹹蛋黃元素,令到蛋餅即刻有港式風味。蛋餅表面既係紫薯粉,提升左整碟既美感,入邊嘅係芋泥,芋泥份量夠多夠厚,入口飽滿,芋頭味濃郁,食落甜膩,唔話食到香精味,係天然芋蓉眉味道,每啖都係滿滿既芋泥 ,無比幸福。黃金嘅鹹蛋黃碎非常吸睛,佈滿左係蛋餅上面同入面,食落惹味而且邪惡,略嫌鹹蛋黃味道唔夠香同唔夠起沙,鹹蛋黃既鹹同芋泥、紫薯粉嘅甜帶來一鹹一甜嘅衝擊,視覺、味覺都為之一振,隔離仲有鹹蛋碎同練奶,煉奶同芋泥味道幾夾,外觀上同味道上都做到點綴。我自己覺得依個蛋餅甜度適中,唔算過甜,如果好鍾意食甜野嘅人會非常鍾意,但甜嘅蛋餅就唔係個個都好習慣。-6️⃣ 火炙原條鰻魚玉米蛋餅 💰148(👅: 9/10)四款蛋餅入邊最令人驚喜嘅係呢個有9吋長既原條鰻魚喺上面嘅蛋餅,完全係日式台式嘅fusion 蛋餅。除左主角既鰻魚,鰻魚上面係佈滿滿滿嘅芝士,係上碟嗰時店員會用火槍炙燒上面既芝士,令到芝士有溫度,而且溶落鰻魚同蛋餅入面,令到成碟變成金黃色帶焦香。鰻魚夠厚身,長度同蛋餅一樣,食落夠肥美啖啖肉,唔會話好韌同有骨。半溶狀態既芝士絕對將蛋餅昇華去到另一層次,拉絲程度足夠。粟米粒夠多,令整體多左粟米既鮮甜味。隔離仲會有木魚碎做點綴,但淨係鰻魚蛋餅已經令人慾擺不能。鰻魚、芝士、蛋餅同粟米既多重口感,齒頰留香,滋味無窮。-7️⃣ 招牌牛肉麵 刀削麵 💰108(👅: 8.5/10)牛肉麵基本上係每次去台灣餐廳都會必點幾樣嘢食,餐廳有四款牛肉麵選擇,一於就試最招牌嘅牛肉麵。呢度嘅牛肉麵比較特別嘅係,佢哋仿照台灣一間非常人氣牛肉麵「林東芳」而而推出相同風格嘅牛肉麵,可以係枱上面見到一樽辣牛油,係自家製研發,材料用上有60年歷史既兆記肥牛純牛脂肪同十五斤既既香料同辣椒,可以按自己口味加一至兩羹入牛肉麵湯底。呢碗牛肉麵嘅配料同平時食到嘅會有少少唔同,除咗有牛肉之外,仲有蟲草花脆脆、溏心蛋、百葉豆腐。牛肉麵既湯底標榜係用五十公斤既牛骨慢熬十二個鐘,當中更加無添加任何既味精。牛肉湯對比起我香港最鍾意嘅牛肉麵段純貞,味道會比較鹹一啲,但飲得出牛肉味非常濃郁,非常入味,飲完唔會話覺得好口渴,湯頭睇落好清,唔會話好多油。而加咗辣牛油之後,湯底嘅熱會令到牛油融入湯底,飲落湯底會多一種濃香,好似加左啲牛精華咁,令到湯底香味提升,層次感有提升到,辣牛油唔算辣,所以唔食得辣嘅人都可以試吓加。麵底方面有得揀拉麵或刀削麵,兩次食都係揀刀削麵,刀削麵入口滑溜食落煙韌,有嚼勁,以牛肉麵黎講呢種麵質係幾唔錯,但麵質唔會話好掛湯,夾起上黎其實幾方便,可以好清楚一條一條咁夾起,唔會一夾就爛哂。牛肉方面係牛𦟌,有三大舊,但質素會有啲參齊,牛肉腍個時真係超腍,可以媲美我覺得香港牛肉最腍既段純貞,但韌個時要用筷子將塊肉係個口度扯開,會有啲唔想再咬再食既感覺,如果佢舊舊牛肉都做到腍身入口即溶,絕對係香港數一數二既牛肉麵,但呢家牛肉係一個敗筆。百頁豆腐食落夠嫰滑,但唔會好索湯好入味。成碗覺得最好食既係蟲草花脆脆,蟲草花經炸過黎,小小脆口帶小小焦香,令整體味道同口感更加有層次。-8️⃣ 鐵觀音巴斯客起士蛋糕 💰75(👅: 9/10)主菜食到差唔多時候,可以話比店員知上甜品。蛋糕係同香港本地品牌hemma合作,係今年3月15日推出嘅台式甜品,講到人氣大熱嘅巴克斯起司蛋糕,hemma絕對係香港既佼佼者。Hemma 係香港巴斯客起司蛋糕界既始祖之一,好多為人熟悉既人氣咖啡店都熱賣 Hemma既招牌巴斯客起司蛋糕。呢款芝士蛋糕係每日限量,再加上因為hemma係6月開始會暫別大家,所以芝士蛋糕絕對係期間限定,而且呢款鐵觀音口味就只有Check-In Taipei食到,連hemma官網都無得訂。為左保持蛋糕既質素,店主一直堅持用好既材料,好似芝士蛋糕都係用日本雞蛋、美國既creamcheese、丹麥既cream、法國既牛油、台灣、日本同意大利既麵粉。蛋糕外表係深啡色嘅焦香外層,食落外層有焦香味,茶味好香濃,有好重既鐵觀音味,食落唔會太甜亦都唔會有苦澀味,呢度既巴斯客起司蛋糕過人之處莫過於蛋糕入面流心層能持久不凝固,睇落去係偏實淨嘅芝士蛋糕,用叉刮落去見到係非常之滑,睇到蛋糕中間係芝士半軟心狀態,軟心程度岩岩好,半熟口感,食落好creamy好綿滑細緻,入口迅速溶化,無比滿足。而且會食到蛋糕有唔少茶葉碎,所以會散發茶葉既烘焙香,茶味濃郁香醇,唔會完全食到鐵觀音食唔到芝士味,口腔充滿鐵觀音茶味同芝士鹹香,平衝得好好。單件既大小對我黎講岩岩好,食多件可能我會覺得漏。而芝士蛋糕上面既反而係Check In Taipei特製既黑糖珍珠,珍珠咬落煙韌彈牙,黑糖食落甘甜,兩者一齊食味道冇違和感,非常之夾,非常之有驚喜,甜思思既黑糖同濃郁既茶香撞上芝士流心,絕對係味覺、嗅覺同視覺既震撼體驗,鍾意芝士蛋糕或者茶控既人絕對會鍾意,好似飲緊一杯好重茶味有芝士奶蓋既鐵觀音加上黑糖珍珠,甚至可以一次過滿足兩個願望添。我自己試過Hemma既四、五款口味既芝士蛋糕,最鍾意就係呢種鐵觀音口味,要食就只可以黎Check In Taipei。食完果然Hemma出品既味道同賣相都可以保持一貫優秀既水準,難怪可以係眾多網店中脫穎而出,係各社交平台受到大眾熱捧。-9️⃣ 金鑽鳳梨X土鳳梨酥 奶奶麻糬 💰85(👅: 8.5/10)呢度既麻糬有原味花生、oreo同期間限定嘅鳳梨味。鳳梨味係同香港本地品牌同烘焙•愛麗斯合作,同樣係今年3月15日推出嘅台式甜品。麻糬嘅食法係用筷子分開一份份,再沾上花生碎。麻糬其實唔係糯米糍,而係台灣淡水既名物。有啲麻糬係用糯米粉整,而呢個麻糬跟原祖配方,係用木薯粉整。可能因為用木薯粉整,麻糬咬落比想像中Q彈同軟彈,食落唔會話黐牙,呢種唔算係湯圓個一種煙韌既麻糬,唔會好似一般麻糬咁較難咬開,滑溜輕盈,容易咀嚼,入口滑溜。平時大家食開嘅麻糬湯圓都係熱嘅,但依個鮮奶麻糬食落係凍,會同大家想像中有唔同,好似食緊奶凍咁,食落去冰涼綿密滑身,水嫩嘅口感,有入口即溶既感覺。呢度既鮮奶麻糬係用日本4.3鮮牛奶,唔添加任何奶精,所以奶香味醇厚,而且係自然既奶味,所以食落一啲都唔膩,亦都唔會覺得好甜。呢個同原味牛奶麻糬嘅分別就係會多一夠鳳梨酥,烘焙•愛麗斯堅持用台灣金鑽鳳梨同土鳳梨製作,每件鳳梨酥都係人手製作。鳳梨酥咬落外皮鬆化,入邊嘅鳳梨餡唔會過甜,甜度啱啱好,食落係酸甜帶酥香。鳳梨酥同麻糬味道上幾夾,鳳梨酥又可以整碎同麻糬一齊食。成碟嘅鳳梨酥皮、花生碎同麻糬一齊食,口感豐富。如果未係台灣食過麻糬,或者食過都可以過一下口癮,因為香港好小台灣菜餐廳有得食,食嘅過程都非常過癮。-🔟 綠豆沙牛乳 💰55(👅: 8/10)呢杯牛乳喺Menu上有手指公,即係餐廳推介嘅飲品,其實係一杯加左牛奶既綠豆沙,喺台灣其實係好常見嘅嘢飲,但香港就比較少見,尤其喺呢個珍珠奶茶同黑糖奶當道嘅時代。綠豆沙入口唔係粒粒分明,而係磨到溶哂既嘅綠豆沙,入口順滑,不過味道相對地比較淡,所以唔會話好甜,飲落唔膩,如果鐘意食綠豆沙既人會幾鍾意。-1️⃣1️⃣ 鮮芭樂苦瓜汁💰58(👅: 7.5/10)見到個名可能已經有人唔鍾意,因為苦瓜應該係十大最多人鍾意食嘅嘢之一,但係台灣菜餐廳見到苦瓜汁飲實在少有,而且Menu上標榜係佢招牌,所以一試。苦瓜好多人都唔鍾意,但芭樂就唔同,可以見到成杯嘢飲都係青色,但下邊會有啲漸變色嘅紅色。飲落芭樂同苦瓜出奇地夾,芭樂中和左小小苦瓜既苦,成杯嘢飲落清新,唔會覺得自己係飲緊人工嘅味,而係自然嘅味道,但我個人都係嫌佢苦左啲,唔係好岩自己口味,但如果飲開五青汁、苦瓜汁嘅人應該會好鍾意,會比一般嘅苦瓜汁甜一啲,易入口一啲,唔想成日都飲珍珠奶茶嘅人,都可以一轉口味,飲完對皮膚或者健康都會有正面嘅影響。-🌟價錢來講算係比較貴少少嘅台灣菜,但佢嘅食物素質絕對襯得起個價錢,算係物有所值。蛋餅算係食過咁多間香港嘅台灣菜餐廳,最有創意亦都係最好食嘅一間,牛肉麵雖然贏唔到我心目中嘅第一段純貞牛肉麵,但佢有條件可以屈居第二,其他嘅小食同飲品我覺得正常,但甜品再度比驚喜我,牛奶麻糬令我有返到台灣嘅感覺,而芝士蛋糕雖然唔係餐廳嘅出品,但呢個蛋糕令我顛覆對芝士蛋糕嘅認知,原來鐵觀音同芝士蛋糕可以咁夾,係我食過最特別、都係最好食嘅芝士蛋糕。環境來講,我覺得佢似一個幾有格調嘅酒吧,唔似主打好舊式懷舊風格裝修既餐廳,好似小時光、燈籠滷味個類,而係同佢地餐廳食物風格一致,裝修摩登既酒吧但食台灣菜,台灣菜得黎又係FUSION唔係完全正宗。服務來講,侍應服務幾體貼,用餐時不時會幫忙清理張枱,如果係熱碟會提醒唔好觸碰,而且唔會特別趕人走,八點幾入座可以坐到十點,唔駛趕頭趕命淨係食飯,好適合飲吓嘢吹吓水好似酒吧咁chill下。Openrice網上訂座服務呢家無左,但可以打電話預約,前後去過三次依間餐廳,一次係星期五夜晚,兩次分別係週末嘅晏晝同夜晚,星期五夜晚放工時間會比較多人,但週末嘅晏晝同夜晚都唔使特別等,如果你冇對座位有要求,可以坐吧枱,更加可以快啲入座。當大家去唔到旅行嗰時,又想同朋友聚首一堂,懷念一下台灣嘅味道,唔駛睇請假攻略唔駛睇機票,去中環蘇豪Check in,嘗試一下新派嘅台灣菜,影張相打個卡留念,亦可有盡興嘅一晚。-👅味道: 9/10🍴環境: 7/10💰消費: $100-300 (服務費:10%) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-18
1414 瀏覽
女朋友說近來發現了一間高質的台灣菜,說要帶我去一嚐究竟,因而趁着今天晚上的空閒時間,我便隨她到此一同晚膳。而由於近來天氣酷熱,在餐廳門外等待期間,職員貼心地為我們奉上小風扇作解熱之用,服務着實值得一讚。餐廳位於中環的荷李活道,屬於是山腳位置。到達時可率先看見門口右邊有着我愛台妹的裝飾字眼,而內進則可見是長方形廳,左邊便是吧枱空間,整體風格均設計得富有台灣風味。手繪雙色鹽酥雞鹽酥雞外觀金黃大件,外層炸漿製得厚身香脆,內裏肉質則雞味濃郁,嫩滑帶汁,再配搭上獨特香濃的黑松露蛋黃醬,和甜酸清香的柚子蛋黃醬,整體更添滋味層次。滷肉玩台灣A菜台灣A菜亦即是本島萵苣,咀嚼時是清脆爽口,鮮甜回甘。而師傅亦於頂層加入了瘦中帶肥的滷肉作為點綴,味道鹹香帶甜,潤而不膩。溏心蛋滷肉飯飯粒製得黏身,口感軟糯香甜。而配料滷肉肉質有肥有瘦,咀嚼時軟嫩香滑,帶有油脂甘香。還有溏心蛋稠密緻滑,蛋味出眾。招牌牛肉麵 刀削麵牛肉湯底色澤深啡,味道富有藥材香氣。刀削麵條寬闊厚身,食用時煙韌彈牙,嚼勁十足。配料豆腐細緻軟嫩,牛展柔韌鮮香,溏心蛋則綿密香濃。薯泥起司松露蛋餅此款菜式是餐廳的其中一款主打,師傅用上軟糯的蛋餅,再包裹上香滑的薯泥和濃郁的芝士作內餡,並擠上松露醬調味,味道鹹香帶甜,層次豐富。鐵觀音巴斯克起士蛋糕蛋糕是用上鐵觀音製造而成的,食用時軟綿鬆化,帶有淡淡茶香,而內層用上芝士作為內餡,其味道濃郁即化,並呈現著流心效果。而頂層亦特意加入了黑糖珍珠作點綴,為整體口感加添柔韌香甜。OREO 奶奶麻糬此道甜品同樣是餐廳的主打之一,食用時只需把中間的麻薯夾起,再沾點旁邊的餅碎即可。麻薯入口黏度極高,濕潤軟糯,配上酥脆香甜的 Oreo 餅乾,口感層次十足。新鮮鳳梨果肉梳打高身大杯的梳打飲用時富有菠蘿香氣,味道既酸亦甜,清新可口,非常合適夏天用作解暑開胃之用。周董周董一樣是主打款式。酒師主要選用上氈酒、蘋果、蜂蜜調製而成,然後再加入一層蛋白於酒面,並灑上了初菊花裝飾,飲用時酒味恰到好處,有著濃郁的菊花氣味,並同時緩緩滲出蜂蜜和蘋果的味道。總結而言,餐廳裝潢富有台灣風味,環境則舒適光猛。而菜餚賣相不但製得精美,味道更是出色可口,如此高質且深受年輕人歡迎的餐廳,絕對是屬於必嚐的台灣菜。 繼續閱讀
(以上食評乃用戶個人意見 , 並不代表OpenRice之觀點。)