Camden Town

營業中

休息中

每次喺西貢行完山，要補充能量嘅時候一定會嚟呢一間炸魚薯條好出名嘅海景餐廳。佢嘅薯條大大份，炸薯條好脆，炸魚嚟講都真係好出色，外脆內軟，有時仲會有少少油滴出嚟。可以話呢間餐廳必試嘅一個名菜式。除咗炸魚薯條，佢嘅德國豬手同埋所有雞翼都係我每次嚟到會幫襯嘅必點之選，首先豬手嚟講大件夾抵食，但係就要自己慢慢切，因為佢冇碎上，通常係原隻俾你。另外雞翼真係食完好似上癮咁，佢個醬汁特別滋味，通常同朋友share食，食完一隻每個人都想再食多，所以會再re-order多一碟。特別推薦炸魚薯條，味道必定必定需要點一次。

炸魚薯條在香港已經非常普遍。嘗試過無數不同店鋪，沒有一間留下深刻印象。於是，希望重回舊地嚐一嚐原來的味道，尋找當日吃到的簡單味美。這間店已經開業多年，可以說得上是香港炸魚薯條的始祖之一。 記得舊日甚有名氣，所以假日座位經常爆滿。要吃就要趁早，下午提早賣完就只好打退堂鼓。可惜今非昔比，今次周日再訪已經不見往日的長龍墟冚情況，反而只有一檯客人。店家除了炸魚薯條，也有其他食物例如漢堡、意粉等普通西餐供享用。而炸魚薯條就有大小之分。此行目的就只有炸魚薯條，所以點一個大的兩人分享就最划算。炸魚薯條新鮮炸起，炸衣薄而香，並不是我討厭的啤酒炸漿。 普遍香港餐廳的啤酒炸漿又厚又跟魚肉分離，一口麵粉令人胃口盡失。但這裡的兩體合而為一，而且炸衣輕而平均。薯條都新鮮脆口，平時不喜薯條的我都不禁食完一條再一條。從相片可見魚肉紋理清晰靚仔，肉質帶丁點紮實有口感。問過店家原來是用龍利柳，所以不如鱈魚般啖啖肉，但保持口感之餘仍然帶點油分。三塊大魚柳不過是$118，如斯食材做得如此美味，回味也！跟隨正宗吃法，店家有提供醋同他他醬配合著一起吃。比起薯條點茄汁，此吃法更開胃，更有風味。雖然論魚肉本身同味道未至於全香港最好

西貢最出名有海景🌊既炸魚薯條🐟🍟呢到既fish and chips 有三大塊炸魚, 即叫即炸熱辣辣上枱, 佢既炸🐟脆漿都算薄身同埋炸得好夠脆口, 魚柳冇咩雪味亦唔會好油, 魚肉本身有醃過有調味但又唔會太咸, 魚肉雖然好夠濕潤同juice但係略嫌D魚肉太過鬆散唔彈牙😅, 一切開就散晒有D過淋, 同埋因為佢係新鮮即炸等既時間可能會耐少少, 本身佢跟左一兜他他醬, 個醬可能夠pickle, 酸味唔夠, 偏向似係mayo味🥴薯條係扁身闊🍟, 同樣炸得夠金黃好香脆唔會有陣油膱味👍🏻 另外叫左個🍯蜜糖雞翼, 雞翼反面炸得太乾身冇乜肉汁, 好彩佢D🍯夠多先唔會太dry, 味道一般可以唔駛試🤭最後想講埋佢杯野飲🍹, 叫左凍檸茶幾難飲下😑, 茶勁淡味好似沖左好多次咁, 檸檬又勁薄得兩片, 如果可以建議都係叫番D罐裝/支裝飲品會穩陣D

這兩年疫情下；留港宅度遊去慶祝一些特別日子宅度遊之西貢兩日一夜之旅正式開始遊走西貢市中心，準備為午餐尋覓小店＂牛牛＂…小店竟然沒有營業（貼了一張告示：休息為了送別友人）。唯有將明天打算吃餐廳改為今天吃吧！沿途經過海鮮街後，來到Camden Town 餐廳主打食炸魚薯條以英國🇬🇧主題為設計藍本餐牌餐單J先生話：食炸魚薯條，一定要配啤酒味道不太濃，幾好飲。淡淡芒果味道的沙冰…好一般！濃郁蕃茄醬配上碎牛肉；扁意粉煮到剛好帶點煙靱口感炸食物時間控制得不錯，魚柳質地軟滑，外層沾上薄薄脆漿，軟硬適中薯條；整體不太油膩Camden Town 總結：值得一試！

我一直都想試下呢間餐廳。第一次去，同其他客人體驗到同樣情況，就係問侍應攞menu睇，結果俾人黑口黑面趕走。當時當然好嬲，同埋發誓唔會去食。但人係犯賤的🤣 相信「串得起」嘅餐廳一定好好味，加上我英國回流香港後未食過正宗嘅chippy，所以隔左幾個月下咗火之後決定再去試下。今次我醒喇，一去到就同侍應講：唔該我地X位^^長話短說，態度我唔評論喇，全程黑口黑面我已經預左。室外環境幾好（海景），而室內牆身貼滿似係淘返黎8蚊一呎既London街景牆紙。坐低後終於有幸睇到menu！俾大家欣賞下～千祈咪催！催！催！（非中英對照）但一切都冇所謂，俾個正宗chippy我，我點都可以！然後fish and chips黎到….真係speechless。首先薯條嚴重overcooked, 硬到用fork拮唔入，一拮即刻斷開兩節😔 期次係，fish and chips 點解會用幼薯條？我見其他食評都有粗薯條的，係我咁唔好彩果日咁啱冇貨？但既然你咁串，我冇諗過竟然會求其俾幼薯條hea你嘅食客。罷了….試下個魚。佢做得好嘅位係皮薄，同埋皮同魚唔分離，口感我覺得係好的。但味道同一般香港fish and chips差唔多

西貢美食較多，今次專程來到炸魚薯條出名嘅店舖❤️❤️餐廳設有戶外及戶外位置，可以在海旁享用美食，非常寫意。店內亦設有洗手間。💫炸魚薯條（細）$88炸魚脆醬薄，魚柳沒有雪藏味，新鮮即炸，需要耐心等候。配以自家調配的沙律醬，味道非常配合❤️❤️薯條係粗身版，外脆內軟，灑上鹽，非常新鮮，還可以配合茄醬一齊食。Oreo Cookie and cream沙冰稍為遜色，味道不濃郁，但吃炸物就想飲野😛😛📍 Camden Town (西貢)西貢西貢海傍街49號5⭐️評分好食指數：⭐️⭐️⭐️餐廳環境：⭐️⭐️⭐️⭐️

每次嚟西貢指定動作都必定會食嘅fish and chips。我覺得係我香港食過咁多間最好食。$118 大份（有三塊魚配薯條 ）。魚的炸粉好薄好脆，新鮮炸起， 食到魚的濕潤 ，仲有鮮味 。而且魚肉醃過，本身已經有調味。 所以個魚塊好惹味。他他醬唔算係傳統嘅又有 pickle, mustard,ground pepper， 但真心講句係唔錯啦。薯條都係冇得頂，炸得剛好 ， 食完個碟底唔會油淋淋。 而且個薯條唔會好鹹。Mushy peas 鍾意食就加啦，因為其實佢都唔平嘅。$18

今日重臨舊地，地方大咗，菜式多咗。點咗漢堡包和炸魚薯條，再加一客BBQ魷魚筒。所有東西都能保持以往水準。但回家後其渴難頂，盡隊一公升凍水而渴不能止。知道我的至愛美食被添加了味精，十分不爽。將以往對此牌子的美好記憶污染了，可惜。

假日遊西貢時，行下行下。見到近海邊開了間食Fish & Chips 的西餐廳。見到餐廳裝修都算光亮，又有海景，因此同友人決定坐下來吃。（其實是次經過了兩次，第一次經過時，問職員可否提供menu 過目，結果，該女職員只回答「你可以自行上網睇」。她這樣回應，那一刻便覺得奇怪，因為明明我都見到有餐牌。。。。）時間到了3點多，我們叫了一個大份量的Fish and Chips ( 即是三件炸魚配薯條）** 細份只有兩件炸魚**等了一會，可以開餐啦！第一口食到炸魚，外面都是脆脆，熱呼呼的。可是，當咬下去時，覺得魚肉本身好林，（太林身），而且口中食到不新鮮味道。當然，我都明白一定是用雪魚，但我食到魚肉似被鬆肉粉的東西「拿」過，所以味道有點兒怪怪，也沒什麼魚味。我同友人都只好把台面上的黑胡椒粉灑上面，盡量遮掩那種味道。之後，我打算多沾一下附送的 Tartar source, 可是，都有點令人失望，這個source 並沒有合適的酸味，有少少重的奶油味，並非一般Tartar source 的味道。最後，我都是主要沾茄汁醃魚肉啦。。。。到食薯條啦！外面都是香脆，夠金黃。但，食了第一口，便明顯感到薯條炸耐左，

食到好飽！因為一肚氣😡🤬😡🤬去到門口好有禮貌地問有冇menu,正常入間餐廳前都要知有咩食門口個男人竟然話我哋冇menu😲明明見到幾本就正正放在枱面上我初初以為自己聽錯，再問多一次佢都係話冇，叫我要睇自己上網睇咁我以為好先進係有QR scan 嘅menu ,咪問佢邊度有得上網睇？佢唔耐煩咁竟然答我：你自己上網搵！最後我當然即刻走，既然佢完全唔想做生意咁款。最嬲係臨走佢細細聲講：岩岩消毒完個menu 又俾啲人整污糟🤬🤬🤬如果你本menu 整出嚟唔係俾客人翻閱，請你揼7曬佢啦！如果有人想嘗試食氣食到飽，歡迎去挑戰呢間鋪頭祝君好運🙂

疫情關係總是在家，呢日出去唞唞氣！周末周圍都咁多人，去兜風兜兜下去咗西貢🚘喺海邊行吓影吓相！去咗海邊嘅一間餐廳🍴食炸魚薯條🍟。本來想坐高櫈，但最後都係坐喺門口嘅枱櫈，舒服啲！人流少啲，景色開揚。呢度啲炸魚同薯條好脆！大大 塊魚柳再加上香脆嘅粗薯條，配上他他汁、茄汁！曾經住過英國嘅我就知道食fish & chips一定要配醋、鹽！係英國食總覺得太酸同太咸！依家任你自己決定落多少！！一定合適的自己嘅口味！

今日放假入西貢hea吓，順便專程去試試呢間炸魚薯條。因為係weekday ，加上依家無咩遊客嘅關係，無咩人，唔使等位。叫左份細嘅炸魚薯條同炸雞。先講炸魚，外層粉漿鬆脆，而且薄身，入面嘅魚肉好嫩，點埋他他漿，好正。不過魚肉鮮味差少少啦，但整體都好滿意！薯條呢，就係普通薯條囉。到炸雞，無咩好講。炸得過左火，比較乾身，偏鹹，唔太建議大家試喇。另外試左發燒友嘅手工啤酒，第一次試，有驚喜。果香味重，好易入口，女仔飲應該好啱。

今天到西貢逛逛，穿過一排海鮮酒家，走著走著來到這間餐廳前，見到數枱客人坐在室外享用下午茶，十分悠閒。於是我們詢問店員有沒有餐牌，該名女店員卻板著臉叫我們自己上網找...... 看完後我們決定點一份大的炸魚薯條及一個牛肉芝士漢堡包。我們自行走到室外座位，坐下不久，店員繼續板著臉嘭嘭聲用力地放下餐具......炸魚著條先到，薯條是扁身闊薯條，炸得熱辣辣，好吃。炸魚有三大塊，同樣炸得香口，啖啖肉之餘魚肉並不鞋口，炸漿亦不會太厚身，沾他他醬吃味道不錯。牛肉芝士漢堡中規中矩，熱騰騰的味道正常。閒日來到西貢，看著海吹著風地吃炸魚薯條，的確寫意。但店員的服務態度相當趕客，也許他們對自己的食物很有信心，對這點並不擔心吧。

幫襯左Camden town 已經好多好多年，基本上每次入黎西貢都必定會食呢度的炸魚薯條🐟🍟。食左咁多年，食物質素依然一直保持水準，以前由細舖開始幫襯，到左現在已經擴充到打通埋隔離舖頭，越來越多位，有室內丶室外，室外坐位適合養寵物的人。我覺得呢度的炸魚薯條可能係全香港最好食！魚柳大大件，脆卜卜，炸漿薄，魚肉非常厚，而且好嫩滑，仲唔會炸到油淋淋。一份炸魚薯條有分大細，細份有兩件魚柳$88，大份有三件魚柳$118，唔夠喉仲可以追加魚柳，每件$38。抵食夾大件，絕對物超所值！家庭式經營嘅餐廳，個個都非常有禮貌丶親切。2020年9月27日

事先聲明以下嘅評論絕對係本人真係真人真事完全冇誇大成份今日係星期四，收工時間7:00左右嚟到西貢掛住返工好攰嘅心情遇到呢間門口感覺上西式啲嘅餐廳門口見到鋪位算係闊落有出面露天吧枱以及餐廳室內位置入面一個客人都冇門口完全見唔到呢間餐廳嘅Menu行入少少，佢放低咗Menu一本本咁擺喺度我哋打算拎嚟睇吓，點知餐廳負責人走出嚟佢問我哋有冇消毒隻手睇佢本書我哋即時道歉想話消毒返，然後問佢有咩推介點知佢話要搞到佢要成本Menu逐頁逐頁消毒手指動作 示意我哋過主！真係俾佢搞到一肚氣完全服務態度係零呢件事可以睇得出佢哋係非常注重衛生！但如果我哋坐低咗佢哋咁嘅服務態度真係食唔落完全冇誹謗成分！我覺得食一間餐廳好嘅要同人分享，如果遇到衰嘅，都唔應該向大眾公開真人真事！絕對非常過分！