211
39
13
港鐵香港站 C 出口, 步行約8分鐘 繼續閱讀
電話號碼
23512622
附加資料
Brunch Menu 逢星期六12:00 - 16:00供應 台式飲品全日供應
營業時間
今日營業
11:45 - 22:30
星期一至三
11:45 - 22:30
星期四至五
11:45 - 23:30
星期六
12:00 - 23:30
星期日
全日休息
付款方式
現金 支付寶
座位數目
36
其他資料
網上訂座
Wi-Fi 詳細介紹
酒精飲品
自帶酒水 詳細介紹
切餅費 詳細介紹
電話訂座
賞訂座積分
外賣服務
加一服務費
當面支付
有關獎賞計劃
食評 (278)
等級4 2018-11-20
1235 瀏覽
🎐熊妹為左答謝🙇🏻‍♀️熊爸熊媽照顧熊婆婆,請食飯走唔甩喇!熊大就係燉腳既👨‍👩‍👧‍👦。📍熊妹特登揀間食台灣菜《Check-in Taipei 》特別少少的餐廳🍴,試下新野無咁悶! 📍明知道《Check-in Taipei 》近期係極為大熱的新開餐廳,熊妹就當然預先訂位喇!📍熊妹訂左9點15分,9點05分齊腳黎到,店鋪唔係好大,有bar枱位,同7-8張4人枱,見全場都係爆🈵,仲要前面有人排緊🚶‍♀️🚶🏻‍♂️,以為訂左位但都係有排等,點知準時9點15分入得,讚!📍蛋餅,鹽酥雞,滷味,麵食,魯肉飯,芋頭甜品🍮,全部都係台灣地道小食,一於樣樣都試啲。牽絲酥皮芝士蛋捲,$85📍招牌盛讚系列💮,見到芝士拉絲都流哂口水🤤。比起傳統捲起的蛋餅,呢款係以鐵板穫上菜,可保持蛋捲温度,令芝士繼續溶化。蛋捲🌮好鬆脆,酥皮入面包住煎蛋🍳,簡單又好味的食材。非常豐富的忌廉芝士同咸芝士🧀,咸咸地又有忌廉芝士的微酸,自然食落唔覺好滯,就撩哂成盆芝士食哂。鎮店滷水拼盤,$78有雞腎,大腸,麵筋,雞軟骨。碟唔算大,但每樣份量好足,成碟鋪得滿滿的🍱。雞腎唔淋有咬口,小小一片,易入口。雞軟骨好爽口,連帶有少少雞肥膏,熊大至愛,熊妹就怕肥吐了。麵筋就類似齋咁,滷水入哂味。大腸,熊妹不嬲都唔好,無試,但見熊爸全部清哂,睇黎應該都幾好味。整體來說,全部滷水味好夠,唔會太咸太濃,小食多滋味。松露粟米蛋餅,$68📍再來另一款招牌盛讚系列💮的蛋餅。📍呢款係傳統捲起配料做內饀的蛋餅🌯。📍熊大熊妹都好喜歡食粟米🌽,有咬口又爽甜,粟米做饀的蛋餅一定無得彈。蛋餅面頭吱上熊妹很愛的松露醬。松露味唔算太濃烈,醬汁都唔算多。蛋餅質感比較淋身,就真係似食薄撐蛋皮咁,無蛋捲酥皮的鬆脆。熊大熊妹都覺得呢款蛋餅係遜色啲。主廚四寶牛肉麵,$98📍食完餐前小食,就當然叫點主食喇。招牌盛讚系列💮的四寶牛肉麵🍜有牛腩,牛𨫀,牛肚同牛筋,配料唔少得的半隻糖心蛋🥚同兩條青菜🌿。牛肉四寶🐮全部本身都有滷水調味過,每款都好大一舊,牛腩好淋身,牛肚有咬口,牛𨫀,牛筋好彈牙,無煮過龍,各有特式,不過牛味唔算好出。鮮蟹肉麻婆豆腐撈麵,$118📍又一招牌盛讚系列💮。嘩,好驚喜,好大一碗喎!蟹肉🦀份量唔少喎,唔係好腥,撈埋一齊有種鮮味。麻婆豆腐醬唔係好辣,份量好夠,仲有啲肉碎,豆腐好滑,撈埋好好味!撈麵🍝本身係豉油王撈粗咁,好大一份,幼麵好易入口,唔好麵的熊妹都食左兩碗。手作芋泥奶茶布丁,$65📍呢個係季節食品推介,即唔係menu長有,只推出一段季節性時間,而呢排係主打咁芋頭食品。奶茶布丁🍮好香好重奶茶味,質感滑滑唔會好多魚膠粉好實的,都好大一舊。配料仲有抹茶草餅🍡,珍珠同一pat芋泥,全部都有自己的味道。抹茶草餅唔算好甜。煮過的珍珠熱熱地,軟軟糯糯。芋泥蓉好濃稠,唔會好稀,食到真材實料的粒粒芋頭。仲奉上一小樽玫瑰花奶🍶,熊妹試左少少,雖然熊妹很喜歡玫瑰花🌹,但極之唔好玫瑰製品,因為覺得花就是花,花香是嗅的,架硬以花味造成食品令成件事格格不入,有點怪,而且各項配料都好夠甜味,所以沒有點上這瓶玫瑰奶。鮮芭樂苦瓜汁,$52📍熊大點給熊媽的,因為熊媽喜歡喝鮮揸健康果汁🍹。非常新鮮,非常分明的一層苦瓜,一層芭樂,紅綠配撘很美,明顯真材實料,不是糖漿溝水。📍不過玻璃杯容量唔大,價錢有點貴。綠豆沙豆漿,$48📍熊爸既係綠豆沙忠實粉絲,又係豆漿🍶愛好者,綠豆沙豆漿一定非熊爸莫屬。熊爸話綠豆沙好綿,撈埋豆漿,唔會好甜,係非常之夾的。鮮木瓜牛乳,$52📍熊妹愛木瓜,台灣飲料木瓜牛奶🥛出哂名,當然叫返杯試下。🍸鮮揸木瓜好新鮮,揸到好溶,無渣,不過甜左啲,應該有落糖的,不過溝埋淡淡的牛奶🥛一齊飲就中和左喇。📍整體黎講,係間香港好少有的台灣店,有傳統地道風味台灣菜,又有特式新意的fushion菜,有一般餐廳的飯枱,又有迎合蘇豪區的bar枱,係好值得黎chill下既。📍多謝熊爸熊媽熊大俾熊妹個機會黎拜訪下,呢餐熊妹抵請喇! 繼續閱讀
(以上食評乃用戶個人意見 , 並不代表OpenRice之觀點。)
台灣菜一直是我在心目中是最不可抗拒的菜式,就像吃多少餐都唔會厭(嘻嘻🤭)今日去中環接朋友放工,朋友帶我去蘇豪區這間台式玩味小店餐廳,聽說性價比很高,而且不少人去打卡📍所以帶我來試試🍴雖然是星期一平日,但鋪頭外面有好多人圍住等位, 所以星期五六日黎食,一定要預早少少來等位,一入到餐廳,裝修道具都帶俾我好大既驚喜😎是走時尚風格的台式餐廳,由門口「我 愛 台 妹」的粉色霓虹燈牌,吧台設計,周董海報,仲有一首首耳熟能詳既國語歌,不禁尖叫「巧有感覺」 不怪得旁邊的台灣食客也遠道而來💃💃💃食台灣野,我一定主打吃小食,多多都食得落,就好似掃街咁,非常滿足! 但作為我倆的晚餐點都要叫個主食‘鮮蟹肉麻婆豆腐撈麵’是創新的組合,份量亦很大, 麵條Q彈爽滑,掛汁力強🍝 無論肉醬跟蟹肉一點都不吝嗇,食都最後都仲有好多醬,非常足料惹味,溫馨提示💭這個撈麵麻婆味十足,有一定既辣度,不吃得辣既都係乖乖地食牛肉麵吧! 如果愛辣之人一定像我朋友一口接一吃🤤手繪雙色鹽酥雞是朋友點的,鹽酥雞炸後仍保持嫩滑多汁,媲美得上台灣的炸雞店,雙色是指黑松露跟柚子醬,兩種醬汁兩種口味,各有喜愛💕小食就叫左紫菜椒鹽杏鮑脆脆,用小鐵桶盛著更加別緻,杏鮑菇切成長條狀,菇很有水份,薄薄的外皮炸得很酥脆,加上紫菜椒鹽作調味,邪惡又滋味😈到台灣總有一餐早餐要吃蛋餅,有三個味道供選擇:台式肉鬆、明太子櫻花蝦、黑松露玉米蛋餅,而我就選了後者,應該是三款之中最濃味,有點蓋過玉米,玉米粒粒很多,蛋餅跟台灣的早餐店無疑,即叫即煎的蛋餅,蛋香十足煙韌的口感包裹著快滿出來的餡料果然是我大愛♥️作為奶茶愛好者,一天不飲奶茶總是心癢癢,我沒挑選大家拍照必點的燈泡珍珠奶茶💡反而點了這杯玫瑰奶茶+黑糖珍珠,奶茶甜度正合我意,不會過甜,茶同奶的比例不錯,黑糖珍珠煙韌到位,玫瑰花撒在奶茶面,搞拌後令奶茶多一份花香🌹朋友話好掛住台北的北回木瓜牛奶,所以就決定試下這裡的木瓜牛乳,佢話飲得出是鮮木瓜打成沙冰,味道不錯,不會太甜,略厭奶味不夠醇厚,而且有點細杯好快飲哂,但飛唔到去台灣飲,唯有頂住先✈️我同友人都是芋圓控,就算肚子很撐,也敵不過甜品的魅力,點了這個餐牌上必吃甜品 - 伯爵茶凍QQ芋圓,配料甚多,手工芋圓及地瓜圓、黑糖珍珠、檸檬愛玉、蜜綠豆、伯爵茶凍,整碗甜品多姿多彩,口感好好,愛玉滑溜Q爽,芋圓紮實有咬口,綠豆甜甜綿蜜,而伯爵茶凍是自家製的,茶味濃郁,中和左煉奶既甜度,簡單而甜蜜既幸福🤭不得不提,餐廳地方有點兒逼,對於女仕一袋兩袋,建議加返個籃子俾客人放下隨身物品或外套,那就舒服自在得多😌👍🏻食完這餐滿足的台菜,真想大聲說句「我愛台妹」🤟🏻🙂 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-05
2235 瀏覽
今晚收工同好友飯聚,L小姐帶我出中環SOHO的check in taipei食好西!原來都好多人,好彩8點前黎到,否則都要等下位!場內播的都係我呢個年紀好岩聽,由細聽到大嘅嘅台灣歌!非常親切!呢度啲菜式做食得非常好! 手繪雙色鹽酥雞$68, 一碟有六件,每件雞件都大大件!炸得好輕身好鬆脆,雞肉質地好嫩滑! 隨雞伴碟有兩種醬汁,分別係黑松露醬汁同埋柚子醬汁,非常清新!全靠L小姐極力推介呢個鮮蟹肉麻婆豆腐肉醬撈麵,$118,來到都有啲嚇親,因為好大碟,面頭有大量豆腐肉醬同鮮蟹肉,惹味得黎,個撈麵又好滑,好食到一條麵都冇剩!魯肉飯台灣A菜一啲都唔馬虎,有大量魯肉,A菜好清甜!飲品方面點咗兩杯飲品,一杯係芭樂苦瓜汁,另一杯係菠蘿梳打。芭樂苦瓜汁賣相好特別!紅色同綠色分開,飲落去首先飲到芭樂汁的清甜然後就係微苦的苦瓜味,感覺好特別但又幾好入口!菠蘿梳打唔會太甜非常好!好想食芋圓,但由於實在太飽,所以點左之後同餐廳講只係比半碗我地就得!呢度啲芋圓好好食,好qq好香芋味! 伯爵茶凍味濃,加埋本身的糖水花奶同珍珠,好似食緊珍珠奶茶咁,好好食!下面仲有大量滑嘟嘟的愛玉!L小姐果然冇介紹錯!價格合理味道佳,難怪平日晚上呢度都咁好生意! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-21
2936 瀏覽
今晚在中環和朋友想食台灣菜,上次食過的”Check in Taipei”很不錯,今晚再帶他去試下其他菜。芋泥鹹蛋黃窩夫 $72季節的芋泥,有芋泥:肉鬆、蛋黃,窩夫好香脆有質感,芋泥不膩。牽絲芝士酥皮蛋捲 $85用上鐵板上能保持熱度,邪惡的芝士舖滿面有拉絲效果,入口口感豐富,蛋捲酥香,食到咸蛋香。魯肉伴上台灣A菜 $68魯肉舖滿面,肉質腍軟入味,菜翠綠新鮮爽口,醬汁帶微甜。滷水雞軟骨 $42雖然細細碟,但份量好足,好少食到滷水雞軟骨,非常入味,口感爽脆,佐酒一流。主廚牛四寶湯麵 $98四寶有牛腩、牛筋、牛肚和牛𦟌,每樣都好有件頭,份量好足,牛筋好腍好入味,牛肚好大一片,好吸湯好入味,牛𦟌爽韌有口感;麵好夠彈,好喜歡它的質感。手作芋泥奶茶布丁 $65奶茶味好香濃,手作芋泥上灑上紫薯粉,還有抹茶蕨餅和黑糖珍珠,整體都不錯。比較有特色的苦瓜系列,我揀左當中两款。鮮蘋果苦瓜汁綠茶 $48黑糖苦瓜汁綠茶 $48 繼續閱讀
(以上食評乃用戶個人意見 , 並不代表OpenRice之觀點。)
聽朋友說:台中市十一月會舉辦「世界花卉博覽會亅,應該很好玩啦!!好,福福郎一於約朋友出嚟傾下 ,看搞唔搞得成一個台灣short trip先 !傾台灣旅遊,當然是選一家台式餐廳啦! 參考openrice的「Location base 定位推薦介紹亅,選了這家位於中環荷李活道和擺花街交界的新派台式餐廳Check-in Taipei來約會。這是一家很有玩味的 台灣新派料理店! 怎樣形容好呢?它店面不太,但有一點 不經意的 街頭風格。裝修看似很隨意,但其實看到是花了不少心機 去營造「不經意亅的感覺! 獨特玩味只此一家,別無分店!👍「我很喜歡這個側面沉思 feel的周杰倫畫像及 名句Quote。很 chic!!」至於食品方面, 看看menu,很多飲品食品也是甚有創意的。。。而且食品擺盤也別出心裁,排列得十分雅緻,令人情不自禁要讓相機吃先!不過,話雖如此,其實食物的味道也是十分不錯的!我今晚試了很多店家的招牌菜,現在就一一和大家介紹吧!先來飲品孖寶:手作芋泥牛乳冰 $52甜甜的芋泥丶香香的牛乳,混在一起。。。像不像傳說中紫色乳牛的飲品?。。。只是看見丶已經覺得會很好喝吧!!「熱亅鮮薑汁撞奶 $48鮮薑汁的味道令人感覺舒服丶配熱牛奶囗感溫和,喝下去 有一點辣辣的感覺 ,十分暖胃。對今天有點喉嚨痛的福福郎來說,簡直是甘露!這真是 舒緩喉嚨不適的良方妙藥!食物呢?Here you go。。。紫薯芝士乒乓 $75一口咬下去,芝士味十分濃郁, 鹹鹹的芝士味丶配上甜甜的紫薯蓉,竟然出奇地相配。 「兩者相比,其實是紫薯的味道較出!亅口感方面,它做得煙煙韌韌,有一點像在吃蕃薯丶 又有點像在吃甜薯蓉的感覺。芋泥鹹蛋黃窩夫 $72這是一個中西合璧的fusion菜, 在西式的窩夫(waffles) 上放上中式的蛋黃芋蓉,有一點像在吃潮州甜月餅的感覺。。。 現製的窩夫很好吃, 值得一讚!黑松露玉米蛋餅 $68我們在等候入座的時候,不斷看到餐廳的小電視,在播放這個招牌菜的製作方法! 吃下去,黑松露的味道很「出亅, 很惹味, 反而玉米味有一點被蓋過了! 這是一個鹹的蛋餅!蛋餅吃起來很新鮮丶很軟韌,一吃就知道是即叫即煎的好貨色!值得一讚。芋泥酥皮蛋捲 $82相對上,個人較喜歡這款甜蛋捲 。 酥皮吃起來甜甜的, 咬下去頗為鬆軟, 真的要讚一讚它的芋泥餡,做得很出色。。。 也是因為這個原因,我們今晚叫了數個有關芋泥的食品來吃,一於 把店家的招牌名菜一次過試曬!特濃蕃茄牛肉麵 $98它的厚切牛展肉, 炆得又淋丶又香軟丶又入味; 但吃下去它仍是有texture 丶有咬口的;不是那種入口即溶丶 用化學劑鬆肉的貨式!蕃茄濃湯喝下去有濃重的蕃茄牛肉香味, 面不是煮得太淋, 吃下去口感剛好。 對我來說, 這碗麵是我今晚最喜歡的菜式!!好味。手作芋泥奶茶布丁 $65本來過了晚上六時,福福郎是不能吃任何有茶類的東西, 免得受咖啡因影響引玟不能睡眠! 但由於這個布丁的賣相十分吸引(看下圖),所以我也偷偷破例嚐了一點點!綠茶麻薯及珍珠入口均是QQ的,奶茶布丁的奶茶味十分香濃,布丁滑滑,有一點像在吃奶茶味的「百福杏仁荳花亅似的。。。 挺特別的感覺!我們對這家餐廳的環境丶食物丶服務安排的整體評價不錯, 這餐廳是晚「全院滿座亅,等位的人也很多, 我們不好意思坐太耐傾計, 為是夜聚會一個美中不足的 小瑕疵 。.。。。🦉另,餐廳是夜播放大量台灣嘅流行歌曲:包括周董的 各時期金曲 ,喜歡Taiwan pop songs 的朋友,請留意啊!!。。。🦉👍 繼續閱讀
(以上食評乃用戶個人意見 , 並不代表OpenRice之觀點。)