439
60
28
港鐵香港站 C 出口, 步行約8分鐘 繼續閱讀
電話號碼
23512622
營業時間
今日營業
12:00 - 16:00
18:00 - 22:30
星期一至三
12:00 - 16:00
18:00 - 22:30
星期四
12:00 - 16:00
18:00 - 23:00
星期五至六
12:00 - 16:00
18:00 - 23:30
星期日
12:00 - 16:00
18:00 - 22:30
*星期一至三及日 最後落單時間: 21:30 星期四 最後落單時間: 22:00 星期六 最後落單時間: 22:30
付款方式
AlipayHK 支付寶 現金
座位數目
36
其他資料
網上訂座
Wi-Fi 詳細介紹
酒精飲品
自帶酒水 詳細介紹
切餅費 詳細介紹
電話訂座
賞訂座積分
外賣服務
加一服務費
當面支付
有關獎賞計劃
食評 (565)
Check-in Taipei向來人氣鼎盛,除了因爲其價格親民之外,更因為它不斷推陳出新,推出一系列創意無限的菜式,這次再訪餐牌又已經改頭換面,雖刪減了不少舊有菜式,但同時亦增設了多款新品。麻醬涼拌秋葵 ($52)秋葵冰涼爽脆但略為硬身,個人偏好較軟一點的質感;醬料與一般日式麻醬截然不同,濃厚稠密並帶辛麻香。櫻花蝦烏醋茄子 ($48)茄子燒得香軟綿密,盡吸醬汁酸甜開胃,加上櫻花蝦口感帶脆之餘更加添鹹鮮香味。手繪雙色鹽酥雞 ($88)鹽酥雞件件巨大無比,即點即炸外脆內軟但粉漿較厚,雞肉肉質保持嫩滑多汁。雙色醬料分別為黑松露醬和柚子沙律醬,個人則比較喜歡清新的柚子沙律醬,甜中帶酸能夠稍為中和油膩感。鮮蟹肉麻婆豆腐撈麵 ($138)蟹肉份量雖多但鮮味徹底被麻婆豆腐醬蓋過,不過醬汁濃厚惹味並帶微辣,不期然令人食慾大增。撈麵麵條軟硬不一,被醬汁覆蓋的部分會較為軟腍不夠煙韌。芋泥鹹蛋黃蛋餅 ($75)上次到訪品嚐過期間限定的芋泥酥皮蛋餅,而這款芋泥鹹蛋黃蛋餅用上的芋泥感覺上大同小異,綿密細緻且當中混有芋頭粒,惟味道偏甜芋香並不出眾。蛋餅餅皮質感煙韌,雖然面層加上鹹蛋黃碎及肉鬆,不過鹹香被芋泥與煉奶強烈的甜味雙雙蓋過,整體較為甜膩單一。黑芝麻奶奶麻糬 ($68)之前與朋友到台北旅遊時已經一試淡水名物鮮奶麻糬,後來這裡亦參考當地造出奶奶麻糬,當然要一試決一高下。雖然同樣標榜不使用糯米粉製成,但這裡的鮮奶麻糬比淡水質感稍為結實,入口冰涼軟滑,更加豐潤渾厚,配上混合砂糖的黑芝麻粉,拉上補下甜度亦不過高,奶味淡薄並以黑芝麻味為重。Oreo曲奇奶奶麻糬 ($75)另一款口味配上切成塊狀的Oreo曲奇,雖然味道上與鮮奶麻糬相當匹配,而且口感亦比黑芝麻版更加豐富,但曲奇塊較難黏附於麻糬之上,若以Oreo磨成粉再配上粒粒Oreo塊便能各展所長,盡善盡美。鮮蘋果苦瓜汁綠茶 ($48)綠茶的清幽和蘋果汁的香甜中和了苦瓜汁的苦澀,整體清新舒爽。雖然餐廳面積不大,座位之間空間亦較狹小,但仍不乏捧場客,即使菜色味道並非出類拔萃,卻無可否認是創意十足,為本來千篇一律的台灣菜增添不少生氣,亦不失為一個一解對台灣美食的思念之好選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-23
1175 瀏覽
在中環扶手電梯一下來,便給一間粉紅色門口的餐廳吸引着,原來是吃新派台灣菜,所以便試一試餐廳內裝飾很有趣,是打卡之選點了餐差不多五分鐘便上菜溏心蛋魯肉飯 - 是平時飯碗的大小,主角魯肉非常入味,肥豬肉入口即溶溏心蛋蛋黃是半熟,非常流心,吃下去是軟軟的豬軟骨鯊魚骨豆乳湯刀削麵 - 一上菜當然是喝一口湯底,湯底帶有魚味而不腥,感覺非常養生!豬軟骨非常腍和入味!刀削麵麵質非常煙韌,配菜有炸蟲草花和油條,沾著湯底吃是非常好味芋泥鹹蛋黃蛋餅 - 這個配搭非常有創意,蛋卷包著芋泥再灑上鹹蛋黃粒和肉鬆,再加上邪惡的煉奶吃,多重口感滿滿的芋泥塞滿了蛋餅,芋泥有芋頭粒,不甜也不膩伯爵茶果凍QQ芋圓 - 身為芋圓控的我,給此芋圓很高分!芋圓非常煙韌,真的有QQ感!而另一主角伯爵茶果凍,茶味香濃,也非常出色!此餐廳的食物十分有創意,而且有驚喜,味道也很高質,值得一試! 繼續閱讀
(以上食評乃用戶個人意見 , 並不代表OpenRice之觀點。)
現在年輕人要創業真的非常非常難!!在這個時期,我看到一家非常有心的店,經常往中環這邊走走,有一次看到這家新開的地道既台灣餐廳,每一次經過都嗅到非常非常香亦都非常多人排隊,但因為每一次都很餓的關係就不排了。所以一直沒有光顧,今天特定打定小小底跟個好朋友再留了一下肚子,決意一定要來試一下好不好食。有幾款食物真係慕名而來的喔。七點開始已經大排長龍果然極具人氣,最後等了 35Mins先入到去!想食就要早少少排隊呢。街口轉角處【Check-In Taipei】-中環荷李活道27號!!門框刷上粉紅色,店子望入去細細的,但非常有時尚感,因為暗暗既格調又配上少量彩燈,摩登風盡現...其實Design上都幾Chill,加埋全程都播住台灣歌曲,很熱鬧又有氣氛,同朋友坐上吧枱都覺得好有台灣感覺。我地個陣雖然覺得好Chill,但因為地方不大有點窄,所以食完就趕快讓位了,落柯打先!馳名以創新風格,將各款為人熟悉的台灣美食重新演繹。【Check-In Taipei】餐牌精美氛面太多野都想試一試,因為真係好別具新意,頭盤、小食、主菜、飲品各有特別!兩前菜兩主菜一甜品一飲品。台灣特色小吃,十分期待 🔹秘製酸辣手工餃 $65手工餃由餡料到包餃都是全人手製作,亦都是由台灣直送過來的,吃起來也有QQ的口感,味道清香,富濃郁芫荽味,入口酸辣四溢並品嚐的出豬肉的鮮、甜、香,配上秘製的酸辣汁真的好吃!🔹手繪雙色鹽酥雞 $85一直口碑不錯既鹽酥雞,上枱就已經好香,外表有得睇有得食,藝術元素配上手繪既雙色圖案就是創意特色,黃色既係柚子醬,而綠色既就係芥末醬。鹽酥雞脆皮薄身,快D食既話會食到雞肉鮮嫩多汁仲好夠熱。點醬食會惹味小小,都讚不絕口!綠色既芥末醬我地兩個同樣認為更出色。惹味惹味!!兩款新口味蛋餅我就揀左只限晚市的...🔹火焰原條日式鰻魚起司玉米蛋餅 $138日式鰻魚起司玉米蛋餅是招牌之一,另一個芋泥鹹蛋黃的也好像很惹味,但還是選新出的足9寸火焰原條日式鰻魚起司玉米蛋餅真係足9寸的!原條蒲燒鰻魚放在台式蛋餅夠霸氣了嘛!會用火槍燒一燒條鰻魚,仲會用火槍燒一燒條鰻魚,鰻魚啖啖有肉,覆蓋住成個蛋餅,仲有大量芝士,襯熱可以做到有拉線效果,蛋餅裏面仲有滿滿嘅粟米添!好豐富。鰻魚控的妳要吃這個蛋餅!因為好滿足又分量十足絕對可以食得很飽。🔹黑蒜香油牛肉麵(刀判麵) $118牛肉麵真的很豐富喔,有台式蘭花干、牛腱、老油條、溏心蛋、蟲草花脆脆配上QQ的刀削麵。好像跟外邊的不一樣呀!大改造咁呢~溏心蛋入口白滑黏口、台式蘭花干蟲草花脆脆就炸過後特吃香口,老油條就比教特別,本身超爽脆,但吸左黑蒜香油又好好吃。刀削麵充滿地道台灣風味之外本身都好喜歡刀削麵,因為比較有嚼頭QQ的。麵麵條軟硬適中,夠彈牙😁 黑蒜香油湯頭令牛肉麵變得更香濃軟腍!入口即化係可以做到的,但食牛筋既朋友都有福了因為都可以配搭到一些煙煙韌韌既牛肉比你喔。招牌奶奶麻糬同新推出Oreo奶奶麻糬 我猶疑了幾秒,兩個都太吸引了吧!😋🔹招牌奶奶麻糬-花生味 $68巨型三文治、瀂肉飯、蛋餅、麻糬我也很喜歡呢。麻糬係台灣淡水都算係大熱,在香港的IG,Search也熱到不行呀。 一定要點黎試試...【Check-In Taipei】員工話採用日本4.3牛奶製作的麻糬,所以食落奶香味又濃又重,呢樣真係抵讚,非常有驚喜呀!凍凍的麻糬,食落質感軟綿綿,QQ的再配上花生粉和花生粒,兜啊兜...兩樣好易沾花生既香脆同香味同麻糬係絶配$68不便宜,但在外很難拎到了。食完又唔漏,好Buy!!!<<<<< 外賣飲品全天供應 >>>>>🔹鮮芭樂苦瓜汁 $68夏日炎炎最好都係飲返杯凍野降降溫,苦瓜汁雖然味道很甘苦但飲真啲會散發出芭樂的果香,非常清熱消暑!我係台灣就最鍾意飲架啦~不過呢度用青色的苦瓜,並不是台灣的白苦瓜,青苦瓜比較甘苦,雖然底下既芭樂汁微甜好彩攪拌後都較易入口,如果唔係有對比既時候台灣的白苦瓜真的好多了!老實說兩者味道蠻夾的。推介!【Check-in Taipei】 成為不少旅客到訪的必食清單,其實又真係講得通既,因為由外到內都感受到係一間有誠意既餐廳,無論裝演、Menu、食物出品一點也不馬虎,服務都做得好足,菜式又特別!在中環很難找到一間這個模式既餐廳了。就係咁樣感受了一晚台灣既旅行時既風光,勾起我想飛往台北台東既心思。好想去啊... 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-19
723 瀏覽
最近搬了去中環的Office,新來新豬肉,我都不斷在尋找中環有什麼好嘢食。Check in Taipei是我bookmark了好久的餐廳,既然我來到中環啦,當然不可以錯過啦!溫馨提示!這間餐廳無論幾時來食都是好多人,所以一定要排隊,這晚我都排了15分鐘。不過我覺得有個好貼心的地方,就是店員會派一把小風扇給你在等候的時候吹,這樣就算多炎熱的天氣,客人都不會排到發憫憎。這裡的所有東西全部都好台灣,這些裝飾好有夜市feel和文青feel。而且整晚餐廳都在播放一些台灣的流行曲,令我想起十幾年前台灣偶像劇的感覺。不說這麼多,先開動先!第一道是火焰原條日式鰻魚起司玉米蛋餅。上枱後,職員還會用火槍將鰻魚燒一燒,霎時間有股焦糖的香烤味傳出來。鰻魚真的很大條,然後再在表面上灑上木魚花,賣相超級吸引。把鰻魚切開,每咬一口都有很厚實的肉,還有玉米粒,最邪惡的是滿滿的芝士,食下去非常滿足。這完全就不是一道小食的份量,這是主食才是吧!男朋友很勇敢,勇於嘗試新食物。他點的是豬軟骨鯊魚骨豆乳湯麵,有淡淡的奶味,然後稍為有少少魚味,但不是很腥,學下去的時候,感覺非常養顏。而我保守一點,點的是台「豐」牛肉麵,有兩條油炸鬼、豆腐卜、脆脆的蟲草花和一顆糖心蛋。這個湯底十分抵讚,看不看到完全不浮油,一點也不肥膩就算喝幾口都好,也不會覺得很鹹。它的麵條稍為有點粗,但是非常煙韌,如果用台灣的說話來講,就是很Q彈吧!看一看這塊牛𦟌,差不多半個手板長那麼大,啖啖都是肉。而且蟲草花脆脆的,有浸甘香未到開學。如果硬要說缺點,我就認為而且蟲草花脆脆的,有浸甘香味道。如果硬要說缺點,我就認為店主可以考慮加上酸菜,畢竟,台灣牛肉麵怎麼可以沒有酸菜呢?這裏的飲品也是相當足料,我的木瓜牛奶還有男朋友的手作芋泥牛乳冰全部都是滿滿的一大杯。尤其是男朋友那杯芋泥冰,芋泥還要比牛奶多,味道不算太甜,非常紮實。最後是甜品環節了,在芋圓和奶奶麻糬中我選擇了後者,因為芋圓在香港很常見,但是用鮮奶做的麻糬就不是哪裏都可以吃到。這個麻糬鋪在滿滿的Oreo碎上,你要很有技巧地用筷子把他們分成一小塊,然後讓每塊都沾上Oreo碎。麻糬口感冰冰涼涼的,奶味很充裕,配上Oreo真是不得了,Q彈的口感又帶脆。是很新穎的甜品,我很喜歡。說到最後,這間餐廳的食物算是新穎中又帶點傳統,既有台灣的風味,亦有Fusion的創意。而且,所有食物都很足耶,女生要注意不要吃多哦! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-18
599 瀏覽
今晚係中環覓食,終於嚟咗Check-in Taipei,有次經過都見到好多人排隊,今晚book咗八點,出邊仍然有好多人排隊等緊,好彩我地今次早左book枱,所以等左一陣就入得。喺中環地段,餐廳嘅裝潢有小小似bar,有bar枱,有音樂,幾有氣氛, 啱情侶或者朋友傾計,仲有啲霓虹燈都適合打卡。芥末雲耳淮山 $48見到好多人嗌秋葵,坳吓頸試吓呢個芥末雲耳, 結果非常有驚喜,芥末味濃郁,出奇地好夾雲耳,做前菜好清新好開胃,個人認為必點。芋泥鹹蛋黃蛋餅 $75我比一百分,因為呢個蛋餅非常足料,入邊嘅芋泥多到湧岀嚟, 食落好香芋頭味,蛋餅上面鋪滿肉鬆同鹹蛋黃,芋泥嘅味道竟然仲有啲重過個鹹蛋黃味。一入口有淡淡的鹹蛋黃吊味, 幾特別,好食到覺得我自己一個都可以食得晒。自製酸辣牛肉麵(刀削麵) $115問咗呢度嘅職員,呢個湯底係經典牛肉麵湯底加上酸辣味, 湯底好有台灣風味,佢哋標榜冇味精,加上酸辣有畫龍點睛嘅感覺,我個人鍾意食辣,刀削麵煮得剛剛好,唔會太硬。牛肉肥瘦分明,煮得好淋唔會好韌。特別嘅係有蟲草花,好養生嘅感覺。溏心蛋滷肉飯$48滷肉入口即溶, 不過重口味嘅我略嫌飯嘅汁唔夠。奶茶妹妹•醉了$95見到咁特別嘅cocktail,忍唔住嗌咗。好特別有一條點着左嘅玉桂條,店員話如果鍾意可以將成條玉桂條放入飲品,就會有啲煙燻嘅香味。飲落好特別, baileys加vodka 再加珍珠,vodka係earl grey infused,成杯嘢飲飲落真係好有珍珠奶茶嘅感覺,真係飲得岀有淡淡的earl grey味。睇得出老闆好有心思研究cocktail!!熱白桃綠茶 $42香白桃味,不過不失。伯爵茶凍QQ芋圓 $65伯爵茶凍第一口食落似大菜糕或者涼粉,食食下慢慢先滲返伯爵茶嘅味出嚟,好正。芋圓同埋地瓜圓好煙韌,份量都唔少,兩個人share啱啱好。呢度嘅侍應幾殷勤,即使全間餐廳滿座,都好容易搵到佢哋幫手,唔錯。 繼續閱讀
(以上食評乃用戶個人意見 , 並不代表OpenRice之觀點。)