Charcoal World (已搬遷)

第一次黎到呢度！心諗工廠區聚會咪又係室內開大食會！黎到！一打開門發現好多熟既朋友係到唱緊歌！音響效果好好！成個室內場好有氣氛！唱歌選擇都好多 中港台日美英歌手都搵到, 重點係好多舊歌都搵到呀, 連我媽隻歌都搵到黎唱 笑出到室外,已經聞到好香既燒肉味, 即刻口水流跟住見到朋友係到打緊麻雀。有d係到打緊十三張！色中等等 我都第一次係工廠大廈到燒野食。又唔驚嘈。又唔洗預備炭。食物。叉。帶個人去就搞掂果晚好正,  老闆都好好人比多半小時我地先走               …查看更多

首先我地ㄧ行16人，諗住揾個地方可以ㄧ大班人聚吓，我地有11個人海鮮餐(每位$300)，5個人普通餐(每位$250)...價錢已經唔係平，ㄧ去到按極門鐘冇人應，按左好耐都冇人應，室內音樂好大聲，之後要大力拍玻璃門先出來開門。。ㄧ見到個室內地方叫ok大，但係就唔算好舒適，有張好大既地台以為係梳化，點知係好硬既板同感覺污糟，咁户外既地方就係BBQ...好既就係有蓋，落雨都唔怕，唔好既就係光線唔夠同埋比較簡陋同啲櫈極污槽，我地要用垃圾袋每張包過先敢坐。。。之後見到啲食物覺得有少少中伏。。。我地見佢話每人包ㄧ個飮品，我見雪櫃得11個飮品同ㄧ支水，又得11支燒烤叉。。咁我地問佢先比番5支叉同5個飮品。。咁我地即時問佢係咪得11人食物分量，但佢堅持係16人既食物分量，咁唔明啲燒烤叉同飲品咁Q都係得11個，但係食物好難計，我地唯有算。比蜜糖又唔比個掃，之後又冇碟同餐具比我地用，每様野都係問先比，牛油又係上手用過既，金菇類果啲ㄧ包包未拆，要我地自己拆同洗，個負責人個樣全程黑過地溝油。。不如講吓食物品質，從未食過咁難食既丸，冇味，好似舊粉咁，難以形容，真係好難食，啲腸算可以接受。。啲海鮮係有冰包住，即係好似溶咗雪再放入冰箱咁，感覺好唔新鮮同好唔乾淨。。啲肉同扒算可以接受，叫做正常啲，但調味得唔太好食。。。真係唔會再去，極差!!…查看更多

冬天一定要食一次燒野食，於是就預約了位於觀塘的「炭世界」， 基於無找過資料，不知到底有什麼好吃、什麼會中伏，就亂點，反正餓左BBQ好耐。一口試燒左七款食物，最深印象是大隻扇貝及燒一口和牛粒。惹味蒜蓉生燒大隻扇貝好好吃，因為味道很重，吃起來很過癮，個人覺得如果加點辣更好。和牛粒燒得剛好，一口即容，不會燒乾水份。值得一試，惹味十分！當我見到燒雞亦，雙眼立即發光，因為「識食；一定燒雞亦」。燒雞亦在燒的時候不能亂放孜然粉，少量海鹽調味就可。燒得外脆內軟，實在太好味！吃後簡直有一份種感動！必點！最後要一提燒面包 綿花糖, 作為一個BBQ完場既點綴  甜品,整體燒烤食物都不差。而且燒野食時間係4小時,足足比平時一般多左1個半小時,又有得PARTY ROOM 麻雀 唱歌, 真係一個唔錯的選擇…查看更多

||||||||||||||||||||||||||||||好開心食店可以比我地帶埋汪星人黎一齊聚餐, 興祝其中一位汪星人生日,  成個PARTY我地玩都好開心, 野食正 連汪星人都忍唔住流口水想食,難得今日平日冇其他客, 店主好好人咁比哂成個場我地玩, 仲幫狗狗試左好多新衫, 100個盡興^^          ||||||||||||||||||||||||||||||     …查看更多

要乜無乜，海鮮餐收$250，得聖子、蝦、扇貝仲要係每人一隻，本身係佢facebook內提到既蠔、鮑魚、蜆係無影無蹤，最最最離譜既係，汽水任飲，雪櫃無汽水無水，得4罐加多寶，1pack菊花茶同維他奶，一行十幾人，夠飲？！？！同佢反映咪放多6罐加多寶咁大把囉。嘈佢，咪俾多三幾pack 6包裝飲品，加左十零隻急凍廣島蠔囉。都未試過汽水要自己落樓買架諗唔到其他字去形容，淨係諗到兩個～～～～中伏…查看更多