568
33
22
港鐵荃灣站 A3 出口, 步行約9分鐘 繼續閱讀
電話號碼
37052125
開飯介紹
以瑞士小木屋為藍本設計的餐廳及酒吧,環境優美,以合理的價錢供應多款西餐,包括招牌北海道蟹肉意大利飯及傳統法式油封鴨腿配芒果莎莎。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
付款方式
Visa Master 現金 AE 銀聯
其他資料
Wi-Fi
酒精飲品
自帶酒水 詳細介紹
切餅費 詳細介紹
VIP房 詳細介紹
電話訂座
食評 (653)
早前去開荃灣,係bookmark list入面選妃,選中呢間😂 本身睇佢d相同menu無抱太大期望,點知好有驚喜😍🚪匈牙利牛尾湯配自家製麵包 $58😋😋😋😋😋茄味濃、料多👍🏻最驚喜係個麵包,唔好睇佢望落似一條乾柴,原來係激。好。食💯個麵包係千層脆皮,牛油味好重,沾湯食真係好正🤤本來想encore,但一份5件又太多,惟有當留個原因比自己再去😝#感動出品❤️🚪法國麵包蟹燴意大利飯 $258😋😋😋😋酒店級擺盤不在話下!第一次食risotto係可以每啖都滿滿蟹肉絲😍芝士味濃郁得恰到好處🧀飯面仲有塊巴馬臣芝士脆片👍🏻不過食左3分1開始覺得漏。。有人share食會好d😉🚪西班牙紅蝦意粉配柚子泡沫 $258😋😋😋😋😋呢個又係不得了😱個意粉絶對唔係純茄汁咁簡單,而係充滿濃濃的紅蝦味🤤估計意粉既醬汁係用紅蝦頭的膏煮成,巨型既紅蝦亦非常鮮甜,再配上柚子泡沫帶來的微微橘子香,真係好想食多碟😂 🚪芝士薯條 $48😋😋😋芝士醬比較淡,薯條係淋身的 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-10
2308 瀏覽
天氣又凍又就黎十二月啦,已經感受到少少聖誕氣氛但又唔鐘意假期出街怕人多,提早少少食餐飯慶祝上網搵到Chalet,見到裝修好有歐陸嘅感覺好靚book左位黎食下,餐廳已經掛曬聖誕裝飾,加埋本身裝修靚,好有氣氛煙燻帶子海膽意粉意粉彈牙,醬汁中有淡淡海膽嘅鮮味,帶子新鮮甜美黑松露薄片意大利飯配美國大啡菇牛肝菌泡沬以前試過係其他餐廳食過太生嘅意大利飯胃痛,呢度嘅意大利飯煮得岩岩好唔會生,牛肝菌泡沬味道較淡,不過牛肝菌薄片將菌香帶返出黎,加上飯入面有大量菇菌,成個飯充滿菇菌嘅香氣甜薯條我人生中食過最好味嘅甜薯條,講到好誇張但係係事實,本身諗住嗌兩個薯條算,因為自己本身鐘意食咸味嘅野多啲,加上以前食過嘅蕃薯條無令我好想再食,但第一次黎又唔想淨係試一樣野,所以最後決定都係嗌埋蕃薯條炸皮好薄好脆,內心唔會太軟,表面灑上少量鹽嘅微咸同蕃薯本身嘅甜味非常配合,今次我反而食少左薯條,食多左甜薯條芝士薯條大致唔錯,香脆有薯味凍朱古力偏甜嘅一杯朱古力,朱古力味香濃店員友善親切,服務同食物都好滿意期待下一次再黎食過 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-06
1873 瀏覽
話說媽媽當日來到荃灣,由於逛街有點早,當然要先帶媽去食個午餐,當時想起這間不錯的西餐廳,便決定光顧位置(8/10):位於青山公路荃灣段,宜家傢俬的對面馬路,附近是福來村,周邊有不少巴士及小巴線,由港鐵荃灣站A3出口步行約9分鐘環境(9/10):餐廳裝修歐式,大門至牆身都很高尚,由於晚上是酒吧餐廳,燈光較陰暗有情調,感覺舒適服務(8/10):侍應殷勤有禮,亦會主動下單,入座後會主動提供清水,門口亦提供消毒潔手液食物(8/10):由於是酒吧餐廳,當然以西餐及各式酒類為主,而午餐則會提供西式套餐我和媽媽選了每人一份午餐,包括一份主食、一份餐湯及咖啡或茶是日餐湯及自家製麵包是日餐湯是南瓜湯,南瓜湯非常香濃,而且帶有薑味,在冬天喝真的很暖肚。而自家製麵包口感鬆脆,浸湯口感味道會更佳海鮮龍蝦汁意粉 - $128第一份主食是我選的海鮮龍蝦汁意粉,龍蝦汁香濃而鮮甜,意粉軟硬適中。配菜有車厘茄、三隻煎香的鮮蝦、三隻青口及一隻帶子,食得出的新鮮,整體味道很不錯寶雲酥焗羊架 - $148焗羊架有三大隻份量夠多,而且焗得很香,羊架啖啖肉而且非常嫩滑,油香十足,羊架面有迷迭香香味的麵包糠,而配菜有翠玉瓜及薯角,配合燒汁食夠味夠滿足咖啡或菜套餐當然有包飲品,點了凍奶茶及熱奶茶,屬於西式,自行加奶及糖,方便不喜太甜人士整體來說,這間酒吧餐廳裝修精美、服務不錯、交通亦算方便,而且食物質素亦不錯,值得大家來試試🌺Chalet🌺地址:荃灣青山公路407-411號金荃大廈地下B號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-06
1470 瀏覽
荃灣實在不近住九龍東嘅我但每次毫不誇張,每次黎荃灣如果食西餐絕對會揀chalet~!第一次光顧係貪其與當月生日嘅壽星與此食飯會有免費蛋糕🍰and碟上寫名~但到訪之後就發現實在好食!!~故此即拉大隊接二連三嘅黎光顧~每次都揀lunch到訪因為無咁多人又好坐~lunsh set仲會有附上是日餐湯,自家製麵包,咖啡或茶好抵食~!不過要提佢地個lunch set menu成日都轉!!!哼~今次食到好味嘅下次想再encore就發現已經轉左!幸好我每次都必食嘅烤加拿大豬鞍配焦糖肉桂蘋果係常駐菜式😄+$48 是日餐湯轉 龍蝦湯質地較稀但飲落味道濃郁內更有細碎嘅龍蝦肉增加口感~!一定要用跟餐嘅麵包點湯食!!~烘到外脆內軟嘅麵包🍞配上鹹香嘅龍蝦湯絕對係天作之合!!~好好味哦烤加拿大豬鞍配焦糖肉桂蘋果$148每次黎都會食!質素照舊地好味~豬鞍厚身得來但肉質軟腍又好容易切開~咬落juicy有肉汁,沾上一旁酸甜嘅蘋果醬食更加惹味!~一旁嘅半個焦糖肉桂蘋果不同其他餐廳嘅肉桂味只流於表面,而是能感覺到焦糖肉桂味已經滲落蘋果內裡🍎,超級特別又眼前一亮~!!而配菜嘅薯仔粒粒超級軟綿,好味😋!~🥔龍蝦汁海鮮意粉 $128🍝青口帶子大蝦食落都新鮮又彈牙!!~濃郁嘅龍蝦醬汁再加左啲車厘茄粒🍅~令整體多左分酸甜!~意粉超嗦汁每一啖都可以嚐到海鮮嘅鮮味~!本人唔係龍蝦汁嘅fans其實對龍蝦汁嘅菜式都還好,但呢道龍蝦汁意粉真心比到驚喜我!!~推薦真係好想知舖頭幾時會再出墨汁帶子義大利飯🇮🇹第一次食之後就對呢到菜式念念不忘tvt📝可能我未必太熟悉荃灣呢頭~但每次黎親都光顧但每次都真心覺得好好味~!係我心入面都係超優秀抵食嘅荃灣西餐~!環境又好靚樓底又高拍拖約會一流哈哈~😋 繼續閱讀
(以上食評乃用戶個人意見 , 並不代表OpenRice之觀點。)
等級2 2022-05-05
64 瀏覽
今次因為同朋友食生日飯,嚟咗荃灣嘅西餐廳,點左唔同嘅食物,又係一個愉快嘅晚上。呢個龍蝦意粉味道不錯帶子煎得幾香意粉就不過不失啦,我諗唔算太有驚喜,同預期中差不多同朋友一齊分享一份牛扒,覺得全日最好食就應該係呢一個牛扒,不過以價錢嚟講會有更多選擇芝士薯條就一定係好食嘅,龍尾嘅芝士配上薯條,食過返尋味,真係完全停唔到口啊,haha🙂👍🏻點左杯菠蘿特飲,超級多冰,飲咗好耐先飲完,真係要花啲功夫先可以🍽😌 繼續閱讀
(以上食評乃用戶個人意見 , 並不代表OpenRice之觀點。)