Chalet

536
30
20
港鐵荃灣站 A3 出口, 步行約9分鐘 繼續閱讀
電話號碼
37052125
開飯介紹
以瑞士小木屋為藍本設計的餐廳及酒吧,環境優美,以合理的價錢供應多款西餐,包括招牌北海道蟹肉意大利飯及傳統法式油封鴨腿配芒果莎莎。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
付款方式
Visa Master 現金 AE 銀聯
其他資料
Wi-Fi
酒精飲品
自帶酒水 詳細介紹
切餅費 詳細介紹
VIP房 詳細介紹
電話訂座
有關餐廳
Chalet:優雅舒適的「小木屋」
「Chalet」一詞,有指是瑞士小木屋的意思。在一條平平無奇的荃灣街道旁邊,打造了富優雅格調的「小木屋」,為大家帶來親民的高級西餐料理。

店內分為多個區域,有高雅木製餐桌的英倫風格「戶外區」,懷舊舒適的餐飲區,以及樓上以皮製厚沙發打造成模擬書房的典雅別緻地方。不論你是愛打卡傾計、又或鐘意歎靚酒食西餐,都可以在chalet搵到你們的心頭好!

高級西餐此中尋
走進「小木屋」,除被佈置裝潢所震攝之外,餐牌上親切的價錢,更讓你喜上加喜!大廚以心思誠意,炮製別出心栽的西餐菜式與飲品,令人一試傾心。

精選推介有:法國麵包蟹燴意大利飯、西班牙紅蝦意粉配柚子泡沫、帝王蟹餅配蛋黃芥末醬、法式海龍王配麵包、蘋果金寶配雲呢拿雪糕。同場亦有多款Cocktail、Mocktail 和紅白酒選擇。
餐廳告示
Chalet親民的高級西餐料理 精選推介食品
2021-05-05
「法國麵包蟹燴意大利飯」人氣高,大廚將原隻法國麵包蟹拆肉,再加入忌廉煮製意大利飯。意大利飯口感Creamy,飯粒飽滿Q彈,每啖都有蟹肉鮮甜味。 「西班牙紅蝦意粉配柚子泡沫」加入分子料理玩味元素,將柚子打成泡沫,輕甜開胃又清新。西班牙紅蝦出名蝦味濃郁,配合柚子泡沫味道平衡恰好,蝦控必試。 「帝王蟹餅配蛋黃芥末醬」是自家製蟹餅,將大蟹拆肉調味搓成蟹餅,再沾上麵包糠、蛋黃醬半煎炸而成,外脆內軟綿。蟹餅上以紫薯炸片點綴,香口又解膩。 「法式海龍王配麵包」湯頭以波士頓龍蝦頭、龍蝦殼熬製,再加入帶子、青口、大蜆、魷魚和盲曹多款海鮮。每啖都有龍蝦獨有甜香,而且海鮮份量十足,每啖湯都可配啖海鮮,絕對可以邊飲邊食大滿足。 「蘋果金寶配雲呢拿雪糕」大大件,蘋果金寶外層鬆酸酥化,上層粒粒夠脆,與軟綿甜酸的蘋果肉內餡有強烈對比口感。一啖甜酸蘋果金寶、一啖清爽雪糕,甜度恰好,女生一定喜歡! 駐場調酒師調製多款Cocktail 和Mocktail,Cocktail推介「Gin & Pear」以Tenqueary Gin . Absolut Pear . 蛋白等而成。 Mocktail 則有「Girls Generation」、「Passion」,前者以士多啤梨、藍莓、檸檬葉等而成;後者則有熱情果、菠蘿汁和芒果汁。 詳情
食評 (615)
等級4 2021-07-13
0 瀏覽
🍃 高級西式料理🍃 特色高質Cocktail🍃 一店多種裝潢風格英倫風高枱偽戶外區、舒適深木色系餐飲區、型格Bar Area (仲有上層添, 不過當天冇開放)🍃 服務殷勤到位餐廳名"Chalet", 有指係瑞士小木屋的意思🏚️位於愉景新城對面, 一條平平無奇嘅荃灣街道旁。坐低先叫兩杯cocktail試下值唔值得留低😏 Bartender即時用心調製🤵🏻出品賣相吸睛🍹一啖入口, 質素仲好過中上環某些酒吧😱 決定繼續留低嘆埋晚餐🍴價格中上, 食物高質, 對得住個價錢‼️--🥃"Low Calorie" (Happy Hour HK$88)Absolut Pear Vodka | Malibu | Yogurt Fresh Mango Juice & Lemon Juice 🥃"Gin & Pear" (Happy Hour HK$88)Tanqueary Gin | Absolut Pear Vodka Orange Bitters | Elderflower Syrup Egg White | Fresh Lemon Juice 📌Steak Tartare (HK$98) 微辣調味, 牛肉他他肉質新鮮, 口感彈牙! 📌Roasted Spanish Suckling Pig (HK$308)呢碟傳統西班牙烤乳豬不得了~ 裏面嘅脂肪被烤成半融化狀態, 皮脆兼入口即化, 肉質嫩滑, 仲有淡淡香草味添!📌Crab Cake (HK$98) 切開蟹餅後嚇咗一跳!全部都係蟹肉!原來係自家製嘅, 廚師將大蟹拆肉, 調味搓成蟹餅, 半煎炸至外脆內軟綿!堅好似食咗成隻蟹落肚咁!📌Sweet Potato Fries 甜薯條 (HK$38)📌Broccoli & Hazelnut 西蘭花苗•榛子 (HK$48) 連side dish都好高質, 調味亦恰到好處~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-03
2226 瀏覽
Chalet荃灣青山公路407-411號金荃大廈地下B鋪 (8咪半對面)今日黎左呢間好有驚喜既西餐廳,成日搭車都會經過見到,終於都有機會試下。。餐廳位置就係青山公路近愉景新城既對面,如果地鐵站行過黎都係幾分鐘好方便入到黎餐廳好歐陸式既感覺,好似去左歐洲d小鎮入面既小木屋咁好舒服,而且員工既服務態度好好又有禮貌,非常殷勤,值得一讚見到meun入面選擇都幾多,不過我地決定叫兩份set dinner, 貪佢除左有主菜之外,仲有齊晒麵包,餐湯,頭盤同埋甜品,夠晒豐富先上濃郁既蕃茄湯,配埋熱辣辣嘅餐包就啱曬我,而頭盤方面我就比較鐘意半熟吞拿魚,自己第一次試呢個食法,原來都幾特別,口感一流。。而法式肝醬食落好creamy, 配埋脆片食就最夾,唔會太漏鴨腿烤得恰到好處,皮脆肉嫩,而鴨肉保持住肉汁,絕對唔會覺得太乾,口感一流。。而伴碟既配菜,除左望見靚之外,食落都唔錯架,主要係芒果肉同橙肉,食完覺得好開胃呀頂級封門柳好重牛肉味,而且唔會太多筋,我地就揀左5成熟,覺得岩岩好,因為好怕牛肉太熟會好韌,值得推介最尾當然要食埋豐富既甜品啦,今日係麵包布甸,望見已經覺得吸引,食落仲要係熱熱地架,好正 繼續閱讀
(以上食評乃用戶個人意見 , 並不代表OpenRice之觀點。)
一直知道荃灣有家木系設計的餐廳🛖,適逢剛好要到荃灣,就決定來潮聖一下。一進餐廳,內裡相當有格調看看餐牌,也有不少特色西餐,款款也想試想了一陣子,就叫了以下菜式:Set Dinner $338🎃南瓜湯相當creamy的南瓜湯,很香濃很細滑,而且淡淡南瓜味,配上煙韌的麵包,份外滋味。🇫🇷法式肝醬配脆片很欣賞它用了脆片代替餅乾,因為餅乾較飽肚,而脆片的好處是小小的份量,承托着法式肝醬,變相令肝醬的味道更突出!而肝醬鹹香得來也很滑,為味蕾帶來驚喜。🦆法式油封鴨腿配鴨胸,🥭🍊芒果香橙莎莎很驚喜的一道菜式!鴨腿煮得很軟腍,用刀輕易就𠝹開了!一嚐發現外脆內軟,廚師絕對烹調得恰到好處;鴨胸的肉質相對結實一點,同樣也很美味。由於鴨是鹹的,所以有芒果香燈莎莎來伴碟,甜甜的水果很Fresh,一鹹一甜,簡直一絕!🍞🍮是日甜品-麵包布甸麵包布甸雖然只是一小塊,可是也很飽肚,麵包的質感配襯布甸的味道,甜甜的味道令人大滿足。🦀法國麵包蟹燴意大利飯 $248Creamy得來也蟹感十足!除了蟹味濃郁、每啖飯都有蟹肉外,麵包蟹也是很美味!即使不用鉗,也嚐到了鮮甜的蟹肉。它配上芝士脆餅和條條芝士絲🧀,增加了鹹味和口感。整體來說,環境裝修已經很加分,而食物質素亦令人驚喜😋!服務態度亦令人很舒服,除了每碟菜很緊貼地上餐外,店員也很有禮貌,所以很值得推薦呢!😉 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-07
2381 瀏覽
友人補祝我嘅生日飯,相約左依間,原來大家都係第一次食。不過位置就唔近MTR,好彩等巴士途中俾我地發現有架小巴可以直到,唔駛怕站站停有排先到。Menu上有Dinner Set,雖然包soup, Appetizers, Main course 同Dessert,但係款式唔太吸引,所以我地決定單叫。Oyster $198 (Half dozen)真係要讚下依個生蠔,隻隻鮮甜唔腥,有蠔味,飲埋d蠔水仲正。有3個醬汁俾我地點~Lobster Bisque龍蝦湯$68湯里有幾粒龍蝦,好香濃French Edible Crab Risotto 法國麵包蟹燴意大利飯$248我當初以為係成隻麵包蟹蓋俾埋 (畢竟麵包蟹最好食係個蟹蓋),點知見到都諗住中伏。不過食落係好好食嫁,個三角型以為普通餅乾,點知係好濃嘅芝士脆餅,忍唔住食晒成塊。意大利飯有好重嘅蟹creamy,食落又唔會太漏,雖然冇蟹蓋但都有蟹腳,我好滿意依個飯。Roasted Spanish Suckling Pig 傳統西班牙烤乳豬 $298睇相以為份量好少,點知食落其實好夠。烤乳豬個皮唔似我地廣東咁脆卜卜,係有點韌嘅,不過係正常。乳豬 里面D肉唔嚡,都算幾滑,配埋西式醬汁更惹味。依個叫Girl's Generation $68我一心以為杯野會好all pink,點知個杯咁攪鬼,真係好過癮。最後order 個Chocolate Molten Cake with Vanilla Cream 朱古力心太軟配雲呢拿雪糕  $68可能友人order時話生日隻,所以特別寫左個生日朱古力俾我,謝謝友人~ 雖則地點有點唔方便而且價格上偏貴,但係食物質素係唔錯的,而且星期五晚市差不多全滿,所以我諗應該係質素好吸引好多人黎食~ 繼續閱讀
(以上食評乃用戶個人意見 , 並不代表OpenRice之觀點。)
今次去嘅依間西餐廳係以小木屋做主題,裏面嘅座位都幾多,而且環境坐得幾舒服!如果想慶祝生日嘅話,佢地嘅甜品可以畫碟嫁,仲有煙霧效果,想製造驚喜嘅話就啱曬💕**********<白酒忌廉煮青口配麵脆片> $118每次見到青口都好想叫,而今次都唔例外!白酒味唔算好明顯但忌廉味就好濃郁,青口滑嫩又厚肉🤤醬汁夠杰身所以麵包好容易掛到汁,佢地嘅麵包同平時食過嘅唔一樣,係扁身酥脆煙韌嘅質地,好鍾意依種口感🍞**********<Set Dinner> $388🔸是日餐湯🔸半熟呑拿魚伴三文魚籽🔸阿拉斯加黑鱈魚配帶子昆布湯🔸是日甜品set dinner雖然比其他西餐廳貴少少,但其實包左餐湯、前菜、主菜同甜品,計返比單點抵食,重點係成個set嘅食物都好高質,所以係值得推薦嫁👍🏻前菜呑拿魚外熟內生,加上三文魚籽及沙律醬,帶點fusion幾好食🐟之後就叫左魚做主菜,本身有諗過叫韓牛封門柳,不過見依道主菜好似特別啲,真係無令我失望啊🤩帶子同埋黑鱈魚香煎後,再配上昆布湯,用湯匙可以𠝹出一片片嘅魚肉,肉質好滑溜,真係好有驚喜😍而甜品係自家製麵包布丁,以set dinner嘅甜品黎講平時比較少見,感覺有比心思,而且唔會好甜,男仔都啱食🍮**********<Refreshing> $68飲品叫左杯mocktail,晚上六至九點係happy hour所以價錢會平啲,用左新鮮西柚汁及檸檬汁加上蘇打水,因為加左碎冰去打,好似飲極都飲唔完咁🍹 繼續閱讀
(以上食評乃用戶個人意見 , 並不代表OpenRice之觀點。)