canton pot

165
6
3
餐廳: canton pot
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
餐廳: canton pot
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

餐廳: canton pot
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵旺角站 A2 出口, 步行約5分鐘 繼續閱讀
電話號碼
39687888
59710088 (WhatsApp)
開飯介紹
在氣氛悠遊的canton pot內,體驗清怡有機的火鍋美食。餐廳搜羅多種火鍋材料,配以滋味湯底、自製醬料及有機飲料,為您帶來煥然一新的火鍋體驗。餐廳設主用餐區及貴賓室。 繼續閱讀
特色
適合大夥人
附加資料
Some vegetarian dishes available daily
營業時間
今日營業
12:00 - 22:00
星期一至日
12:00 - 22:00
付款方式
Master 現金 AE 銀聯 JCB
座位數目
70
其他資料
網上訂座
酒精飲品
VIP房
賞訂座積分
加一服務費
電視播放
有關獎賞計劃
優惠
餐廳: canton pot
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (201)
等級4 2020-11-16
1391 瀏覽
香港人真係好鍾意打邊爐,因為一班朋友圍埋一齊,一邊傾偈、一邊烚吓烚吓,氣氛特別好。今晚一班friends約咗喺旺角打邊爐,我記得之前食過呢間位置有啲隱蔽嘅Canton Pot,佢哋宜家做緊一個自選海鮮promotion,於是就提議不如嚟試吓。我記得呢度嘅湯底好正,今晚趁人多就試兩個湯底:龍蝦湯底(配龍蝦刺身)仲有花膠湯底(裡面嘅花膠夠哂份量)大家都急不及待即刻飲返幾碗湯先開始打邊爐。然後就係食物方面,不得不提呢個2+2嘅海鮮套餐,每人自選2款活海鮮+2款冰鮮海鮮,我揀咗嘅組合有刀貝蜆、鮑魚、美國桶蠔、阿根廷紅蝦啲海鮮全部好鮮甜味美,朋友揀嘅蟶子大大隻,攪到我下次都想食蟶子。打邊爐一定要食嘅肥牛,我地點咗牛頸脊,睇相都知,啲紋理靚到呢!就好似九龍城方榮記啲靚牛,真係入口即熔。然後我哋仲叫咗西班牙橡果Iberico 黑豚肉,真係好大驚喜,平時食過iberico ham,原來黑豚肉用嚟打邊爐都可以咁出色,肥瘦均勻,肉味比其他豬肉都香濃,印象深刻。呢度嘅魚皮又係必食,好薄好大塊,就咁食入口勁鬆化,索兩秒湯先食就有湯底嘅精華。Canton Pot嘅餃子係自家製,我地今晚試吓羊肚菌餃子,味道健康。蔬菜方面,喺呢度會試到好少見嘅花生苗,爽脆多汁,我地個個都好鍾意。飯後甜品都唔錯,有多款選擇,其中推薦creme brûlée 同宇治抹茶紅豆。呢間打邊爐由湯底、火鍋料、甜品都相當唔錯,真心推薦。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-14
1073 瀏覽
天氣驟降,又係令人想蠢蠢欲動打邊爐的季節。 今個星期就約咗幾位好久不見的朋友烚吓烚吓,選址在係Y小姐主場,Canton Pot。 還記得呢間野係我朋友C小姐介紹,以前佢話食過返唔到轉頭,成日都會嚟打邊爐,因為餐廳夠隱蔽夠舒適。跟佢食過幾次Canton Pot,都覺得水準一流,非常穩定。因此,久不久都會翻兜。 限聚令六個人,我們剛剛好,選兩個煲,三個湯底,幾貪心都會滿足。 一個花膠燉響螺湯底,一個龍蝦湯底,龍蝦刺身另上,呢度嘅湯底,一路都好出名,先飲為敬。 龍蝦刺身,輕灼2分鐘,那種鮮甜美味令人難以忘懷。 個人最喜歡花膠燉響螺湯底,啲花膠真係多到食極都食唔晒。 講返今日嚟Canton Pop嘅原因,正正因為呢度推出左海鮮2+2嘅新玩法。 平時叫海鮮,大家各有心頭好,你想食呢樣,佢想食嗰樣,可能因為價錢種類有分歧,最後都唔知點叫先好,搞到頭都大埋。呢度推出呢個海鮮2+2,$168一個價錢,你可以分別選擇兩個活海鮮同兩個冰鎮海鮮,乜嘢問題都自然解決晒。 活海鮮有愛爾蘭蟶子皇,刀貝蜆,鮑魚同中蝦你選擇,冰鎮海鮮有珊瑚蚌2片,貴妃蚌2片,美國桶蠔1隻,阿根廷紅蝦1隻,隨你鍾意點揀就點揀。 我選咗蟶子王,鮑魚,桶蠔,阿根廷紅蝦,全部都係大件夾抵食,質素也好,件美國桶蠔,大得震撼。 以$168,平均$42嘅價錢可以有咁高質素嘅海鮮,真係好難得,還記得上次係大紅袍打邊爐,一隻蟶子王,索價$70,由酒店Manage嘅餐廳來說,真係平到無朋友。 加上T先生帶來的秋酒,和海鮮配合到天生一對。 呢度嘅本地新鮮牛頸脊,絕對係必選之作,大家今日戰鬥力普通,才叫兩碟。 牛舌也是水準之上,薄切嘅牛舌味道還是十分濃郁。 吊龍的肉味,令我想起潮州的潮汕火鍋,當你邊度都去唔到嘅時候,你特別掛住外地嘅月光。 C小姐話一定要西班牙橡果黑豚肉,可能我哋太愛牛肉嘅關係,次次都會遺忘咗呢度嘅豬都係不得了,全枱都不停讚好。 炸魚皮同三色麵,係我次次必點嘅菜式,呢度嘅麵好精彩,一定要食。 今晚嗰個原來都係午餐肉fans,見係咁,恭敬不如從命。 呢度嘅餃類都係非常出名,羊肚菌黑豚肉餃,又係次次必點。 澳洲M5芝士和牛餃,睇都知幾好,芝士同牛肉夾埋一齊,好難令人抗拒,最後要再度encore 。 田園菜藍,食到飽最好用來幫助消化。 最後還有呢度嘅最愛花生芽,甜甜的又爽又可口。 尾聲的甜品,又係震撼嘅環節,一人選一樣,我最愛還是木糠布甸 ,老婆選的綠茶紅豆意大利白酒奶凍,也不錯。 canton pot 旺角廣東道1131號香港旺角薈賢居2樓 繼續閱讀
(以上食評乃用戶個人意見 , 並不代表OpenRice之觀點。)
美食當前,你耐得住性子把「最喜歡的食物」留到最後再吃嗎?曾有心理學研究證實具有「延遲享樂」特質的人,在工作或健康上有更出色表現,能獲得更大心靈滿足。我就是能耐性子把「最喜歡的食物」留到最後再吃,好像火鍋一樣要用時間去等待然後就能夠慢慢享受美味嘅食物似的。見到呢三隻字就知道到達餐廳正確位置。上到去門面大方得體。先量度體溫然後做好清潔店員隨即帶我們入座,餐廳範圍非常四正。一眼望晒長方形的格局每張枱嘅距離都有一定嘅空間,而且都見到有唔少廂房。廂房裏面都有一些人正在享用,行去座位期間多見到餐廳有唔同嘅飲品有酒同埋汽水等等。呢度嘅餐牌都係迎合而家新世代用電子iPad,落單真係好方便又環保睇住個螢幕又可以慢慢揀自己心水嘅食物,最緊要有圖片可以睇又可以放大啲字,慢慢諗都唔係問題。同埋呢度都有好多選擇,例如有套餐或者散叫不過叫套餐就唔使煩,因為一應俱全,裏面都有齊已經想食嘅嘢。揀咗想食嘅火鍋套餐之後就開始混合自己喜歡嘅調味料。▫️$28位呢度嘅調味料不得了,真係好多樣嘢可以選擇可以全部all in,或者慢慢調配自己鍾意食嘅口味,好似有得玩又有得食咁。▫️12 款醬料「指天椒、廖孖記腐乳、自家製麻辣醬、花生醬、潮州辣椒油、自家製沙嗲醬、蔥花、蒜蓉豆瓣醬、日式胡麻醬、蒜粒、洋蔥粒。」非常清晰嘅指示,入面可以睇到有啲咩時令嘅湯鍋物套餐同埋一啲單點嘅餐牌,食唔夠仲可以有埋甜品,想飲吓嘢都仲有餐酒俾你去揀。餐飲就有自家製飲品啦,咖啡、茶、汽水同埋一啲唔同酒類嘅酒款喺Walmart套餐入面總共有六款俾我選擇,當中有兩份係素食為主要。龍蝦鍋套餐同埋韓式鍋套餐都比較吸引,但最後都係揀咗韓式鍋套餐,因為佢嘅湯底係韓式牛肋骨湯。一定好清甜姐。▫️韓式鍋套餐  $588套餐入面有咩配料?總共有15款,兩個人來講非常夠飽。當中嘅配料有「韓國西冷牛肉1++、美國牛頸脊、泡菜野菌餃、鮮黑松露豬肉丸、秀珍菇、韓式泡菜、有機白蘿蔔、豆卜、韓國年糕、鮮墨魚片、鮮冬菇、鮮腐竹、蓮藕片、黑木耳、田園菜籃」本身湯頭裏面嘅肉都已經係超級好食,肉味濃、既鮮又甜仲要入口即化,opening 飲啖湯食舊肉都已經係非常滿足。暖笠笠。好喜歡。不過排第一嘅係韓國西冷牛肉1++各地牛肉都有其不同的評級制度,韓牛會以牛隻第 13 條肋骨(西冷部位)的切割面的脂肪分佈、肉色及脂肪顏色,作為指標來評斷其品質,1++ 為最高級別。至於今次呢個1++ 係咩感覺?此級數之韓牛肉質與油花分佈平均,帶淡淡雪花紋理,入口之油膩程度卻比和牛低,故深得我地喜歡呀。灼至五成熟,嫩滑且肉汁豐富,配以自家調味享用,能提升肉鮮。.第二係美國牛頸脊,哈哈全部都係肉類!牛頸脊位於牛頸與肩胛之間,屬於運動量比較多的部位。 雜落有適量油花,食落肉質鮮嫩爽滑,肉味濃郁,真係非常適合切成薄片作火鍋食材。不過佢嘅白蘿蔔、豆卜、冬菇等等係火煱裏面滾咗好耐所以都相對軟身同入味。食完其實都夠飽,但係心思思想嗌多少少嘢食😇見到佢有其他丸類啦、手作嘅餃子、海鮮、牛肉同埋一啲手打魚滑,見佢幅圖都幾靚仔,最尾揀咗...▫️手打墨魚滑$68把墨魚肉剁碎再用攪拌機攪成漿,之後打至起膠,而關鍵之處是放入粒粒墨魚肉一起攪拌,呢度既墨魚滑鮮味好澎湃啊。由於係球體形狀上枱所以每一粒墨魚嘅大細都係因我哋嘅喜好去決定,我哋有時大大粒食有時細細粒食,邊種口感都可以自行選擇。前菜有河豚乾、胡麻手撕雞、牛油果沙律同雞翼等等但最後揀左大家愛吃既皮蛋。▫️百花炸釀皮蛋 $78中西合璧既菜式,薄薄一層嘅炸粉包住個皮蛋,想法好得意,賣相呢度就一般般但係食辣嘅反而有啲驚喜。論味道和口感,都是與平時吃的明顯有別,至少它一定沒有皮蛋的"壓"味,多左陣油香味。打邊爐點樣唔叫杯飲品呢,係自家制飲品同埋特飲裏面就揀咗一杯▫️竹蔗茅根水$38,如果多人嘅話可以嗌一渣$88食到熱熱地降下溫,叫左杯飲下,味道甜美不在話下。清熱又清潤,爽!仲有其他味道嘅,例如紫背天葵、羅漢果、洛神花等等,感覺都比較好似健康啲嘅嘢飲。由於我係甜品紅嘅關係最美梗係會食甜品啦甜品都見到有成12款,佢個芒果楊枝甘露黑白配影得好靚所以就俾佢吸引住啦。▫️芒果楊枝甘露黑白配 $48顧名思義一碗糖水入面有晒楊枝甘露同埋黑白涼粉,配埋芒果汁底。質感比較杰身, 用料十足。芒果味香濃,但略欠柚子的清新感。但食完熱辣辣嘅火鍋同埋少少煎炸野有碗清爽有甜甜地嘅甜品做ending就最舒服。在吃東西方面,追求食物要吃爽也吃得療癒,每天吃一樣的東西可以得到快樂與安全感 ...雖然火鍋不能每天吃,但是如果能夠時不時喺呢度打一次邊爐其實都真係幾爽。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-11-28
104 瀏覽
事源今日要賀一位重要的人的重要日子,所以想搵一個可以開心傾到計嘅地方,邊食邊講。首先呢度地點好方便,唔似其他旺角地方又迫又多人。第二,呢度有房,雖然都係四人一枱,但係間隔音好好,唔怕大聲嘈親人。第三,呢度啲侍應好好,好nice, 尤其經理Simon Lee, 非常好禮貌同埋好細心,安排得好到位,影相會幫我地熄左個爐先,唔叫都會自動出現,令我地唔會冇嘢飲。食物方面:象拔蚌刺身應該是野生,大片大片上,鮮甜冇腥臭味。特色餃子,試左羊肚菌餃子同芝士餃,一試芝士餃即刻愛上,味道持久難忘。特色湯品,菌湯,味道不太特出,但豬骨湯一上枱即畢一杯你飲,味道很好。肉類,雞係嘉美雞,肉味夠又唔肥,豬肉出色,牛肉中上,不宜滾太久。小食方面,魚干同炸皮蛋都非常好吃,送酒一流,還有Simon Lee 貼心送上剛炸好的魚皮,正!最後,環境一流,酒店級水準,服務亦是上上之選,食物優質,價錢合理,若要三五知己開心聚首,開心邊食邊傾而又唔受外界騷擾,此處真係一個不二之選。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-11-28
79 瀏覽
今日同朋友慶祝榮升之喜,來到廣東道薈賢居二樓canton pot,首先講交通方面,接近太子地鐵站,地鐵行過來五分鐘就能到,十分方便。其次裝修方面,十分華麗,有多間房間供客人選擇,如果著重私隱度的客人,這店鋪是不二之選。另外我們一到場 經理simon已好細心地,詳細介紹店鋪的皇牌食材給我們,例如象拔蚌,肥牛,新鮮丸類,雞肉等等打甂爐食材,比出邊任何一間店舖,都優勝不知多少倍,最重要是價錢絕對大眾化(還有食到最後,所供應的甜品,可以說食到回味無窮)總括來說,今晚在這裏聚餐,無論在服務,食材,或在裝修上,絕對值得讚賞。 繼續閱讀
(以上食評乃用戶個人意見 , 並不代表OpenRice之觀點。)